Ka Nupepa Kuokoa, Volume LXV, Number 12, 25 March 1926 — HE HOALOHALOHA. [ARTICLE]

HE HOALOHALOHA.

Puka mai no i& me he pua la, a ua okiia aku, A holo aku no ia me he aka la, aole ia . e mau, Pela ko makou komite kiai John Kauwalu, ua hala. Ua hala i ka poli-kua a Kane. Elike me ka uwila i anapu mai; pela no ka holo ana o ka lono kaumaha o ka lohe i ka hora 7:30 0 ke ahiahi Poalima, o John Kauwalu ua make, i Feb. 26, 1926. Nolaila, hele ke kanaka i kona hale mau, a o ka uhane e hoi no ia i ke Akua Nana i haawi mai. Pomaikai ,ke kanaka ke make iloko o ka Haku. , O ko makou hoapaahana iloko o ka Haku, he komite kiai oia no ko makou ekalesia o Waialua, he alakai himeni, a he komite e hooponopono ana no na hana ekalesia apau. He Kahu Kula Sabati Nui, e hooikaika i na hana e holomua ai o ke Kula Sabati . He kumu Kula Sabati r a he komiie haipule no ko makou Ahahui Hooikaika KriBtiano o na makua o ka EkaleBia o "Waialua; e lawelawe ana i na hana apau i kauia aku maluna onaj a he makaala mau ma kana mau liana. He hookipa, he oluolu a he ike ohana, a makamaka, a hoaloha. Nolaila, ua pau kana hana, ua kuu ka luhi, a waiho iho la mahope nei i ka ukaha luuluu a ke alolia na ka wahine e paiauma aku, me na waimaka & hiolo ana no ka hoomanao ana aku no kana kane 1 hala aku ma o; aloha aloha nol Aole au e poina ia oe, wahi a kana wahine e uwe helu aku ana nona i na wa apau. Nolaila; o makou na hoahanau, j na hanauna Kula Sabati ame na lala o ka Ahahui C. E., o ka Ekalesia o "Waialua, ma o ko makou mau komite la, ke komo aku nei e auamo pu i na ehneha, kaumaha ame ka luuluu me oe ka wahine i hooneleia i ke kane, na keiki, ame ka ohana apau. Nana e hoomama mai » ke pule nei i ka makua mana loa e hoomama mai i na naau luuluu a kaumaha o ka ohana. E hooholoia, i hookahi kope i ka wahine kane-make, a i hookahi kope i ke Kuokoa. 0 makou na komito, Komite Ekalesia— CHAS. KEAHINUI, JOHN AWAI, Komite Kula Sabatl— JAS. L. AWAI, THOMAS CLARKE, Komite Ahahui 0. E.— MRS. LIZZIE AWAI.