Ka Nupepa Kuokoa, Volume LXIV, Number 35, 27 August 1925 — Page 4

EHA NUPEPA KUOKOA, HONOLULU, T. H. POAHA, AUGATE 27, 1925.


MA KA HOHONO I LOAA AI KA WAIONA, Mamuli o kona honi ana i ka ho- hono waiona, pela iho la i loaa pono aku ai kekahi wahi puhi waiona ma- lalo ae nei o Aiea, Ewa, i ka Akena Hookapu Waiona William Clark, ma ka Poakolu o ka pule aku la i hala, eia nae aohe mea i paa mai i ka hopuia, no ka mea aole i lona aku iaia ka ona nana ka ipuhao puhi waiona ame na galani okolehao e waiho ana iloko o ka hale. He ipuhao puhi waiona o kana- lima galani ka hui, he ewalu galani okolehao ame ekolu mau pahu barela o na mea i hoawaawaia, i loaa aku ia Mr. Clark, ma kekahi hale iloko o ka mala ko; o ka mea apiki nae aole he mea maloko o kela hale i kona wa i hoea aku ai malaila. Ma ka Poalua mamua aku, he elua mau akena hookapu waiona i hoea aku no Aiea no ka hopu ana no i ka poe puhi waiona malaila, aole nae i loaa kela wahi, ailiki i ka hoi okoa ana mai o kela mau una oihana federala, aka ma ka Poa- kolu mai nae, i loaa aku ai kela wale puhi waiona, eia nae ua lele mua ka manu mai ka punana aku. He pa hanai puaa kekahi o ka oaa ana aku ia Mr. Clark, ma kahi kokoke i ka mala-ko, aole nae ka ona nona kela pa puaa malaila, ua manaoia, oia no ka ona nona na waiwai puhi waiona ame ka waiona pu, o ka loaa ana aku. HE EKOLU MILIONA DALA KA NUI O KA WAIWAI O S. M. DAMON. I kulike ai me ka hoike i waihoia ae iloko o ko keena o ke kakauolelo 500 o na aha kaapuni ma Honolulu noi, ma ka Poalua o ka pule aku nei i hala, no ka nui o na waiwai o S. M. Damon, i ma ke iloko o ka mahina o Iulai, o ka makahiki aku nei i hala, ua hiki aku ia ma kahi o ka $3,018,177.31. Ko na waiwaipaa wale no, ua hiki aku ka waiwaiio ma kalu o ka $1,-	315,977, a o ka waiwaiio hoi o na waiwai lewa he. $1,702,200.31. O ka poe na lakou i koho i ka waiwaiio o na waiwai apau o Mr. Damon i make oia o Arthur H. Rice, John E. O'Connor ame George M. Collins, ua hookohuia mai lakou e ka aha ma kela hana. O na waiwaipaa i hoomaopopoia o Mr. Damon, o ia no ka aina o Moa- nalua ame na hanahou apau maluna iho olaila, na lokoi'a nunui, ma kela ame keia wahi, pela hoi me na wai- waipaa ma na wahi e ae o keia kulanakauhale, pela ma Hilo, Ha- waii, a mawaho ae o kela mau wai- waipaa, ma na mahele kea iloko o na hui mahiko lehulehu, ame na hui hoopukapuka e ae he nui, pela hoi na dala kaike maoli maloko o ka banako. No ka mahina a oi, ka loihi o ka manawa a kela poe ekolu o ka hana ana, ma ka hoohuihui ana i ka waiwaiio o na waiwai apau o Mr. Damon, o ko lakou uku no kela hana, he $510, me ekolu hapaha ka uku no ka notari. HOOUNAIA HE MEDALA MAKA- NA IA KAHANAMOKU. Mamuli o ka hana hoopakele koa a wiwoole a Duke P. Kahanamoku, ka moho heihei au kaulana o ke ao nei, i lawelawe ai, mamua koke aku nei ma Newport, Kalaponi, ma ka hoopakele aua i ke ola o kekahi poe ewalu mai ka make mai, i hoounaia aku ai he medala makana hoohanohano iaia, ma ka Poakolu aku nei i hala, me kekahi leka mai ia Kiaaina Farrington aku. Ua hoea mai ka lohe no kela nana hoopakele a Duke P. Kahanamoku i lawelawe ai, no keia kulanakauhale nolaila, ua lulu ae la kekahi poe o Honolulu nei i kekahi huina dala a kuai i medala, no ka makana ana aku iaia. Ua hoounaia aku kela medala ma kana, me kekahi leka mai ke kia aina aku ia Lorrin Andrews, e noho mai la ma Los Angeles, ma kona ano he peresidena no ke Kalapu Ha-waii ma Kaleponi Hema, a mai kela kalapu aku, e haawiia ai ua maka ua la ia Mr. Kahanamoku.	NUI NA POINO MA KA ULIA OTOMOBILA. Oiai e holo ana me ka puahia, no ka hooko ana aku i kekahi kauoha paualu, ma ke kakahiaka o ka Poa- kolu o ka pulo aku nei i hala i hooku'i ae ai ke kaa otomobile o ka Hope Kinaiahi II. A. Smith, me ke kaa otomobile, e hookeleia ana e Miss Angus, ke kumupoo o ke kula o Pohukaina, ma ka hui ana o na alanui Alapai ame Beritania, me ka nui o na poino i kau aku maluna o na kaa a elua, a pakele mai nae ke ola o na mea e kau ana maluna o kela mau kaa pakahi. I kulike ai me ka moolelo no kela ulia poino, e holo ana o Miss Angus mamua, me ke kau ana o kona lima, e haawi ana i ka hoai- lona, no kona hoohuli ma kona aoao hema, no ke alanui Alapai. E holo mai aua hoi ke kaa o ka Hope Luna Kinaiahi Smith, me ka puahia nui, me ka hookani mau ana i ka hoailona, maamau no na kaa o ka oihana kinaiahi ame ke kaa makai, a oiai aole paha i lohe aku o Miss Angus i kela hoailona, ua hoohuli ae la no oia i kona kaa i ka aoao hema, o ka manawa ia i hooku'iia aku ai, a niniu ae la o ia no oe o kekahi hu. Ua ikaika maoli kela hooku'i aua o na kaa a elua i kahi hookahi, o kahi nae o ka laki, aole i kukonu- konu na poino i kau aku maluna o Mr. Smith, koe wale no ka moku- moku ana o kona helehelena i na aniani nahaha, aka no Miss Angus nae, aole he mau poino i kau aku maluna ona, o kona kaa nae ka i poino, a pela pu hoi me ke kaa o Mr. Smith. HOOLAHA KUAI O NA APANA AUPUNI. Ma keia ke haawiia aku nei ka hoolaha akea ma ka hora 10:00 a. m., Poalua, Sepatemaba 15, 1925, ma ka puka mamua o ka Hale Kapitala, Honolulu, T. H., malaila e kuai hoo- lilo ia aku ai ma ke kudala akea i ka poe koho kiekie loa malalo o na manao o ka Pauku 73 o ke Kanawai Kumu o Hawaii a o na Kanawai Hooponopono Hou ia o Hawaii o 3925, na apana maloko o na hapa-	mahele o na Kiekiena Mauka o Ma- kiki, na Kiekiena o Makiki, Hono- lulu, no na haua wahi noho, elike me ia mahope ae nei: Apana Iliaina (kp. Kuea) Kumukuai Helu (Oi a Emi mai) Haahaa 650 19,678 $4,919.50 651 26.463 7.615.75 652 25.899 6,474.75 653 19,810 5,943.00 E kuai hoolilo ia aku ana na Apa-na mahina ae malalo o na kumu aelike apau ame na kulana o na Aelike Kuai Kuikawa i hoopukaia o ke Keena o ke Komisina o na Aina Aupuni, koe na apana i uku piha ia ma ka haule ana o ka hamare, ma ia ano, e hoopukaia aku ana i Palapala Sila Nui. K kaa ke kuai maluna ae malalo o na kulana mahope ae nei: A. Kumu aelike: Kuike ma ka haule ana o ka hamare ke makemake ka poe e lilo ai, a i ole hookahi-hapaha (25%) o ke kumukuai e lilo ai ma ka haule ana o ka hamare, a o ke koena aku i koe iloko o ekolu (3) mau hookaa liilii like ana ma ka makahiki, me ka ukupanee o 6% o ka makahiki maluna o kekahi koena uku ole ia. B. E hoopukaia no ka Palapala Sila Nui ekolu (3) makahiki mahope aku o ka la o ke kuai, a i ole ma kekahi manawa ma ka uku piha ia ana o ke kumu-kuai i lilo ai, ka ukupanee ame na auhau i hiki mai i ka wa e uku ai i ke Teritore e pili ana i na apana pakahi i hoo-liloia. C. E uku koke ka poe e lilo ai mahope iho o ke kuai i ke kumukuni e lilo ai, hui pu me na hoolilo apau o ka hoolaha ana ame na kaki e ae apau e pili ana me ka hoomakaukauia ana o na Aelike Kuai Kuikawa e hoopukaia aku ana mamuli o keia kuai. D. E kuleana kekahi mea o kuai i hookahi apana wale no, a o ka makaainana wale no o na Mokuaina Huiia o Amerika a i ole o kekahi mea paha i loaa na palapala kukala no ka ma- nao e lilo i makaainana ke lilo i mea kuai mai. No ka hoakaka aku i koe e ninau ae ma ke Keena o ke Komisina o na Aina Aupuni, Hale Kapitala, Ho- nolulu, kalii o ke kii palapala aina o na apana e hooliloia aku ana ame ke ano o ka Aelike Kuai Kuikawa e waiho nei a e ikeia ai. Hanaia ma Honolulu, maloko o ke Keena o ke Komisina o na Aina Aupuni i keia la 14 o Augate, A. D. 1925. C. T. BAILEY Komisina o na Aina Aupuni. 6374— Aug. 20. 27.


	kanaka, i hoolilo ai i ka makuakane o ke kaikamahine opio i pio malalo o kona malu, a pela pu no hoi i kaa aku ai ke kaikamahine opio i pio malalo o kona malu, ka hiki ole iaia ke pane koke mai, ua hoomau hou mai la no o Kapena Paka i kana kamailio ana: "He mau hana ano nui loa ka'u e hooko aku ana, e huli hoi koke ole mai ai au, a hala paha ka po o ka la apopo; a mamua nae o kuu huli hoi ana mai, e hele aku ana au e huli i kahi i hunaia ai o na dala a kela elemakule; nolaila ia'u e hele aku ai e hooko i keia mau bana ko'iko'i, e waiho ana au i keia mau mea malalo o kou malu, e hana aku oe ia. laua me ka maikai, aka ina e pakele ana laua mai ia oe aku, ua maopopo no ia oe ka hopena e kau aku ana maluna ou." Haawi aku la o Kalakona i kona ae, no ka hooko i na mea s:---j i kamailioia mai iaia, ia wa i haalele mai ai o Kapena Paka iaia a komo hou aku la noloko o Ua rumi a Linekona anu kana kaikamahine e noho mai ana. Haawi hou aku la oia i na hooia ana no kona hookoo laelae i kela mau mea me ka hoopilikia hou ole aku, ina e hiki ana iaia ke hooiaio no ka pololei o na huahelu i kamailioia aku iaia, alaila haalele iho la oia ialoko o ka hale, a hele aku Ia no ka hooko ana i kana mau hana i hoolala ai, no kekahi manawa loihi Ke noho hoopu malie Ia o Kalakona, ahiki i kona lohe ana aku i ke paniia ana mai o ka puka mawaho Ioa o kela hale, ia wa i pahola ae ai ka minoaka ma kona mau papalina, alaila hoopuka ae la i keia mau huaolelo: "Ua loihi ko'u manawa o ke kakali ana, e noho haku au maluna o keia kanaka, akahi nae a hookoia kuu iini. Aole no keia he wahi hana maalahi, aka nae aole o'u nana no ka hopena e kau mai ana maluna o'u, hookahi mea nui, o ia no ko'u lanakila maluna o keia kanaka ino a hookano." Ke hoolala la ua kanaka nei i kana mau mea e hana aku. ai, me he mea la o kela maka'u iloko ona mamua aku no Kapena Paka, aole loa ia me ia i kela manawa, hookahi kumu o ka hoauheeia ana aku o na manao maka'u a hopohopo no kela kanaka, ua oi loa aku kona minamina i na miliona dala, mamua o na mea e ae; a ma ka mea oiaio maoli, ua like no ke ino o keia mau kanaka a elua; aole laua e hoohakalia iho ana, i ka lawe ana ae i ke ola o kekhi, ina ia he kumu, e hoopakeleia ai ko laua mau ola iho a i ole, ohi paha i kekahi pomaikai nui. No ka hapalua hora paha kela kakali ana o Kalakona, o kona ku ae la no ia iluna, a hemo aku la iwaho o ka hale, me kona noho ole iho e kiai i kana mau pio, elike me ke kauoha a kona haku iaia. No na hora elua kela nalowale ana aku o Kalakona, hoea hou mai la ua kanaka nei, me elua kanaka okoa ae mawaho ona, maluna o kekahi kaapio; a komo loa aku la no o Kalakona noloko o ka rumi i hoonohoia ai o Linekona me kana kaikamahine. E kukuli ana no o Mode mamua o kona makuakane, me ka noke ana i ke kamailio i kekahi mau olelo, e hoihoi hou mai ai i ka noonoo maikai o kona makuakane, aole nae he wahi mea a auhee aku kela ano hoopoluluhi o ka noonoo uluahewa olalau o ua kanaka nei ; me ke kaumaha maoli o Mode no ke kulana o kona makuakane. Maloko o ka holo, e komo loa aku ai noloko o ka rumi a Mode ma e noho mai la i hoonohoia iho ai na kanaka elua e Kalakona, a oia hookahi wale no ka i komo loa aku iloko no ka hui pu ana me Mode, a o ia ka ua kanaka nei o ka pane ana aku: "Auhea oe e Miss Linekona, me ka hilahila, i hui pu ia me ke kaumaha, i hoea mai la au imua ou i keia la, no ka nonoi ana aku i kau mau huikala ana mai no ka mahele o na hana i owili-ia aku ai au, no ka hoehaeha ana i kou manao. Ua maopopo no ia u, maluna iho o'u na ahewaia e pono ai, aka nae oiai he mea paahana wale iho no au malalo o Kapena Paka, ua hiki ole ia'u ke pale ae i ka hooko ana aku i kana mau kauoha ame kona makemake; ina au e hoole aku ana i ka hana aria elike me kana i makemake ai, o ko'u ola mai no ka luahi o kona mau manao inaina. "Oiai nae ua hala aku oia no kekahi wahi, e hala ai iaia he mau la elua, a ekolu paha, mamua o ka huli hoi ana mai no keia hale; ua noonoo iho au, aole he hana kupono e ae ma ko'u aoao, o ka imi wale no i na alahele nou e pakele ai ame kou makuakane, mai ka mana mai o kela kanaka." I ka lohe ana aku o Mode i kela mau olelo hoakaka a Kalakona, ku ino ae la oia iluna, me ka pane ana mai : Alaila e manao ana anei oe e hoopakele ia'u ame kuu makuakane mai ka mana mai o Kapena Paka?" "Ae, ua paa kuu manao e hana aku pela, a ke kakali mai la he kaapio no ka lawe ana aku ia olua no kahi o ka palekana. Aohe manawa hou iho e hoohakalia ai, o keia wale no ka wa kupono, a mamua o ka hoea ana mai o kela kanaka, ua kaa-wale loa olua no kekahi wahi e hoopilikia hou ole mai ai oia ia elua, a ia kakou apau." Aia no kekahi manao kanalua iloko o Mode, no ka oiaio o ma. olelo e kamailioia aku nei iaia, o kona nana ae nae, no ka •aiekana o kona makuakane mai ka malu mai 9 Kapena Paka, B no kona pakele pu no hoi kekahi, haawi aku la oia i kona K. e haalele i kela hale, me ka hopu ana aku i ka lima o kona makuakane, o ko laua ukali aku la no ia mahope o Kalakona; Ka no paha e alakaiia ana laua no kekahi wahi e noho paahao B>u aku ai laua, aole no ia he mea hooi aku i ko laua kaumaha, •ai he pio no laua e noho la i kela manawa. Aia no na kanaka elua i hoonohoia maloko o ka holo, ke malie la, me ka lawelawe ole mai i kekahi hana, oiai ke mai la o Mode ame kona makuakane me ka maikai mahope Kalakona, a ma kela ano ko lakou hele ana ahiki i ka hoea ^K. aku no kahi o ke kaapio i ku ai. Kokua aku la o Kalakona ia Mode ame kona makuakane, Bl ka hookau ana iluna o ke kaa, a kau pu aku la oia mahope Hau?,>a iloko no hoi o kela manawa hookahi, i kau mai ai E kanaka okoa aku iluna o ke kaa, a no ka manawa mua loa komo mai ai na manao hoohuoi iloko o Mode, aia kekahi lana epa o ke kolohe i hoolalaia no ka hookomo hou ana aku ra laua nei iloko o ka pilikia. No ke komo ana mai nae o kela manao hoohuoi, no kekahi hana epa kolohe, ma ka aoao o Kalakona, hoomaka ae la o Mode e kahea i mau kokua, ua hiki ole nae e puka aku kona leo, oiai ua paa e mai la kona waha i ka pulikiia e Kalakona, me ka hoopiliia ana ae o kekahi u-pi, i hooma-uia me ka laau hoohiamoe, ma na pukaihu o Mode, a iloko o na minuke helu wale no, ua waiho lolo iho la kona kino, o ia no oe o ka mea ua make, o ka hanu wale no ka mea nana i hoike ae, aole oia i make. No ka hora hookahi kela holo hoomau ana aku o ke kaapio, Koea aku la maloko o kekahi pa, e ku ana he hale kahiko, ma kekahi kiekiena mawaho aku o na palena o ke kulanakauhale. I ka hoea ana aku o ke kaa mamua o ka puka-pa, lele aku la o Kalakona ilalo me ke kii ana aku e kaomi i ka bele kahea mawaho o ka lanjfct ka hale, a he manawa pokole mahope iho,	ua weheia mai la ka puka, e kekahi kanaka aoo, a iaia i ike mai ai ia Kalakona i ke ku aku, haawi mai la oia i kona aloha, a o ia ka Kalakona i ninau aku ai: "Eia no anei ke kauka maloko o ka hale kahi i noho ai?" "Ae, aia no oia maloko o ke keena hookipa." "Pehea he poe makaikai anei kekahi o ka hoea ana mai. e ike iaia?'' "Aole, o oe iho la ka mea mua loa o ka hoea ana mai uei i keia la." "Ina pela, e hele e aku oe e hoike iaia, ua makemake au e hui pu me ia, a mahope aku nei au e komo ai, a loaa aku oia maloko oke keena hookipa." O keia hale a Kalakona o ka hoea ana aku me kana mau pio, he hale ia no ka poe ma'i pupule, a mau ano ma'i e ae paha, i loaa i kekahi poe, a o ke kauka nona kela halema'i, oia kekahi o na kanaka ino, a no kekahi mau manawa lehulehu, kona laweia ana imua o na aha hookolokolo, no kekahi mau kumu hoopii, e ku-e ana iaia. Ma kana oihana nae, oia kekahi o na kauka akamai loa, a ina aole oia i kaa aku malalo o kekahi hana e hoohaahaaia ai koiia inoa, ina oia kekahi o na kauka kaulana loa iwaena o ka nui o na kauka apau o kela wahi. He kanaka keia aia kona mau makahiki mawaena o ke ka- naha ame ke kanalima, a ma kona helehelena, e hoike okoa mai ana, oia kekahi o na kanaka u'i iloko o kona mau la opio, aka o ka pakela i ka inu waiona, ka mea nana i hoolilo i kona helehelena a like pu oia me ke kanaka nona na makahiki he kanaono. I ka manawa i hoea aku ai ke kauwa imua o ua kauka nei. a hoike aku la no ka makemake o kekahi mea e ike iaia, ku koke mai la oia iluna, me ke kiei ana mai, a ike i ke komo aku o Kalakona iloko. Ua lilo ka halawai ana o na kanaka a elua i mea hauoli i ko laua mau manao iho, ke hoolalau wale la no ka laua kamailio ana ma kela ame keia mea, aka i ka manawa i kaawale aku ai ke kauwa, a koe kokoolua wale iho la no laua, ia manawa i hoakaka aku ai o Kalakona i kana hana o ka hoea ana aku ma kela la: "He elua a'u mau mea ma'i i lawe mai la nau e lapaau," wahi ana me ka paa ana ae o ke kauka .1 kona mau lima a elua e hoike mai ana, no kona mahalo, no ka laweia ana aku o kela mau mea nana e lapaau mai. "Pehea ua makemake anei oe e lapaauia kela mau mea ma'i, malalo o na rula paa o keia halema'i?" "Aole pela, aka e lapaau oe elike me ka'u e kauoha aku ai. Hookahi o kela mau mea ma'i he elemakule oia, i olalau hapa kona noonoo ; o ka'u i makemake ai nona, e lapaau oe iaia ma ke ano e hoihoi hou mai i kona mau noonoo maikai." Ke nana wale mai la no ke kauka ia Kalakona, me ka pane ole mai, alaila hoomau hou aku la no o Kalakona i ke kamailio ana: "O ka elua o na mea ma'i, he kaikamahine opio oia, i olalau ole kona noonoo eia nae he kaikamahine hiki ole oia ke pulapu wale ia ; no keia kaikamahine ea, ua makemake au e hoohana aku oe i mau kulu o kela laau kaulana au, maluna o kela kai- kamahine, i wahi e pepe ai koiia mau noonoo, a hana mai oia elike me ka'u mau mea i makemake ai." Pahola ae la ka minoaka o ke kolohe ame ka epa ma na papalina o ke kauka, iaia o ka lohe ana mai no na mea i ma- kemakeia aku ai oia e hana mai no ke kaikamahine opio, a o ia kana o ka pane ana mai: . "Ua maopopo aku la ia'u kau mau mea i makemake ai e hanaia no kau mau ma'i, e hoomanao nae oe, me na dala nunui wale no, e hiki ai ia'u ke ae aku i kau mau mea apau e koi mai nei, a o kekahi no hoi, owau ke hookomoia aku ana iloko o ka pilikia, iua nei no k aloaa pono o ka'u mau hana epa e lawe- lawe aku ana maluna e ke kaikamahine opio. Unuhi ae Ia o Kalakona i na bila dala he,- nui mailoko ae o kona mau pakeke, o kela no na bila dala a Kapena Paka i uku aku ai iaia, no ka holopono o koiia hoihoi hou ana mai ia Line- kona malalo o ka malu o kela kanaka ino, alaila i aku la: "Heaha kou uku no ka lawelawe ana mai i na lapaau ana elike me ka'u i makemake ai, maluna o kela mau. mea elua?" "He elima haneri dala ko'u uku mawaho ae o ka uku ku- mau no ka noho ana o ka mea ma'i maloko nei o ka halema'i, pela na lilo no na meaai, ame ka poe na lakou e malama." Me ka paku'iku'i olelo hou ole aku, helu iho la o Kalakona i na bila dala, a waiho aku la maluna o ke pakaukau imua o ke alo o ke kauka, me ka hopu ana mai o ua. kauka nei, me ka manao alunu, a mahope o kona helu ana iho i na bila dala, a ike i ka pololei o ka huina ana i ake mai ai e ukuia aku iala, huli mai la imua o Kalakona, a ninau mai la: "Ua pono kau mau mea apau i hoakaka mai nei no ko'u hoo- ko ana aku, nolaila e haawi koke aku ana au i na kauoha, ho ka hoomakaukau ana i kekahi mau wahi kupono, no na ma'i e noho ai, no ka lapaauia aku maluna o laua, I ka manawa hea oe i makemake ai, e kaa aku ke kaikamahine opio malalo o kou malu?" "Elike me ka hiki wawe e hiki ana ia oe ke hoopepe i kona noonoo." Pehea, ina ma keia po, e hookoia ai kela makemake ou, ua pono anei ia?" "Ae, ua pono kela i ko'u manao, ina ia ma ka hora ewalu." I ka holopono ana o na kukakuka ana mawaena o ke kauka ame Kalakona no ka mea e hanaia mai ai maluna o Mode ame kona makuakane, ua hapaiia mai la ka makuakane me kana kaikamahine noloko o ka halema'i, a kau hou aku la hoi o Ka- lakona ame kona mau hoa maluna o ke kaapio, a huli hoi po- lolei aku la no ke kulanakauhale. O keia hana a Kalakona e hooko nei, o kekahi ia o na hana ku i Ice aiwaiwa, ina nei no ka loaa aku o ka ike ia Kapena Paka, o ka make no ka hopena e hookauia mai ana maluna ona. Aia mau iloko o ka noonoo o ua kanaka nei, kela maa mili- ona dala a Linekona no ka lilo mai iaia; aka nae oiai ua ike oia i ka hooikaika ana o Kapena Paka e loaa kela mau dala iaia, me ka holopono ole, nolaila e hoohana ana oia ma kekahi alahele e ae, me kona nana ole i na hopena e kau aku ana ma- luna ona, hookahi mea nui, o ia no ka hoohoka ana aku i kona haku, a poo hoi ma ka hana hakihaki kanawai. Ma ka waiho ana aku o Kalakona ia Linekona, malalo o ka lapaau ana mai a ke kauka o ka halema'i pupule, o ka iini iloko ona, o ia no ka hoi pono mai o ka noonoo maikai o kela kanaka, a malia o hiki iaia ke kuhikuhi mai me ka manaio mai- kai, i kana wahi i huna ai i na miliona dala ana iloko o ka lepo. No Mode Linekona hoi, ua paa loa kona manao, e hoolilo mai i kela kaikamahine i wahine nana, mamuli o ko laua mareia ana e kekahi kahunapule, a pela iho la oia i makemake ai e haawiia kekahi laau hoopalupalu i ka noonoo, i ole ai e hoala mai kela kaikamahine i kekahi mau ku-e ana, i ko Iaua wa e ku aku ai imua o ke kahunapule, no ka hookoia o ka mare ma- hina o laua. (Aole i pau.)