Ka Nupepa Kuokoa, Volume LXIV, Number 35, 27 August 1925 — HOOLE KA AHA KIEKIE I KA MANA O KE KANAWAI HALE HULAHULA. [ARTICLE]

HOOLE KA AHA KIEKIE I KA MANA O KE KANAWAI HALE HULAHULA.

Ma ka hoopii hoohalahala i waihoia ae imua o ka aha kiekie,' e ku-c ana i ka olelo hooholo, i hoopukaia e ka Lunakanawai Apana Steiner, maluna o ke kanawai hale hulahula, i hoopuka mai : ai kela aha i kana olelo hooholo, ma ka Poakolu o ka pule aku nei i hala, e hoole ana i ka mana o ke kauoha kanawai i hooholoia e ka papa o na lunakiai, o ke Kulanakauhale a Kalana o Honolulu nei, e pili ana i na hale hulahula. Ma ka manao nui o ka olelo hooholo a ka aha kiekie, ua ku i k* mana ole ke kanawai i hooholoia e ka papa o na lunakiai, e pili ana no na hale hulahula, no ke kumu, o haawi ana ia i ke kuleana i na lunanana e apono aku ai, a i ole e hoole aku ai paha i ka hoopuka ana i kekahi laikini, no ka aeia o ka hulahula maloko o kekahi hale. Ma kekahi manawa ae nei i hala, ua hoopiiia o Carl Otani, ka oua o ka hale hulahula Liberty, mauka ae nei o ke alanui Liliha, no ka mafalha ana i ka hulahula maloko o kela halē, me ka loaa mua ole iaia o ka laikini ae. Ma ka hooloheia ana o kona hihia iloko o ka aha apana, ua hoole ka Lunakanawai Harry Steiner i na noi kumu, ma 'ka aoao o ka mea i hoopiiia no ka hoopau wale ana i ka hihia; a i ka manawa nae i hoohalahala loa mai ai o Ontai imua o ka aha kiekie, ua kakooia aku kana hoohalahala, me ke kauohaia ana aku o ka lunakanawai o ka aha apana, e ae aku i na noi kumu, no ka hookuuia o ka mea i hoopiiia, malalo ae la o na kumu, o ia ka mana ole o ke kanawai hale hulahula i hooholoia ai e ka papa o na lunakiai. 0 ke kanawai e pono ai e hooholoia, e ka papa o na lunakiai, wahi hou o ka manao hoakaka ma ka olelo hooholo a ka aha kiekie, e kaohi ana ia, i ka mana apau loa me ka papa, a o ka hana a na lunanana, -he hooko wale aku no i ke kanawai, aole hoi, o ke apono a apono ole paha, i ka haawi ana aku i ka laikini.

CAIRO, Egypt, Aug. 23—He ehiku poe i ahewaia no ka pepehi ana a make i ke Sa Lee Stack, he KomiBina Pelekane Kiekie mua ma Aigupita, i liia i keia la.