Ka Nupepa Kuokoa, Volume LXIII, Number 33, 14 August 1924 — Page 5

NUPEPA KUOKOA, HONOLULU, T. H., POAHA, 'AUGATE 14 1924 ELIMA


home mau, a o ka uhane i kona moa nana i hana. Oiai, o na ano maikai apau o ka makou kaikamahine i aloha nui ia, he meo hiki ole ia la makou ke hoo- poina, o kekahi ia o na lala ku mai- kai i hilinai nui ia iloko o ka Eka lesia Hoomana Naauao o Hawaii, loko o ka Luakini o Kealaula o ka Malamalama e ku nei ma Koula, Ho- nolulu, a he puuku paeaina nui hoi no ka Hoomana Naauao o Hawaii, a ma o ka maemae la o kona malama oihana ana, i hooliloia ae ai o Keala- ula o ka Malamalama kahiko i Kea- laula o ka Malamalama hou, e holo- mua nei ma o ka uhane la ahiki i keia la. Ho mea oiaio no, ua moe aku la oia, aka, o kana mau hana maikai nae, k'e ola nei no ia iloko o kela ame keia pakahi o makou i kiahoo- manao palaho ole no ke koena o na la, a kona mau hoa kauwa iloko o ka Haku e poina ole ai. Ua haalele iho oia mahope nei i kona hoapili he kane, ame na lei aloha he mau keiki. « Nolaila e hooholoia, o makou, o na hoahanau apau iloko o ka Luakini o Kealaula o ka Malamalama i huipuia me ke Kula Sabati ame na aha eiwa apau o ka Hoomana" Naauao o Ha- waii, ke uwe pu a kanikau aku nei me oe e ka hoahanau i hooneleia i ka hoapili, ame na lei aloha a ka- kou i ka makuahine, ke noi pu ae nei i ke Akua ka Makua mau loa, e hoo- mama mai hoi i na kaumaha ame na luuluu no ka mea aloha hele loa. E hooholo hou ia, e hoounaia i hookahi kope o keia olelo hoaloha- loha i ke kana wahine make M. Du- doit ame na keiki, ko makou hoa paahana iloko o ka ke Akua hana, o ka Hoomana Naauao o Hawaii a i hookahi kope i ka Nupepa Kuokoa. O makou iho no me ke aloha poina ole, a i ke ao pau ole, ma o ko ma- kou mau komite la. DAVID P. KEAWEHAKU, DICK K. DIMOND, JOSEPH K. PEREZ. Koula, Honolulu, Iulai 29, 1924. LUULUU HANALEI I KA UA NUI KUU MEA ALOHA UA HALA Mr. Solomon Hanohano, Aloha ka- ua: — Oluolu inai hoi oe i kou mau kipoohiwi me kou mau lima aloha o ka hoomanawanui i wahi rumi one- ki, o ko kaua mokulele, aha'i mama, ma na kaiaulu o ka moana akea, i kikeke aku ma na ipuka hale o ka ohana, kuu wahine aloha i haalele mai ia'u, ma na hua momi a ko Akua i haawi mai ai iloko o ko maua naau la o ka puili aloha pu ana. Ua hala, ua nalo i ke ala hoi hoo- kahi o ka maewaewa, i maalo hoo- kahi iho nei ma kuu alo, me ke aka wailua, o kuu wahine aloha, a hala ma kuu kua, kahi hiki ole ia'u me na lei a maua ke hopu ae, ua hala i ke aka polikua a Kane. Luuluu wale Hanalei i ka haluku a ka wai uina o Namolokama, ua hala kuu mea aloha he wahine 1 luu- luu wale ka hoa noho o kahi meha- meha i laukanaka i ka leo o kuu mea aloha he wahine. Ke unu hookahi nei au i ka puolo waimaka me na keiki a kaua; luuluu wale au i ka puolo waimaka e ha- nini nei ma kuu alo, ua nalo, ua hala no ka wa pau ole. Ua hanauia kuu mea aloha ma ke Kainehe i ka iliili, nona ka olelo kaulana e o nei i keia la i ka wa e noho ana o Makee, mahiko o Ulu- palakua, kupa 'i ke ko ia Makena, mai ka puhaka mai o kona mama e ola nei, he mau pokii kaikaina, kai- kunane, me na keiki a maua ekolu me kona Akamu mua, hookahi kai- kamahine, elua keikikane. Ua hoomailo mai ka ma'i maluna o kona kino i ka manawa e kokoke aku ana i ka manawa e hanau ai, ua hoomaka mai ka nui loa me ka ma- nao ina o hanau alaila e pau ae ana paha keia haawina maluna o ko kino, eia nae ua oi loa mai la. Ua hanau no mo ka maikai, ua he- iho no ka bebe me ka maikai, ua hanau ma ka po Poaono o ka la 26, a mako ma ke ahiahi Poaono o ka !a 7 o ka mahina o Iune. Ke ola nei no ka bebe me ka maikai. Ua hemahema ka noho ana o ka hale, roe na keiki ke unu hookahi noi au i na keiki me na makua ka ohana aloha. Aloha wale kuu wahine mai ka i'a limalau i ke one o Papakuaiwa, mai na makalae hulihua o ka aina, ke kiei a halo nei au ma-o a maanei, inahea la oe i nalo iho nei; na hala ka pualena aia i Hilo, ua imi aku ia ia Papalauahi, loaa aku la no i Makanoni e nonoho ana no me ka la i Kukii. Eia au iloko o ka ehu o ka ma- kani hoolua ka makani anu o ka aina o kaua, ua hala oe ka wahine ka mea e mehana ai, i mehana au i na keiki a kaua. Me ka ohana o kuu wahine hooma- nawanui i ka hana a ko kakou Ha- ku aloha, ame kona makua, ke hoo- maikai nei au i ka poe me ka oha- na i ku kiai pu ai me a'u i ke kino wailua o kuu wahine i na hora o ke po. Ke hoomaikai hou nei au i ka poe i makana mai i na boke pua o ke aloha ame ka ohana, no ka mea na kahaia ko kakou kino mailoko mai o ka lepo, pela kakou e hoi ai ila- ila; no ka mea ke waiho nei ke ko'i malalo -o ke kumu o ka laau, ke ole- lo nei' o Paulo i ka wa kanawai ole,	ola au, hiki mai ke kanawai, make iho Ia au. Ke hoomaikai nei au i ka Luna- hooponopono. Me ke aloha nui, PINE POEPOE, JR. Makena, Maui. HOPUIA KO KE PUHI WAIONA He eha mau wahi i komoia aku e ka Akena Hookapu Waiona J. K, Cockett o Kauai, ma ka hapa hopo o ka mahina aku nei o Iulai, i ha- la, a o ka hopena i ikeia, o ia no ka paa ana ae he elua mau Pake, ame elua mau Poto Riko i ka hopuia. He Poto Kiko no Eleele, a nona hoi ka inoa o Adof Galaraza ka moa mua loa o ka hopuia ana e Cockett, me ka loaa ana aku he ekolu galani okolehao, he kanaha galani o ka ra- ma i hoawaawaia ame ka ipuhao pu- hi waiona malalo o kona malu. Ua waiho ae kela Poto Riko he elua haneri bela dala no kona hoo kuuia aku ahiki i ka hooloheia ana o kona hihia, maloko o ka aha hoo- kolokolo o Koloa, eia nae ua haalele- ia kela bela, Ma Omao, ka elua o na Poto Riko i hopuia ai me ka loaa ana aku hoo- kahi galani okolehao me ka ipuhao puhi waiona malalo o kona malu. Ua haalele pu keia Poto Riko i kona bela o elua haneri dala, i ka wa i hooloheia ai kona hihia, imua o ka aha hookolokolo o Koloa. Ma kahi hoi o na limahana ma ka mahiko o McBryde i hopuia ae ai he Pake o Ah Kum ka inoa, me ka loaa ana aku he umi omole okolehao malalo o kona malu. Ua haalele oia i ka bela o hookahi haneri dala i kauia mai maluna ona. He Pake lawai'a no Niumalu, ka eha o ka poe i hopuia e ka Akena Cockett, hookahi omole okolehao i loaa aku malalo o kona malu, a oia pu kekahi i haalele i kona bela o hookahi haneri dala. Ma na hoike i waihoia ae o ka Akena Cockett aia ka ma Kauai ka wisake kapilipili kahi i hele iaula ai; he Kepani ka mea nana e hoolilo ana i kela waiona, ma ka elima dala o ka omole hookahi. Wahi a Cockett o kela waiona i ikeia he wisake, o ka okolehao no ia i hookomoia me kekahi mea e ae, nana i hoolilo i ka wai oloko o ka omole a like loa me ka wisake. KAAWALE MAI NA AHEWA MAI Mahope iho o ka huli pono ana aku i ka oiaio i hoakaka ae ai o Harry T. Lake o ke keena o ka Loio Kalana Heen, imua o ke kiure keronelo, no ka oiaio ole o na mea i kamailioia ae o George Freitas, ke keiki i make ai maloko o ka Hale- ma'i Moiwahine, i ka laaumake, no ke kuai ana o kela keiki i ka laau- make mai ka halekuai laau aku o Benson, Smith & Co. Wahi a Mr. Lake, ua huli pono oia a ua nana i na moolelo o na kuai i hanaia maloko o na halekuai laau apau o keia kulanakauhale, aole oia i ike iki i kekahi hoike no ka hooli- loia ana o ka laaumake i ke keiki opio. Ma kona manaoio ua loaa ka laau- make i kela keiki maloko no o kona home ponoi, aole hoi mai ka hale- kuai laau aku o Benson, Smith & Co., elike me kana hoakaka. Ma keia la e hooloheia ai ka hihia hoeha o Manuel Freitas, ka makua- kone o ke keiki i make, o ia koua hoeha ana i ke keiki maloko o ka halewai ,ko kumu i ala mai ai ka manao iloko o kana keiki, e ai i ka laaumake. Ma ka hoakaka a Miss Mary Cat- ton, ua ninaninau pono oia i ke ke- iki i make, pela hoi i kona kaikua- hine, a ua lawa loa na hooia mai ia laua aku no ka ikaika loa o ka ho- eha ana a ka makuakane. OLELO HOOHOLO. Oiai ua oluolu i ka Makua Mana Loa, ka lawe ana aku mai keia ola honua ana ia Mrs. Helen K. Kamai- opili, he hoahanau Kaahumanu no ka Ahakui o Kaahumanu o Maui Helu 4, ma kona make ana i ka po o ka la 22 o Iulai, 1924, ma Wai- luku, Maui, ua hooneleia keia Aha- hui mai ka loaa ana o kana mau kokua ame ke alakai ma na haua a keia hui; a Oiai, i kona wa e hana pu ana me keia hui, ua ikeia kona maka- ala, kona, makee ma na hana apau e kokua i ka hoahanau ilihune, nele a pilikia, a ua hoike oia i kona aloha hoahanau oiaio o ke kulana Kaa- humanu; Nolaila, e Hooholoia; o makou, na hoahanau o ka Ahahui Kaahu- manu o Maui Helu 4, ke kanikau nei, a ke hoomanao nei me ka poina ole no Mrs. Helen K, Kamaiopili, a e palapalaia ma ka moolelo o keia hui keia olelo hooholo, a e hoounaia he kope o keia olelo hoo- holo i ke kane mare i hooneleia me ka ohana, i hookaawaleia ka hoahanau aloha; me ka hoike aku in lakou, eia na hoahanau 'o keia hui ke u pu nei me lakou apau. Kakauia ma ka halawai o na Kaa. humanu ma Wailuku, Maui, Augate 2, 1924. MRS. AOE, K. HOLSTEIN, MBS. A. KAUMEHEIWA, MBS. LUCY McGERROW, , Komite Hoalohaloha.	NA MEAHOU MA KA EKA- LESIA O PAIA MAUI. Solomon Hanohano,- Aloha nui kaua:— E oluolu mai kou ahonui e hookomo iho i na meahou uliuli o na hana a ka Uhane e hooni nei iloko o keia kihapai i keia mau Ia. Paia, Maui, Iulai 27, 1924 i noho ae ai ka halawai o ka Ekalesia o Paia , a hookuu i ko lakou kahu e hele i ka Ahahui Mokupuni e Hawaii, e noho ana ma Waimea, Hawaii, i Aug. 22, 1921; a hooholo pu ka Ekalesia e lilo na luna Eka- lesia apau i poe hooikaika i na hana o ka Ekalesia ma ka hoohuli ana i ka Uhane o na mea apau. Ua hiki mai la o Rev. George M. Kauaulalena o Kanaio, Maui, ame Mrs Kaanoi Uwekoolani a hoohui- ia iloko o ka berita mare laa ma ka inoa o ka Haku i keia Poaono iho la, Aug. 2, 1924, ma ka luakini o Paia, Maui, e ke Kahu Moses M. Kahiapo, He mea maikai ka mare no na mea apau. Ma keia Sabati iho la o Aug. 3, 1924, ua malamaia ka ahaaina be- rena e ke Kahu Moses M. Kahiapo, ma kona Ekalesia ma Paia, Maui, he 3 mau hoahanau i hookomoia i ka Ekalesia; ame 2 bebe i bapeti- zoia. Ke anaina i hiki mai he 80. Ma ka noho ana o ka ahaluna i ke Sabati nei, ma ka hoike a na luna Ekalesia ame ke kahu; e ka- hea hou ia aku ana ka ahaaina berena kuikawa, no kekahi mau hoahanau hou e komo mai ana i ka ekalesia, me ka hakalia ole. Ua malama pu ia ae ka papa aha- aina a ka Haku, e ke kahu ma ka apana o Paihiihi i ka auwina la Sabati uei, hora 12:30. He 17 ka nui o na hoahanau i hiki mai. Ma Huelo Church, ke kahu i keia Sabati iho o Aug. 10, 1924, no ka malama ana i ka ahaaina berena ma keia kihapai. E oluolu mai e na hoahanau apau e noho loihi nei ma kekahi mau mokupuni e aku, he mea peno e noi mai i kou ekalesia, i palapala hoo- kuu a hoohui aku me ko kakou mau ekalesia ahahuina. Aloha nui ia oe e Mr. Lunahoo- ponopono, ame na keiki pa'i o kou keena. KIU HANU MEAHOU, HE KANIKAU NO KUU KANE ALOHA MR. HER- MAN KUNEWA, AME KUU KAIKAMAHINE MISS LIZZIE KU- NEWA. Mr. Salomon Hanohano; Aloha oe a nui: — E oluolu mai hoi oe no'u kekahi wahi kaawale o ka Nupepa Kuokoa no ka'u puolo waimaka e kau ae la maluna, i ike mai ai na makamaka ame na hoaloha o kuu kano amo kuu lei aloha i haalele mai i keia ola ana. Aloha wale au ka wahine i hoo- neleia i ke kane, ame ke keiki, a pela hoi me na lei a maua i hoo- neleia i ka makua ame ka pokii. Ua hanauia kuu kane aloha Mr. Herman Kunewa mai kona mau makua mai, Mrs. Poomanu Kune- wa, ma Kauluwela, Oahu, i ka ma hina o Nov. 12, 1882, a ua piha iaia na mali ahiki he 41 me 8 ma- hina a make aku la i ka mahina o Iune 17, 1924. He elua wale iho no laua, oia no ame kona hanaumua e noho mai la ma Wailuku, Maui, oia o Mr. Joseph Kunewa. Auwe no hoi kuu ehaeha ame kuu luuluu e, no ka'u mau mea aloha he kano ame kuu lei, i hele aku ma kela ao! Eia la ua puanuanu ka home aole o makou papa; aole pu, hoi ka ike aku i ka holoholo pu mai o kuu lei me kona mau hanaumua. Auwe no hoi kuu lihaliha, kuu ehaeha i kuu papa ame kuu lei heleloa! O kuu kane aloha i haalele mai la, he lunapaahao oia no Kailua, N. Kona, Hawaii. Ua hana oia malaila no umi-kumamakahi maka- hiki, he eha makahiki i ka hope- lunapaahao a he ehiku makahiki i ke poo lunapaahao. Aloha wale ia wahi a maua i noho ai me na lei a maua i hoo- manawanuiia no hoi ka noho ana a haalele wale mai ia oia. Aloha walo kuu makua ame ka makua o na lei a maua, a makua pu hoi o na ohana ame na hoaloha. Ua noho aloha wale ia ka poe apau e kuu papa aloha. He kane puuwai hamama oia, e haawi ana ka akau, e haawi ana ka hema. Aloha wale kuu kane puuwai aloha. He taifoid kona ma'i a pola kuu kaikamahine, pela ka ike a ke ka- uka. Ua hoihoiia, laua i ka halema'i, he mau la walo no, ua haalele mai la ka lei a maua i ka Poakahi, Iune 16, hora eono o ke ahiahi, a ao ae i Iune 17, hora ekolu o ka wanaao i haalele mai ai kuu papa aloha, Auwe ka manaonao ke noo- noo ae! Ua ha 'iia aku na lei a maua no ka ka ma'i pilikia o ko lakou papa- ua kau mai la hookahi kaikama- hine mai Honolulu mai, a elua hoi kaikamahine mai Mohalu Seminary mai, a hoea no hoi ia nei i Iune 17, ua hala e iho la ka papa ame ka pokii Auwe kuu poe keiki aloha e! Ike wale iho la no i na kino puanuanu	o ko lakou papa aloha ame k apokii. Ua loaa ia naua he umi-kumama- loa keiki, huiia me kana kaikama- hine me kana wahine mua, ua piha ka umi kumamakolu keiki. Ua lawa aku ka mako he eha ke ike, a koe iho la he ewalu e ola nei. Aloha wale a'u mau lei i hooneleia i ka papa. Ke haawi nei au i na hoomaikai palena ole i ka ohana, na makai, ame na hoaloha i akoakoa mai i kuu wa o ka luuluu. Ke hoomaikai pu aku nei hoi au ia James Ako, no kana mau kokua he nui ia'u, a i na lei a maua, pela pu ka'u hoomaikai nui i na kahu* ma'i o ka halema'i ame na luna- nui o ka Hoomana o Iesu Kristo o ka Poe Hoani o na la Hope Nei. Ke hoomaikai ae nei au i ka Hakua Mana Loa, a ma ka inoa o Kana Keiki Iesu Kristo, Nana no e hoomama a e hooluolu ae i na ehaeha ame na luuluu o keia noho honua ana. Me oe e ka Lunahooponopono ka 'u mahalo nui ame na keiki o kou papapa'i ka welina pilu ole. O makou iho no iloko o ka luuluu. MRS. L. KUNEWA, MISS H. KUNEWA, MISS E. KUNEWA, MISS M. KUNEWA, • HAS. J. KUNEWA, MAS. J. H. KUNEWA, MISS V. KUNEWA, MAS. H. KUNEWA, MISS L. KUNEWA, HOONANEA NO KA MANAWA. MOOLELO NO LONOKAMAKAHI KI KE ALII KAE 'AE 'A AOHE LUA MA KA HOOPAPA, AME KE KAUA. MOKUNA XI. (Kakauia e Z. P. K. Kawaikaumaii kamakaokaopua) (Hoomauia mai.) Ninau aku la o Kamalalawalu ia Makakuikalani i ka makaukau; a hai mai la o Makakuikalani: "Ua makaukau, ua no'a ka moa, ua wali ka awa." I aku Ia o Kamalalawa: "Hoo- makaukauia mai ka ai;" alaila, ia manawa, lawelaweia ae la na meaai o ka ahaaina. Ia wa no, hoka iho la ka awa; a o Lonoikamakahiki, i kona ma- nawa i hoi mai ai mai ka auau nai, ninau aku la ia Pupuakea: "Ea, ke makaukau mai la ka Ka* malalawalu mau meaai; auhea hoi ka awa ame kau moa? Ua hana iho nei anei oe!" E konane ana nae o Pupukea ia manawa; i ko Pupukea lohe ana i keia mau ninau a Lonoikamaka- hiki, hoole aku la o Pupuakea, me ka i aku: "Eia ae no ka moa, aole i pepehi- ia, aole no i mamaia ka awa, no ka mea, ua ike no hoi oe, aole au i ike i ka hana ana o koia mau mea au i kauoha iho nei ia'u!" Ia manawa, wela loa ka huhu o Lonoikamakahiki, lalau iho la i ka papa konane, a hahau aku la i ka lae o Pupuakea, a pa aku la ma ka lue, a puai mai la ke koko; a no a mea, komo aku la ka huhu iloko o Pupuakea. Ia manawa, lalau aku la o Pu- puakea i ka lanahu ame ka wahie, ho 'a ao la i ke ahi, lalau ae la i ka moa, a umi iho la, a uhae mai la i kekahi u-ha o ka moa, a ho- ole ae la i ka ili, a koaia aku ia i ke ahi, a lalau aku la no hoi i na huluhulu awa. Ke koaia la ku moa, ke niania la no hoi ka awa; a ekolu mana awa; a mo 'a ae la na u-ha moa, hoka ka awa; a waiho a la na u-ha moa i pulehuia i ko pa; a waiho aku la ka apu awa ma ke alo o ke alii, ame na mea apau ana i kauoha aku ai ia Pupuakea. I aku la o Pupuakea: "Ua makaukau ka awa, ame ka moa, a o kau wale no koe, o ka ai iho ame ka inu iho i ka awa." Nolaila, ike ae la o Lonoika- makahiki ua makaukau na mea ana i kauoha ai mamua o kona hole ana i ka auau, alaila, paina iho la oia, mamua o Kamalalawalu; me ka pau pono ole o na meaai a Ka- malalawalu. I ka manawa a Pupuakea e haaa ana i ka noa, nana pono loa mai la o Kamalalawalu, i ke kupaiana ha maoli o ka Pupuakea hana ana, a makemake loa mai la o Kamalala- walu e lilo o Pupuakea iaia. A pau ka laua inu awa ana ame ka paina ana, konane iho la ua mau alii nei; a iloko o ko laua manawa konane, olelo aku la o Ka- malalawalu ia Lonoikamakahiki: "E, makemake aku la au i kau kauwa, a i hoi oe ea, noho iho kau kauwa me a'u." I aku la o Lonoikamakahiki ia Kamalalawalu: "'Aole ia he kauwa na'u, o ko'u kaikaina ponoi no ia, a o ko'u kaulana aina hoi. Aole e loa ia oe." A lohe o Kamalalawalu i keia, olelo a Lonoikamakahiki i ka i ana o ko'u kaikaina no keia a kaulana aina hoi, nolaila, olelo aku la o Ka- malalawalu: "Ina o kau kaulana aina kela, a o kou pukaua hoi ia, alaila, ke ololo aku aei au ia oe, haahaa, ha ka pau i ka iole." I aku o Lonoikamakahiki: "O

OLELO HOALOHALOHA NO MRS
EMMA DUDOIT

Mr. Lunahooponopono o ka Nu-
pepa Kuokoa, Aloha pumehana oe:-
Honolulu mai kou ahinui i ka makau
puolo waimaka aloha, DO ka makou
kaikamahine aloha i haalele mai i
eia ola ana, me ke aloha pumako
iio.

Ua oluolu no i ka Makua ma na la-i, ke kipa ana ae a lawe aku la i \\n mea aloha he uhane, mai ke kino riu o kana kauwa wahine Mrs. Em-ma Dudoit, ma kona home ma ka ai-- a hoopulapula o Kalamaula. Molo-:-.r.i, i ka la 10 o Iulai, 1934, a waiho '.} :o la i ke kino lepo e hoi no i kona

HALE O NA ALII O HAWAII
(Ahahui POO)

E malamaia ana ka halawai ku
mau o ka (Ahahui Poo) o ka Bale
o na Alii o Hawaii, ma ka Phoenix
Hali, i keia Sabati iho, Augate 17,
1924, ma ka hora 8 p, m.
Ma ke kauoha a ka Iku Hai,
W. J, COELHO,

Iku Kau,
6621—Aug. 14.

HOOLAHA A KE KOMISINA PA-
LENA AINA

Aina o Maluawai, Kalihi

Mamuli o ka waihoia ana mai o kekahi palapala noi i ka mea nona ka inoa malalo iho nei e na Kahu waiwai malalo o ka Kauoha a Bur-nice Pauahi Bishop no ka hooponopono ana i na palena o ka aina o Maluawai, i koiia mai he hapa no ka Ili o Waiaula, L. C. A. 7713; Apana 37, ia V. Kamamalu, a e waiho nei maloko o Kalihi, Kulanakauhale ; Kalana o Honolulu, Teritore o Ha wali, ma keia ke haawiia aku noi ka hoolaha i na ona «pau o na aina e pili pu mai ana ame ka poe kuleana apau, e malamaia ana ae hoolohe ana no ka hooponoponoia o na palena o ka aina i hoikeia ae nei maluna, ma ke keena halawai o ka Papa Komisina Awa, maloko o ka Hale Kapitala, ma ka la 2 o Sepatemaba, 1924, ma ka hora 10 a.m.

Eia ke kii palapala aina ame na
hoakaka o na palena o ka aina i ole-
loia elike me ia i koiia mai e ka poe
noi ke waiho uei ma kahi o na pala-
pala, a e ikeia no ma ke keena o ke
Komisina o na Aina Aupuni.
A. C, ALEXANDER,
Komisina o na Palena Aina no ka
Apana Hookolokolo Kaapuni
Ekahi.

Honolulu, Augate 6, 1924.

Robertson & Castle, Na loio no

ka poe noi.

6620—Aug. 7, 14, 21, 28.

ka iki ulu makua ia nana e kaa
ke kahua loa e pau ai."

A pau hoi ka Lonoikamakahiki olelo ana, alaila, olelo aku la o Kamalalawalu me ke kuhikuhi ae ia Makakuikalani:

"Eia ae no hoi ko'u kalana aina, a o ka'u pukaua no hoi keia, o ko'u kaikaina no,", a no ka Ka-malalawalu hoohenehene i ko Lonoikamakahiki pukaka ia Pupuakea, nolaila olelo aku la o Lonoikamakahiki i ka Kamalalawalu olelo ana:

"O ko'u kaulana aina no hoi ke-ia;" a nolaila o Lonoikamakahiki i olelo aku ai: "E, hakahaka, i ka ehu no o ka laau palau, kulana, aina a papa laau aku, o ka make no ia"

No ka olelo ana mai a Lonoikamakahiki pela, i aku o Kamalalawalu:

"O o ka lila mai'a ia o Kae'a aole e pala i ke anahulu hookahi." Iloko o keia mau olelo a Lonoikamakahiki me Kamalalawalu, waiho wale iloko o laua ia mea; a he mau manawa he nui mahope iho o keia mau haua a laua, i ka manawa i hoi aku ai o Lonoikamakahiki mai kana huakai kaapuni aku, manao ae la o Kamalalawalu e luku aku ma ke kaua i na'lii o Hawaii, no ka mea, ua ku'i aku la ke kaulana o ko Lonoikamakahiki ikaika ame ka lanakila i ke kaua.

O Kauhiokalani ka Kamalalawalu keiki ponoi; o Kauhiakama Koi kekahi inoa ona. Hoouna aku la o Kamalalawalu i kana keiki e holo i Hawaii, me ka i aku: "E holo oe e nana i ka nui o na kanaka o Hawaii, hoi mai oe a ha'i mai ia'u."

Nolaila elike me ko Kamalalawalu makemake, holo aku la o Kauhiakama i Hawaii. Ia holo ana, pae mua aku la oia, ma Kohala, ma ke awa pae waa i oleloia o Puakea.

Ahiki oia malaila kau na waa, hele aku la ma na kahakai o Kohala ahiki i Kawaihae, aka, aole i loaa nui na kanaka iaia ma ia hele ana aku, he kakaikahi loa. Hele aku la ua o Kauhiakama mailaila aku ahiki i Kona, i Kapalilu'a, ma ka palena o Kau ame Kona, aole no oia i halawai nui me na kanaka. Pela no kana hele ana apuni o Hawaii, aole oia i ike i ka lehulehu o na kanaka i loaa iaia.

Hoi mai oia a ma Kohala ma Kapaau; ia manawa e akoakoa ana na kanaka he lehulehu malaila, ma ke kahua mokomoko i oleloia o Hi-nakahua; uo ka mea, he mea mau ma ia wahi, ka akoakoa mau i kela ame keia la i ka mokomoko.

I iho la o Kauhiakalani: " Ka i no a he nui kanaka o Hawaii nei e oleloia nei, aole ka; eia ka he nui aina wale iho no ia e kaulana nei; a o ua wahi kanaka he oki loa no.

(Aole i pau.)

MAKEMAKEIA.

Mau Agena kalewa i na Papale Kapu "Humuia" i Hanaia a kupono i ka mea e komo ana. Aohe nana ma ka makaukau hana. Nui ka makemakeia ma na halehana, na halekaa otomobile, na keena hana a ma na wahi apau. LOAA WALE KOU PAPALE KAPU. E kakau koke mai i mau ana hoikeike. THE TAYLOR CAP MANUFACTURES, Dept. C, Cincinnati, Ohio. 6621—Aug. 14, 21.

HOOLAHA.

E ike auanei na kanaka apau ma keia hoolaha, owau o ka mea noun ka inoa malalo iho nei, ke hoike aku nei au i ke akea, owau kekahi mea kuleana iloko o kela Apana Aina e waiho la ma Keanae, Kalane o Maui T. H. i hoopaaia ma ka inoa o Naeole (k) i make; i hoikeia ma ka Palapala Sila Nui 3274, Kuleana Helu 4665 noua ka ili o 3.56/100 eka aina oi aku a emi mai paha.

O ko kumu o ko'u kuleana ana i keia apana aina, aia he palapala

kuai i hanaia mawaena o Piwa (k) i make me kuu kane mare oia 6 Pomaikai (k), no Keanae, Maui, a o Piwa (k) i make, oia kekahi oua pilikoko ponoi loa iloko o Naeole (k), a i hoakakaia hoi ka mookuau-hau o na kupuna, me ua olelo ike, e ka mea nona i huli na mea apau me ko'u loio ma ke kanawai, ame ka palapala kuai i hanaia e Peter X. Kahokuoluna, ka Noteri, i ka la 30 o Oct., 1907, a i kopela i Nov. 7, 1907, Liber 296 aoao 460.

Nolaila ke hoiko aku nei au i ke akea, o kela apana aina e waiho Ia, na kuleana au, ma na ano apau. Ka poe hoolimalima, a i ole kekahi mea e noho uei iluna o ka aina, ho kuleana ko'u e koi aku, a i ole e kuka pu mai me a'u, me ko'u kuleana i mahele ole ia iloko o keia waiwai; ina aole pela, na ke kanawai no o ka aina e hooponopono i na mea apau. Ua makaukau no au me ko'u mau hoike ame ko'u Ioio mu ke kanawai.

MRS. KEALOHA POMAIKAI,

Keanae, Maui, T. H.
6621—Aug. 14

HOOLAHA.

E noho ana ka halawai Makahiki o ka Aina Hui o Wainiha i ka Poaha, la 4 o Sepatemaba, 1924, ma ka Halehui o Haena ua make-makeia na lala apau e hiki mai ma ia la.

Ma ke kauoha,

G. W. MAHIKOA,

Peresidena.

Kapaa, Kauai, Iulai 28, 1924.
6619—Iulai 31; Aug 7, 14, 21,

HE MAU APANA AINA KUAI

$900—Lot 50x100 Kaimuki $25 down. $10 per month.

$1000—Lot 50x350 Palolo, $23
down, $10 per month.
$1250—Lot 50x100 Democratic Ave.,
$25 down, $10 per month.

$1300—Lot 35x75 Thomas Tr., Kalihi, $25 down, $10 per month.

$1750—Lot 50x100 Waialae Road,
between 6 and 7th Aves,, easy terms.
MAU HALE KUAI

$3000—Fort St., 2 bedroom house.

$3000—2 bedroom house Mahina St., practically new—on easy terms.

$3600—large house Notley St., lot 80x140 on terms.

$4000—Fort St., 2 bedroom house lot 2260 sq. ft., $500 down, $50 per month.

PAU KALAUKA

(P. E. R. STRAUCH)

Alanui Moi, Helu 75, Mawaena o na

Alanui Papu ame Betela,

Tel. 1043

KONOIA KA LEHULEHU

Dr. Emma & C. R. Moon,
D. D., Ph. D.

Halawai akea na Sabati apau ame Poakolu 7:30. Ano hou loa o ka Hoola ana ma ka Mana Akua ame ka Hoike Uhane. Lawe mai i ka ma'i.

Pili i na ano apau o ke ola ana. Paneia na ninau apau ma ka leka $2. Haawiia na haawina. Na hora 10 a 5, 6 a 7:30.

2506 Kuhio Ave. Kelepona 79774. 6608—6 mns.