Ka Nupepa Kuokoa, Volume LXIV, Number 35, 27 August 1925 — NO KA NAHU ANA I KA A-I I HOOPAI IA AI. [ARTICLE]

NO KA NAHU ANA I KA A-I I HOOPAI IA AI.

No ka ae ana o Charles Henry Lsnum, ma .ka oleloia he haole hakaka kuikui puupuu, i kona hewa imua o ke kiyre kiekie o ke teritore no kona hewa i hoopiiia ae ai he nahu kanaka, o ia hoi kona nahu ana i ka a-i o Tom Quinn ma ka. Ia 31 o lulai, i hoopiiia ae ai oia • ke kiure kiekie imua o ka aha ma •ka Poalima o ka pule aku la i hala, a no ia hewa i kauia mai' ai k& hoopai paahao o elua makahiki maluna ona. , I kulike me ka hoakaka ma ka; aoao hoopii, ua ku'iia e Lanum ke keikikane a Quinn, a iloko o ia manawa ua lehulehu na huaMelo wela i panaiia ma na aoao elua, a iloko o na paee ame na lawelawe lima -ana i nahuia ai ka a-i o Quinn e Lanum, elike me ka hoakaka a ka Loio Heen, "Hc mea anei kekahi au e kamailio mai. ana nou iho?" i nina\i aku ai ka Lunakanawai ia Lanum. ''Aohe, koe wale no e ae aku ana au i ko'u hewa," walii a Lanum. ' f Aohe mea hiki ia'u ke hoomanao ae no ka mea i hanaia." Ia manawa i kau aku ai ka Lunakanawai Andrade i ka. hoopa'i paahao maluna ona aole e emi iho malalo o ka elua makahiki aole hoi e oi aku maluna o ka umi e noho ai maloko o ka teritore ma ka hana oolea.