Ka Nupepa Kuokoa, Volume LXIV, Number 35, 27 August 1925 — LOAA KA ADIMARALA ME KA POE INU WAIONA. [ARTICLE]

LOAA KA ADIMARALA ME KA POE INU WAIONA.

o ka Hokele Ike«n, o ke komoia ana e ka Hope Loio Amerika MĪBB Carrick Buck, ka Hope Hamuka Heine, ame ka Luna Hooko i ke kanawai waiona Mra. Parrott, ame ko lakou mau kanaka, ma 'ka pule aku nei i hala, he adimarala kekahi i loaa aku i kela mau luna oihana, me ka nui ae o na malihini, e hoohauoli ana ia lakou iho, ma ka inu ana i ka waiona, ame ka nanea ana e hoolohe i na himeni ame ka hulahula. Nui ka poe ko'iko'i a hanohano 0 ke kulanakanhale nei, i loaa pono aku maloko o kela hokele, he poe 1 manao ole ia aku ai, e komo pu ana lakou ma ka hakihaki ana i ke kanawai hookapu waiona, eia nae na loaa aku lakou i kela mau luna oihana ae Ia malnna, e nok6 ana i» ka inu waiona. Ua lilo ( i hana pohihihi na ka Akena John Wise ame kona poe kanaka ke komo ana e hopu i lfa ona nona kela hokele mamua aku, pela no j hoi ka hiki ole i ka oihana makai ke hdpu, aka nae ma ka aoao o keia mau luna oihana wahine, he hana' maalahi loa ia, ma ko laua hoea kino ana aku noloko o kela hokele, a kuai aku la i ka waiona, me ka hoohakalia ole iho o na Kepani ma-, loko olaila, i ka hoolilo ana mai | i ka waiona ia laua, elike me ko l laua hopohopo ole, i ka hoolako ana aku i na malihini e ae me ka rāma. Oiai ka Hope Loio Amerika Miss Carrick Buek ame Mrs. Parrott e noho ana ma ka aoao o ko laua pakaukau, me ka waiona a laua i kauoha aku ai, e ku ana imua o ko i laua alo, o ka manawa ia a ka Hope Hamuku Heine, i hooko aku ai i ke kanawai, mamuli o kona komo ana mai iloko o ka hokele, a hopu i na Kepani na lakou e hoolako ana i ka waiona i na malihini.