Ka Nupepa Kuokoa, Volume LXIV, Number 36, 3 September 1925 — Nuhou Kuloko [ARTICLE]

Nuhou Kuloko

Ma ka hora eiwa o k« kakahiaka 0 keia Poaono iho, e malamaia ke ana he kuai no na koena o kela ame keia mea, ma ka Hale Kahu o ko St. K Clement, ma na alanui Makiki ame Wilder. Ma ke kakahiaka o ka Poalua iho nei, i hoomaka hou ai ke komo ana o na kula aupuni apuni ke teritore, no keia koena aku o ka makahiki, mahope iho o ka hoomaha ana no na mahina elua. No ka piha no o na kolamu o ka nupepa i keia pule, pela i hoopaneeia ai ka hoopuka ana aku i kekahi mau palapala i kakauia mai d na makamaka, a loaa kahi kaawale no keia pule ae. He hoike Kula Sabati hui ka na Kula Sabati o Kawaiahao ma Kamoiliili ma ke Sabati elua Sepatemaba 13, e hiki mai ana, o na Kula Sabati e komo pu o ia 'O Kaimuki, Palolo, Manoa, ame Maluhia. Piha ka hoikeike fea teritore iloko 0 keia mau I&, i ka poe makaikai mai ke ao ahiki wale i ka po, no ke ake no e ohi i kekahi mau pomaikai nui, a no ke ake no hoi e ike, i na hana hoopihoihoi noonoo. Eia no na hai'na nane ame na haina ninu Baibala ke anu nei ma keia keena, i hele a ku ka paila, he mau haina lalau wale no nae apau, a e hoopukaia aku ana no, elike me kahi kaawale o ka nupepa e loaa ana. No ka pomaikai o ko Honolulu nei poe, i weheia ae ai ke kahua hoomoana o ka oihania kaua ma Puuloa, no ka makaikai ana o ka poe 1 loaa na palapala ae, no ka hoea ana mai o ka mokulele mai Kapalakiko mai, ma ka auwina la o ka Poalua iho nei. Ke owelawela mai la na hana kalaiaina ma ke kalana o Maui iloko o keia mau la, a i Va naiia aku, e i lilo ana i hana paakiki na kekahi mau hoa kahiko o ka papa o na lunakiai, ka paa ana iho i ko lakou mau kulana, ma keia kau koho baloka waft moho ae e hoea mai ana. Lehau ka aoao makai o ke alanui Moi ma kahi o na banal:o hou i na kanaka no ka nana ana i kekahi papa i kauia ma ka aoao Waikiki o ka h?ile o ka Hawaiian Trust Company, kahi i kahai# ai ke kii no ke alahele o na mokulele e lele mai ana mai Kap'alakiko mai a Hawaii nei. Ma ke kakahiaka o ke Sabati aku la i hala, i hoea mai ai o Mr. Frank Keliinohopono no ke kulanakauhale nei, mai ka aina hoopulapula mai o Molokai, a wahi ana, aia na hoailona o ka holojnua ke pahola la maluna o na Hawaii apau o ka hoi ana aku nei ma na aina 0 Hoolehua ame Palaau. No ka lawe ana ae i ka noho poo ana no ke keena hookapu waiona pia Hawaii nei, i hoohikiia ai o Ned. Crabbe, ma ka Poalua aku la 1 hala; me kona hoopau ana i na akena kahiko apau ma Honolulu nei, a hookohu aku la i mau panihakahaka hou ma ko lakou mau wahi. Ma ke kihi o na alanui Pahoa ame Umi-kumamalua, ma Kaimuki, i kahuli ai kekahi kaa otomobile, mā ka auwina la o ka Poakahi iho nei, mamuli o ka hooku'i ana me kekahi kaa okoa aku, a eha loa elua mau mea e kau ana maluna o kela kaa, me ko laua hoihoi awiwi ia ana mai no ka halema'i o na poino ulia. Ma ka hapalua o ka hora ekolu, o ka wanaao ok e Sabati aku la i hala, ma kahi o ke alanui holopuni, e kokoke ana i Waipahu, i powaia ae ai he Kepani nbna ka inoa o 0. Kurata, e punlu o na keiki kolohe ma ke kauia ana aku o ka pu panapana imua ona, we ka lawe aihue ia ana o kona kaa otomobile e kela poe kolohe. , No ka ohi ana'mai i na dala bona, 0 na limahana īloko o ka oihana wai o Honolulu nei, i ahewaia no ka lawe kolohe i na dala o ka lehulehu, 1 hoakaka ae ai ka Loio Kalana Heen, ,ma ka Poakahi iho nei, e hookomoia aku ana h e hoopii iloko o ka aha e koi ana i ka huina ī pokole i kela mau limahana ma o ko lakou mau bona la. : ——