Ka Nupepa Kuokoa, Volume LXIV, Number 36, 3 September 1925 — NO KA HOHONA O KA RAMA I PAA AE AI I KA HOPUIA. [ARTICLE]

NO KA HOHONA O KA RAMA I PAA AE AI I KA HOPUIA.

Maloko o kekahi halo mao iki aku o ka Paka ma Waikiki, ma ke alanui Kalakaua, i loaa aku ai' kekahi ipuhao p"uhi rama i na makai hopuhopu waiona, Warren Kealoha, Joseph Lyons amo William Clark, ma ka auwina la o ka Poalima i hala aku la. He Kepani lawe aelike hana, o M. Fugita ka.inoa, ka mea i paa ae i ka hopuia mamuli 0 kona loaa pono ana aku e puhi rama ana, a hoopiāia ae no ke ku-e 1 ke kanawai hookapu waiona. Malalo o kekahi kumulaau hau mahope aku o ka pa ka ipuhao puhi rama i loaa aku ai, a me kekahi paipu i hoomoeia mai ka ipuhao puhi rama a i ka halekaa oto i hoohuiia aku ai me ka ipu hoohuihui, a maloko pu o ia halekaa he 10 mau pahu barela, hookahi ,wale no nae o ia mau barela i piha i ka rama i awaawa. j T na kanaka ftopuh6pu waiona o ka hele ana ae ma ke alanui Kalakaua ua honi aku la ka lakou i ka hohono rama, a na ia hohono i alakai aku ia lakou ahiki i ka hale o Fugita a loaa pono aku la ka ipuhao pulii rama e a mai ana ke ahi. I ko lakou ike ana aku i ka ipuhao ame ke paipu e moe ana a komo iloko o ka halekaa oto, o ko lakou komo aku la no ia a loaa aku la o Fugita ia lakou e wa-hi ana i kekahi omole hookahi galani i piha me ka lemuhao. Ina ka no ko lakou lolohi iki iho a hala na hora he iwakalua-kuma-maha ina ua pau loa na omole lemuhao i pau i ke puhiia a i makaukau no ke kuaiia aku i ka lilo. Ia lakou i hiki aku ai aneane loa e pau ka waiona i hoawaawaia i ke puhiia i lemuhao a komo iloko o na omole, a o ka pau loa aku no ia i ka laweia. N "E lehulehu ana ka poe o Waikiki e nele ana i kahi wai hoopumeha-; na," wahi a kekahi o na maleai o ka hoike ana ae. Ekolu haneri mau omole galani i loaa aku i pau i ka wawahiia mamua o ka laweia ana mai o Fugita i ka hale aupuni federala, a mamuli o ka hookuu ana aku a ka Akena Hookapu Waiona Mrs. Marion D. Parrott, i hoi aku ai o Fugita no kona hale, me ke kauoha pu ia aku' nae e hele mai i ka hale aupuni ma ke kakahiaka mai o ka Poaono, hora 9 a. m. I kulike me ka hoakaka a kekahi o nn makai o ka hoike ana ae o ko Fugita nee koke aku nei no ka ia no ke alanui Kalakaua a paa koke no i ka hopuia, a e olelo iho ana palia o ia la he kahua pakalaki loa 'ka hoi ia ana o ka nee ana aku. | Ma ka manawa i hopuia ai o Fugita ua hookahahaia aku kekahi poe me ka ninau i ke kumu o ko Fugita hopuia ana a ua lehulehu ka poe i holo mai ma na kaa oto a ku ma ke alanui Kalakaua a nana aku i ka hana a na akena.