Ka Nupepa Kuokoa, Volume LXIV, Number 36, 3 September 1925 — Kulike Ole na Manao Kanawai No ka Oihana Hoole ke Keena ma Wakinekona no ka Hiki i na Hoa Ahaolelo ka Paa Elua Hana UA HIKI MA KA MANAO O KA LOIO PARSONS Pili Keia Mau Manoa Kanawai no ka Hiki ia Low ke Lilo i Akena Waiona [ARTICLE]

Kulike Ole na Manao Kanawai No ka Oihana

Hoole ke Keena ma Wakinekona no ka Hiki i na Hoa Ahaolelo ka Paa Elua Hana

UA HIKI MA KA MANAO O KA LOIO PARSONS

Pili Keia Mau Manoa Kanawai no ka Hiki ia Low ke Lilo i Akena Waiona

No ka hiki i kekahi hoa o ka ahaolelo kuloko, ke paa i kekahi kulana oihana ke aupuni federala, aia he elua mau manao kanawai e ku nei i keia manawa, i kaokoa kekahi manao kanawai mai kekahi mai. Ma kekahi manawa ae nei i hala, ua makemake o Ned Crabbe, ka akena hookapu waiona hou o Hawaii nei, e hookohu aku i ka Lunamakaainana E. P. Low, i akena hookapu waiona no Hawaii, aka nae aole i maopopo iaia ka hiki ame ka hiki olē ia Low ke paa i kela mau oihana a elua i ka manawa hookahi, no kela kumu, ua waiho aku la oia he ninau imua o ke keena o ka loio Amerika maanei nei, no ka hoakaka mai i kona manao kanawai no kela ninau. Ma ka manao kanawai'o ka Loio Amerika Parson, e hoakaka ana ia, ua hiki no i kekahi mea e paa ana he kulana iloko o ka ahaolelo k'uloko aku nei i pau, elike me ka Lunamakaainana Low, ke paa i ke kulana akena hookapu waiona, malalo o ke aupuni federala. Ma ka Poaono aku la nae i hala, oiai e nana ana i kekahi mau palapala pili oihana maloko o ka hale waiho buke ō ke &qpum, .i loaa aku ai kekalii.palapala pili oihana i kakauia mai e ke keena o ka loio kuhina ma Ameīika ia Kiaaina Pinkham, a ua waiho loa ia ae kela palapala imua o Kiaaina Frrington. Ma ka manao o kela palapala, e hoakaka ana ia, no ka hiki ole i kekahi hoa oloko o ka ahaolelo kuloko, ke paa i kekahi kulana oihana, nialalo o ke aupuni federala. Ma na mea i kohoia aku, me he mea la, ua waihoia aku kekahi ninu i ke keena kalaiaina ma Wakinekona e Kiaaina Pinkham, ina paha ua hiki iaia ke hookoliu ia D. E. Metzger, i k»kauolelo no ke teritore, oiai no paa ana i ke kulana senatoa, a o kela ae la ka pana i loaa mai, e hoole mai ana i ka hiki ana i kekahi mēa ke paa i elua kulana oihana maloko o ke teritore a malalo o ke aupuni federala.