| | He Moolelo Hooniua Puuwai -NOKA UI NOHEA GELADIOLA Ka Ipo Aloha a na Mea Aloha Elua Hookahi wahi ulia liilii a Felorika i weliweli loa ai. Ua
pakika mai kekahi kanaka kino nui a ikaika, a hauli no hoi
kona helehelena, mai ka papa noho mai maluna loa a iwaena
o ke anaina malalo, me ka aneane e ike a hoomaopopo ole ia
aku, ahiki i ke kahea okoa ana mai a kekahi poe i ike i kona
pilikia e haawi aku ke anaina i kekahi noonoo ana a lakou
nona. "Owai kela kanaka lolo i haule mai Ia?" wahi a ka luna-
hoohana i ninau aku ai me ka leo nui, me ka hele pu ana aku
ahiki imua o ke kanaka kiai puka.
"He kanaka oia i hele mai nei a noho mawaena o ke anaina
mamuli o kekahi tikiki a kekahi kahunapule o ka loaa ana
mai iaia !" wahi a ke kiai puka."
"Ke kanaka hea ia? O kela kanaka lauoho manana, ihu
ulaula anei e noho mai la iwaena o ke anaina? Ea, o kela
ke kanaka helehelena mauaua a alauka loa a'u i ike ai. E hele
aku ana au e ninaninau i ke kumu o kona komo ana mai iloko
o keia hale."
No ka hooko ana i kana mea o ka olelo ana ae la, o kona iho
aku Ia no ia mailuna aku o ka awai ahiki i kahi o ke kanaka
e noho mai ana, a hoopa malie aku la ma kona lima. Huli
koke mai la ke kanaka i hoopaia aku ai a nana mai la iaia, a
ninau mai la: "Heaha kou makemake ia'u?" wahi ana.
"He kahunapule anei oe?" i ninau aku ai ka lunahoohana
Seridana. "E pono oe e malama pono i kou ola a e hoomamao
aku." wahi a ke kanaka o ka pane ana mai me ke okalakala.
"E hoikeike mua mai oe ia'u i kou palapala ae e komo mai i
keia hale," i noi aku ai ka lunahoohana.
"Aole au e hoike aku ana," wahi a ka pane a ke kanaka.
"Ina aole oe e hoike mai ana e kipakuia aku ana oe e a'u e
hele iwaho mailoko aku o keia hale i keia manawa!" wahi a
ka lunahoohana me ka leo e hoike aku ana he mana kona,
"Hoao mai paha oe la, e kena kanaka ohule," i kukahalake
mai ai ke kanaka, me ka hoikeike pu ana mai i ka pepa a ke
kahunapule mamua o na maka o ka lunahoohana.
I kona ike ana o kona hamau loa o ia ka oi aku o ka maikai
nona, no ia kumu aole oia i pane hou mai, aka ua aeia aku
la nae oia e hele ma o a maanei o ka rumi a e hoohauoli iaia
iho me na mea ana e ike aku ana. O kana wahi mua o ka
hele ana aku ma kahi o kahi kanaka peke ame ka pilikua e
noho mai ana, a mahope iho me kahi kanaka wiwi ame ka
wahine momona e noho ana, a ia manawa oia i kamailio ae ai
i kekahi olelo hoakaka, ina oia a ma kahi o kahi kanaka peke
e kui ae ana oia i kekahi mea malalo o kona mau wawae, i like
kona kiekie me ko ke kanaka pilikua, a ina no hoi oia a ma
kahi o ka wahine momona e oki ana oia i kekahi wahi momona
o kona kino a hanai aku i kahi kanaka wiwi i mea nona e mo-
mona ai, alaila huli ae la a hawanawana i kekahi poe e ku ko-
koke mai ana iaia, he konakona loa kona naau i ka hookokoke
aku ma kahi o na kanaka mahoe peke a pilikua no laua na
makahiki he umi-kumamaono pakahi.
Aole oia i hele aku ma kahi o ka makoi, ka mea a kanaka
i kapa mai ai he mana.
"Auhea la kela kanaka mana i like aku me ke Akua?" wahi
ana i huli ae ai a ninau i ke anaina. ''Ua hele mua aku nei
anei oia iwaho? He pili ka'u aole hiki iaia ke lawe aku i kuu
uwaki gula mailoko aku o kuu pakeke me kuu ike ole i kona
lawe aku ia uwaki, oiai nae kekahi poe i puni iho nei iaia ua
hooiaio loa he hiki iaia ke kii mai a lawe aku."
Ia manawa ua huli koke ae la ka nana ana a ke anaina ma
o a maanei, me ka manao e ike aku ana i kekahi hana akamai
a ke kanaka hana mana, aohe nae ona ikeia aku, nolaila ua
lokahi like ae la na mea apau ma ke kahea ana i ka makoi
e hoea mai ia manawa mawaena o na kanaka, me ka uhi ole
ia o kona mau maka.
"Na kakou e wehe aku i ka uhi o kona mau maka ina e hele
mai ana oia iwaho nei!" i nui ae ai ka leo o ke kanaka mauaua
puni hakaka.
Ua pii koke mai la o Keoni iluna o ka awai ia manawa, a ia
ike ana aku a ke anaina, meha iho la no ka hoolohe ana aku
i kekahi mau olelo mai ia Keoni mai a lakou no e manao ana
he mea kana e kamailio mai ana, a pela io no.
"E na lede ame na keonimana, e noi aku ana au ia oukou e
hookuu mai ia'u mai ka akoakoa pu ana aku me oukou ma
keia auwinala, no keia kumu, he hana hou ka'u ma kekahi
hale keaka okoa aku mahope koke iho o ka pau ana o na
hana hoikeike maanei, a ke ike nei au ua haiki loa ka manawa
no'u i koe no ka hooko ana aku i kela hana."
Mamua o ka hiki ana i ke anaina ke hoakaka aku i ko la-
kou apono no ka Keoni noi, ua haawi mai la ka makoi ,i kekahi
kunou haahaa a emi hope aku la a nalowale mai ka ike aku a
ke anaina.
He mau minuke mahope iho hoomaka iho la ke anaina e
oili liilii mai ka hale aku, a o ke kanaka hope loa i komo mai
ai ka mea hope loa i haalele iho ia hale.
MOKUNA XIII
I na kanaka e oili liilii aku ana iwaho mai ka hale aku, hele
ae la o Mrs. Baraunu no kahi a Felorika e noho ana a i aku la:
"Hele mai!" wahi ana me ka wikiwiki loa o ia kamailio ana
ae. "He liilii loa ka manawa i koe no kaua e hoi aku ai i ka
hale a hoomakaukau i kekahi wahi meaai na kaua no ka aina
ahiahi mamua o ka hoomaka ana o na hana hoikeike o keia po.
0 na hana hoikeike no a kakou o ka hoikeike ana iho nei oia
ana no ka kakou e hoikeike hou aku ana, a oiai ua ike pono
aku nei oe i na mea i hanaia, a, pela hoi me kau mahele hana,
aole e lilo ana ia i mea hoopihoihoi loa mai ia oe."
"Aole au i manao e hiki ana ia'u ke ku hou aku me ka hoo-
manawanui," i hawanawana ae ai o Felorika me kona kuna-
hihi ia manawa me he mea la ua loaa oia i kekahi anu ikaika loa. Aohe hoolohe mai o Mrs. Baraunu ia hoakaka ana. "E ai
pu ana kakou me Mr. Keoni ma keia ahiahi," i hawanawana
ae ai ka lede, "nolaila hoi mai kaua, malia he kaalio kona e
kakali mai la nona ma ke kihi mua o ke alanui a kau pu aku kaua me ia." "Ina ina e oluolu mai ana oe e hookuu ia'u aole au e hele pu aku ana me oe, "wahi a Felorika o ke kamailio ana ae. "No keaha hoi? Mai hoomaka mai hoi paha oe e hoohoka. Ina e noi mai ana kahi mea au i kamaaina ai e ai pu me ia | mai olelo aku oe 'Aole', he olelo hoohaahaa aku ia i ka loko-
maikai o ka mea e noi mai ana," wahi a ka lede pahele.
"Pela no, he mea oiaio ia au i kamailio mai la, aka aole o'u
makemake i kela kanaka," wahi a Felorika. "He hana pono
ole na kekahi ka ae wale ana aku no i ka lokomaikai o kekahi
mea a kekahi i makemake ole ai."
"O, e Felorika, e makemake iho ana oe iaia mahope o kou
ike maopopo ana i kona mau ano apau. Aole oiaio iki o kela
olelo a kahiko, o na manao i hookahua mua ia ka oi aku o ka
maikai." E ike iho ana oe i kou haulehia i ke aloha iaia mahope
e hiki ole ai ia oe ke olelo aku 'Aole' ina e nonoi mai ana oia
i aoe no ka mare me ia mamua o ka pau ana o ka pule."
Luliluli iho la ko Felorika poo a i mai la: "E oluolu oe mai
kamailio hou mai i kekahi mea e pili ana no kela kanaka, no
ka mea aole hiki ia'u ke uumi iho i ko'u manao konakona nona.
Ina he makemake oe, o oe no ke hoohauoli iho me na meaai e
hoomakaukauia mai ana no ka-aina ahiahi, aka no'u, e oluolu
oe e hookuu mai ia'u."
"A. eia hoi paha e ike ana oia i kona kaumaha no kona hoo-
hokaia aku, a no ia hoohokaia aku ona la ea, ka'u mea e kau-
maha nei ke hoole loa oe. E hauoli loa ana au ina no kou
hele pu me a'u no ka hooko ana aku i kana kono, a no ia
kono ana ke noi aku nei no au i kou oluolu e hele pu kaua."
"Ina no ka hooluolu aku i kou noonoo ae aku au e hele me
oe, aka no ka hooko ana aku i ke kono a ke kanaka a'u i hoo-
wahawaha ai, aole," wahi a Felorika.
O ko laua haele like aku la no ia a ma kahi o ke kaalio
a Mrs. Baraunu i olelo mua mai ai a loaa io aku Ia no ia laua
malaila e kakali mai ana no ke kahukaa ia laua, me he mea la
ua aoao mua no paha o Keoni me keia wahine no ka laua mea
e hana mai ai no Felorika.
"Olelo mai nei o Keoni ia'u ina aole oia e loaa ana ia kaua
maluna o ke kaa lio, ua hiki no ia kaua ke kau a holo, a loaa
aku oia ia kaua i ka Hokele Delemonika," i pane ae ai ka
lede.
Ia kau ana ae a laua, ninau ae la o Felorika i kona hoa, "Ea,
ihea ana kaua la e hele aku ai?"
"Ua lohe no nae paha oe ia hokele mamua ka Hokele Dele-
monika? Ilaila ana kaua e hele aku ai, a ke hooiaio aku nei au
imua ou he lokomaikai nui kela o Mr. Keoni o ke kono ana mai
nei ia kaua e ai pu me ia maloko o ia hokele.
"Eia hoi paha aole o'u makemake i kela kanaka," wahi hou
a Felorika.
"Mai kamailio maa mai oe me kena, e makemake iho ana
oe ke kamaaina lea aku oe i kona mau aoao apau," wahi a ka
lede.
He mea maamau o na auwinala o ka hooilo he pokopoko
loa, ke halii koke mai la na eheu o ka pouli me ka hikiwawe
loa, me ka aa mai o na kukui ma na alanui a ma na kau-
hale ma ka manawa i ku iho ai ke kaalio ma ka puka o ka
hokele.
"Ua hiki iho Ia kaua ianei, o ka Hokele Delemonika keia,
nolaila e lele kaua," i ka manawa a ke kahukaa i hele mai ai
a wehe aku la i ke panipuka o ke kaa. "Auwe, ua hoea mua
mai ka o Mr. Keoni ianei mamua o kaua; aia oia la ke ku mai la!
Ia manawa no iho mai la o Keoni ma ke alapii no ka hookipa
ana aku i na lede, a ia manawa i pu mai la; "He mea maa
mau ia no keia i na lede, he ulolohi loa ko lakou hoea ana
mai," wahi ana me ke kunou ana mai imua o na lede.
O kela leo ! I ka lohe ana aku o Felorika ia leo i kamaaina
mua i kona mau pepeiao, lelele e wale ae la no kona oili, a
huli ae la e nana i ka helehelena o ke kanaka i kii mai la ia
laua.
O ka helehelena o ke kanaka ana o ka nana ana ae aole he
mea okoa, o ka Haku Kalaweina no ke kanaka a Geladiola De-
mona e mare aku ana ma kekahi manawa kokoke ma ia mua
aku. Me he mea la he kuhihewa nui kekahi a i lilo ai oia i
pio na ia kuhihewa. O keia no anei ke kanaka a o ka makoi
hoopunipuni hoi i hoikeike ai i kana mau hana pahele noonoo
maloko o ka hale hoikeike no kekahi uku liilii loa e loaa ana
iaia no ka pule? Ua hoopunipuni anei ka ike a kona mau
maka iaia a i ole ka lohe paha a kona mau pepeiao? O keia
ke kanaka a kona hoa ka lede Demona i kapa aku ai he haku
a o Mr. Keoni hoi.
Me ka hikiwawae loa ka lede i hooho ae ai i kekahi leo
puiwa ia manawa me he mea la ua eha, i ka i ana ae :
"Auwe, ua haalele aku nei ka au i kuu kula pepeiao dai-
mana i ka rumi komolole! E hoi hou ana ka hoi au! E komo
mua aku no olua e ai, olua a elua a ma ke kaa a maua i kau
mai la au e holo hou aku ai a hoi koke mai no maloko o ka
manawa pokole loa e hiki ana," wahi a ka lede o ka pane ana ae.
Iloko o na sekona pokole loa ua kau hou aku la ka lede ma-
luna o ke kaalio, a ma ke alanui e hoea aku ai i ka hale hoike-
ike o na mea kahiko i kamoe pololei aku ai kana holo ana me
ka mama loa, a ike iho la o Felorika iaia iho oia wale no me
ke kanaka hookahi ana i hoowahawaha loa ai maluna o ka
ili honua.
Ua hoao ae la oia e huli ma kekahi aoao a hele aku. aka
nae, ua paa mua mai la kona lima i ka hopuia e Keoni a puli-
kiia aku la iloko o kona, a papa iho la:
"Hamau! Mai uwa ae oe i nei manawa, o loheia mai he
haua pono ole ka kaua maanei! E kakali oe i ka hoike ana
mai i kou manao a komo aku kaua iloko o ka hale, no ka mea,
be nui ka'u mau mea i makemake ai e kamailio aku ia oe,"
wahi a Keoni o ka hoomalimali ana iho.
Ua hoao no o Felorika e hoololohe iwaho no kona make-
make ole e komo pu me Keoni iloko, aka, aohe hiki iaia ke
hoopupu iho oiai kona lima e paaia ana e Keoni, a e kaualako
maoli ia aku ana no hoi. Aohe wahi huaolelo kue ae a Fe-
lorika ina he huaolelo ia aia maluna ona kona palekana mai
ke kanaka limanui mai.
Mahope o kona ike ana aohe waiwai o kona kue ana ae ia
Keoni , hele pu aku la oia me ia a komo loa aku la iloko o ka
rumiaina nui no kahi o kekahi mau pakaukau ma kekahi kihi
oloko loa o ia rumi, kahi mehameha loa, no ka mea he kakai-
kahi loa na kanaka o ai ana ma kekahi mau pakaukau mai, a
hoonoho iho la iaia maluna o kekahi noiho.
"Ke hauoli loa nei au," wahi a Keoni o ka i ana mai. "No
ka loaa ana o kekahi manawa maikai loa i'u e kamailio aku ai ia
oe, oiai o kaua wale no ma keia wahi i nei manawa ;"
Ina o ka lede Demona pu kekahi malaila ia manawa aole
e hoopioloke loa ia ana ko Felorika noonoo, ua hala aku la
nae hoi oia. Iaia e noho ana ia manawa ua piha oia i ka
haalulu me ka hoihoi ole loa no ko Keoni noho kokoke aku
iaia. Heaha ana la kana mea pono e hana ai? O ka holo aku
anei? Aole; mahope olelo ia mai oia he mea aihue a e alu-
aluia aku ana. E noho malie wale no anei oia me he kii leo
ole la a hoolohe aku i na olelo palau a ke kanaka ana i kona-
kona loa ai ahiki i ka hoi ana mai o ka lede Demona, ke hoi
mai hoi?
O keia manao hope kana o ka hooholo ana iho, oiai nae, i | kela ame keia minuke me he mea la e houhou mau ia mai ana
oia i kekahi mea oioi, ka eha o kona naau. O kela ike ana ona i
na hana weliweli a keia kanaka mamua aku ke kumu o kona
konakona loa a aneane e lawe aku i kona hanu.
I kana noonoo iho me he mea la he moeuhane wale no
kana mea e ike ana o ke kanaka kiekie, hanohano a waiwai
ana i lohe ai he haku Pelekane, ame ke makoi nana na hana
akamai i kapaia mai ai oia he kanaka mana, a nona hoi ka inoa
o Keoni, a e noho aku ana imua o kona alo ia manawa, hoo-
kahi no ia kanaka.
Ke noho mai la oia heluhelu i na manao o ke kaikamahine, a i
kona maopopo ana i ka Felorika mea e noonoo ana, i mai la:
"O ko kaua halawai ana ma keia ano kamahao loa he mea
hookahaha aku no ia ia oe, pela ko'u nana aku, aka e ike ma-
opopo iho ana no nae oe -i ko'u manao ame ka'u kulana hana
i kuu manawa e hoakaka aku ai he kanaka kakau moolelo au;
o ko'u makemake 6 ia no ke kaahele ana mai kekahi aupuni a i
kekahi a mawaena hoi o kekahi lahui me kekahi lahui me ka
ike maopopo ole ia mai o ko'u kulana alii e na kanaka, o kuu
makemake nui o ka ike aku i ke ano o ko lakou noho ana
ame ke ano o ka lakou mau hana, a i mea e hiki pono ai ia'u
ke ike aku ia mau ano o ke alahele wale no a'u i hooholo ai
oia ka hoolilo ana ia'u ,i makoi, oia hoi, i kanaka e hana ana
i kekahi mau hana akamai e manao iho ai kanaka he hana
mana ia a'u e hoikeike aku ai imua o lakou, he alahele huli
dala mama a maalahi loa."
O ia mau olelo a pau a Keoni o ke kamailio ana mai la, me
he keleawe kanikani wale la no ia i pa mai la i ko Felorika
mau pepeiao.
"Pela io no ko'u manao, he kamahao io no keia halawai ana
o kaua," i pane aku ai o Felorika me ka haalulu o kona leo.
"Owau pu kekahi i hoopuiwaia ma kuu manawa i ike aku ai
ia oe maloko o ka hale hoikeike," wahi a Keoni.
"Aohe no o'u makemake i kela hana, aole hoi e hihi o ka
nele, hapuku hewa i ka hana e onouia mai ana, a pela oe i ike
ai ia'u maloko o kela hale. Ua ike au me ka maopopo aohe
kupono iki o ko'u hoohalike ana ia'u iho me kekahi o na kai-
kamahine Casiana, oiai aole au he kaikamahine o ia ano lahui,
he hana hewa loa, pela ka ike a ko'u lunaikehala."
"Ae, ua hoohalike oe ia oe iho me ia kaikamahine, aka nae,
ua kupono maoli a ua hoohauoliia aku no ka lehulehu i ike
mai ai ia oe ma keia auwina la iho la. Ke hoomanao la no
anei oe no kela kakahiaka a'u i hui ai me oe me ka maopopo
mua ole maloko o ka hale o na Demona, ame ka'u mea i ka-
mailio aku ai ia oe ma ia auwina la. Ua hoike aku au ia oe
ia manawa, elike no me ia a'u e hoike aku nei ua makahehi au
i kou u'i. O kou manamanalima uuku ua oi aku ka waiwai
o ia mamua o ke kino holookoa o Geladiola!"
. "O, hoopunipuni! Uwoki kou kamailio hou ana mai no ia
mea he aloha, aole hiki ia'u ke hoolohe aku ia oe, aole no au
e hoolohe aku ana i kau olelo. Mai koi mai oe ia'u e ai pu
me oe i keia ahiahi no ka mea, aole hiki ia'u ke ai aku i kekahi
mea au e hoolilo ana me kau dala, ina kuu ola e hilinai ana
i ka pono o ke ola ana maluna o ia mau meaai. Ua maopopo
oe ia'u he ipo kau a he kane hoopalau oe na ka mea okoa, he
aloha okoa kau i keia la, e hoomanao oe ia mea, a e hoopakele
ae oe ia'u mai ka hoohaahaaia no ka hoolohe ana aku i kau
huaolelo e pili ana i ke aloha!"
"O, e pono oe e hoolohe mai i ka'u, ua kaawale au mai a
Miss Demona mai i nei manawa! Ua ulu he hoopaapaa ma-
waena iho o maua ma kekahi la a'u o ke kipa ana aku e ike
iaia, aole nae au e hoike aku ana ia oe i ke kumu. Ma nei hope
aku aole maua e ike hou ana kekahi i kekahi, a mai ae oe i
ka noonoo ana ae nona i mea komo mai e alalai mawaena o
kaua, "e hoopoina loa aku oe ia manao !''
"Auhea oe e Keoni a e ka Haku Kalaweina hoi a'u i mao-
popo ai, e oluolu oe e manaoio iho i nei manawa o oe ke kana-
ka hope loa maluna o ka honua nei a'u e hiki ai ke noonoo
aku," i pane aku ai o Felorika me na huaolelo kuoo.
"Auwe no hoi oe e! O ia mau no anei kou hupo mamuli o ka
mau no o kou noonoo me kou aloha ho kela wahi kanaka no
Toma Geina! Ke nana aku ia oe he kaikamahine noonoo
maikai no oe ma na mea e ae, a koe kela mau no o ka pipili
kuhihewa o kou noonoo maluna o Gerina."
''Aohe ou kuleana e ninau mai ai ia'u, a i ole hoakaka mai
paha i kou manao ku-e no ka'u mea e hana aku ai, no'u ia
kuleana, a na'u ia e nana no'u iho," wahi a Felorika o ka pane
ana aku, me ka hoike pu aku i kona kulana koa a makau ole.
Ua lilo keia wahi uhane pikanana o Felorika i mea hoohamau
aku i ka Haku Kalaweina no kekahi manawa, no ka mea ua
maa oia i na kaikamahine apau he hoolohe mai lakou i kana
mau mea apau e kamailio aku ai ma ke ano pai a kukahekahe
a ua ku a nanea maoli lakou. No keia kaikamahine hoi ua
like ole loa oia mai na wahine e ae apau o ke ao, he kaikama-
hine u'i a i hoikeia mai hoi iaia he mau miliona dala kona wai-
wai.
He hana maikai ole nana ka hookuukuu wale ana aku i nei
makana gula e pahemo mai kona mau manamanalima aku, a o
ka mea i oi loa aku ai ua aloha pu oia i keia kaikamahine ana
i manaoio ai mamua he ilihune, he wahi kaikamahine na kekahi
kanaka eli lanahu ilihune mai na aina waoakua hihiu mai o ka
Mauch Chunk, oiai nae he lehulehu no na kaikamahine u'i e
ae, i like aku ko lakou nani me na pua i mohala ae o ke kaka-
hiaka, aole nae i haawi aku oia i kona noonoo ame kona aloha
no lakou.
Noonoo iho la oia iloko ka hoi o kana mau hooikaika ana e
lilo keia kaikamahine iaia eia ka, e nele ana ia manaolana ona
a e lilo ana i mea hoohoka iaia i ka manawa hope.
I kona ike ana ua holopono ole keia hoao ana ana, kauoha
aku la oia e laweia mai na meaai ono Ioa apau e nele ole ai
ka moni o ka haae o kekahi mea ke honi wale mai no i ka aala
aku o na meaai, me kona manao me ia mau meaai paha e hihia
ai ka noonoo o Felorika, eia nae; i ka laweia ana mai keia o
na meaai a muu iluna o ke pakaukau, aole i hoopa mai o Fe-
lorika, aole no ona makemake e ai i kekahi o ia mau mea, elike
no me kana i hoole mua aku ai, a nui loa iho Ia ka ehaeha o ka
naau o ke. kanaka no ia ai ole o Felorika.
Ia mau minuke aia mau ko Felorika mau maka i kahi o ka
puka komo kahi i haka pono ai, a no ia nana mau ona ike koke
iho la o Keoni he makemake loa ke kaikamahine ia Mrs. Bara-
unu o kona hoi koke mai, i mea e pakele ai oia mai iaia aku,
nolaila nanahu iho la oia i kona mau lehelehe me ka piha loa
i ka huhu kohu ole.
"Nele ae la kona hihia ia'u me keia mau meaai, e hoao aria
au ma kekahi ano hana e ae," wahi a ua haku la i noonoo iho
ai. "Ua lilo kuu hoike okoa ana aku nei iaia no kuu aloha iaia
i mea hoomaka'uka'u aku iaia, nolaila e hoopau ka hoike hou
ana aku iaia no ia mea. (Aole i pau.) | HE MOOLELO No Ka MEAHUNA POHIHIHI — a i ole — Ke Aka Maalo i ke Kulu Aumoe Ame na
Miliona Dala i Nalowale-ka Poe Haki
haki Kanawai Iloko o ka Umii. "Auwe o Demona keia ka makaikiu!" wahi ana me ka pipi-
ka wale ana aku no a pili i ka paia, a iloko no hoi o kela ma-
nawa hookahi i loheia aku ai na olelo hailiili me ke kuamuamu
mai ka lehulehu mai o ka poe maloko o kela hale.
No ka Makaikiu Demona nae, i ka loaa ana aku o ka ike
iaia, ua ahuwale kona mau ano apau i kela puulu kanaka o
ka poe inu, ala ino ae la oia a ku ana iluna, aka mamua o ka
hiki ana iaia ke hopu aku i kekahi mea eha, no ka hoopakele
ana i kona ola iho, ua paa e mai la oia i ka hopuia e kekahi
poe kanaka lehulehu, a Demona no e ike la, ua kokoke loa mai
kona mau hora e ola ai ma keia ao, aka iloko nae o ka manawa
ana i moeuhane mua ole ai, aia hoi, ua weheia mai la kekahi
panipuka, a komo ana no kekahi kaikamahine opio iloko, aia
hoi ma kona mau lima, e paa ana he elua mau pu panapana,
me ke kau pono ana mai imua o na kanaka e hookokoke ae
ana imua o ka makaikiu, me ka lakou mau pahi, a poha aku
la kona leo i ka i ana aku:
"E. waiho i ka oukou mau mea eha, o kiia aku auanei oukou
e a'u i ka pu a make loa!"
No kela leo kauoha o ke kaikamahine opio, a hui pu hoi me
ke kau pono aku o kana mau pu panapana imua o kela poe
kanaka, ua hiki ole ia lakou ke nee hou aku imua, aka kuemi
nui aku la ihope, me na manao kahaha, no kela hana ma ka
aoao o ke kaikamahine opio, a iloko no hoi o kela manawa
hookahi, i hoopiha pu aku ai ka Makaikiu Demona me ke ka-
haha, no ka mea o ke kaikamahine e ku aku ana imua o kona
alo, ina aole oia o Mode Linekona, alaila oia o Akeneki Line-
kona, ke kaikamahine i pepehiia a make e ka poe haiia kara-
ima.
MOKUNA XV. Aole loa he wahi manao iki iloko o Mode Linekona, e hooko
aku i ka makemake o Kapena Paka, e koi mai ana iaia me ka
hooweliweli ana, e hoike aku i na huahelu huna a kona ma-
kuakane i kamailio mai ai iaia, aka nae iaia i nana ae ai, no
ke ola o kona makuakane, akahi no oia a haawi aku i kona
ae imua o kela kanaka ino, ma ka pane ana aku:
"Ina oe e hoopakele ana i kona ola, a hookuu mai ia'u ame
ia e hele ma ka maua mau wahi apau i makemake ai, me ka
hoopilikia ole ia mai, alaila e hoike aku no au ia oe i na huahe-
lu au e noke mai nei i ke koi," i uwalo aku ai oia me na ma-
nao kuio loa imua o kela kanaka lokoino.
Pahola ae la ka minoaka ma na papalina o Kapena Paka, me
ka hookuu ana iho i kana pu panapana ilalo, alaila pane mai la:
"Ua hoike mua aku nei au ia oe, no ka'u mea e hana aku ai,
nolaila aole au hopohopo ana no ko'u hooko ole i ka'u olelo paa.
Malia paha ua oi loa aku ka mea a'u i hana aku nei maluna
ou, mamua o ke kupono, e ike iho ana no nae oe, ua hana wale
aku no au pela, i kumu oou e hoike mai ai ia'u i na huahelu."
"Heaha la hoi, no na huahelu au i makemake loa ai e ike,
eia mai: '16, 125.' "
. Mamua aku, a hoea wale mai no i kela manawa me he mea
la, aole he hiki ia Linekona ke hoomaopopo mai i kekahi mea,
a aole no ona hoike mai no kona maka'u i ke kauia aku o ka
pu panapana ma kona lae, aka nae i kela hooki ana iho a Mo-
de i ke kamailio ana ae no na huahelu, akahi no a ikeia aku
ke ano hoihoi ma kona helehelena, a lohe pu ia aku la no hoi
kona leo i ka pane ana mai :
"Ae, o kela i'o na huahelu; no kuu manao pela wale no e
maluhia ai me ka loaa ole i kekahi poe ke huli mai, pela au
i lawe ole mai ai i na huahelu, maloko o ka buke hookahi me
na huahelu e ae."
"Heaha ka inoa o kela buke, o na huahelu au i lawe mai ai?"
i ninau mai ai o Kapena Paka ia Linekona, me ke kulou ana
mai o ua kanaka nei imua, no. ke ake e lohe i kana pane.
"Mailoko mai o ka buke kuhikuhi o ke kulanakauhale o Nu
Ioka aka nae aohe waiwai i keia manawa, no ka mea ua na-
lowale kela meahuna i keia manawa," alaila kulou iho la kaai
poo o Linekona ilalo, me ka nohoalii ana iho o ka haka -dfH
maluna ona, elike me ua minuke mamua aku.
"Auhea oe e Miss Mode Linekona, ina e hiki ana ia'u ke
manaoio, ua pololei loa kau mau mea apau i hoike mai nei ia'u
no na huahelu, ina aole au e hoohakalia iho ana, i ka Iv -kfjjt^.4
ana aku ia oe ame kou makuakane e hele me ka lanakila : ;ifca -Z'"
oiai aia kekahi manao kanalima iloko o'u, no ka oiaio o na nyb^
au i hoike mai nei, ua konoia mai au, e paa ia oe ame kou rajSffi
kuakane maloko nei o keia hale, ahiki i ka hooiaioia ana JBHa
hooiaio ole ia paha, no ka hiki ke loaa ia'u na waiwai i lirrtHW!
e ko makuakane ma kekahi wahi huna."
Me kela mau olelo i kamailioia mai e Kapena Paka kauoha
aku la oia ia Kalakona e ukali mai mahope ona, o ka hele mai
la no ia o ua mau kanaka nei, no kahi o ka puka, alaila O-.M &fci;^
la noloko o kekahi rumi okoa, me ke ki ana mai i ka I'^kwjj^^
paa, a huna aku la i ke ki iloko o kekahi o na pakeke o k£HH
lolewawae.
I ua mau kanaka nei nae 6 ke komo ana aku maloko o ke9H
rumi, noho iho la laua maluna o na noho, alaila hoomaka aiJH
la o Kapena Paka e kamailio i kona hoa, i ka i ana aku :
"Auhea oe e Kalakona, ua hala na la, i hiki ole ai i kekahSH
o kaua ke hookau aku i kona hilinai ana maluna o kekahi «I
aka no keia manawa la, e pono kaua e lilo i mau hoaloha oiaio
Ioa, a o ka make wale no ka mea nana e hookaawale. Ua
loaa ia oe na ike ano nui, e pili ana i keia hana pohihihi; no-
laila ina ua pololei na mea apau a kela kaikamahine opio i fcoir
kaka mai nei imua o'u, alaila e ohi ana oe i kekahi poma^jjk
nui, ma ka loaa ana o kekahi puu dala mahuahua e la^'ilk
kou noho ana no ke koena aku i koe'o kou mau la e ola *f»ijP^K
keia ao; aka i pololei ole na mea a kela kaikamahine i kamailio
mai nei, alaila ua makemake au e lilo oe ! mea kokua nui p$$jn
ia'u, ma ka huli ana ahiki i ka loaa ana o kela waiwai, a i^ftjw
hope aku olaila, e mahele like ia kela waiwai mawaena (jSjjjA
ame a'u."
Ua hookahaha loa ia aku ka manao o Mr Kalakona, no kela
mau hoakaka a Kapena Paka, oiai o kela J^Eenawa mua 1-
ana o ka lohe ana, eia ka no ka waiwai WK hana nui a | |