Ka Nupepa Kuokoa, Volume LXV, Number 23, 10 June 1926 — Nuhou Kuwaho [ARTICLE]

Nuhou Kuwaho

EANGOON, Burma, June 2.—0 ka heluna nui o ka poe i make i ke kai hoee ma ke kapakai o Burma ma kekahi manawa kokoke aku nei i hala i keia la ua hiki aku i ka 2800, a ua manaoia e hiki aku ana no paha i ka 4000. O ka hapanui o ka poe i inake maloko o ke kulanakauhale o Maaunglow, mamuli o ka hu ana o ka wai o ka Muliwai Naa£ mahai o kona mau aoao, a ua lilo i kumu poino no kekahi mau wahi 0 ka aina no kekahi mau mile lehulehu. LOWELL, June 3. —O ke ahi i pahola ae ai maloko o ke kikowaena o ke kulanakauhale a ma ka apana hoi e lawelaweia i na hana kalepa inaanei ka i lukuia a pau pu me ka Heiau o ka Hui Malu ame kekahi halekuai nui. E oi aku ana maluna o ka milliona dala na pono pela ka manaola. DETROIT, , Mieh., June 3,—Ua loaa i ka Ford Motor Co. na pomaikai a oi aku mamua o ka $526,000,000 mai ka 1916 a i ka 192ō, e like me ia a ka lunahooia Herbert Leister a ka hui o ka hoike ana ae imua o ka aha Amerika apana maanei i keia la. NEW YORK, Juno 3.—Ua hopuia 0 Mrs. Mildred Dervoe, o 28 makaliiki, maaim i keia la a hoopiiia ae no ka aihue ana he mau haneri kaukani dala i lehulehu ka waiwaiio o na poliaku mommi iloko o na makahiki he 12 i hala mai'.oko mai o ka halekuai o na pohaku momi o ke Alnnui Elima. WAKINEKONA, lune 4. —O ka olelo hooholo a ke scnate e noi ana 1 ka Pcresidena Coolidge e kukala ae i ka la i pau ai ke kaua i la haipule a hoomakaikai aku i ke Akua ua hooholoia e ka hale o na lunamakaainana i keia la. TOKIO, Juue 4.—0 Kentaro Oehiaia, ka elelo aupuni a lapana i ko aupuni o Italia i hoihoiia mai ai i lapane niamuli o kona m: 'i nawaliwali loa, ua make oia maluna o ka mokuahi Kaishima Maru ma Shanghai, o ia ka lono i hoikeia mai ianei mai Shanghai mai. He 56 na makahiki o ke ola ana o ka Elele lapana i Italia. LONDON, June 4.—E hoakaka ana ka Nupepa Express i keia la ho ma'i ko ke Kamaliiwahine Marv. Ua loaa oia i ke anu haukeke ma ka Poakolu ma Derby. LISBON, Portugal, June 4.—Ke hoolala mai la ke kenerala kipi Gomes D,i Costa, ke alakai o ka oihana koa hookahuli aupuni o ka manawa kokoku aku nei i hala, e koino aku iloko o ke kulanakauhale 0 Liscbona me 10,000 koa ma ka la Sabati. MONTEVIDEO, Uruguav, June 4.—0 kaupaku o ka puka e komo aku ai i ka Holo o ke keena o ke Kuhina malalo iho o ke keena o ke Knhina Ame/ika Smith, ua nahaha, 1 kekahi poka pahu ikaika loa. He umi paona o na mea hao o ka poka pahu i ohiia. BUENOS AIRES, June 6.—He mau makai pakui hou ka i hoonohoia aku apuni ka halenoho o ke Kuhina Amerika Peter A. Jay mamuli o ka hoopahtpa ana o ke keena oihana Amenka ma Montevideo ma kekahi manawa kokoke i hala ae nei.