Nupepa Puka La Kuokoa, Volume I, Number 141, 27 September 1893 — -HE MOOLELO Hooujjia Puuwai ;no; ■ [ARTICLE]

-HE MOOLELO Hooujjia Puuwai ;no; ■

Ka Opio Noho Waonahele

KA HIAPAIOLE O kA PU RAIFERA. Sa Puuwai Waipahe. :nona: Ka Umauma i Lalapa ia e ke Ahi o ka Wiwo Ole, a o ka . Ui.Kaili Puuwai. “Ae, e hahai ana no au ma na wahi a pau au e alakai ai ia’u, aka, ke nonoi aku nei nae au ia oe, he mea maikai e hele mua mai oe e ike i ko’u mau makua.” “I kou mau makua,” a ka opio i puana ae ai ma ke ano hikilele a me ka puapuai ana ae a ka ula ohelohelo ma na papalina nohea o ka opio kanaka uL “Ua maopopo ia’u kou manao, aka, mai hopohopo oe no laua. Ua nui loa ko laua aloha i ka laua keiki kamakahL a aole loa laua e ae ana e ike ia’u e na-u ana no kekahi mea, a oiai no hoi he kaukaualii ko’u makuakane, eia nae, he hoowahawaha loa kona’ naau i ka poe hookapukapu ialakou iho, a maluna no hoi o na mea a pau, pehea auanei laua e hoole ai ia oe no ka lilo ana i kane na’u ka mea hoi nana i hoopakele i ka laua lei hookahi mai ka luakupapau mai o kalokoino? -Aole, aole loa a’u mea e hopohopo ai mai ia laua mai,” wahi a Ada i kamailio aku ai me ke kuoo o kaua mau huaolelo. “Ina pela e kuu aloha, alaila, e ae ana no hoi au me ka paulele maluna o kau mauolelo hooeha puuwai, aka, no keia manawa nae, ke nonoi ae nei au i na lani e kiai mai ia oe e kuu aloha me na hoopomaikai ana mai ia oe a me a’u no ka wa e hiki mai ana,” wahi a ka opio hahai holoholona... Ua nana hou iho la ka opio 01ando i na helehelena ui o ka lede opio, a haawi iho la he honi hoomau ma kona mau lehelehe palupalu, a huli ae la ia a hele aku la no ke kae o ka muliwai, kahi hoi a kona wahi waapa e lana malie ana, a mamua no hoi o kona ee ana

aku iluna o kona wahi waa, ua huli hou ae la oia a nana aku la i hope, a ike aku la oia i kana ipo aloha e ku nana mai ana no iaia, nolaila, ua haawi aku la oia i kona aloha hope ma ke ani ana aku me kona lima, la wa, ua kau aku la oiā ma kona wahi waa a hoe aku la me ka piha. o kona puuwai me na manao hauoli no ko laua wa e hooliloia ai he kane a he wahine. MOKUNA V. ka hūli waiwai ole ana. I ka wa a ka opio i hiki aku ai ma kahi ana e waiho mau ai i kona wahi waapa, oia no hoi ka wa a ka la i napoo aku ai malalo o ka ilikai o ke kukulu komohana, a no ia mea, ua awiwi iho la oia no ke ake e hoea i kauhale mamua o ka uhi e ana mai o na eheu o ka po maluna ona iloko o kona alahele pouliuli maloko o na ululaau loloa mehameha. Mahope iho o kona kau-o ana i kona wahi waa a kau iluna o kona .wahi mau, ua hokio ae la oia i kana mau ilio hookolo meheu, a auamo ae la i kana pu raifela ma kona poohiwi, ua hoomaka aku la oia e hoi no kona home noho kuahiwi. 0 kona alahele nae e hoi aku ai he ano inoino ho, a ua hoopouliuli mau ia e na lala laau loloa i hele a kuuwelu ilalo, a nolaila, ua hiki ole iaia ke ike aku ia mua me ka maopopo. Ua hala paha iaia hapaha mile, aia hoi, ua hoohikilele ia kona naau mamuli o ka hae ano kupinai ana a kana mau ilio, a i kela a me keia wa, e holo mai ai laua me ke ano kapalili a honi mai la i na wawae o ko laua kahu opio. Kolaila, a mamnh o keia mau hana anoe a kana mau ilio, ua liuliu ae la ka opio i kana mau mea kaua, a ua paa ae la oia i kana pu raifela ma kona mau lima, a ua hoomau aku la oia ma kona alahele me ka makaala loa. Aole paha i hala iaia he elua kaulahao mai kela wahi mai, ua lohe aku la kona mau pepeiao i ke kani papalua ana ae o ke kiko o kekahi pu, me he mea la ma kona aoao ponoi no. I kela wa, ua huli koke ae la oia, a nana aku maloko o ka aoao o kahi ana i ku iho ai, aia nae, he pouli konoele wale no, aka, mailoko mai nae o kela pouli, ua ike aku la kona mau maka ooi i kekahi mea me he weli ala a ke kukae-pele a e huila ana maluna o ke kano o kana pu raifela i kaulona pololei ia mai i ke kino o ka opio. Me ka hikiwāwe ka opio i hapai ae ai i kana pu, a iloko o ke sekona hookahi, ua kani mua aku la ka pu a ka opio a

, lohe aku la oia Lka uwe kapalili ana mai a kekahi leo. la wa, ua hele koke aku la ka opio naau maemae e ike kumaka heaha la ke ano oka mea i poino i kana pu āhailona ole o kela ululaau. Wehe ae la oia he ahikoe mai kona pakeke ae a hoomalamalama iho maluna o ka mea i poino. I kona ike ana iho he Ilikini, ua manao mua iho la oia, o keia no kekahi o na Ilikini i hahai ae i ka lede opio, a hoohoka ia ai e ia, a ua hele mai hoi e panai iko lakou inaina. C Aole ipau.)