Ka Nupepa Kuokoa, Volume LXIV, Number 36, 3 September 1925 — Pakele Mai na Ole Ekolu ma Na Ulia Laki Kahuli ke Kaa Otomobile o Kekahi Poe Kanaka Opio ma na Huli Koolau HOOKAHI O LAKOU I NUI KONA POINO Hoihoiia Mai Lakou Apau no ka Lapaauia Aku ma ka Halema'i o na Ulia [ARTICLE]

Pakele Mai na Ole Ekolu ma Na Ulia Laki

Kahuli ke Kaa Otomobile o Kekahi Poe Kanaka Opio ma na Huli Koolau

HOOKAHI O LAKOU I NUI KONA POINO

Hoihoiia Mai Lakou Apau no ka Lapaauia Aku ma ka Halema'i o na Ulia

Ma na ulia pomaikai wale no, i hoopakeleia mai ai ke ola o kekahi poe keiki opio ekolu, mai lilo i moepuu na ka make, ma ka po o ka Poaono aku nei i hala, i ka manawa i kahuli ai ko lakou kaa otomobile, ma kahi e kokoke ana i Kaaawa, ma ka liuli Koolau aku nei o keia mokupuni, eia nae o ke kaa 0 lakou ka i pau i ka nahaha me ka nui o na poino. O na inoa o kela poe kanaka opio no lakou na ola i pakele mai ka make mai, oia o A. N. Campbell, Robert Shingle. Jr., ame Roberfc Lucas; ua hoihoiia mai lakou apau. no ka halawai o na poino ulia, no ka lapaauia aku, ma kela po no e Walter Fcrnandez i ka manawa o ka hoea ana mai o kona kaa no kahi 6 waiho' ana na kanaka opio poino. Ma na mea nae i hoomaopopoia, hookahi wale no o kela poe i loaa i ka eha kukonukonu, oia o A. N. Campbell, ka mea nana e hookele ana i ke kaa, aka no kona mah hoa iKo, aolo he ma& pilikia iki i loaa ia laua; aka nae ma ke ano nui ke olel.o ae, ua pakele mai ko ia* kou m'au ola apau. Ma ka moolelo e pili ana i ka ulia poino i loaa i kela poe keiki opio, ua holo ka lakou nolālo o Punaluu, no ka liomo kuaaina o Robert Shingle, me kekahi poe e ae ma ke kakahiaka o kela Poaono, a ma ka hora eiwa o ka po ana iho, i hooholo nui ai, e kau lakou maluna o ke kaa otomohile o A. N. Carapbell, a holo mai no lionolulu nei. Oiai e holo mai ana fna ke alanui, me ka maikai, mahope iho o ka haalele ana aku i ka hnle, a oiai e kokoke mai ana i Kaaawa, ua hu aku la ke kaa ma kapa o ke alanui, me ka haule ana ilalo o auwaha ma ka aoao o ke aianui, na kahi o eono kapuai ke kiekie. Ua kahuli maoli kela kaa me ka walawala ana ahiki i ke ku pololei ana maluna o na huila elia, o ka mea kupaianaha nae, aole i haule kela poe ekolu mailuna aku o ke kaa, aka iloko ao lakou kahi i noho ai. Ma ka hoakaka nae a A. N. Campbell', ka mea nana e hookele ana i kela kaa, hookahi ka kumu o ka loaa ana o kela ulia poino, o ia no ka maikai ole o ka malamalama o na kukui o kona kaa, no kela ano, 1 hiki ole ai iaia ke ike pono aku i ke alanui, pela i kahuli ai ke kaa. He mau ulia e ae no kekahi i loaa ma kela Poaono, mai na kaa otomobile mai, a ma kela mau ulia nae apau, aole he hookahi ola i poino.