Nupepa Puka La Kuokoa, Volume I, Number 145, 4 October 1893 — He Kumumanao. [ARTICLE]

He Kumumanao.

“E like no kaa wahine me na kumuwaina hua nui. Ma na aoao o kon hale. E like no kau mau keiki me na laau oliva, e ku pnni anaikou papaaina.” Halelu 128 :B. Elua mau mahele ma keia knmumanao, ka mahele mua pia ka hoohalikeia ana o ka wahine me ke kumuwaina hua nui. 0 ka mahele elua, oia ka hke ana o ke keiki me na laau oliva. E na keonimana hanohano o ka Ahahui Paio, ke noi aku nei au i ka oluolu e hoomanawanui mai i kekahi mau hoakaka ana e pili ana i ko kakou kumumanao o keia ahiahi. Akahi —o ka waina ulu maikai ulu no ia me ka maikai a hoohua nui mai i ua hua waina ohaha; he ku hoi i ka nani ke nana aku, a he mea hoohauoli i ka manao a me ka punwai o ke kanaka nana ia kumuwaina. Pela no hoi i hoohalikeia ai ka wahine noho pono, i pili paa kona manao a me ka iini ’o kona puuwai i kana kane, e hooko pono ana hoi i na kanawai o ka mare, a e noho ana hoi iloko o ke apo o ke aloha me ka maluhia a me ka oiaio; ua hoohalikeia ua wahine la me ke kumuwaina huanui. Nolaila, pomaikai ke kanaka ke loaa iaia ka wahine nohp pono a me ke aloha oiaio. “0 ka wahiue uoho pono, he papalealii oia i kana kane; Aka, me he mea popopo la i kona mau iwi ka wahine e hoohilahila aku,” Solomona 12:4. Alua —0 ke kumulaau oliva ulu maikai, nui na keiki kawowo e uln ae ana, he nui a paapu wale lakou ma kahi o ka umi a oi aku keiki o ke kumulaau oiva hookahi. Pela no hoi ma na mahinaai kalo a loi kalo paha; o ka huli kalo i kanu

ponoīa a ulu ae me ka maikaī, he nuī lehulehu na oha kalo e hoopuni ana iaia v a pela no me na mea kanu a pau i kanuia a ulu mai me ka maikai. Pela na hoi, o ka wahine noho pono, e puka mai auanei mailoko mai o konapuhaka, he nui a lehulehu na keiki ui a kanaka maikai, he mau keiki naauao, he mau keiki hoolohe i na oleloao a kona mau makua. A he mea hauoli no ka puuwai a e oluolu ai o ka manao, ka ike ana aku ina keiki e hoopuni ana i ka papaaina i ka wa e haawiia kekahi paina aua; pela no hoi ika manawa haipule ohana ana he mea oluolu no ka naau ka ike ana aku i na keiki e hoonani pu ana ike Akua oia hoi ka Makua, ke keiki a me ka Uhane Hemolele. E na hoa opio, na hoa u o ka po a me ke ao, na makamaka o na hana maikai e kaana ana iloko o na nani palena ole oka Haku Iesu Kristo. Eia anei iwaena o oukou he mau kaikuahine aloha e noho ana me ka maluhia? Ka mea a Davida i hoike mai ai ma kana Halelu, oia hoi, ua hoohalike ia me ke kumu waina hua nui e hoopuni ana ma ka aoao o kou hale. Eia anei iwaena 0 oukou he mau kamalei keiki e noho ana me ka hoolohe, ka mea i olelo ia mai ua like me ka laau oliva e ku puni ana i kau papaaina. Kani wale ia home ke loaa na wahine noho pono e pulama aua i ka maluhia o ka noho ana. Hauoli ka naau o na makua ke loaa na keiki hoolohe a malama i ka olelo ao, e hele ana i na Knla Sabati, e hoomanawaaui ana i ke ao ia mai ma na olelo o ka pono a me ke ola. Kolaila e na hoa opio, e imi a loaa na wahine noho pono a me ua keiki hoolohe, i pili pouo ai keia olelo a ka mea haku Halelu e hoike mai nei, a e ao mai nei ia oe a ia kakou no r pau loa. ...Maanei ke hooki nei aui ka’u mau hoakaka ana no keia kumumanao, a na ka lokomaīkai o ka Hiwahiwa a ke Akua e malama pakahi mai ia kakou a pan iloko o kona aloha a niki i ka hopena. Me ka mahalo, H. Kaūilaokalaki. I Ahahui Paio o Ema Hale, j Sept. 19,1893.