| | MA KE KAUOHA (Mai ka Aoao Eha mai)
Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 230 (Bila Senate Helu 196.) HE KANAWAI E HOOKAAWALE ANA I HAAWINA NO KA POMAIKAI O KE KOMI- SINA FEA O HAWAII. E Hooholoia e ka Ahaolelo o ke Teritori o Hawaii: PAUKU 1 O ka huina o kanaha tausani dala ($40,000.00) ma keia ke hookaawale ia nei mai ka waihona laula mai o ke Teritore no ka pomaikai o ke Komisina Fea o Hawaii no ke kukulu ana i mau hale no na holoholona, na wahi noho o na makaikai, ame Ka hoomoe ana i na uwea uwila paa mau. PAUKU 2. O ka huina o kanaha tausani dala e oleloia nei (40.000.00) ma keia e hookaawaleia nei e hoolilo ia no ia ma na bila kikoo dala e hoopuka ia ae ana e ka luna hooia ma na bila i aponoia e ka lunahoomalu o ke Komisina Fea. PAUKU 3. E mana keia kanawai i kona aponoia ana.
Aponoia i keia la 29 o Aperila, M. H. 1925. W, R. FARRINGTON,
Kiaaina o ke Teritori o Hawaii. KANAWAI 231 (Bila Senate Helu 217.) HE KANAWAI E HOOLOLI ANA I KA PAUKU 172 o NA KANAWAI I HOOPONOPONO Hou IA o HAWAII 1925 E PILI ANA I KA HOOHANA IA ANA o NA LIMAHANA MAKAAINANA, AME KA POE I KULEANA E LILO I MAU MAKAAINANA, MA NA HANA o KE AUPUHI. E Hooholoia e ka Ahaolelo o ke Teritori o Hawaii: PAUKU 1. O ka pauku 172 ona Kanawai i Hooponopono Hou ia o Hawaii 1925, ma keia ke hoololi ia nei i heluhelu ai penei : Pauku 172. I poe makaainana wale no ke hoohana ia; koe nae. Aole kekahi kanaka e hoohana ia ma ke ano he mekanika a i ole i limahana ma kekahi hana aupuni e hoohana ia ana e ke Teritore, a i ole ia e kekahi mahele aupuni iloko ona, ina paha ua hoohana ia ua hana la ma ka aelike a i ole ma kekahi ano e ae paha, aia wale no a o ua kanaka la he makaainana no Amerika Huipuia ame ke Teritore o Hawaii; koe no nae keia, ina aole e lawa na makaainana e lawelawe i kekahi hana ma ke ano he limahana wale no, mahope iho ka hoolaha ia ana i kalahea no ka huli ana i poe limahana makaainana maloko o kekahi nupepa e holo puni ana iloko o ke kalana a kulanakauhale a kalana iloko olaila ua liana nei e lawelawe ia ana no elua manawa a oi aku, alaila na loaa no i ka luna hoohana nui o ke aupuni, i ka Meia a i ole i ka Luna hoohana o kekahi mahele aina ka mana, i ka manawa e hooia ia aku ai aole he lawa o na poe limahana mekanika ole i ka hana ana i ua hana nei, e hoopuka ae i palapala ae e hoohana ia kekahi poe limahana mai waena mai o na poe i kalahea ae i ko lakou manao e lilo i mau makaainana , a e hoohana ia ua poe limahana nei a hiki i ka manawa e loaa ai na limahana he mau makaainana. PAUKU 2. E mana keia kanawai i kona aponoia ana.
Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 232 (Bila Senate Helu 244.)
HE KANAWAI E HOOLOLI ANA I KA PAUKU 336 o NA KANAWAI I HOOPONOPONO Hou IA o HAWAII 1925, E PILI ANA I KA MALAMA IA ANA o NA KULA AUPUNI AME KA PAPA KUHIKUHI o KA UKU o NA KUMUKULA. E Hooholoia e ka Ahaolelo o ke Teritori o Hawaii: PAUKU 1 O ka pauku 336 o na Kanawai i Hooponopono hou
ia o Hawaii 1925 e pili ana i ka malama ia ana o na Kula Aupuni
ame ka papa kuhikuhi o ka uku o na kumukula, ma keia ke hoo loli ia nei i heluhelu ai penei Pauku 336. Papa Kuhikuhi uku. O ka papa kuhikuhi uku
e hookau ana i ka uku o na luna kula, na kumu poo, na kumukula
a pela wale aku, i aponoia e ka Papa Hoonaauao ma ka la 26 o
Ianuari 1925, a i aponoia e ke Kiaaina, ma keia ke aponoia nei ma
ke ano oia ka papa kuhikuhi o na uku o na kumukula
Ka heluna o na kumukula. O ka heluna nui o na kumukula,
mawaho ae o na kumupoo no na kula o umikumamaono a oi aku
mau kumukula kokua, a aole e oi aku maluna o kanakolu kuma-
malima mau luna kula, aole e oi aku maluna o hookahi haneri me kanahakumamalima mau kumu a'o hana, a aole e oi aku maluna o kanakolu kakauolelo no na luna kula ame na kula he iwakalua- kumamalima a oi aku mau kumu e hoohana mau ia ana e ke Keena Hoonaauao, aole e oi aku maluna o hookahi no kela ame keia kanakolukumamalima haumana e hoopaa inoa ia ana maloko o na kula haahaa a hookahi no kela ame keia iwakula haumana i hoopaa inoa ia ma na kula kiekie ma ka manawa o ka huina nui loa o na haumana i hoopaa inoa ia i ka makahiki i hala aku, me ka hui pu ia ana aku o kekahi huina hoonui ae i oi ole aku maluna o 7.5 pakeneta o ua huina hoopaa inoa nei mahope aku o ka la 1 o Sepatemba o ia makahiki kula. Koe no nae keia, o ka huina uku no ka mahina hookahi, e like me ia hoomaopopo ia ae la maluna'e, aole no ia e oi aku maluna o eha dala ame ka hapalua (4.50) no ka haumana hookahi no ka huina haumana i hoopaa inoa iloko o na papa mai ka 1 a ka 8 i huipuia, a i ka ewalu dala ame ka kanahikukumalima keneta (8.75) no ka huina haumana i hoopaa inoa ia ma na papa 9 a ka 12 i hui puia. A o ka puuku o ke Teritore, i kona manawa e hoomakaukau ai i kana huina o na waihona apau e manao ia ana e auhau aku maluna o na waiwai paa ame waiwai lewa no ka uku ia aku o ua papa kuhikuhi uku kumukula nei e noonoo pu ae no oia i ka huina oi aku o 7.5 pakeneta ma ka huina haumana hoopaainoa i hai mua ia ae nei mahope aku o ka la 1 o Sepatemaba o ia makahiki, ame ka huina nui pu ae no hoi o na kumukula ame ka huina o ua papa kuhikuhi uku hana nei, me ka hoohui pu ana aku me ia i ka uku hoomau o na limahana o ke Teritore o Hawaii no ka haawina o ka uku hoomau o na limahana o ke Teritore o Hawaii no na kumu- kula i uku ia ko lakou mau uku mai na waihona mai o ka uku o na kumukula." PAUKU 2. O na kanawai apau ame na mahele kanawai e ku-e ana i keia kanawai ma keia ke hoopau loa ia nei. | PAUKU 3. E mana keia kanawai mai a mahope aku o ka la 1 o Sepatemaba, 1925. Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 233 (Bila Senate Helu 238.)
HE KANAWAI E HOOLOLI ANA I KA PAUKU 433 o NA KANAWAI I HOOPONOPONO Hou IA o HAWAII, 1925, E PILI ANA I KE KOMISINA FEA. E Hooholoia e ka Ahaolelo o ke Teritori o Hawaii: PAUKU 1. O ka pauku 433 o na Kanawai i Hooponopono Hou ia o Hawaii, 1925, ma keia ke hoololi ia nei i heluhelu ai penei : "Pauku 433. Komisina Fea ; na lala, ka hookohu ia ana ame ka loihi o ka manawa. E hookohu no ke Kiaaina i elima mau kanaka e like me ke kauoha a ka Pauku 80 o ke Kanawai Oganika, elua o Iaua mai ke Kulanakauhale a Kalana mai o Honolulu, hookahi mai ke Kalana mai o Kauai a o lakou ke komisina i ike ia o ke Komisina Fea o Hawaii. Hookahi o ua mau komisina la e hookohu ia i lunahoomalu a e uku ia oia i uku mahina, a oia uku mahina e uku ia mai na haawina mai e hookaawale ia ana i kela ame keia manawa e ka ahaolelo no ka uku ana aku i na lilo no ka malama ia ana o na fea teritore. O na lala e ae e lawelawe no lakou i ka hana me ka uku ole. E paa no na komisina i ko lakou kulana no eha makahiki ke ole e hoopau ia aku no kekahi kumu." PAUKU 2. E mana kela kanawai mai a mahope aku o ka la 1 o Iulai M. H. 1925. Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 234 (Bila Senate Helu 240.)
HE KANAWAI E PILI ANA I NA HOOLAHA HOOPUNIPUNI A E HOOMAKAUKAU ANA I MAU HOOPAI NO IA MAU MEA. E Hooholoia e ka Ahaolelo o ko Teritori o Hawaii: PAUKU 1. O ke kanaka, hui a ahahui e hana ana, hoolaha ana,
hoikeike ana a waiho ae imua o ka lehulehu, me ka manao ana e
kuai aku, a hoolilo aku i kekahi waiwai kalepa, waiwai bona,
kona hana ana a i ole o kekahi mea e hoike ia ae ana e ua kanaka
hui a ahahui nei i ka lehulehu no ke kuai ia aku, ka hoolaha ia
aku ai ole me ka manao ana e hoonui ia ae ke kuai ia ana aku o
ia mau waiwai, a i ole e hoowalewale ana i ka lehulehu e lawe i
ua mau mea nei, a e loaa ko lakou kuleana ma ua mau mea nei
maloko o keia teritore maloko o kekahi nupepa a ma kekahi ano
pa'i palapala e ae, a i ole ma ke ano he buke, hoolaha, palapala
lawe lima, bila, hoolaha liilii, hoolaha pipa alanui, buke liilii a i
ole ma kekahi ano e hoopuka ana i hoolaha o kekahi ano e pili
ana i na waiwai kalepa, na waiwai bona, na hana, a ma kekahi
ano e ae e hoike ia aku ana i ka lehulehu, a maloko o ua mau
hoolaha ana nei he mau olelo hoopunipuni, wahahee a alakai hewa
e ku no iaia ka hewa mikamina ; koe nae keia, o na kauoha a keia
kanawai aole e pili aku i na ona, na mea pai palapala, na agena
ame na limahana o kekahi nupepa no ke pai ia ana o ua mau
hoolaha nei ina ua hoopuka ia ua mau hoolaha nei me ka manao
maika! ame ka ike ole ia ana he mau mea hoopunipuni kekahi
maloko olaila. PAUKU 2. O ka mea e hoahewa ia ana no ke ku-e ana i na
kauoha a keia kanawai e hoopai ia no ma ka hoopai dala aole e o
aku maluna o elima haneri dala ($500.00) a i ole ma ka hoopaa-
hao ia ana no ka manawa aole e oi aku maluna o kanakolu la. PAUKU 3. E mana koke keia kanawai i kona aponoia ana.
Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 235 (Bila Senate Helu 269.)
HE KANAWAI E HOOKAAWALE ANA I HAAWINA NO KA UKU ANA I MAU Ko-KUA KAKAUOLELO, NA KOMISINA AME NA BUKE AUHAU, NO KA MAHELE AUHAU EKAHI, NO KA KAU o ELUA MAKAHIKI E PAU ANA I IUNE LA 30, 1925. E Hooholoia e ka Ahaolelo o ke Teritore o Hawaii: PAUKU 1. O ka huina o eha tausani elima haneri dala (4,500.-00) ma keia ke hookaawale ia nei mailoko mai o na dala ma ka waihona o ka lehulehu i loaa mai mai na loaa laula ma ke ano he pakui hoonui ana aku i ka itamu i ike ia "Uku o na kokua kakau-olelo na komisina ame na buke auhau" malalo o ke poo "Keena Puuku," poohapa "Mahele Auhau Ekahi, Oahu" maloko o ke Kanawai 148 o na Kanawai o ke Kau o 1923, no ka elua makahiki e pau ana i Iune la 30, 1925. PAUKU 2. E mana keia kanawai i kona aponoia ana. Aponoia i keia la 29 o Aperila, M. H. 1925. W. R. FARRINGTON, Kiaaina o ke Teritori o Hawaii. KANAWAI 236 (Bila Senate Helu 277.) HE KANAWAI E HOOLOLI ANA I KA PAUKU 2088, MOKUNA 125, o NA KANA WAI I HOOPONOPONO Hou IA o HAWAII 1925, A E PAKUI HOU AKU ANA I PAUKU Hou I UA MOKUNA 125 NEI I OLELOIA HELU IA o KA PAUKU 2088A, E PILI ANA I KA LAIKINI NO NA HOIKEIKE AKEA. E Hooholoia e ka Ahaolelo o ke Teritore o Hawaii: PAUKU 1. O ka pauku 2088 o na kanawai i Hooponopono Hou ia o Hawaii 1925, ma keia ke hoololi ia nei i heluhelu ai penei : "Pauku 2088. Uku laikini. O ka uku laikini no kela ame keia hoohana ia ana malalo o ua laikini la i hookahi dala ($1.00) no ia, koe nae ka mea i hoakaka ia maloko o ka pauku 2008A, a koe e pu na wahi hoikeike kii onioni ame na hale hana keaka, a ua hiki ke kaki ia ia mau wahi lealea he elua haneri dala o ka makahiki | $200.00) ; a o ua laikini la ma ka makahiki, aole e komo pu aku na kii onioni ame na hana lealea i haawi ia ma na la Sabati, a no ia mau hoikeike ana he hookahi dala ka uku laikini no kela ame keia hoikeike ana; aka aole nae he laikini e kaki ia ina ka puuku a i ole o ka makai nui e hoomaopopo lea iho o na loaa apau o ua hana hoikeike la a i ole o kekahi aha mele e haawi manawalea ia ana ia i kekahi kula, hale pule a hui hana aloha, a i ole no ka hoohoihoi ana aku i na ike akeakamai, a aole no ka puipui pakeke o kekahi poe kakaikahi. PAUKU 2. He pauku hou kekahi e pakui ia nei me ka mokuna 125 o na Kanawai i Hooponopono Hou ia o Hawaii 1925, e helu ia o ka Pauku 2O88A a e heluhelu ia penei "Pauku 2088A. O ka uku no kekahi laikini i hoomaopopo ia maloko o ka Pauku 2087 o keia, he umikumamalima dala ($15.00) no ia no ka Ia hookahi no na kaniwala, na hana keaka, na paka lealea ame na hoikeike kaahele malalo o na hale pe'a a i ole o kekahi hale i kukulu ia de no ka manawa, koe nae keia, ua hiki no ke kaki ia aku ua kaniwala nei, ua wahi hana keaka nei, ua paka lealea nei a i ole ua poe hoikeike kaahele nei i laikini maka-hiki o elua haneri dala ($200.00) ; koe nae keia, aole e pili aku keia pauku i na fea o ke teritore a i ole o ke kulanakauhale a kalana ame na kalana ; a koe hou no keia, aole kekahi kaki e hookau ia aku ina ua manao ka puuku ame ka makai nui o na loaa apau e loaa mai ana e haawi ia aku ana no kekahi kula, hale pule a wahi hana aloha, a i ole ia no ka hoohoihoi ana aku i na ike akeakamai, a aole no ka puipui pakeke o kekahi poe kakaikahi." PAUKU 3. E mana keia kanawai ma ka la 1 o Ianuari, M. H. 1926. Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 237 (Bila Senate Helu 280.)
HE KANAWAI E HOOLOLI ANA I KA PAUKU 306 o NA KANAWAI I HOOPONOPONO Hou IA o HAWAII 1925 E PILI ANA I NA PALAPALA HOOMAIKAI o NA KUMUKULA. E Hooholoia e ka Ahaolelo o ke Teritori o Hawaii: PAUKU 1. O ka pauku 306 o na Kanawai i Hooponopono Hou ia o Hawaii 1925 ma keia ke hoololi ia nei i heluhelu ai penei : "Pauku 306. He kuleana ko na kumukula i ka palapala hoomaikai no ka manawa ola. O kela mau kumukula iloko o na kula aupuni o ke Teritore o Hawaii, i paa i na palapala hoomaikai o ka papa pokii, ka papa kuwaena a i ole i ka palapala hoomaikai o ka papa elua o na palapala hoomaikai papa mua no na makahiki he umi a oi aku, a i noho kumukula me ka maikai no na makahiki he umi malalo o ua mau palapala hoomaikai la, e haawi ia aku no ia lakou i mau palapala hoomaikai papa ekahi no ka manawa aku e koe ana o ko Iakou ola ana e ka Papa Hoonaauao. PAUKU 2. E mana keia kanawai i kona aponoia ana.
Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 238 (Bila Senate Helu 287.)
HE KANAWAI E HOOMAOPOPO ANA I KA HOOHANA IA ANA o KEKAHI WAIHONA KUIKAWA ILOKO o KA WAIHONA o KE KULANAKAUHALE A KALANA o HONOLULU NO KA PONO o KA WAIHONA o NA HANA Hou. E Hooholoia e ka Ahaolelo o ke Teritori o Hawaii: PAUKU 1. No ka hoohana ana i na waihona kuikawa no ka manawa. O ka puuku o ke Kulanakauhale a Kalana o Honolulu me ke a'o ana mai ame ka ae ana mai a ka Papa Luna Kiai, ke hoomana ia nei e hoohana no ka manawa i kekahi hapa o kekah mau waihona no ka manawa o na waihona kuikawa o ke kulanakauhale ame kalana o Honolulu e kau ana ma na buke a ka puuku no ka uku ana aku i na bila kikoo dala e koi ia aku ana mai ka puuku mai no ka uku ana i na aie holo mau i ka manawa e ike ia iho ai aole i lawa ke dala kuike maloko o ka waihona laula a i ole o ka waihona no na hana hou o ke kulanakauhale ame kalana e uku aku i na bila i hoihoi ia malalo o ia mau waihona; koe nae keia, o na huina apau loa e lawe ia ana elike me ia ke ano, e hoihoi hou ia aku no ia iloko o ua mau waihona la iloko o ka manawa aole e oi aku maluna o umikumamalima la (15) mahope iho o ka la uku hope loa o na auhau waiwai. O na huaolelo "waihona kuikawa" e kau nei maloko o keia kanawai, e manao ia no ia o na waihona apau mawaho ae o ka waihona uku hoomau, waihona dala aie ia, waihona hoihoi aie ame ka waihona no na kula aupuni. PAUKU 2. E mana keia kanawai J kona aponoia ana. Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 239 (Bila Senate Helu 296.) HE KANAWAI E HOOKAAWALE ANA I HAAWINA NO KA EONO o ESPIRIDION RA- PAL. E Hooholoia e ka Ahaolelo o ke Teritori o Hawaii: PAUKU 1. O ka huina o kanakolukumamaono ame 80/100 dala ($36.80) ma keia ke hookaawaleia nei mailoko mai o na waihona maloko o ka waihona o ke teritore i hookaawale mua ole ia no , ka uku ana aku ia Espridion Rafal, no ka uku ana aku i ua o Espiridion Rafal no na poho i loaa iaia no kekahi mau ulia poino i kau iho maluna o ua o Espiridion Rafal nei oiai oia he lala no ka puali kaua pualu o ke Teritore o Hawaii. PAUKU 2. O ka huina ma keia e hookaawale ia nei e haawi koke ia oe no a ke kauoha ia nei ka puuku e uku aku i ua mau dala nei ia Espiridion Rafal e oleloia nei. PAUKU 3. E mana keia kanawai ma ka la o kona aponoia ana. Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 240 | (Bila Senate Helu 299.)
HE KANAWAI E HOOMANA ANA A E KAUOHA ANA I KE KALANA o MAUI E HOOKAAWALE A E UKU AKU I KA HUI HANA HAU A UWILA o HANA, KAUPALENAIA, I KA HUINA o ELIMA HANERI MB EHIKU DALA ($507.00) NO NA AUHAU I OHI HEWA IA. E Hooholoia e ka Ahaolelo o ke Teritori o Hawaii: PAUKU 1. Ke kauohaia nei a ke hoomanaia nei ka Papa Luna Kiai o ke Kalana o Maui ma keia e hookaawale a e uku aku i ka Hui Hana Haa ame Uwila o Hana i Kaupalenaia i ka huina o elima haneri ame ehiku dala ($507.00) no na dala auhau i ohi lewa ia. PAUKU 2. O keia huina e uku ia aku no ia ma kekahi bila ki-koo dala i hoopuka ia ma kekahi bila i aponoia e ka luna auhau o ka mahele auhau elua. PAUKU 3. E mana keia kanawai i kona aponoia ana.
Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii KANAWAI 241 (Bila Senate Helu 307.) HE KANA WAI E HOOLOLI ANA I KA MOKUNA 201 o NA KANAWAI I HOOPONOPONO Hou IA o HAWAII 1925, E PILI ANA I NA HOAHUI, MA KA PAKUI Hou ANA AKU I PAUKU Hou I KAPAIA o KA PAU-KU 3560A, E Hooholoia e ka Ahaolelo o ke Teritori o Hawaii: PAUKU 1. He pauku hou kekahi e pakui ia nei me na kanawai i hooponopono hou ia o Hawaii 1925 i ikeia o ka pauku 3560A, a e heluhelu ana penei: "Pauku 3560A. Hoopau ana i ke kakauinoa. Ina kekahi hui e haule a i ole e hoomaopopo ole, no kekahi manawa o elua makahiki, i ka waiho ana ae i ka lakou hoike makahiki e like me ia e koi ia nei maloko o keia mokuna, ua hiki no i ka puuku ko hoopau i ke kau ana o ka inoa o ia hui ma ka papa kakauinoa. O ca hoopau ia ana o ia kakauinoa ia ana aole ia he mea e hoopau ai i ke kau ana o ke koikoi maluna o na lala o ua hui nei no na hoopai e kau ia ana no ka waiho ole ia ae o ua hoike makahiki nei e like me ia e koi ia nei e keia mokuna. PAUKU 2. E mana keia kanawai i kona aponoia ana.
Aponoia i keia la 29 o Aperila M. H. 1925. W. R. FARRINGTON,
Kiaaina o ke Teritori o Hawaii. KANAWAI 242 (Bila Senate Helu 308) HE KANAWAI E HOOLOLI ANA I KE KANAWAI 176 o NA KANAWAI O KE KAU o 1923, E HOOMAOPOPO ANA I KA HAAWINA NO NA KULA NO NO KA ELUA MAKAHIKI MAI IANUARI LA 1, A E PAU ANA I DEKEMABA LA 31, 1925, A E HOOMAOPOPO ANA I KE ANO o KA HANA E HANA IA AI E KA PUUKU o KE TERITORE ILOKO o KA MAKAHIKI 1925, NO KA HUINA E LAWA AI KE KALANA o HAWAII NO KA MAHELE LIILII 5 o KA PAUKU 1315 o NA KANAWAI I HOOPONOPONO Hou IA o HAWAII 1925. E Hooholoia e ka Ahaolelo o ke Teritori o Hawaii: PAUKU 1. O kela hapa o ka pauku 1 o ke Kanawai 176 o na
Kanawai o ke Kau o 1923, e pili ana i na Waihona Kuikawa, ma
keia ke hoololi ia nei ma ka hoololi ana ae i ka itamu no na "Halt
Hou na pakui ana ame na hooponopono hou ana" maloko o ke
Kalana o Hawaii mai ka hookahi haneri me ehiku tausani ekolu
haneri me kanalima ($107,350.00) a i ka hookahi haneri kanai-
wakumamaiwa tausani ewalu haneri me ewalu dala ($199,808.-
00) ; ma ka hoololi ana i ka huina nui no ua kalana nei mai ka
ekolu haneri iwakaluakumamakahi tausani eha haneri me kanalii*
kukumamaono dala ($321,876.00) a i ka eha haneri umikumama-
kolu tausani eiwa haneri kanakolu kumamaha dala ($413,934.00)
ma ka hoololi ana i ka huina nui o ke teritore holookoa mai ka
hookahi miliona, elua haneri kanahikukumamakahi tausani eiwa
haneri kanahiku dala ($1,271,970.00) a i ka hookahi miliona ekolu
haneri kahaonokumamaha tausani eha haneri iwakalukumama-
walu dala ($1,364,428.00) ; a ma ka hoololi ana i kela o ua pauku
nei e oleloia nei e pili koke mai ana no i heluhelu ai penei :
"O ka huina nui o hookahi haneri kanaiwakumamaiwa tausani
ewalu haneri me ewalu dala ($199,808.00) e hoakaka ia nei ma-
luna ae no ke Kalana o Hawaii, ame ekolu haneri kanakoluku-
mamahiku tausani dala ($337,000.00) no ke Kulanakauhale a
Kalana o Honolulu no na hale hou, na pakui ame na hooponopono
hou ana, e mahelehele ia no ia ma na apana no ka manawa o elua
makahiki e pau ana i Dekemaba la 31, 1925, e like me keia ma-
lalo iho nei: KALANA O HAWAII. Kulanakauhale o Hilo 37,258.00 Hawaii Hikina Kuaaina 96,400.00 Hawaii Komohana 66,150.00 $199,806.00 Kulanakauhale a Kalana o Honolulu Apana o Honolulu 190,800.00 Oahu Kuaaina 146,200.00 $337,000.00 Huina 536,808.00 Huina o ka Waihona Kumau 572,690.00 Huina o ka Waihona Kuikawa 1,364,428.00 Huina Nui $1,937,118.00 PAUKU. 2. I ka Hoonohonoho ana i ka Pakeneta Auhau no ke Kalana o Hawaii no ka makahiki 1925, e like me ke kauoha a ka Pauku 1315 o na Kanawai i Hooponopono Hou ia o Hawaii 1925, e hoomaopopo no ka puuku o ke Teritore i kona manawa e hoonohonoho ai no ka hapa mahele 5 no ke Kalana o Hawaii i ka huina o elua haneri kanalimakumamakolu tausani hookahi haneri kanaiwa kumarnaono dala ($253,19600). oiai oia ka oi aku o ka huina nui e kauoha ia nei e ka bila haawina o na kula e like me ia e hoololi ia nei no ke Kalana o Hawaii, maluna aku o ka huina ana i hoonohonoho ai i ka manawa ona i kau ai i ka pakeneta au-hau no ka makahiki 1924. PAUKU 3. E mana keia kanawai i kona aponoia ana.
Aponoia i keia la 29 o Aperila, M. H. 1925. W. R. FARRINGTON,
Kiaaina o ke Teritori o Hawaii. KANAWAI 243 (Bila Senate Helu 70.)
(E Nana ma ka Aoao Eono) | |