Ka Nupepa Kuokoa, Volume LXIII, Number 39, 25 September 1924 — Page 2
| | |||||||||||||||||||||||||||
| | ELUA NUPEPA KUOKOA HONOLULU, T. H., POAHA, SEPATEMABA 25, 1924. | ||||||||||||||||||||||||||
| | |||||||||||||||||||||||||||
| | Ka huakai Makaikai Mua' Loa a ka Lunakanawai S. Hookano no na Kulanakauhale o Kaleponi. | Ke kii keia o ka Lunakanawai S. Hookano, ma ke kulanakauhale o Los Angeles. O kona kokoolua e kuikuilima pu ana, oia o Mrs. Pauline Steel o Honolulu nei, o ka buro o na malihini makaikai honua o keia kulanakauhale, a o kona kamaaina nana i hoolauna aku me na luna nui o ka papa kalepa o Los Angeles. | |
| | |||||||||||||||||||||||
| | loaa i ke anu, no ka mea ke ike i'o iho la oia, i ka lia mai o ka ili, oiai ke hookokoke aku nei ka moku i na kai o Kaleponi. He ekolu la, alaila komo aku ka moku i ka Ipuka Gula, ike i'o iho la oia i ka hu'ihu'i, a mahalo iho la oia no ka loaa ana iaia o ka rumi pumehana, eia ka ua pololei ka haawiia ana mai o kela rumi iaia e na akena o ka hui moku ma Honolu-lu nei. Ke Ku Ana i Kapalakiko Hookahi mea ano nui ana i ike ma keia huakai moana, o ia no ka nui o na manu keokeo e hahai mau ana i ka mokuahi i na la apau mai ke kakahiaka mai ahiki i ka poeleele ana. He mau manu keia i like Ioa me ke Koae, koe wale no nae, ka nunui o na kino o kela ano manu, a he liilii hoi ko ke Koae. He hookahi la i koe, alaila komo aku ka mokuahi i Kapalakiko, na haawi ae la ke kapena ame na alii-moku he paina no ka hanohano o na ohua; ma kela paina, i komo like ai na mea apau iloko o na hoohauoli hope ana, mamua o ka lele ana aku iuka o ka aina, e laa na paani lealea, na haiolelo, ka hi-meni no hoi ame ka hulahula. Ma ka po hope loa ma ka moana, ua ala ae la oia i ka wanaao, a kiei aku la ma ka puka aniani o kona rumi, eia ka ua ku ka moku i ke awa, a e waiho mai ana hoi ke kulanakauhale o Kapalakiko. O kona manao kuhihewa, he wahi kulanakauhale ae nei o Kapalakiko a like mai me Honolulu nei, eia ka he walu kiko uuku wale no o Honolulu ke hookukuia me kela kulanakauhale, a inia e kilohi ana i ka loa ame ka laula o Kapalakiko kulu okoa iho la kona mau waimaka, i ka hoomanao am; ae, no kona kulanakauhale, i kau a mea o ka uuku; aka nae hookahi mea nana i hoohauoli loa mai i kona manao, he uuku i'o o Honolulu nei ma kona kino, aka he nui nae ma ka inoa, a ua ku'i aku kona kaulana apuni ka honua nei. Ka Lele Ana Iuka o ka Aina Ua kakali ka mokuahi ma ka nuku o ke awa, no ka hoea mai o na luna oihana o ko aupuni, uo ka nana ana i ka kulana ola kino o na ohua, he oiaio, ua hoea mai la kela mau luna oihana, a oiai oia e ku ana mo ka nui o na ohua e ae maluna o ka oneki o ka moku, aia hoi, pa-e ana he leo i ke kahea ana mai, he leka kekahi na ka Lunaka-nawai Hookano, a haawiia mai la iaia, me ke kahaha nui nae o kona manao, i ka mea nana kela leka i hoouna mai. Wehe ne la oia e nana i ka leka, em ka na kekahi o kona mau ho-aloha wahine, o Alice Jones ka inoa i kona hokele kupono e noho ai, ma no Berkley, o hoike mai ana iaia Berkley, a ua hala aku ua hoaloha nei ona no Nu Ioka. Ua lilo kela leka, i mea na kona mau hoa ohua e hoopahenehene mai ai iaia, aole no nae ona nana aku i ka lakou pahenehene mai, hookahi ana mea nui e nalu ana, o ka hehi aku o na wawae i ka honua paa. Aia iwaena o na kumukula e hoIo nei no ka hui o na kumukula ma Amerika, o Mable King o Waikiki ae nei kekahi he moopuna no nana, ma ka aoao o kana wahine; nana i kamailio mai, aole he hokele kupono e ao nona o noho ai, aka o ke Stewart Hotel wale no, hooholo iho la kona manao, o hoi i'o oia ma kela hokele e uoho ai. I ka pau ana o na ohua i ka nana e na luna oihana, lele mua aku la no ka poe eleu nouka o ka aina; kau maluna o na kaa no ko lakou mau hokele, aia no keia iluna o ka moku kahi i kakali ai, alaila ninau aku la oia ina paha he kaa kekahi no ke Stewart Hotel; a i ka hoikeia ana mai iaia, nia kekahi kaa ma ka uwapo i kela manawa, ua kiiia mai la kona paiki, o kona kau aku la no ia, maluna o ka otomobile, no kalii o ka hokele i ku ai. O ka manao mau iloko ona, aole no i mamao kela hokele mai ka uwapo aku, elike mo ko Honolulu nei mau hokele, oia ka auanei, he kaawale Ioa, ua loihi maoli kela wahi o kona holo aua aku a hoea ana i ua hokelo nei; Iaia e holo nei maluna o ka otomobile, ke nana nei oia ma kela amo keia noao o ke alanui, he nunui me ke kiekie na halo e ku mai ana, haki ka a-i ke nana ae iluna, ke hi-o la no hoi na kaa otomobile, hookahi ana hana o ka noho malie me ke kakali aku o ka hiki i ke Stewart Hotel. Hele i ka Makaikai Hoea aku la oia no ka hokele, eleu mai la na keiki lawelawe o ka hokele i kona paiki, a lilo aku la ia lakou. Kakau 1 kona inoa iloko o ka buke o ka hokele, me ka haawiia ana mai o kona rumi, a hoi aku la noloko olaila, no ka hooka-maaina ana iaia iho, ma na paia o kela hokele. Elike no me ke ano mau o na maka malihini apau, ke ake e ike. i na mea ano hou o ka aina malihini, kiei aku la oia mawaho o ka hokele, e ku ana kekala kaa halihali ohua nui, me na huaolelo moakaka o kau ana maluna o kela kaa, e hoike mai ana, he kaa lawe hoomakaikai ia i na malihini. Manao ae la ka ike i kekahi mau walu ano nui o ke kulanakauhale, ke kau oia maluna o kela kaa, oiai aohe ona mau hoa kupono e hele pu ai ma kela kulanakauhale. O kona mau hoa o ka holo pu ana mai Honolulu aku nei, he mau hokele okoa no ko lakou i noho ai; nolaila o kela hoomanao mau no i kekahi o na olelo kaulana a na Hawaii, "Na ka oioi no ka loaa", a "Na ka mea miki no ku i ke alo o na'lii," o kona iho aku la no ka papahele olaio loa o ka hokele, a ninau aku la i ka uku o ka ohua no ka hele makaikai ana; haawi ka uku o ke kaa, o ke kau aku la no ia. Ua hele no kela kaa a piha i ua ohua o ae o ka hokele, e makemake ana e hele makaikai. Ma kela huakai makaikai, ua hoea aku la oia no ke Cliff House, kekahi o na wahi makaikai nui ia e na malihini, nani no kela wahi i ka nana aku; o ka mea ano nui ma keia wahi, o ia no ka makaikai ana i Ka pii mai o na uwalo (seal) mailoko mai o ke kai a noho iluna o kekahi pohaku nui. He mau minuke ka hoohala ana o ka poe makaikai ma ke Cliff House, kau hou maluna o ke kaa, a holo no ke Golden Gate Park. He paka nui keia, i piha me na mea o hooluhi ai ka manao ke ike aku, ma ke ano nui ke kamailio ae. (Aole i pau.) | | |||||||||||||||||||||||||
| | AHAMELE AME TABOLO . He wehe Ahamele ame Tabolo ke malamaia ana ma ka Phoenix Hall, ma keia po Poaono iho la 27 o na pomaikai no ka pono o ka Ekalesia o ke Kahikolu Hemolele, Hoomana o ke Akua Ola, o Waialua, i noho kahu ia e Rev. Joseph S. Kuni. O ka Moolelo Hawaii Kumu o Kuaikauakama ame Hinaaiulunui o laua na makua o Hainakolo ame na pua alii i kaulana, o na pali o Waipio, Hawaii, mailoko mai olaila na hana i hoonohonohoia no na himeni, mele haku ame na hana pili i ke tabolo. O ke alakai ame na hooponopono ana o keia mau hana apau, malalo no ia o ke kahu i hoikeia ae la maluna Rev. Joseph S. Kuni o Waialua, Ke mea i kamaaina ma ia hana no na manawa he lehulehu i kaahope aku. E naue ae e ike kumaka i na mea hoonanea o Hawaii aloha, he ole hoi ka lohe pepeiao wale no, o ka uku komo he 75 keneta. HOOLAHA. E ike auanei na kanaka apau ma keia, owau ka mea nona ka inoa malalo nei, ke. hoike nei aole e kaa mai maluna o'u ke koikoi o na aie apau e hanaia ana ma ko'u inoa me ka loaa ole o na kauoha i kakau-inoaia e au. CHARLES KANE, Honolulu Sept. 23, 1924. 6627—Sept. 25; Oct. 2. HOOLAHA O NA HOOLI- MALIMA AUPUNI. Ma keia ke haawiia aku nei ka hoolaha akea ma ka hora 10:00 a-. m.,' Poaono, Okatoba 25, 1924, ma ke Keena o ka Hope-akena, Mr. F. K. Kalua, Wailuku, Maui, ma- laila e kuai hoolilo ia aku ai ma ke kudala akea i ka poe koho kie- kie loa malalo o na manao o ka Pauku 73 o ke Kanawai Kumu p Hawaii, na Pauku 358 ame 380 et seq. o na Kanawai Hooponopono Hou ia o Hawaii o 1915, ame ke Kana- wai 143 o na Kanawai Ahaolelo o 1917, na Hoolimalima Laula, o na Aina Aupuni mahope ae nei no na hana hookuu holoholona wale no: 1. Hapa o ka Aina Aupuni o Ua- lapue, Mokupuni o Molokai, no- na ka iliaina o 370 eka, oi aku a emi mai paha. Uku hooli- malima haahaa, $93.00 o ka makahiki, e uku hapa-makahi- ki mua ia. 2. Ko ke Aupuni hookahi-hapalua i mahele ole ia o ka hapa o ka aina o Kahananui, Moku- puni, o Molokai, nona ka ili- aina o 115 eka, oi aku a emi mai paha. Uku hoolimalima haahaa, $29.00 o ka makahiki, e uku hapa-makahiki mua ia. E kaa na hoolimalima e hooliloia aku ana malalo o na kumu aelike apau ame na kulana o na Hoolima- lima Laula Aupuni hoopukaia, e ke Keena o ke Komisina o na Aina Aupuni a malalo hoi o kekahi hookoe ana ame ke kulana paku'i e hoo- komoia aku ana maloko o na hoo- limalima e hoopukaia aku ana ma- | | |||||||||||||||||||||||||
| | Ikemaka i ka Nani o ka Ipuka Gula | | |||||||||||||||||||||||||
| | |||||||||||||||||||||||||||
| |
| ||||||||||||||||||||||||||
| | |||||||||||||||||||||||||||
| | |||||||||||||||||||||||||||
| |
| ||||||||||||||||||||||||||
| | |||||||||||||||||||||||||||
| | |||||||||||||||||||||||||||
| | |||||||||||||||||||||||||||