Ka Oiaio, Volume I, Number 18, 27 January 1896 — Page 2
| This text was transcribed by: | Mary Deguzman |
| This work is dedicated to: | princess |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
JOHN E. BUSH, Luna Hooponopono a me Puuku
----------------------------------
HONOLULU, IANUARI 27, 1896.
---------------------------------
UA OLELOIA.
----------------------------
Ua oleloia kakou he lahui Karistiano a he aupuni Karistiano, mai na lahui o na aina e mai a ka kahui oiwi a ka aina. Ma keia olelo ia ana, ua hooia ae hoi kakou he oiaio he lahui Kariteanno ka lahui e noho nei ma Hawaii, a aole paha he mea e hoole ana i kona kapaia ana he kanaka Karistiano, Aka, ehia la poe iloko o Hawaii nei i hoomaopopo i ke ano a me ke koikoi o ko lakou malalo o kela inoa hou, oiai o ka pololei o ko lakou lawe ana i ka inoa o Karisto, aia wale no a lawe lakou i ka berita me Karisto alaila kohu. I ka wa e nana ia ai ke ulana o kanaka i keia mau la, ma ke ano o ko Karisto ano, a e hoao ana paha e hoike i kana mau ao ana a pau, ua hiki ke oleloia, aole paha i piha ka haneri poe kanaka i hiki ke kapaia ua ku a ua kohu ka inoa Karistiano ia lakou.
Ua hoala ia mai keia hoohuoi iloko o makou, mamuli o ka ike ana i na hana a ka lahui e hana nei i keia mau la, a me na hanano hoi kekahi a ke auupuni, oiai o na hana a ka aupuni, ma o na luna aupuni, e kue ana i ke ana o ko Karisto ano a me kaua mau hana, he mau hana no ia e alakai hewa ai i ka lahui e kue i ke kanawai o ke Akua, a e lilo i poe hoowahawaha i ke kanawai o ke Aupuni. Aole paha he olelo i oi ke kupono e hoopiliia ai oi aku ka pili i ke ano o ke kulana o kanaka e noho nei ma keia Paeaina olluolu mamua o keia a Iesu i olelo aku ai i na Parisaio, ia lakou i imihala mai ai i kana mau haumana, oia keia:
"E ka poe hookamani, pono i'o ka Isaia i olelo mai ai no oukou, i ka i ana: O keia poe kanaka ke hookokoke mai nei lakou ia'u me ko lakou waha, a ke hoomaikai mai nei ia'u me na lehelehe, aka, o ko lakou naau hoi he mamao loa ia mai a'u aku."
He mea oiaio loa keia i ka wa e olelo ai kakou, mai na mea kiekie a mai na mea haahaa, he aupuni Karistiano keia aka e hana ana no nae ina hana e kue ana i ko Karisto makemake. I ka wa e pule ana na luakini i ka la Kapule nei, e kani ana na mele hoolea aku i ke Akua i awili ia me ke poha ana o ke kani o na pu a koa o ke aupuni, i kapaia he aupuni malalo o na alakai Karistiano, na komohia loa mai ia ka olelo ao a ka Haku i na Parisaio, ma na waha a ma na lehelehe wale no o Hawaii e ku nei he lahui a he aupuni Karistiano, mai ka mea e noho ana ma ke poo a ka welelau loa o ka kahui. Ua pouli io maoli ka aina o noho nei, "he poe alakai makapo lakou nona @@ o haule pu laua iloko o ka loa." Aka, @@ pela @ keiki o ka malama @, ka poe @i na kau @ o ke Akua a me ka @ o Karisto."
-----------------------------------------
HELUNA PAKIKO.
1. Aia ma Amerika Hui he 215,000 hale inn waiona, a he 164,000 kula aupuni: ehia ka o na hale wai-ona?
2. Ke uku nei na kanaka o Amerika Hui $80,000,000 ma ka makahiki no ka malama ana i na kula, a he $1,484,000,000 no na hale inu wai-ona heaha ka oi o ka lilo no na hale wai-ona mamua o na kula.
--------------------------------------
Ke hai mai nei kekahi nupepa no Nu Oleana no kekahi kanaka paipalapala nana i hookomo ma ka banako i ke dala e like me na mea ana i inu ai ina i inu elike me kona mau hoa hana. Ua malama oia i kona ho hiki ana no na makahiki elima.
Alaila ua nana ia ia kona heluna ma ka banako, a he $521.86 ka waihona. Iloko o na makahiki elima aole i lilo aku kekahi la no ka ma'i. Iloko oia mau makkahiki elima ua lilo ekolu o kona mau hoa hana i poe mau i ka ona rama, a ua hoopauia no ka ona mau.
--------------------------------------------------------
"Ke makemake nei makou e ike ia Iesu." Ua lohe mai makou he moolelo nani a maikai mamua aku nei penei;
"Oiai e pii ana kekahi Kahu Ekalesia ma ka awai, ike iho la oia i kekahi mea i kahakahaia e na lilia, a ua kakauia me na hua ulaula, penei. "Ke makemake nei makou e ike ia Iesu. Komo io la ia manao ma kona naau, a piha ae la. Huli ae la oia i ke anaina, a me na waimaka i olelo ae. "Ua makemake oukou e ike ia Iesu? E emi kakou i kona aloha." Ua pule ia mamuli o ia manao Ua hoopomaikai loa ia kona haiolelo a ua nui na mea manaoio i ka Haku.
Pomaikai ke lohe i kela haiolelo keia haiolelo. "E hoolea aku i ka Haku, ke makemake nei makou i ike ia Iesu."
-------------------------------------
N@ Itamu Kuloko.
Aole e hoi ana ke Kuhina Willis e like me ka mea i olelo ia.
He kikipu ko ka la Kapule o ka la hoano o ke aupuni.
Ua ku mai ka Warrimoo i ka auina la Poaono nei a ua holo aka i ka po ana iho.
Maanei ka Bosetona e holo mai ai no Kina, wahi a ka loheia.
Na Kuhina Damon i hoomakaikai na Luna Aupuni o Nu Zilani a hoi aku la ma ka Warrimoo.
He 2 6 ka nui o na hau@ana kula aupuni hele po i keia wa. Ma na hana hoonaauao ua oi aku na @@@@@@@.
Eia ke pu ma@ nei ka oh@olu o @ kona akiia ana ma ae p@ ua paa hoaia pu H@la ka lolo ma@ o ka @ hana @@@@@@@ ka pu @aifera @ ka Halewai.
Ua haawi ia he paina laau, o Mrs. Mele Ailau a@ ka home ahukai o Mrs. Rise ma kai ae nei o Kakaako, ma ka la Kapule nei. a ua nui na hoa'loha i hiki kino ae ilaila, na nania maikai na mea a pau i hana ia iloko o ka makuhia, a hiki i ka pau ana.
---------------------------------------------------
HALE KUAI KAMAA
--------O-------
MAKANANI
MA KE KIHI MAUKA O ALANUI PAPU
AMEKALEPA.
------------------------------------
AOLE O MAKOU MALAMA I NA KAMAA
i hiki ole ia makou ke hoolaio aku i kona paa, a hiki ole ke kuai no ke kumukuai makepono a i kupono hoi no keia mau la inamake o ka aina I mea e hik ae ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa, ua kuai pololei aku hoi makou i ko makou mau kamaa mai na hale hana kamaa nui a kaulana no ka maikai, ka paa a me ka nani.
NO KEIA KUMU UA LAKO MAU MAKOU
I NA MEA MAIKAI WALE NO
NO NA KUMUKUAI EMI LOA
E HIKI AI KE KUAI HAAHAA AKU
I NA MAKAMAKA A PAU
MAI HAWAII A NIIHAU.
-----------------------------------------------
Eia ma keia kii kamaa aulii e ike ia iho ai na ano o
na kamaa NANI ma kahi o MAKANANI
HE EKUA WALE NO DALA ME HAPALUA
KO KEIA KAMAA!
Kela iho l ke ana o ke kuai ana o na ano kamaa o ko makou hale. Nolaila, e hoomanao oukou e na makamaka mai Hawii a Niihau i kahi e loaa ai na Kamaa Paa, Na Ka maa Emi, Na Kamaa hela Ekahi o ka hiehie,
E LOAA NO MA KA
KA HALAE KUAI KAMAA O
MAKANANI
Honolulu, Jan 2, 1896