Ka Nupepa Kuokoa, Volume LXVI, Number 7, 17 February 1927 — HOEA MAI KA MOKUAHI KALEPONI ME NA MALIHINI [ARTICLE]

HOEA MAI KA MOKUAHI KALEPONI ME NA MALIHINI

Mahope o lea hoohala ana i ke« kahi manawa, ma ka makaikai ana i na wahi pana o Hilo, Hawaii, | ku mai ai. ka mokuahi Kaleponi, me na malihini honua, i hiki aku ka nui i ka eono hafieri no Honolulu nei, ma ka auwina la o ka Poaono i hala, ma kana huakai kaapuni honua, elike me na huakai moana a kekahi mau mokuahi halihali ohua, o na manawa ae nei i hala. Hookahi ka kumu o ka houlolohiia ana aku o ka haalele ana o kela mokuahi ia Hilo, o ia no ka nui o ka ino ame ka makani; aka i ke akakuu iki ana mai o ka makani, ua haalele aku )a ia ia Hilo, a ua hele no hoi a ahiahi, hoea mai no keia kulauakauhale. Ma ka manawa i lele mai ai na ohua kaahelo honua nouka nei o ka aina, e kakali aku ana na kaa otomohile ia lakou, a laweia aku no Waikiki ae nei,. no na hokele, i hookaawaleia no lakou. Ma ke Sabati ae, ua hoohalaia kekahi mahele nui o kela la, ma ka 4010 kaapuni ana i ka mokupuni o Oahu nei, a ma ka po ana iho, i hoomau aku ai kela mokuahi ma kona alahele moana no Yokohama, lapana. Ua. haalele aku kela mokuahi ia Nu loka, ma ka la 19 o ka mahina aku nei o lanuari i hala, a iloko o ka mahina o Mei e hoea mai ana, e ku hou ai no Nu loka, mahope o ka holo ana aku no na awa maamau i ka makaikaiia, e na mokuahi halihali ohua.