Ka Nupepa Kuokoa, Volume LXII, Number 31, 2 August 1923 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

"O, elike me kau i makemake ai, pela no e hookoia aku ai, i pane aku ai ke kanaka opio, me ka minoaka iki ana iho i ka wa ana i huli ae ai e nana ia Veki. "Elike me ka loihi o ka maopopo ana ia'u ua lilo mai ke aloha o ka mea a'u i makemake ai ia'u, ka ike aku o ke ao ia'hoopalau ana ame ka ole i nēi maiiawa. Hookahi nae a'u mea e noi aku nei ia oe, a oia keia, he pono ia'u e hoike āku i keia mea i kuu kahuhanai, he mea pono iaia e lohe aku no keia hoopalau a no ka hoolohe ana aku i kona manao ae a hoole mai paha." "O, he manao maikai loa ia nou a he hana pono loa no hoi nau e hooko aku ai," i pane mai ai o Mrs. A!ekanedero, a e aneane ana oia e ninau hou aku ia Rupata i ka inoa o kona kahuhanai, eia nae, kani e mai ana ka bele ma ka puka e hoike mua mai ana ia lakou ua hoea mai o Miss Hatinekona aia mawahOi a iaia i komo mai ai ku ae la o Rupata a hele aku la me ka ninau iloko iho ona owai la ka inoa o ke kanaka nona ke kulana kiekie maloko o Ladana nana i hoolilo i ke ola ana o kekahi wahine u'i, a i hiki hoa ke paulele nui ia no ka hoopono, a i haalele ai hoi i kana kaikamahine me ka nana a malama <?fe mai iaia. Aole i loaa ka ike iaia ia manawa o ke kahuhanai no ona a kanaka la, aole nae oia he kanaka lokoino maoli elike me kana e noonoo ana, aka mamuli o na hana ine lapuwale loa a kona kaikuahine ka Mrs. Linetona i lilo ai i kanaka hoahewaia. He mau ahiahi kakaikahi mahope iho o keia hele pu aku la o Veki me kona makuahine, ka manawa mua loa no hoi keia a ka maleuahine i hele aku ai i kekahi aha hoolaulea ame hulahula e haawiia ana e ka Haku ame ka Lede Danafota. He kaikamahine Amenka no ka Lede Danafota mamua o kona mare ana i ka Haku Danafota, o Barauni Dougalasa kona inoa, a he ohohia mau oia i ka hookipa mai i na wahine o kona onehanau i kona home a e hoohauoli aku hoi ia lakou i ko lakou manawa e holo mai ai i Ladana. Ua halawai mua oia me Veki maloko o ka home o ka ohana Hatinekona. a ma ia manawa ana o ka halawai ana ua hoohihi koke kona naau ia Veki no kona u'i, a hui pu hoi me kona maopopo ana he kaikamahine Amerika o Veki, aiwa loa ka ikaika o ka makemake iloko ona e hookipa mai iaia ame kona makuahine i kona home, pela iho la i konoia mai ai o Veki me ka makuahine e hoea aku i ka home o na Danafota ma keia ahiahi. Ma keia ahiahi a Veki ame kona makuahine i u haele ae ai no ka home o na Danafota ua ikaika maikai loa o Mrs. Alekanedero i oi ae i ko na manawa aku i hala, a mamua o ko laua haele ana ae e hooko i ke kono, ua makaala loa oia ma ka wae ana i ko laua mau aahu kupono no ia anaina hoolaulea, he mau kahiko i hoomakaukauia me ka piha noonoo loa mahope iho o k aloaa ana ae o ke kino ia laua. He nani like ko laua mau aahu o ia hele ana Sfe, eia nae, ia laua i hiki ae ai i ka home o na Danafota, ua oi aku ka makemake o ka Lede Danafota ia Vekinia mamua o Veki, a 0 Vekinia no hoi kana malihini oi ae o ka pulama ame ka hoolauna aku imua o na hoaloha i konoia ma ia ahiahi mamua o Yeki. Ma ia ahiahi o ka Lede Linetona pu kekahi ame kana kaikamahine o Liliana i akoakoa ae. Ma ko laua ano ua kamaaina ia a he mau lede koikoi no hoi iwaena o na anaina o ka poe koikoi a e na maka hanohano o Ladana iho, ua noi mau ia aku laua e hiki ae i na anaina o keia ano, no ka mea he hiki 1 ka Lede Linetona ke hoonanea i na malihini e kipa ae ana, a no Liliana hoi, kana kaikamahine, ua lilo oia i hoku a i kikowaena hoi no na noonoo e umeia aku ai o na mea apau mamuli o kona mikimiki a piha eleu, me leona lilo i mea na ka lehulehu e ohohia mau ai. * I ka Lede Danafota e hoolauna ae ana ia Mrs. Alekanedero, me ka Lede Linetona, ke kaikuahine o Sa Wiliama Hita, he alo a he alo. "E ka Lede Linetona," wahi a ka hakuwahine o ka home o ka hoolauna ana mai me ka leo oluolu loa. "He hoaloha ko'u eia maanei a oia ka'u e hoolauna aku ana imua ou, o Mrs. Ale-| kanedero keia—a o ka Lede Linetona keia. I ka nana ana ae o ka Lede Linetona iluna a ike mai la i ka helehelena o Vekinia e nana pono aku ana i kona, ua hoo- j maopopo koke no oia o ka wahine no i papaleo ai me ia mamua ma kela manawa ana i halawai ai me ka ulia kaaahi ana e poina ole ana. ewalu makahiki mamua aku; o ka wahine hookahi no hoi i lilo ai i kahuma'i a i malama ai iaia ma kela manawa ona e waiho ana i ka ma'i, a i malama maikaiia ai oia, a i olelo aku ai no hoi iaia mahope mai, ma ka manawa i hookaawaleia ai laua. "Owau ka wahine a ko kaikunane i aloha ai—ka w-ahine no ana i noi mai ai a i lilo aku ai nana ma ka mare." . I ka loaa ana d ka ike maopopo i ka Lede Linetona naholo "koke ae la ka nanaina haikea ma kona mau papalina, a o kela ano hoihoi i maa mau i ka ikeia mamua aku ua auhee loa mai iaia aku. Ua like oia me kekahi kii kalaiia, a i ole me kekahi kuli ka mumule, ua hiki ole i kona mau lehelehe ke oaka ae i na huaolelo maikai no kona hauoli no ia hoolaunaia ana, elike me ke ano mau i na mea apau ma ka manawa e hoohaunaia ae ai; o ka hana hiki wale no iaia ia manawa oia ku malie ana me ka mumule loa, me kona mau maka e nana ana ilalo me ka maopopo ole "iaia o kana mea e noonoo ai, mamuli mai keia o ka ehaeha iloko o kona naau no kana mea i hana ai no ka wahine ana i imihala a i hoopoinoia ai. No ka Lede Alekanedero iho aohe ana mea e kaumaha ai, he lana malie wale no kona noonoo. Ua loaa mua no iaia ka noonoo e halawai ana oia me keia wahine ma kekahi manawa maloko o kekahi anaina e konoia mai ai oia, nolaila ua hoomakaukau mua oia iaia iho no ka halawai ana aku me kona enemi. Ia manawa ua loaa koke no ka noonoo i ka Lede Linetona no ke kumu o ko Mrs. Alekanedero hoea ana mai i Ladana, mamuli no o ko Mrs. Alekanedero hoike ana aku iaia ma kela manawa hope a laua i halawai ai oiai oia e waiho a ma'i ana. 0 keia hoea ana mai la a Mrs. Alekanedero i Ladana no ka hooko ana no ia i kana mea i hoike aku ai iaia e holo mai ana oia no ka hookomo ana i kaha hoopii imua o ka aha hookolokolo, no ke koi ana i ke kuleana o kana kaikamahine iloko o na waiwai o Sa Wiliama Hita, no ia kumu kona kaumaha loa ahiki ole ai iaia ke kamailio mai. 1 ka hoolaunaia ana mai o Mrs. Alekanedero imua o ka Lede Linetona haawi mai la oia i kekahi kunou haahaa loa, me ka manao pihoihoi ole, a i mai la: "Ke hauoli nei au i ka halawai ana me oe, e ka Lede Linetona i nei manawa, oiai nae ua halawai no hoi kaua mamua a ua kamaaina no hoi kaua ia kaua iho ma kela wahi a ma kela manawa e poina ole la no ia oe." Xo ka poha ana aku o ko Mrs. Alekanedero leo ua hiki ole

i ka Lede Linetona ke kaohi hou iho i kona leo aohe nae he puka mai; hooikaika wale ae la no oia a kun'ou mai la me ka namunamu liilii ana iho i kekahi mau huaolelo i hiki ole ia Mrs. Alekanedero ke lohe aku, alaila lawe aku la ka Lede Dauafoda i kana malihini no kekahi wahi me kona malu nui iloko iho ona ua loaa paha ka Lede Linetona i ka ma'i, i anoe ai hoi kona helehelena a i hokukule ai hoi oia, aole hoi oia elike me mamua ke ohohia kaukini he lawai'a manu. MOKŪNA XLII.—Na Hoolauna Hou Ana. Ma ia manawa hookahi aia hoi kekahi mooLelo ke kamailioia mai la e kekahi poe maloko aku o kekahi wahi oloko o ka rumi hookipa o ka Lede Danafoda, he moolelo i hoopiha ia ae ai kekahi poe me na mana ouluku. Ma kela puulu a kekahi poe e noho mai ana malaila pu o Liliana Linetona a oia ka mea kamailio nui no ka hoonanea ana ia puulu, he lole kilika kaiina hakeakea kona e komo ana me na pupuu pohaku opala e anapa ana i ka malamalama o na kukui, a e hoohauoli ana oia i kekahi mau. kanaka opio me kana mau olelo hoomakeaka, a e nee ana no hoi na kanaka opio i ka akaaka mai iaia, a ia huli ana mai ana a ike ia Rupata Hamiletona e hele mai ana imua ona me kekahi kaikamahine u'i e kuiee ana ma kona lima ua pii koke ae la ka ula o ka inaina ma kona papalina. j Uuna a ilalo kona hanu ia manawa ana oka ike ana mai i na opio e hele like aku ana no kahi ana ame na kanaka opio e nonoho nui ana, no kela ike ana mai ana i ka.hoihoi o na helehelena o na opio i lilo ai i enemi nona ia manawa; kela leha ana ae a Veki e nana i ke kanaka opio me ka minoaka ma kona mau papalina, a ike koke iho la no oia o kana moeuhane o ke aloha no Rupata aole loa e hooiaioia ana, he moeuhane palaualelo wale no ia aole e hookoia ana kona mau iini me na manaolana poho. j Ua ikeia ko Rupata ano hoohiuhiu ia Liliana mai keia ma--nawa mai no ana o ka hoi ana mai Amerika mai, aole hoi elike me kela manawa a laua e pili mau ana mamua aku o ko Rupata holo ana i Amerika, aka nae, i mea e hiki ole ai ia Liliana ke manao mai aole ona hoihoi iaia ua hoike mau aku no o Rupata |i kona mau ano maikai a oluolu, ke ano hoaloha aole ma ke ano he ipo, o ka ikaika mau o kona noonoo ia manawa aia i Manua; ma keia po akahi no o Liliana a hooiaio i kana mea 0 ka hoohuoi ana ma ka manawa ana o ka ike ana mai ia Rupata e kuiee aku ana me Veki a e hele aku ana hoi imua ona. 1 I kinohi ua olelo wale iho no o Liliana iaia iho o ke kumu j o ko Rupata Hamiletona hoopipili mau ole ana aku iaia no ka loihi loa paha o kona kaawale ana aku i Amerika, a i konaj manawa e loihi iho ai ka noho nui ana ma ka home a loaa he launa mau ana o laua, e hoi hou mai ana no kela ano elike me ia a laua e hui mau ai, a e hiki ana no hoi iaia ke pahele i ko Rupata noonoo me kona akamai a maalea nui, ahiki i ka lilo ana o ka noonoo o Rupata iaia. Eia nae, iaia e nana mai ai ia Rupata me he mea la he kana 7 ka o Rupata i nele loa i ka noonoo aku nona; o ka holo mau i Ladana ka mea nui i ko Rupata noonoo, a oiai ka ohana e hoomakaukau ana no ka holo ae i Ladana, ua lilo i mea ulujhua loa na Rupata ka ulolohi loa o ko lakou nee koke ana !ae me ka aneane e nele loa oia i ka naau hoomanawanui, me ka hiki pono ole e hoomalu iho i kona mau manao uluku. Ae hoi paha, no ka mea, aia i Ladana ka eha a ka manao kahi i luakaha ai. ( I nei manawa akahi no a maopopo ia Liliana ke kumu ljpohiuhiu o Rupata iaia. Ua hikiwawe loa kona hoomaopopo no ke kumu o ka lamalama o ko Rupata helehelena, ke kumu o ka hoihoi o ko Rupata mau maka, he hiohiona a ua o Liliana i maa mau ole ka ike mai ia Rupata, ame ke kumu no hoi o ko Veki -helehelena hoihoi me ka ula ma kona mau papalina ame ka helehelena minoaka hoi ma kona mau lehelehe, o ia hoi ua aloha aku o Rupata a ua alohaia mai no hoi oia e ke kaikamhine. Ia manawa ua piha o Liliana i ka inaina, no keia ikemaka ana aku ana i na hiohiona o na enemi ona no ka mea, o na manaolana apau ana i hoomoamoa ai mainua aku e lilo o Rui mea aloha nana e lilo aku ana i ka mea e; o ka manaolana a pau no ka loaa i kona mau la o ke ola ana he hauoli ma ia mua aku ua mae i nei manawa me he pua la i maloo i ka la; o ke aloha ana i moeuhane ai iloko o na la apau o kona ola ana, ua hoohoka mai iaia. O ke kaikamahine ana e ike aku ana a i lilo ai hoi he enemi ino loa nona he oi ae ke kilakila ame ka hanohano o kona kulana, aole oia wale, he oi pu ae kona nani i hiki ole e lihi launa aku kona wahi u'i, hoi ana i lili nui iho ai, a ia Rupata e paa ana i ka lima o Veki a e huli mai ana e nana iaia ke noonoo la 110 oia iloko ona e lawe mai ana o Rupata e hoolauna i ke kaikamahine u'i iaia. Aohe like o Liliana me kona makuahine; i kona ike ana me ka maopopo e lawe mai ana o Rupata e hoolauna ia Veki iaia he manawa ia nona' i hoihoi mai ai i kona mau noonoo maikai apau, a e hookuoo ae hoi iaia iho mamua o kona halawai ana me kona hoapaonioni; i ka loaa ana o ka noonoo haakei he kaikamahine oia na kekahi ohana kiekie hookanaie ae la oia me ke ano hoomalae, i manaoia mai ai he manao maikai kona, a he helehelena hoi ma kona mau maka. "E Liliana," wahi a Rupata i hoolauna mai ai, "ke makemake nei au e hoolauna aku ia oe i kekahi o ko'u mau hoaloha, oia keia o Miss Alekanedero—o Miss Linetona keia." Haawi mai la o Liliana i kona lima e paa ana me ka mikinilima me ka haalulu ole, a me ka minoa'ka hoopalaimaka hoike mai la ma ka olelo i kona hauoli no ia halawai ana ae o laua no ka manawa mua loa. "He kaikamahine Amerika o Miss Alekanedero nei," i Jhoakaka ae ai o Rupata, a ia manawa a Liliana i lohe mai ai, walania loa iho la kona naau, aneane oia e maule iho no kona lohe ?lna aku i nei mau huaolelo, no ka mea, ike koke iho la no o Liliana ua hui mua o Rupata me Miss Alekanedero ma kela manawa ana i holo ai i Amerika, a he koho pololei io no ia ana. O keia iho la ka hookoia ana o ka wanana a Pasi, ke kaikunane o Liliana, i olelo mua aku ai iaia, e hihia ana ko Rupata noonoo i kekahi o na kaikamahine huapala o Amerika. Nana pono mai la ua o Liliana i na maka onaona o Veki a i mai la me ka hoihoi e manao ole aku ai o Veki he manaoino kekahi ona iaia: "Alaila, o kou hoea koke ana mai no paha ia ianei mai Amerika mai, no ka mea aole au i halawai mua me oe ma Ladana nei." "Ae; he mau ohua like makou o ka holo ana mai me Mr. Hamiletona nei," i pane aku ai o Veki, "a no ka ia nei mau hana maikai ia'u ame mama maluna o ka moku ua aie nui maua i ko ia nei lokomaikai; he piha oluolu loa oia ia maua, ma ka maua mea e noi aku ai iaia nei no ke kokua ana mai, ua hooko mai oia me ka hoohakalia ole." "Pehea kou manao, makemake no anei oe ia Enelani nei att»e ka lahui Pelekane aole paha?" "O, nui ko'u makemake, no ka mea he nani no keia aina i ka nana aku, a he piha oluolu a lokomaikai no hoi na kanaka o keia aupuni, elike me ka'u mau mea i hoomaopopo i nei manawa," i pane aku ai o Veki, me ka huli ana ae e nana ia Rupata, me he mea la maluna wale no o Rupata kana koho ana no ka maikai o ka lahuikanaka Pelekane. (Aole i pau.).