Ka Oiaio, Volume VIII, Number 5, 27 March 1896 Edition 03 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

NUPEPA KA OIAIO

"O KA PONO KA AIALII E OLA AI KA AINA"

BUKE 8.                                 Honolulu. H., I. Maraki 27, 1896.                              HELU. 5.

----- NA -----

Keehina io Karisto La.

 

----- oo -----

HAKUIA E MRS. E G. WHITE.

 

KA MANAOIO A ME KA APONOLA'NA.

 

(Hoomau ia).

            Pela no he lawehala oe. Aole e hiki ia oe e kala aku i kou mau hewa i hala i hope: aole e hiki oe ke hoolilo i kou naau. a hoolilo ia oe iho i hemolele. Aka ua ae mai ke Akua e hana mai i keia mea ma o Karisto la. Ke @nao nei oe i na mea la i ae ia. Ke hai aku nei oe i kou mau hewa, a ke haawi lilo aku nei oe ia oe iho no ke Akua. Ke koho nei oe e hookauwa nana. E like me ka oiaio o kau hana ana i keia mea, pela no e hooko ai ko Akua i kana olelo ia oe. Ha e manaoio oe i kana olelo,--ina i manaoio oe na kalaia a ua hoomaemaeia, -- na hana aku ke Akua ia mea; na hoolaia oe e like me ka Karisto @wi ana i ka mana e hele i ka ma'i lolo i kona manaoio ana na ole ia. Pela no ina ua manaolo oe.

            Mai kale oe a hoomaopopo oe na ola, aka o olelo, "Ke manaoio nei au, aole no kau hoomaopopo ana, oia no, no ka mea ua ao mai ke Akua pela."

            Ke i mai nei Iesu, "O na mea a pau a oukou e noi aku ai ma ka oukou pule ana. o napaoio oukou i ka loaa ana, alaila e loaa @ aku no ia oukou ia ia." Mar. @12@. He mea i hoopaopopo pu ia ma keia ae ana, oia hoi e ka like ka pule me ka ke Akua makemake. Eia nae, o ka ke Akua e hoomaemae ia kakou mai ka hewa mai, o hooliko ia kakou i mau keiki nana, a e kokua ia kakou e nolio hemolele. Molaila ua hiki no ia kakou e noi aku no keia mau pomaikai, a manaoio ua loaa. a e aloha aku i ke Akua no ka loaa ana. He kuleana ko kakou e hele io Iesu la i hoomaemaeia mai, i ku hoi imua o ke kanawai me ka hilahila ole a ma ka ehaeha ole o ka naau. "@ua hoi, aule e hoahewaia no ka poe iloko o Karisto Iesa, ka poe hele ole mamuli o ke kino. mamuli e ka Uhane." Roma 81.

            Ma keia hope aku aole @ iho oukou: ua kuaiia me ke kumu kuai. "Aole ma na meapopo wale e like me ke kala a me ka gula, na kuaiia oukou, * * * * aka, me ke koko waiwai io o Karisto @ me ko ke keikihipa kina ole a me ka hala ole." I petero 1:18, 19. Ma keia hana maopopo o ka manaoio ana i ke Akua, ua hoohanau hou ka Uhane Hemolele i ola hou ma kou naau. Ua like oe me he keiki la i hoohanania iloko o ka ohana o ke Akua, a ua aloha oia ia oe e like me kona aloha ana i kana Keiki.

            Oiai na haawi aku oe ia oe iho ia Iesu, mai hoi i hope, mai hookaawale ia oe iho mai ona mai, aka e olelo i kela a me keia la, "No Karisto au, ua haawi mai i kona Uhane, a e malama mai ia oe me kona lokomaikai. E like me kou haawi ana'ku ia oe iho i ke Akua, a me kou manaoio ana iloko ona i lilo ai oe i keiki nana, pela oe e noho ai iloko ona. Ke i mai nei ka lunaolelo, "Nolaila hoi, no ka loaa ana mai o Karisto ia oukou, e hele oukou Heko ona." Kol.2:6.

            Ke manao nei kekahi poe, he pono ke hoaoia, a hooiaio i ka Haku i ko lakou huli ana, mamuli o ke noi ana i kona hoopomaikai. Ua hiki no nae e noi aku i ka hoopomaikai mai ke Akua mai i keia wa. Ina i ole kona lokomaikai, ka Uhane o Karisto, e kokua i ko lakou mau nawaliwali. aole e hiki ia lakou e pale aku i ka hewa. Ua oluolu o l@ i ko kakou hele ana i ona la me ko kakou ano hewa, ano lolo a ano hilinai' He pono no ia kakou, me ko kakou mau nawaliwali a pau. ko kakou naaupo, ko kakou hewa, e kulou imua o kona mau wawae me ka mihi. O kona nani @ ia e apo mai la ia kakou me ua lima o kona aloha a wahi a paa i ko kakou mau palapu, a e hoomaemae ia kakou mai na mea paumaele a pau.

            Ma keia mea ke kuhihewa nei na @anaani.

nele i manaoio i ko Iesu kala ana mai ia lakou pakahi. Aole i manaoio lakou i ka olelo a ke Akua. O ka pono o na mea a pau e imi ana mamuli o ka hoopmaopopo ana, e ike maopopo no lakou iho, ua kalaia kela me keia hewa me ka aua ole.

            E waiho aku i ka manao kanalua i ko ke Akua huawi ana mai i kana mau olelo hoopomaikai nou. No na lawehala mihi a pau ia mau pomaikai. Ua hoomakaukauia ka ikaika a me ka lokomaikai ma o Karisto la, i lawe ia mai e na anela kokua no kela a me keia uhane manaoio. Aole he lawehala i hiki ole ke loaa ka ikaika, ka maemae a me ka pono, iloko o Iesu, ka mea i make no kakou. Ke kali nei oia e wehe ae i ko kakou mau kapa i lepo a paumaele me ka hewa, a hoaahu ia kakou me na kapa keokeo o ka pono: ke i mai nei ia ia kakou e ola aole e make.

            Aole e hana mai ke Akua me kakou e like me ka hana a kanaka kekahi i kekahi. O kona mau manao he manao lokomaikai, aloha me ka menemene loa. Ke i mai nei oia, "E haalele ke kanaka hewa i kona aoao, a me ke kanaka lawehala, i kona mau manao; a hoi mai hoi oia io lehova la, a e lokomaikai no oia ia ia. a i ko kakou Akua hoi, no ka mea, e kala nui loa a@nei oia." "E hoopau no wau i kou hewa e like me ke ae eleele, a me kou hala noi, me he ohu la." Isaia 15:7: 44:22.

            "Aole o'u oluolu i ka make o ka mea make, wahi a lehova, ka Haku: nolaila, e huli mai oukou, a e ola." Ezekiela 18:32. Ua makaukau o Salava e ailiue aku i na olelo hoopomaikai a ke Akua. Ke makemake nei ia e hoopouli i kou manaolana, a e hoopio i kela a me keia kuku@a malamalma mai ka Uhane mai aole nae he pono ia oe ke ae aku ia ia e hana i keia mea. Mai hoolohe i ka mea hoowalewale, aka e olelo, "Ua make o Iesu i ola au. Ke aloha mai nei oia ia'u, aole hoi makemake ia ia'u e make. He Akua menemene ko'u ma ka lani: a oiai ua hana ino aku au i kona aloha, oiai ua hoomaunaunaia no pomaikai ana i haawi mai ai no'u, e ala ae au, a hele i kuu makua, a e i aku. "Ua hana he wa aku mau i ka lani a ia oe: aole au e pono ke kapa hou ia mai he keiki mau: e hoohalike mai oe ia'u me kekahi o kau poe kauwa." Ke hoike mai nei ka olelo naue i ke ano o ke kapa ana o ka mea auwana: "A ia ia i kahi loihi oka ike aku la kou makuakane ia ia, hu ae la kona aloha, holo aku la ia, apo aku la i kona a-i. a honi aku la ia ia." Luka 15:18--20.

            Aka aole no i hoike ia keia olelo nane, oiai ka menemene a ehaeha, i ke aloha palena ole o ka Makua ma ka Lani. Ke olelo mai nei ka Haku ma ka waha o kana kaula, "Oiaio ua mau loa ko'u aloha aku ia oe: nolaila, ua hooloihi aku au i ka lokomaikai no'u." Ier. 31:3. Oiai ua mamao loa aku ka lawehala mai ka hale aku o ka Makua e hoomaunauna ana io kona waiwai ma ka aina e, ua mikumikuahua ka naau o ka Makua nona; o kela a me keia iini ana iloko o ka naau e hoi aku i ke Akua, oia no ke koi oluolu ana o kona Uhane, e koi ana, e kahea'na, e kauwo ana i ka mea auwana i ka naau aloha o kona Makua.

            @iki anei ia oe ke kanalua, oiai aia imua ou @ olelo hoomaikai waiwai a ka Baibala? Ke manao nei anei oe, oiai ke makemake nei ka lawehala e hoi aku , oiai ua makemake e haalele i kona mau hewa, ua pale aku ka Makua i kona hele ana mai e mihi imua o kona mau wawae? E kiola ae i ua mau manao la! Aole mea e ae e hoehaeha ai i kou uhane e like me ia manao no ko kakou Makua Lani. Ke inaina nei oia i ka hewa, aka, ua aloha i ka lawehala, a ua haawi mai oia ia ia iho, ma o Karisot la, i ola ua mea a pau i makemake ia, a i loaa i ka pomaikai mau me ke aupuni nani. He olelo ikaika ae anei a oi aku ka oluolu mamua ae o ka olelo ana i koho ai e hoike mai i kona aloha no kakou? Ke i mai nei, "E hiki anei i ka wahine ke hoopoina i kana keiki aiwaiu, i ole ia e aloha aku i ke keiki a kona opu? Oia, e hiki no ia lakou e hoopoina, aka, aole au e hoopoina ia oe." Ia. 19:15.

            E nana i luna, e na mea e kanalua nei, na mea e haalulu nei: no ka mea ke ola nei l@ e uwao no kakou. E aloha aku i ke Akua ao ka haawina o kana keiki hiwahiwa, a e noi aku ia ia i ole e lilo kona make ana uou i mea ole. Ke kono mai nei ka Uhane ia oe i hela ia. E hele mai me kou naau a pau io Iesu la, a e hiki no ia oe e koi i kona hoopomaikai @ua.

            A heluhelu oe i na olelo hoopomaikai, e hoomanao oe i kana mau olelo aloha lua ole a me kona menemene palena ole. Ua kauwo ia ka naau nui o ke aloha palena ole ia ka lawehala me ke aloha menemene lua ole. "Nona mai ke ola ia kakou m@ kona koko, ke kala ana i na hala." Epeso 1:7. Oia, e manaoio i ke Akua kou kokua. Ke makemake nei oia e hoihoi aku ia oe i kona @o. E like me kou hookokoke ana ia ia me ka hai ana i ka hewa a me ka mihi, e hookokoke mai oia ia oe me ke lokomaikai a me ke kala ana i ka hala.

 

KA HOOIA ANA I KE ANO O NA HAUMANA.

 

            "Ina iloko o Karisto kekahi kanaka, he mea hou oia; ua hala aku la na mea kahiko; aia hoi, ua ano hou ae la na mea a pau." 3 Kor. 5:17.

            Aole paha i hiki i kekahi kanaka e hai maopopo mai i ka manawa a i kahi i noho ai i ka wa i huli mai ai oia, aole hoi i na mea a pau e pili ana; aole nae keia he mea i hoike mai i kona huli ole mai. Olelo aku o Karisto ia Nikodemo, "Ke pa nei ka makani i kana wahi i makemake ai, a lohe no oe i kona halulu, aole nae oe i ike i kana wahi i hele mai ai, aole hoi i kana wahi e hele aku ai: pela hoi na mea a pau i hanauia e ka Uhane." Ioane 3:8. E like me ka makani i ike ole ia, ua ike maopopo ia mae kona hana a me kona pa ana mai, pela ke ano o ka hana a ka Uhane a ke Akua iloko o ka naau o ke kanaka. O na mana hanau hou la, i ike ole ia e ka maka o kanaka, oia ke hoohanau hou nei he ola hou ma ka naau; ke hana nei oia ia he mea hou ku i ke ano o ke Akua.

            Oiai he leo ole a ike ole ia me ka maka ka hana  a ka Uhane, ua ike maopopo ia kona hua. Ina ua hoohanau hou ia ka naau e ka Uhane o ke Akua, e hoike ana no ka noho ana oia mea. Oiai aole e hiki ia kakou e hoololi i ko kekou mau naau iho, aole no hoi e hiki ke lokahi ia kakou iho me ke Akua; oiai aole e hiki ia kakou e hilinai i ka kakou mau hana i ka lokomaikai o ke Akua e noho ana iloko o kakou. E ike ia he okoa ke ano, he okoa na aoao, he okoa ka noho ana. E maopopo ke ano o ka noho mua ana a me ke ano o keia wa. Ua ike ia ke ano o ke kanaka ma ke ano nui, ke ano mau, o kana olelo a me kana hana, aole hoi ma na hana maikai, aole hoi ma na hana hewa.

            He oiaio no ua hiki ke hoomaikai i ko waho oiai i hoohanau hoa ia e ka mana o Karisto. Ke hoohua nei ka makemake i ka mana a i ka mahalo o kanaka i ka noho pono ana. E alakai ana paha ka makee i ka inoa maikai e huli ae mai na mea i manaoia he hewa. E hana no paha ka naau alunu i na hana aloha. I na pela, pehea e maopoop ai ko kakou aoao, ma ko wai aoao kakou?

            No wai ka naau? Me wai ko kakou noonoo ana? No wai ko kakou noonoo? Me wai ko kakou makemake e kamailio ai? No wai ko kakou hoikaika nui ana me ka oleu? Ina no Karisto kakou, aia ko kakou mau noonoo me ia. a nona ko kakou mau noonoo maiaki. O ko kakou mau mea a pau ua hoolaaia nona. Ke imi nei kakou e hoohalike me kona ano, e hanu i kona uhane, a e hooko i kona makemake ma na mea a pau me ka hooluolu aku ia ia.

            E hoohua mai na mea ano hou iloko o Karisto Iesu i ka hua o ka Uhane, oia hoi "ke aloha, ka hauoli, ka mahe, ke kuikahi, ke ahonui, ka lokomaikai, ka hoopono, ka manaoio, ke akahai, ka pakiko." Galatia 5:22, 23. Aole lakou e noho hou aku mamuli o na kuko nua, aka ma ka manaoio o ke Keiki a ke Akua e hahai ai lakou i kona mau keehina wawae, e hoike i kona ano, a e hoomaemae ia lakou iho e like me ko ia la hoomaemae ana. I keia wa ua aloha aku lakou i na mea a lakou i ina@ ai; a ua in@ aha i na @ a lakou i @ ai. E lilo @ haakoi i mau mea a@ a hoohoa @ ka naau. E lilo ana ka po@ aanui a hoo@ano i  poe noho malie a mahaoi ole. E lilo ana ka poe ona i poe ona ole, ka poe uhauha i poe maemae. Ua kapaela na hana waiwai ole o ke ao nei. Aole e imi na Karistiano i ke kahiko o waho, "Aka, e kahiko oukou i ke kino ike ole ia o ka naau, me ka palaho ole, o ka manao akahai a me ka noho malie." 1 Petero 3:4. Aole he mihi io ina aole i ano hou ka noho ana.

 

            Ina e hoihoi oia i ka waiwai panai, a me ka mea ana i kaili ai, hai aku i kona hewa. a e aloha aku i ke Akua a me ke kanaka, e hoomaopopo e ka lawehala ua hala'ku ka make a ua komo aku iloko o ke ola.

            Aia a hele aku kakou ka poe auwana a hele hewa io Karisto la, a komo aku iloko o kona lokomaikai e kala ana, alaila ulu mai ke aloha ma ka naau. Mama ae la na mea kaumaha; no ka mea he oluolu ko Karisto auamo. Ua hauoli ma ka hana pono, a he lealea ke mohai aku. O ke alanui ano pouli mamua, ua malamalama i keia wa me na kukuna o ka La o ka pono.

            E ike ia ke ano aloha o Karisto iloko o na mea hahai ia ia. O kona olioli e hana i ka makemake o ke Akua. O ka mea mana ma ke ola ana o ko kakou Hoola oia no ke aloha i ke Akua a me ka imi ikaika ana i kona nani. Ua hoonani a hoohanohano ke aloha i kana mau hana a pau. No ke Akua mai ke aloha. Aole hiki i ka naau i hoolaa ole ia ke hooulu a hoohua mai ia mea. Ua loaa wale no iloko o ka naau kahi a Iesu e noho alii ai. "Ke aloha aku nei kakou ia ia, no ka mea, ua aloha mua mai kela ia kakou." 1 Ioane 4:19. Iloko o ka naau i hanau hou ia e ke aloha o ke Akua mai, o ke aloha ke kumu o ka hana. Ke hooano e nei i ke ano maoli, ke noho alii nei maluna o ka makemake, ke hoomalu nei i na kuko, ke hoopio nei i ke kue, a ke hoohanohano nei i na mea mailoko mai o ka naau. O keia aloha, ke malama ia iloko o ka naau, ua hooluolu i ka noho ana, a hoomaikai i na mea a pau e puni ana.

 

            He pono i ke keiki a ke Akua e makaala i ina kuhihewa elua--e pili loa ana i na mea i komo hope mai e hilinai i kona aloha. Eia ka mua, i kakau mua ia, oia hoi ka hilinai ana i ka lakou mau hana ponoi, i mea e hoolokahi ia lakou iho me ke Akua. O ka mea e imi ana i ka hemolele mamuli o kona hooikaika ana e malama i ke kanawai a ke Akua, ua hooikaika oia i ka mea hiki ole. O na mea a pau a ke kanaka e hana ai, ke ole o Karisto, ua paumaele me ka alunu a me ka hewa. O ka lokomaikai a Karisto wale no, ma ka manaoio wale no e hiki ai ke hoohemolele mai ia kakou. O ke kuhihewa ana ma kale aoao e pilikia ai, oia keia, o ka manao, ua hookuu ka manaoio ia Karisto mai ka malama ana i na kanawai o ke Akua: oiai ma ka manaoio wale no e lilo ai kakou i poe hoa ai i ka lokomaikai o Karisto, aole waiwai ka kakou mau hana e ola ai.

 

            E hoomanao nae ma keia wahi, o ka hoolohe ana he hua ia na ke aloha aole he mea mawaho wale no. Ua hoike mai ke kanawai o ke Akua i kona ano maoli; oia no ka hoike ana mai i ke ano maoli o ke aloha, a nolaila oia no ke kahua o kona aupuni ma ka lani a ma ka honua. Ina i hanau hou ia ko kakou mau naau ma ke ano o ke Akua, ina ua ka@ ia ke aloha mai ke Akua mai iloko o ka uhane. aole anei e hookoia ko ke Akua kanawai ma ko kakou noho ana? Ina ua kanuia ke ano maoli o ke aloha iloko o ka naau, ina ua hoohanau hou ia ke kanaka mamuli o ke ano o ka mea nana i hana ia ia, alaila ua hooko ia ka herita hou.

 

            "E pai iho au i ko'u mau kanawai ma ko lakou mau naau, a e kakau iho hoi ia mau mea ma @ ko lakou manao." Heb. 10:16. A i na i kakauia ke kanawa ma @ e hoo@--oia no ka hooia ana i ke ano haumana. Pela, ke i mai nei ka olelo a ke Akua, "Eia no ke aloha a ke Akua, o ka malama aku i kana mau kauoha." "O ka mea e olelo ana, na ike no au ia ia, a malama ole oia i kana mau kauoha, he mea wahahee ia, aole he oiaio iloko ona." 1 Ioane 5:3: 2:4. Aole i hookunia ke kauaka mai ka hoolohe mai, aka, o ka manaoio, a o ka manaoio wale no ka i hookomo ia kakou iloko o na pomaikai a Karisto, a e hooikaika mau ia kakou e hoolohe.

 

            Aole he uku ke ola no ko kakou hooloha ana; no ka mea he makana ke ola i haawi wale ia mai e ke Akua, i loaa mai ma ka manaoio. He hua ka hooloha na ka manaoio. "Ua ike no oukou, ua hoikea mai oia, i lawe ae ia i ko kakou mau hewa: aole hewa iloko ona. O ka mea e noho ana iloko ona, aole ia e hana hewa. O ka mea e hana i ka hewa, aole ia i nana ae. ia ia, aole no hoi i ike ia ia." .1 Ioane 3:5,6. O keia ka hooia maoli. Ina i noho kakou iloko o Kartisto, ina i noho ke aloha o ke Akua iloko o kakou, alaila e ku like ko kakou mau makemake, ko kakou mau noonoo, a me ko kakou mau hana, me ka makemake o ke Akua i hooikeia ma kona kanawai hemolele. "E na pokii, e malama o hoopunipuni mai kekahi ia oukou: o ka mea i hana i ka pono, oia ka i pono, e like me ko ia la pono ana." Ioane 3:7. Ua hoomaopopo ka pono mamuli o ka ke Akua kanawa hemolele, oia no na kanwai he umi i hoopukaia ma Linai. O ka mea i kapaia he manaoio, iloko o Karisto, me ka manao ehookuuia kanaka mai ka malama ana i ko ke Akua makemake, aole ia he manaoio he manao lalau ia. "E hoolaia oukou i ka lokomaikai ma ka manaoio."

 

            "Pela no noi ka manaoio, ina oia wale no aole ana hana, ua make ia." Epeso 2:3;Iakobo 2:17. Ua i mai Iesu nona iho mamua o kona hele ana mai i ke ao nei, "Ke hauoli nei au i ka hana aku i kou makemake, o ko'u Akua: oiaio, o kou kanawai hoi eia iloko o ko'u naau." Halelu 40:8. A mamua ae o kona pii ana ae i ka lani ua olelo mai ia, "E like me au i malama ai i na kauoha a ko'u Makua, a e noho iloko o kona aloha." Ioane 15:80. Ke i mai nei ka palapala, "Eia ka mea e maopopo ai ia kakou ko kakou ike ana ia ia, ina e malama aku ana kakou i kana mau kauoha. *  *  *   O ka mea e olelo ana, ke noho nei oia iloko ona, he mea pono nona ke hele e like me ko ia la hele ana." 1 Ioane 2:3---6. "No ka mea, ua hoinoia o Karisto no kakou, a ua waiho oia no oukou i kumu hana, i haahi aku ai oukou ma kona mau kapuwai." 1 Petero 2:21.

            O ke ano o ke komo ana iloko o ke ola mau loa i keia wa na like no me na wa i hala e like me ka noho ana o ko kakou mau makua mua ma Edena mamua ae o ka hana hewa ana. oia hoi ka malama pololei loa ana i ke kanawai a ke Akua, ka pono kino ole. Ina ua loaa mai ke ola mau loa no kekahi mea emi mai i keia alaila ua pilikia ka noho'@ o ke ao holookoa. E hamama ana ka ipeka no ka hewa me na poino a me na pilikia e hahai ana, e hoomau loa ia aku.

            Ua hiki no ia Ada@mamua o kona haule ana, ke noho me ke pono ma ka malama ana i ka ke Akua kanawai

            Aka aole oia i hana i keia mea a no kona hewa ua haule kakou iloko oia ano hewa aole hoi i hiki ia kakou ke hoolilo ia kakou iho he poe pono. Oiai na hewa kakou ua hemolele, ole aole e hiki ia kakou ke malama i ke kanawai hemolele. Aole o kakou pono e ka ana i ke koi ana o ke kanawai o ke Akua. Ua hana @ o Karisto i alanui e pakele ai no kakou. Ua noho oia ma ke ao nei iwaena o na hoao ana a me na hoowalewale ana e like me na mea a kakou e halawai ai. Ua noho oia me ke kino ole. Ua make oia no kakou, a ne makaukau @ lawe aku i ke kakou mau hewa, a haawi mai i kona pono.

Aole i pau.