Ka Oiaio, Volume VIII, Number 5, 27 March 1896 Edition 03 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

NUPEPA KA OIAIO

 

UKU O KA NUPENA

No ke Kope Hookahi  $.10

No Hookahi Malama   .25

No Ekolu Malama       .50

No Eono Malama        1.25

No Hookahi Makahiki            2.00

Ua hiki no i kela a me keia mea e makemake ana i napepa na lakou, ke waiho mai i ka lakou kauoha i keia Keena, a e hooili pakahi ia aku uo, me ka uku mea mai no nae. 

Uku Kanikau a me ua Mele Inoa he eha kenela o ka laina.

Na Olelo Hoolaha o ka elua iniha o ka

puka noua ana $1.50

Puka Elua        .75

Puka Ekolu      .50

J. E. BUSH, Lunahooponopono a me Puuku.

 

POALIMA, MARAKI 27, 1896

 

KA HALAWAI A KA LEAGUE AMERIKA

Ua akoakoa ae na hoa o ka League Amerika ma ka ponei e kuka no ka ninau paahana Asia.  Malalo o keia ninau, ua waeia he mau moho kakaolelo no na aoao elua o ka ninau, no ka pono a me ka ole o ka hoopae ana mai o na limahana emi o Asia, e kue ana i na limahana haole, a me ka aoao, he pono no ka hoopae limahana aua.  Ma ka aoao kue, ua heluia mai na kumu kue, penei: Ua ai a ua aahu lakou i na mea a pau mai Iapaua mai, a o ke dala i loaa i na paahana, e hoihoi ia ana hoi no Iapana.  Heaha la ka wa iwaima keia ano hana?  wahi a ke kakaolelo.  Ua laweia mai ke ku ana o na hale hookamakama, he kumu kupono e hoopauia ai ke kuikahi me lapana.  Ua hoike mai na Pukiki i ko lakou kupono he paahana, no ke aha la i lawe oleia lakou ma kahi o ka lahui Iapana.  No ke aha i hoolimalima oleia ai na limahana negero?  He poe paahana anei kekahi i oi aku ka maikai mamua o ke ano kanaka no Haweii nei.  Ma ka aoao o ke kue i na Asia, me he la, ua mama loa na kumu.  He mau kumu no, a he mau kumu kupono no kekahi, aka, aole i maopopo i ka haiolelo o ia aoao ke hoike mai, nolaila, na uhipuia ia aoao e ka aoao kakoo i ka hoopae ana mai i na limahana emi na lahui Asia mai.

 

KA MA’I FIVA INFLUENZA

O keia ke ano nui o na ma’i fiva o keia mau la.  Penei kona ano: “He lia a he wela; he anu ma ke poo, a he kahe nui ka wai ma ka ihu; he ula mai ka maka a wainui; maneo ka puu; ha ka leo; eha mai ka puu; he kunu maloo maneo mai, he aha a he paakiki ke hanu ae; he nawaliwali nui, ikaika ka fiva; hiaa, a moe pono ole paha; he ekolu a hiki i ka umi la, ka manawa o keia ma’i fiva.”

Ke ole makou e kuhihewa, o keia kekahi o na mea ano nui o keia mau la, a ua ulu mai hoi mamuli o na loli hikiwawa ana o ke ea, a no na ea maikai ole hoi kekahi.

O ka lapaau maikai no keia ma’i, no ka poe nele, oia hoi, na huluhulu i hooma uia me ka waiwela a wahi iho i ke kino, me ka uhi ana i  ma’i mai ka pa ana a ka a makani e huihui koke ai; auau i ke ea mahu; hanu i ka mahu waiwela; e hoomau i ka huluhulu i ka waiwela ma kahi o ke akemama ma ka umauma a ma ke kua; a e hamo me ka wai maoli a wai i hoopauia ka huihui ino, me na wahi wai maoli i na he kiekie ka fiva.  O keia iho la na lapaau ano nui.  Ina he kauka kokoke, a he hiki, o ke ao a ke kauka lapaau ka oi aku o ka maikai e hahai ia.  He kupono hoi e hanuia ka mahu waiwela ina he nui ka paa mai o ka umauma a me ka puu.  Ina ua paa mai ka ihu, he nui ka oluolu ina he hamoia ke kuiki aila a aila vasalina paha.  O keia iho ke alakai ana a kekahi o na loea laapau akamai.  Wahi ana, ua oi aku ka maikai e hoaoia ua lapaau ana iho o ka ohana ia lakou iho, malalo o na alakai a ka noonoo maikai ana, a no na ma’i kakonukonu na na kauka aku.

 

HE OIAIO NO.

Me he la i ka wa a ke Kahunaoule Nua i haiolelo ai ma Kawaiahao i ka ponei, ua makemake ole ia kaua mau olelo e hoike ana i ka oi aku o ka ohohie ia o na ekalesia Katolika mamua o ke Kalavina.  Iaa he oiaio keia kumu, a ua oiaio ka hoike a Mr. Nua, he mea pono no ka hoike ia aua o ka mea oiaio.  O ka ike o ka ekalesia Kalavina i keia hoowahawaha ia ana ona, a me ka hilinai ia o na makuahine, he mea no ia o hoomaopopo ai i ko@ kulana, a e waele ai i na kumu hewa, i na ma kona aoao ka hewa.  Aole no hoi e manaoia o ka mahalo ana i na ekalesia e aku, he mea hewa ia ina na kupono ka mahalo ana.  He mea pomaikai ka ike ana iho o kekahi i kona hemahema a hoopololei ae.  Pela paha ko Mr. Nua manao, i ike ka ekalesia iaia iho a hoopololei i kona mau aoao.  Aole keia he mea hewa, aka he mea e ola ai ka ekalesia.  Nolaila, e kuu ia ae ka oiaio i ke akea a e hoohilahila ia na hana kue i ka pono.  Aka, o keia mau mea a pau aole e waiwai ke ole e hoolaha ia me ka manao maikai a mamuli o ke aloha.

 

KA BAIBALA.

Aole paha he buke kamahao e like me keia ma ke ao nei.Ua pai ia hoi oia ma na olele aneane pau o ke ao nei, a me he mea la ua no ia hoi kana mau kuhikuhi ana i ke ao a pau, “i hoike,” wahi a ua buke la, i kela a me keia mea, ke hiki mai ka la a ke Akua e hookolokolo ai i ka lahuikanaka.  Aole hoi he buke naauao e ae e like me ka baibala; ina he lawa i ke kanaka ka ike, e ike no oia aia malaila na ao kumu a pau e pili ana i ko keia noho ana a me ko ke Akua noho ana.  Aka, aole paha he buke hoowahawaha ia o na olelo e ka hapanui o ke ao e like me keia buke.  He mea ole kona naauao a me kona nani; he mea ole kana mau alakai ana e mama a e oluolu ai ka noho ana o ke kanaka ma keia ao, a he ole no hoi kana ma@ kuhikuhi i ke alanui o ke ola mau loa.

Pela makou e hoomaopopo nei i keia mau la, ma ka hoike ana mai a ka poe heluhelu nupepa, e i mai ana, o na kaao hoopunipuni ka lakou makemake.  Ma keia mau hiona makou e hoomaopopo ai i ka hoino a me ke kumu o ka hoowahawaha nui ia o Karisto a me na haumana mahope mai ona a keia la, e ao aua i ka olelo hemolele.  He wa nae kekahi e hiki mai ana e ake nui ai ko ke ao e ike i ka olelo o ka buke a ke Akua, aole nae e loaa ia lakou.

 

HE LAINA MOKUMAHU HOU.

Eia ke hoolalaia nei e hooholoia kekahi Mokumahu hou e like ka nui me Malulani, no Kona a me Kau.  I ka nana aku ua hiki io mai hoi ka wa e hiki ai ke hooholoia kekahi moku hou no keia ala holo moana piliaina.  Ina e hoomanaoia ka piha mau o ka Malulani i ka ohua a me ka ukana i na la i hala, na maopopo e oi aku ana ka ohua a me ka ukana o  keia mua aku, oiai na haole a me na lahui e ae e hookuonoono la ma keia mau apana ma na hana mahi kope, a pela aku.

Pomaikai ka lehulehu ina e ku io ne ana he laina moku kuokoa hou ae.  Ua manaoia iloko o Okatoba ae e hookumu ai keia laina; o ka Mahi-ko Hutchison ana ka ona o keia moku.

 

MAKE O W. JAS. SMITH.

Ua kuu iho hoi ka luhi o keia kamaaina i ka Poakahi nei, mahope o koua kaa ma’i ana no eono mahina, i ke kakahiaka hora 9:45, i ke 57 o kona mau makahiki.  He ma’i i ka puuwai ke kumu o kona make ana.

Ua hanau ia o Mr. Smith ma Papeia Tahiti, i ka la 24 o Augate, 1839.  Ua hiki mai oia me kona mau Makua.  Mr. Joseph H. Smith me kana wahine, i ka makahiki 1845.  Mahope e kona hoonaauao ia ana ma ke Kula Alii o Kehehuna, a ma ka noho ana ma ka oihana kalepa noua iho, a he kupakako i kekahi manawa, a ua lilo hoi oia he Kakauolelo o ka Papa Hoonaauao a hiki hoi i kona hoopau ia aua n@ona hiki ole e lilo i kupa no ke aupuni repubalika.  He hoa hoi oia a he kakauolelo no ka Aha Kukamalu mai ke au mai o Kamehameha.

He kanaka oluolu o Mr. Smith iloko o kona mau ia e ola ana, a he mea i ike nui ia a puni ka Paeaina.  Ua waiho iho la oia i kona mau kaikuahine ekolu e ola nei, Mrs. J. H. Turton, Mrs. J. A. Hassinzer a me Mrs. Geo. Ross.  Ua nalo aku la oia i ka hora 3 p.m. o kona la i make ai.

 

HE HUAKAI HOOPII.

Ua kai aku na Pukiki, he 700 a 1000 paha, me na alakai e hoike aku i ke lakou manao e pili ana i ka hoopaeia aua mai e na lahui paahana o Asia, a me kekahi mau kumu pilikia e ae.  He helu kanaka mahuahua keia, he huina hoi e ka ai kekahi hana nui no lakou iho, e hiki ai ke hapai ia lakou iho e lilo i poe liaku no ka lakou hana pomoi, waiwai ai lakou me ke kuokoa o ka noho hana ana.  O ke alai ana i ka pono a me ka pomaikai o kekahi lahui e aku, e noho ana malalo o na pono a me na kuleana pilipaa i hanau puia mai me ke kanaka, oia kekahi o na akeakea kumu ole mawaena o na lahui i keia wa.  Malalo o na rula hookumu honua, ua kuleana kela a me keia kanaka maluna o ka ilihonua e imi aku i ola nona iho, a me kona ohana, a ina na lahui a pau e noho nei ma keia honua nei i keia wa o malama ana i ko lakou mau pono pilipaa a pau a e hoopono i ko lakou noho ana, e malama i kona loaa, a e hookele pono i ko lako ikaika, he mea maopopo aole na kanaka e hoaa ana, e nele ana, a o hoopiiana no ko lakou poino mamuli o ka hooikaika pakiko a me ka hoomanawanui ana o kekahi lahui e aku.

Ina ka poe Pukiki i akoakoa a hoopii aku i ke aupuni e kue aku i kekahi lahui e aku, e hoohui ana ia lakou i hookahi hui, a e hana lokahi lakou, aole e hala he mau makahiki he umi, e ike aku ana no kakou i ko lakou kuonoono; a o ka hope aku, o ko lakou lilo he poe e ake ana e hoopaeia mai na limahana malalo o lakou.  O ke ano keia o ke kanaka, a o keia ano, aole hoi e pau ana, a hiki wale i ka noho ana mai o ka mea noua, ka mea nana e hoihoi hou i ka noho ana o na mea a pau malalo o ka rula o ka pono a me, ke kaulike, a nana hoi e hoopau i na noho, kuee e akeakea kuhalahala ana o ke kanaka i ke kauaka, a o kekahi lahui i kekahi lahui.  I keia wa, a malalo o ka rula o ke kanaka, ua lilo ka i’a ike he luahi na ka i’a nai.  Pela ke kanaka.  Ua moe ka pono a me ke kaulike.  O ka manao pono pilikino o kanaka ka rula e ike nei, a o ka mea hope loa, wahi a ka olelo, na Setana ia.  

 

KA MA’I FIVA

O ka makaala i ka noho aua, a me ka malama i ka ai ana i na ai kupono a me ka noho pono hoomaemae ana i ke kino, wale no ka laau lapaau i na wa a pau.  O ka mea e malama ana i ka rula o ke ola kino, a e hoohemolele ana i kona kino, aole oia e hope ana no na ma’i fiva a me na ma’i ahulau hoeha kino e ae e hiki mai ana maluna o kanaka.  No ka hoohemahema o ko kanaka noho ana, ke pii mau nei na anoano ma’i i ike oleia mamua.  Mai ke kanaka ae no keia ma’i mamuli o kona ai laukua, noho haumia, a malama ole i ka rula i anaia mai ai e ka Makua nana i liana ke kanaka.  O ka mea hoole i keia he hoole Akua oia.  Aka, aole nae ko kakou hemahema ma ke kino, i loohia mai mai na kupuna a ke kuaha, he mea ia e hiki ole ai ia kakou ke alo ae i na hopena ulia onawaliwali o ke kino mamuli o ka lakou hana.  He mihi ka laau o na poino kino a me ka poino uhane; ina e hoololi ko ke kanaka noho ana, he mihi ia, ina e mihi i ka noho ana, alaila, e hoi hou ana kakou e ai a e inu e like me ia i aoia mai i kinohi.  O keia i ae mua ia, oia maoli no ka rula o ke ola e ola loihi ai ke kanaka, a e alo ai oia i na ano o na ma’i; a malalo oia ai ana a noho ana, ua hiki loa i ka avarika o na kanaka ke ola a piha ke kanahiku makahiki a oi aku, ma kahi o ka avarika he 33 wale no.  O ka hoolohe ke ola, o ka hookuli ka make.

 

 

NUHOU O NA AINA E

Ma ka nuhou ma ka Asloup mai, ua hoike ia ma na nupepa, ua hooponoponoia kekahi launa ana o ka Emepera o Geremania a me ka moi o Italia, a mahope o ka launa ana e ukali aku ana ka Emepera i kaua malihini ma kona moku holoholo lealea ka Hohenzollern no Italia.

Ua oluolu ka moiwahine Margharita o kokua i ka Aha Kuhiua hou o Italia.

Ma na mea akeakamai, ua hoike mai e ke Kauikela Amerika Dekay ma Berelina, i ka mea hou e pili ana i ka oihana lapaau, oia hoi ua hiki ke hoomalamalamaia ke kino o ke kanaka a ke ikeia i kona mai, ma ka imi noeau ana a Porofesa Routgen.  He mea ano hou keia. 

Ua hoopiiia o Generala Garcia a me kona mau hoa, i pae olulo ao ai ma Amerika, mahope o ke piho ana o ko lakou moku, no ka hoao ana e hoopae i ka pu a me na lako kaua mai Amerika aku no Cuba.

Nui ka makaalaia ma Sana Petereboro o ka hopena o ko Italia manao no ke kaua ma Abesinia.  Ke kiai makaala nei ke aupuni o Rusia i ua kulana o na aupuni @ Europa, a me he la, me ka manao no paha e hoonee aku i kana mau hana imua no ka hooko ana i ke kauoha a Petero ka Nui.

Aia no ka olelo hooholo a ikeia aku i ka poe kauwa kipi o Cuba imua o ka Hale Ahaolelo Makuainana, o Amerika kahi i waiho hoopaapaaia la.

O Makinele ka moho o kekahi poe repubalika i hoohole ai i Peresidena ma keia loho ana aku no Amerika.

Ua kana@ mai o k@ @, o ke aumokukaua o Enelani ma ka Akau Paeinoa, e hooana koko mai i ka mokukaua Comua i Hawaii nei.  Ua manaoia eha la eia makaukau, ua pule a oi aku oia ma ka moana e hele mai nei.

Ua hoomaka ae ke kana ma Sumatara mawaena o ka poe kamaaina a me ka poe Holani ia lakou ke aupuni.

Ke hoomaka la na leta a me na elele e hooponopono no ka hoopau ana i ke kaua ma Abesinia.

Ua hoonohonohoia kekahi mau pukaniahi nui ma na papu hou o Esqumalt, ko Enelani Giberalata ma ka Pacifica Akau.

Ua pae ku kekahi mau pu a me na lako kaua ma Cuba na ka poe kipi.

 

NA NUHOU HOPE LOA.

 

MAI AMERICA.

Wakinetona, Maraki 19.  Ua hui ae kekahi mau Luna Senate me Senata Frye, ka Luna Hoomalu o ke Komite Kalepa, e pili ana i kekahi haawina kokua no ka laina mokumahu e holo nei mawaena o Kaleponi a me Auseteralia malalo o ka hae Amerika, a e ku ana ma Honolulu.  Ua hoike aku keia poe Senata eia ke paio ikaika nei ka laina Enelani a me ka laina America i keia wa, me ke kokua nui ia hoi o ka laina mua mai ke aupuni Canada, Enelani a me Nu Zilani, e hiki an i ka $350,000 i ka makahiki.  Ua manaoia e loaa ana no kekahi kokua i keia hui mai ke aupuni Hawaii mai.  Ua hooaia keia mau uku kokua no kekahi mau makahiki.  Mamuli o keia mau hooia ana eia ke kukuluia nei kekahi mau mokumahu nunui ae no keia laina.

Kapalakiko, Mar. 16.  Ua ko o Claus Sprekela ma kekahi o kana mau kumu noi e haohi ana i ka hoopii a kana mau keiki me kekahi mau hoa o ka hui Kalepa a me Mahiko Hawaii.

 

NA KAMAILIO NO WILLIS.

Nu Ioka, Mar. 17.  Ua olelo ae ka nupepa Herald penei: Mai lilo hoi i kekahi poe he mea haohao ko Mr. Willis hoi hou ole ana no Hawaii mahope iho o kona mau la hoomaha.  Ua hawanawana ia ae ua haulehia hoi ka manao hoihoi o ka Peresidena a me kona Aha Kuhina i ka Moiwahine ma kona nohoalii, ia Willis no ke ano o kana mau hana.

Wasinetona, Mar. 20.  Mahope o ekolu la paio na hooholo iho ka Hale Lunamakaainana o America i na olelo hooholo e hoahewa ana ia Kuhina Bayard e noho la imua o ke aloalii o Moiwahine Victoria.

 

ENELANI MA AIGUPIKA.

Ladana, Mar. 20.  Ua lilo ka Aha@lo he hora i keia la ma na ninau i waiho ia aku i na Kuhina, e Morley, Harcourt a me Dillon e pili ana no na lilo o ka huakai ma ka Nile a me ke kulana mawaena o ke aupuni a me Italia e pili ana i na mea i hana ia.

Ma ka pane a Iokepa Kamalena, ke Kuhina o ko na Panalaau, ma ka pane ana ma ka aoao o ke aupuni, ua olelo ae, ua piha ke ano o na olelo ma ka aoao o ka poe ninau me na manao kohohewa ua hooholoia e haaleleia aku o Aigupika.  Ua hoike mai oia i ka nui o na pomaikai i loaa ia aina ma ko Enelani noho hooponopono ana.  Ua lokahi na leo koikoi a pau he mea hooluhi hou aku ka unuhi ia ana mai o na puali koa i ka hooponopono hou ana aku i na hana i hana ia e Beritania Nui no Aigupika, a o ka haalele ana mamua o ka hoopau loa ana o Enelani i kana mau hana, he mea maikai ole hoi i ka manao o na Beritania.

Ua hiki hoi ke kulana o Wady Halfa ke hoomanawanuiia, ina aole no ke pio ana mai nei o ka puali kaua Italia ma Abesinia.  Anu ua hoomaopopoia, ina e lilo aku o Kasala, he mea hiki ole ke heinia na poino e ilihia ana maluna o ko Aigupita mau pono, a he aiwaiwa loa aku hoi ina e pio hou mai ana na koa o Italia, no ka mea e lilo ana hoi ia he kumu no kekahi mau ohana e huli ai mahope o ke Khalifa, a malia paha he mea ia nona e hoao ai e hookahulihia ia Aigupika a e holoi ai i ka naauao o ka noho ana a Enelani i noho aku ai e kakoo.

Nolaila, wahi a Kamalena, ua lilo he mea nui loa ia Aigupita aole e lilo aku o Kasala, a mamuli hoi o keia mau kumu i konoia ai keia hoouna ia o na puali koa o Enelani e nee aku.  O ke alahele naauao wale no iaAigupita oia kona makaukau e mamua no ka lele kaua ia mai e na Dhervisa, a ma i hana e hoani ae ai i kau wahi pono no Italia.

 

TUREKE.

Constanotinopale, Mar. 17.  Ua kanoha ia aku hoi ka Patriaka o Aminia e ke Sa@atana e kakau ponoi oia i kekahi loia e hoike ana nona ka hewa o na luku hoomainoino ia o ka poe o Aminia.

 

AIGUPIKA.

Cairo, Mar. 14.  He 8,000 ka nui o na koa Beritania-Aigupita i hoo@ia aku ma ka Nile ma ke hulina i Dengola, me ka lakou mau lako kana.

 

@

 

Nu Ioka, Mar. 17.  Ua @ o Rusia i kekahi e na @ ia Moi Meneleka o Abesinia @ ike aku ia Italia e hooh@.  Ma keia hana i huna ole iho ai a Rusia @ manao hoomaulaula.  Aia hoi iloko o @ hookahi, e hoinoino mau ana na nupepa @ i na hana a ke aupuni Beritania.  Ua @ akea ae ka manao o keia mau aupuni ma ka mea i hooholoia e ka Elele Nui o Rusia a me ke Kuhina Bartelola o ka Oihana o ko na Aina e, o Farani, e akeakea aku o Farani i keia huakai ma ka Nile.

 

HOOLAHA!

O ka poe a pau e makemake ana e hoolilo i ka lakou aina, a e kuai paha i ko lakou aina, ke poloai ia aku nei e hele mai i ke Keana o ka O@ nei ma@ o ka hele ana aku i na wahi e aku.

O ka poe makemake e moraki a hoaie paha, e hele mai a na makou e kuhikuhi aku i kahi e loaa ai ke dala, no ka ukupanee o@aolu, ma ka waine ana mai i na hoopaa kupono no ia mea.

1 yr.

 

BUKE KUAI.

O ka poe akeakamai ma ka olelo a ke Akua, na wanana, a pela aku, na hiki ke hoolawaia e like me ia malalo nei.

“Ka Hiki Hou ana mai o Karisto, he wehewehe pokole ana o ka Wanana a ke Akua, ma Malalo Mokuna XXIV.”  He 15 keneta no ka Buke hookahi o 80 aoao.

 

“Na Wehewehe o ka Buke o Hoikeana,” ka Wanana e pili ana i ke au Karistiano a hiki i ka hopena.  He 50 keneta o ke kope hookahi.

 

Ua makaukau makou e hoouna aku i keia mau buke no keia mau kumukuai, a me ka uku lawe leta, no ka poe ma kahi mamao, hooili ia mai ke dala me ke kanoha.

 

“Hopena o ka Waiona.”  He buke liili keia, o 16 aoao, no 5 keneta.

J. E. BUSH.

 

No Keaha i Hanaia ai?

M LOKO OKEKAHI MAU HALEKUAI, aole hoi he haawiia i na kanaka maoli na hookipa ana e like me na hoa kuai haole.  He mea hewa loa keia.  Ua hooikaika hoi makou e hookipa i na mea kuai Hawaii ma na ano a pau e like me ia i hoohina ia i na haole.  Oia ka mea pono.  Ua like no ka maikai o kau dala.  Ua kuluma keia manao iwaena o na kanaka maoli, aole hoi he loaa ia lakou na mea kuai e like me ia i na haole.  Malia paha he oiaio io no keia.  Ua hapakue ne ka noe @oo o kekahi poe kalepa hana ai pela.  Aole o makou manao, a aole loa ne hoi mamua, he mea pomaikai ka hahai ana i na huna oia ano.

 

UA KAENA IHO MAKOU I KE ANO O KA MAKOU MAU MEA KUAI,

O keia hoi kekahi o na mea koikoi loa e pili ana i ka oihana kalepa laau lapaau.  E hoopaakiki ana nae makou e loaa na mea maikai wale no i na manawa a pau, a he hope mai na mea e ae.

 

O KA UKU ANA I KE KUMUKUAI.

I kakau ia ma ka omole a ope paha he mea ma u ia no na makahiki i hala a hiki wale i ko makou komoana mai i ke kahua kalepa.  O ko makoumakemake e lilo i oihana kalepa nui ka makou.  Ua hiki wale noia makou ke hooko i keia, aole ma kekahi alanui e ae mawaho o ke kuai emi ana mamua o na hale kuai e ae.  O keia ka makou e hana nei.  Oia ka makou mau kumukuai e kuai nei e kamoe ana mai ka 10 pa haneri a ka 30 pa haneri ka emi iho malalo o na halekuai e ae.  E haawi ana makou i na hookuai dala kuike o 10 pa haneri o ka lakou mau kuai ana i hiki i ke 50 keneta a pii aku.  Hehoomakaulii nui keia.  Aole makou i manao ua ike ka nui kanaka Hawaii i keia hooemi, a makou, oiai aole makou i ike akea akui keia mea ma nana ma ka olelo Hawaii.

 

KA HAAWINA LAAU LAPAAU.

E ma’i ana i kekahi manawa.  A e heleana hoi i ke Kauka.  E haawi mai ana ke Kaula i kekahi palapala o ke ano o na mau.  E lawe mai i ua palapala la na makou e hoopiha aku.  E pomaikai ana ae a e kuhikuhi aku ana makou ia oe i ke kumu.  Ma na kelaua kauhale e ne he hana maa mau ka @ ana i ke kauka i kekahi uku kom@.  He mea oiaioo ae ana ka mea nano e uku keia aku @.  Aole o makou ae e uku i kekahi kauka i keia aku kaulike.  E @ ana makou i ka uku kupono e hoohana @ i na mau lapaau maikai loa, i @ kaukau ia e ka poe akamai loa i ka @ ana i na laau lapaau.  He mea ole ke kauka a oukou i @ ai e lawe mai i ka palapala o ka @ ia makou a na makou o hana aku.  I na e hoopaakiki mai ana e hele oe i lokahi halekuai laau e ae e @ iho e keia kekahi o na kauka uku paha@ a e uku kaulele hou ike ana ae he 50 kaneta a pohaku.

Hui Kuai Laau Lapaau o HOBRON COMPANY.

Ka Hui Hana Laau Hoo@