Ka Nupepa Kuokoa, Volume LXV, Number 23, 10 June 1926 — E Holo Ana na Kamehameha no ka Moku o Hina Makemake ka Ahahui Kamehameha e Ike i ke Kulana o ka Hana Hoopulapula MAKAUKAU O MOLOKAI NO KA HOOKIPA AKU Ma ka Po o Keia Poaono e Haalele Iho ai Kela Huakai Makaikai [ARTICLE]

E Holo Ana na Kamehameha no ka Moku o Hina

Makemake ka Ahahui Kamehameha e Ike i ke Kulana o ka Hana Hoopulapula

MAKAUKAU O MOLOKAI NO KA HOOKIPA AKU

Ma ka Po o Keia Poaono e Haalele Iho ai Kela Huakai Makaikai

No ka hooko ana i kekahi manao kahiko i hoolalaia e ka Ahahui Kamehameha no na aina hoopulapula ma Molokai, eia kela ahahui, ke liuliu hoomakaukau mai nei, no kekahi huakai makaikai no ka po o keia Poaono iho, a huli hoi hou mai no ke kulanakauhale nei, ma ka po o ka Sabati ae. Ua hoolimalimaia ka mokuahi Mauna Kea no keia huakai makaikai a ka Ahahui Kamenameha, ame ka poe apau e makemake ana e holo ma keia huakai. E haalele iho ana ka mokuahi Mauna Kea i ka uwapo Helu 12, ma ka hora umi-kumamakahi o ka po o keia Poaono iho, lune 12, a ku aku no Kaunakakai ma ke kakahiaka o ke Sabati ae, ka la 13. Maluna no o ka mokuahi ka paina kakahiaka a ka poe makaikai; a i ka pau ana o ka paina kakahiaka, e lele aku ai na mea apau nouka o ka aina, me ke kau ana maluna o na kaa otomobile i hoomakaukauia e na komite hookipa, a laweia aku na malihini no na aina hoopulapula, a hoea loa aku no Kalae, kahi e huli aku ai nana i ke Kahuama'i o Kalaupapa Mahope iho o ka hele makaikai ana, ma na wahi apau i makemakeia e ike ma Molokai, e akoakoa ae ai na mea apau malalo o ka uluniu i kanuia e na Kamehameha, a malaila e haule aku ai ka lehulehu maluna o na pakaukau i hoomakaukauia e ko Molokai poe ame na ohana Hawaii ma na aina hoopulapula.

Oiai e ai ana ma ka paina luau, e hoolealeaia ana ka lehulehu e. ka Bana Hawaii, a e kekahi poo himeni e ae, a iloko no hoi 0 ia inanawa hookahi, e haawiia ae ana he mau haiolelo e Kiaaina Farrington, ame ka Lunahooponopono 0 ke Kuokoa, he mau malihini hanohano na ka Ahahui Kamehameha ma keia huakai. 0 Jta Ilamuku oscar P. Cox, ka mea nana e noho lunahoomalu ana i kela halawai, a oia pu kekahi e haawi ae ana i kekahi haiolelo pokole, maluna 0 na hana hoopulapula ma Molokai. O keia huakai a ka Ahahui K«v mehameha iloko 0 keia mahina, no ka makaikai ana no ia i ke kulana oiaio o ka noho ana 0 na Hawaii ma na aina hoopulapula oiai e kokoke aku ana 1 ka piha ana 0 na makahiki he elima o ke ku ana 0 keia hana iloko 0 ka mahina ae nei o Sepatemaba. Ma ka hora eono 0 ke ahiahi 0 kela Sabati, e haalele aku ai ka Mauna Kea ia Kaunakakai, a huli hoi mai no Honolulu nei, e ku mai ai mawaena o ka hora umi ame ka hora umi-kumamakahi 0 kela po. 0 ka MeiA Wilaon kekahi e holo pu ana ma keia huakai, pela no hoi me ka Bana Hawaii, a he heluna nui 0 ko ke kulanakauhale nei poe, e holo pu ana ma keia huakai, no ke alte e ike pono i ke kulana oiaio o na ohana Hawaii, e noho mai nei ma ko lakou mau aina ma Kalamaula, a ma Hoolehua me Palaau.