Ka Oiaio, Volume I, Number 16, 23 January 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO NAAUAO.

KO IESU EKALESIA MA KE AO NEI, AUHEA LA LA? HAINA—IA NO KE EKALESIA O KA HOOMANA KARISTIANO NAAUAO.

 

MOKUNA XII.

      Ka Hoikena i kahi i loaa mai ai o ka huaolelo Pukuiakua ma ka olelo Makuahine me ka moakaaka lea.

1.              Elua mahele i loko o ka huaolelo

* PUKUIAKUA: Ka mua he Pukui; Ka lua he Akua.

      2.  He haiano ka ouli ma ka olelo ana e hoike ana i ke ano o ia mea a kino paha; ua lilo nae ma keia wahi he inoa ponoi no kekahi kino, nolaila na kapaia ka inoa he Pukuiakua.

      3.  O na Pukahi aiole o Na Kahu Ekolu e ola ana no lakou iho o ia no ka Pukuiakua.

      4.  E ia iho ke kumuolelo o Pukuiakua o DEUS, puka mai o DEISTE; puka hou mai I DEITY.

      5.  O ke ano o ka hua DEUS; he Mea-nana-i-hoolue-mai-i-na-mea-maoli-nei-me-na-mea-ma-oli-ole.

      O ke ano o ka huaolelo DEISTE; Nana-i-hoohana-u-nui-mai.

      O ke ano o ka huaolelo DEITY; he Pualu-nana-i-hoohanau-ka-Honua-Lani.

      Ma ka olelo kahiko he Ahahui kapili Honua-Lani me ko laua mea i piha ai.

       O na kanaka o ka Papa Hulihonua, o Simonidesa me Sesotorisi, o laua kai hoike mua he ekolu mahele ku-akua i loko o ke apo hookahi ma ka inoa AKUA aiole PUKUIAKUA.

      A ua kulike loa ia me ka Palapala Hemolele i kakauia e na kaula, ma ka noho ia ana e ka uhane o ka Pukuiakua.

      Hoakaaka iki:  Mamuli o ka loloa launa ole o na inoa manao, ua uuuhi mai ka Meanuuhi Moolelo Ekalesia i ka inoa pokole, i kupono i ka olelo Makuahine kahiko me ka mohala.  E ia no kekahi: ua noii iho au ma na olelo e ae o`u ponoi aole i oi aku ko lakou koikoi mamua o keia, oiai e wahi ana i na mea elua a ekolu i loko ona hookahi: a pela ihola.  Ua unuhiia ko kakou baibala nei me ka poaeae no a aole hoi i kauohaia mai “i na he poaeae ea e hoomau no”, aole he mea iki o ia ano e ia ka ka haipule Paulo, “ua oi nui aku ko`u makemake i na olelo moakaaka elima, mamua o umi-tausani ma ka olelo @ me ka moakaaka ole; no ka mea a oiai hoi ua pakela aku ka haawina @@@ i ka ekalesia mamua o ka haawina wanana, ke olelo pohihihi nei a wanana pohihihi hoi.”

      No ia mea, ke unuhi loa nei au i loko o ka moakaaka piha ma ka olelo Makuahine; ua luhi no a inea hoi.  A, oiai hoi, aia ma na mokuna hope aku o keia buke moolelo a hoea i na mokuna babetizo, kahi oi-nui aku a ka pohihihi o ke kuhohonu loa ma ka unuhi @@ a`u e manao nei aole e nele ka mohala.  Aole i pau.

 

HAPE NUIA! HAPE NUIA!

HAUOLI MAKAHIKI HOU!

 

Oiai ke Onene kaua mai la na aupuni Mana Nui o ke ao, i maopopo ole ai ka wa e hu mai ai o ke kaua maoli ana, a ma ia kumu hoi, e pii ino ai ke kumukuai o na mea kuai, i keia makahiki hou, ma ke ano hoolaha, ke poloai aku nei au i na MAKAMAKA HAWAII e hele koke mai ano, ma ko`u halekuai.  E hoalawa koke i ko oukou makemake.

 

MA KA HALEKUAI O

L.B. KERR,

ma

NAE O KA HALEKUAI O MOGAN.

Alanui Moiwahine.  Honolulu H., I.

      E hoopiha mau ana a`u i ko`u halekuai mai na Hana Lole pololei mai o Enelani, Geremania, Amerika, a me na Aina o Europa a mai Kina a me Iapana, a mai au aku a ko`u hoa kuai kukaa a me kuai liilii.

      E loaa no na Lole Huluhulu nani o na ano a pana Lole Halua na Makalena a me na lihilihi Lole.

      Na Lipine ano hou loa.  Papale Wahine, Kane a me na Kamalii o ke ano paikini hou o na ano a pau.

      Na Kihei halii moe-laula, na Kawele Auau, na Pua Papale a me na Hulu.  Na Lole Kane i humuhumu oleia, he oluolu loa ke Kumukuai.

      E hele mai e nana i ka makou mau WAIWAI o na ano a pau a e ninau hoi i na kumukuai nana e hookahaha i kou noonoo i ka emi maoli o na ano waiwai like ole.

      He mau WAIWAI HOU LOA ma na KUMUKUAI HAAHAA.

      E hemo ana ka puka o ko`u Halekuai ma na Ahiahi Poaono.

 

L.B. Kerr,

ALANUI MOIWAHINE.

      Ma Waikiki iho o ka Hale Kudala o Mogan.

 

Na Lole: Kohukohu!

Oia hoi ka mea a na ledo a pau e ike ana a loaa a ke meahiki wale no ke hookoia.

E HELE MAI OUKOU ILOKO O KOU HALEKUAI A E HANA AKU AU IKA KA MEA KUPONO I KO OUKOU MAKEMAKE.

Ua loaa mai nei ia`u kekahi ano piha o na

LOLE AAHU HOU LOA.

 

Crepon, (he like me kanikau)

      Na Lole Farani,

           Na Lole Ulana Waihooluu Like Ole

              Na Lole Awiliwili Lopi Silika me

Huluhulu.

 

Na Lole Alabatosa,

      Na Lole Casamia a me Huluhulu

           Na Lole Hulu Kao Lama

                Na Makalena

 

Na Lole Diminite

      Na Lole Pongi,

           Na Lole Satina

 

Na Peersucker.

      Na Rliss,

           Na Lole Anuunuu Crepe

 

Na Keokeo Manoanoa o na ano a pau, etc, etc.,

     

      Aia no hoi ma ko`u Halekuai ka

LOLE FIBRE FABRICA.

He mea i oi aku ka maikai i ko ka LOLE NAAU HULU.

 

Aole no oe i kahiko piha ke ole i hoi loaa ia oe kekahi o kuu

PALEKOKI KOHU MAMALU.

      A e halo iho hoi i ke Kaliki (Trilby) ano hou, i kupono i kau e iini nui nei.

      Aia hoi ma ko`u halekuai na Lole Moepoli i ka hikonoeau ia, a kupono o ka hana ana iho me Adamu

      Na Pale ili o na kane i kupono hoi i ko Eva makemake; i huki ai ka Ulua i Malamanui.  Uwese oe.

      Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima, na hainaka, a pela aku.  E hauoli loa au e hoomakaikai aku i keia mau mea nani i na Lede o Hobolul,

 

J.J. Egan.

Alanui Papu.  Mei. 21, 1895.  mc 12itf