Ka Nupepa Kuokoa, Volume LXV, Number 23, 10 June 1926 — NA AINA HOOKUONOONO O LUALUALEI. [ARTICLE]

NA AINA HOOKUONOONO O LUALUALEI.

Hc ;r.ana\va pokole ae nei i hala, i kulike ai me kekahi meao ka hoopukaia nna aku maloko o keia pepa, ua hoea kino aku ka limahooponopono o ke Kuokoa nei me ko ka Advertiser, no na aina hookuonoono ma Lualualei mamuli o ke kono a kekahi poe Ilawaii e noho nei malaila. Ma na mea oiaio i hoomaopopoia no kela mau aina hookuonoono, me he mea la, o na aina ma Lualualei, kekahi mau aina maikai loa iwaena o na aina hookuonoono apau, no ka hooulu ana i na meakanu, mamuli o ka maikai a momona o ka lepo; ua ikeia keia i na makahiki aku nei i hala, i ka manawa i haule mau mai ai kekahi mau kuaua ma na manawa like ole o ka makahiki. Heaha nae ka waiwai ame ka pomaikai, o kela maikai o ka 1epo; ina ua nele kekahi mau mea kupono e ae, e piha pono ai ka makemake o ka noho ana o ka poe hookuonoono inaluna o ko lakou mau aina malaila, e laa ke alanui ame ka wai. No ka wai, iloko koke aku nei no o ka makahiki 1925 i loaa ai i ka poe hookuonoono ma Lualualei he wai iloko o na paipu, no ka pono o ka noho ana ma na home, a koe aku ka wai e liookahekahe ai no na meakanu; ahiki mai nae i keia mau la € nee nei, ke emi loa mai la kela wai, e loaa ana ia lakou, mamuli o ke kaana like ia mai o kela wai hookahi no, i ka poe hookuonoono e noho ana ma Maili ame Nanakuli. 2Co na makahiki lehulehn, mai ka weheia ana o na aina ma Lualualei malalo o ka hana hookuonoono, i hoohemahemafa ai kela pono, ahiki wale no i komo kino ana aku o Senatoa Makanani. e hana i kekahi mea e pono ai ka poe o Lualualei; akahi no a loaa iki mai he wai, elike me ia e loaa nei !a lakou i keia mau la, me ka lawa ole no nae; aka e aho nae la, mamua o ka nele loa. Me ka lepo maikai nae i loaa i na aina hookuonoono o Lualualei; me kahi wai uuku i loaa ia lakou i keia manawa; a ina iio paha he wai e hiki ai ke hoolawaia aku no ka hookahekahe āna i na meakanu; aia no ke ku mai la ia pilikia nui, o ia no ke alanui; ua aneane waiwai ole no kela mau mea ae la elua; ke ole e loaa he alanui maikai, e hiki ai ke hele i ka wa malie feme ka wa ino. me ka pilikia ole. Ma na mea i loaa mai, ma ka ninaninau ana i ka poe hookuonoono o Lualualei, he ku maoli i ka manaonao ke kulana 6 ke alanui, ke hoea mai i ka wa ua; ua oi aku ka* pilikia ame ka poino, mamua o na mai>iwa e ae, pau ka hiki ana i na keiki ke hele i ke kula i Waianae; pau ka hiki ana i na holoholona ame na kaa ke holo ma na alanui, a ina he mau meakanu ke ulu ana. a ua oo paha, e palahu ana iluna o ka aina; me ka ukali aku o ke poho, mahope o na hooikaika ana. Heaha ka kakou e olelo ae ai no keia ano o ka hookuonoono ana i na aina aupuni? Aia anei ke aupuni mahope o ka poe hookuonoono, kahi i ku aku ai me na manao kokua no ka holomua o ka hana hookuonoonoo maanei nei? Nui na manawa a ko Lualualei poe i hooikaika ai, e hanaia ko lakou alanui; ua hoea kino no na poo o ke aupuni no Lualualei, a ike maka no lakou iho i na pilikia ame na poino, a ko Luahialei poe i uwe aku ai imua o lakou; a hoea mai nae i keia manawa, aia no kela mau alanui ke wailio mai la, elike no me na la mamua aku o ka nohoia ana e na kanaka. Ma na mea oiaio e ku nei i keia manawa, ua hoao ko kakou ahaolelo kuloko e hoopau ae i ka pilikia pili alanui o ko Lualualei poe, ma ka hookaawale aua i kekahi haawina elala mahuahua; o ka hoohana ana nae i kela mau dala, ke paaia mai nei no ia e ka poe i kuleana e hoolilo aku no ka hana i makemakeia ai; nolaila ina he mau ahewa ana kekahi, e pono ai e hookauia aku. no ka loaa ole ana he alanui maikai i ko Lualualei poe, maluna ia o kela poe. Oiai nae eia kakou i ke ehu kakahiaka o na hana kalaiaina 'e komo aku nei iluko o keia mau la, e lilo i hana na na moho apau e holo aku ana no ka ahaolelo, a no na kulana oihana kulanakauhale paha, ke ku okoa ana mai imua, a hoike i ko lakou manao makee i ka hana hookuonoono ame ke aloha hoakanaka, ma ka hooikaika ana, e loaa na alanui maikai, aole no ka aina hookuonoono wale no o Lualualei, aka na aina hookuonoono no apau, i kuleana ai, na koi ana apau malalo o ko kakou kanawai liookuonoono. Ma ka aoao hoi o oukou e ka poe hookuonoono o Lualualei, he kuleana nui ko oukou, ma o ko oūkou mana koho la, ie koi ai i kela poe moho, e hana mai no ko oukou mau hema"hema i maopopo loa i keia manawa; me ka manaolana, ma ke ku ana aku mahope o ke kua o kela poe, pela iho. la e nanaia mai ai na pono o ka poe e noho nei maluna o na aina hookuonoono o kakou.