Ka Nupepa Kuokoa, Volume LXII, Number 29, 19 July 1923 — Page 5

This text was transcribed by:	Kamehameha Schools Gift To Dr. Chun
This work is dedicated to:	Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA HONOLULU, T. H. POAHA, IULAI 19, 1923. ELIMA

MA KE KAUOHA

Na Kanawai Kau o 1923

KANAWAI 183.

[B. H. Helu 100.]

HE KANAWAI

E HOOKAAWALE ANA I HAAWINA NO KA POMAIKAI O MRS. EMMA BARNARD, MRS> MARY STOLZ, MRS> JUAN RIVERRA, FREDERICK K. COCKETT, JOSE MARIA GOMES, JOSE PEREIRA, VIVELLA, CAPTAIN JOHN MACAULAY, MRS. MATTHEW KANE, MISS SADIE McLAIN, MRS. ULUNAHELE, THOMAS AIU, CHARLOTTE A. MUMFORD, HENRY E. PETTERSON, JOHN K. KELIIKAHI, JOHN KAHAULELIO, J. K. KAPUNIAI, ELIJAH SNIFFEN, CHARLOTTE LOWDEN, NICOLENA NORGARD, CAPTAIN N. C. NEILSEN, LOUISE BAL, JOHN JARDIN, HENRY COCKETT, EBEN CUSHINGHAM, BENJAMIN KA-NE, FERDINAND MOSHER, HERBERT A. SWIFT, T. H. GIBSON, ROBERT HOLBRON, JACK KAHUNAKALA, SAM PEDRO, ANDRE SILVA, MANUEL AUGUST, JOHN THOMAS, MRS. ANNIE KANAKANUI, MRS. LANI BURNS, GEORGE PEKA, AUGUST H. GREEN, MAUD E. JORDAN, PETER N. KAHOKUOLUNA, PAUL F. SMITH, ALEXANDER GEORGE.

E Hooholoia e ka Ahaolelo o ke Teritore o Hawaii:

PAUKU 1. O ka Puuku o ke Teretori o Hawaii ma keia ke hoomanaia nei a ke kuhikuhiia nei e uku aku ma luna o na kikoo dala e hoopukaia ana e ka lunahooia o ke Teretore o Hawaii, i kela me keia mahina, e hoomaka ana me ka mahinao Iulai, 1923. a e hoomau ana ia uku ana ahiki a e huipu ana me ka mahina o Iune, 1925, ia Mrs. Emma Barnard, kanaha dala ($40.00); ia Mrs. Mary Stolz, kanaha dala ($40.00); ia Mrs. Juan Riverra, kanakolu dala ($30.00); ia Fredrick K. Cockett, kanalima dala ($50.00); ia Jose Maria Gomes, kanaha dala ($40.00); ia Jose Pereira Vivella, kanakolu dala ($30.00); ia Captain John Macaulay, hookahi haneri dala ($100.00); ia Mrs. Matthew Kane, kanaono dala ($60.00); ia Sadie McLain, kanaono dala ($60.00); ia Mrs. Moses Ulunahele, kanalima dala ($50.00); ia Thomas Aiu, kanalima dala ($50.00); ia Charlotte Mumford kanalima dala ($50.00); ia Henry E. Peterson, kanalima dala ($50.00); ia John K. Keliikahi, kanalima dala ($50.00); ia John Kahaulelio, kanaha dala ($40.00); ia J. J. Kapuniai, kanawalu dala ($80.00); ia Elijah Sniffen, kanaono dala ($60.00); ia C. Lowden, kanahiki-kumamalima dala ($75.00); ia Nicolena Norgaard, kanalima dala ($50.00); ia Captain N. C. Neilsen, kanahiku dala ($70.00); ia Louise Bal, kanalima dala ($50.00); ia John Jardin, kanaha dala ($40.00); ia Henry Cockett, kanalima dala ($50.00); ia Eben Cushingham, hookahi haneri iwakalua dala ($120.00); ia Benjamin Ka-ne, hookahi haneri dala ($100.00); ia Ferdinand Mosher, hookahi haneri dala ($100.00); ia Herbert A. Swift, kanalima dala ($50.00); ia T. H. Gibson, hookahi haneri kanalima dala ($150.00); ia Robert Hobron, kanalima dala ($50.00); ia Jack Kahunakala, kanalima dala ($50.00); ia Sam K. Pedro, kanaha-kumamalima dala ($45.00); ia Andre Silva, kanalima dala ($50.00); ia Manuel August, kanalima dala ($50.00); ia John Thomas, kanahiku-kumamalima dala ($75.00); ia Mrs. Annie Kanakanui, hookahi haneri dala ($100.00); ia Mrs. Lani Burns, kanaha dala ($40.00); ia George Peka, kanalima dala ($50.00); ia August H. Green, iwakalua dala ($20.00); ia Maud E. Jordan, kanalima dala ($50.00); ia Peter N. Kahokuoluna, kanaha dala ($40.00); ia Paul F. Smith, kanalima dala ($50.00); a ia Alexander George, kanaha dala ($40.00); aka nae, aole kekahi mea ukuhoomau malalo o keia Kanawaie aeia e unuhi i hoakakaia ma loko o keia Kanawai ina oia mea ukuhoomau ke paa nei i kekahi kulana ukuia me ke Teretore o Hawaii a i ole me kekahi mahele kalaiaina paha.

O ia mau uku ana ma keia ke hookaawaleia nei mailoko ae o na dala i loaa mai maloko o ka waihona puuku mai na loaa laula mai.

PAUKU 2. E mana no keia Kanawai i kona aponaia ana. Aponoia i keia la 2 o Mei, A. D. 1923.

W. R. Farrington

Kiaaina o ke Teritore o Hawaii

KANAWAI 184

[B. H. HELU 188.]

HE KANAWAI

E HOOLOLI ‘ANA I NA PAUKU 1793 AME 1793B O NA KANAWAI I HOOPONOPONO HOUIA O HAWAII, 1915, E PILI ANA I KA WAEHIA ANA AME KA HANA HOUIA ANA O NA ALANUI HOU A I OLE KU NEI MALOKO O KA APANA O HONOLULU, KULANAKAUHALE AME KALANA O HONOLULU.

E Hooholoia e a Ahaolelo o ke Teritore o Hawaii:

PAUKU 1. O ka Pauku 1793 o ka Mokuna 112 o na Kanawai i Hooponopono Houia o Hawaii, 1915, elike me ia i hoololiia, eia ma keia ke hoololo houia aku nei, i heluhelu ai penei:

“Pauku 1793. Ano. i ka manawa e manao ai ka papa o na lunakia i o ke Kulanakauhale ame Kalana o Honolulu he mea pono e kukulu, wehe, hooloihi, hooakea, a i ole hoololi i kekahi alanui, ala liilii a i ole ala heleloa okoa, e huipu ana me na alahele aoao, i loko o ka apana o Honolulu, koe o Honolulu, a i ole e hoiliwai, uhau pohaku, auwaha wai a i ole pohaku a i ole ma kekahi ano hou ae e hoomaikai ana i ka mea holookoa a i ole o kekahi hapa o kekahi alanui o ka lehulehu e ku ana, ala liilii a i ole alaheleloa a i ole alanui heleaoao maloko o ka apana o Honolulu, koe o Moanalua, e hui pu ana i ke kukulu ana o na mea lawe wai ua, a i ole ma kekahi ano e ae e hoomaikai ia mau mea ahiki aku maluna o ka hoomaemae ana o ia mau mea, o ia mau mea han hou a i ole hoomaikai e hanaia no malalo o na hoakaka o na Pauku 1793 ahiki 1813 i huiia, o keia mokuna; a o na hoolilo o ia mau mea, e hui pu ana me na hoolilo o ke kuai hou ana aku i mau aina hou no ia hana ame ka waiwaiio o kekahi aina hou no ia hana i kuaiia aku paha e ke Kulanakauhale ame Kalana o Honolulu mamua o ka hoomaka ana o ia mau hana no ia mau hana hou, e hookauia aku no maluna o ka aina e loaa ana na pomaikai, ina paha ma na pilina alanui a i ole elike paha me ka nui o ka aina maloko o kekahi apana hou ia a i ole no na mea no a elua nui o ka aina ame ka pilina alanui paha; a ua hiki i ke Kulanakauhale ame Kalana o Honolulu e hoopuka a e kuai i na bona no ka hoolawa i na waihona no ia mau hana hou, a o ia mau bona e loaa no mamuli o ia auhauia ana ma ke ano he aie maluna o na ‘aina i auhauia; a no ia mau hana ke hookauia aku nei ka mana maluna o ka papa lunakiai ma keia, a me keia ke hoomanaia aku nei e kukulu, hoakaka a e hana i mau hana hou ai ole apana hana hou paha; o na me apau elike no me na hoakaka a na Pauku 1793 ahiki 1913 huiia, o keia mokuna.

A e hoomaopopo hou ia, aole kekahi mea maloko nei e papa ana i ke kulanakauhale ame kalana, ma o kona mau lunanui kupono la, mai ke koi ana aku i ka poe ona i na waiwai pili alanui ma o ko lakou mau hoolilo ponoi e kukulu, malama a e hana hou i na alanui heleaoao ame na pohaku pili aoao mamua o ka waiwai e pili ana malalo o kekahi kanawai a i olekanawai e ku nei a i ole e hanaia aku ana ma keia kope aku”

PAUKU 2. O ka Pauku 1793B o ka Mokuna 112 o na Kananwai i hooponopono Houia o Hawaii, 1915, i holoholoia e ke Kanawai 241 o na Kanawai o ke Kau 1919, ma keia ke hoololiia nei i heluhelu ai penei:

“Pauku 1793B. E uku aku no ke Kulanakauhale ame Kalana O Honolulu mailoko ae o na loaa laula, e huipu ana me kekahi waihona o na hana hou, ame ka nana ole i na kaupalena ana o na hana i manaoai no ia waihona i oleloia, ka huina hoolilo o na hana enekinia, na hoolilo liilii ame ka nanaia ana, e uku pu ia no hoi mailaila mai ina he mau hana hou i na auhau hiki e heluia aku mai ia waiwai pili alanui mai a ina he ana ma ka nui o ia apana hana hou, ka lilo o ka uhau pohaku ana o ia wahi i na alanui a elua ma kahi e hui aku ana o kekahi alanui a i ole hookahi hapa o ke ana ma kela aoao o ka hui ana o kekahi alanui e pili mai ana, a e uku pu no hoi mailaila ae 33 1-3 pakeneka o ka huinanui o na hoolilo o na hana laula hou (e hui pu ana me na hana enekinia, na lilo liilii ame ka nana ana ame ka lilo o na pohaku aoaoa me alanui heleaoao), maluna o na alanui laula apau elike me ia e hoakakaia aku ana ma keia hope aku, a maluna o na alanui e aku a i ole alaheleloa paha, koe o na hana hou ua hoomakaia malalo o ka Pauku 1797. O ke alanui laula maloko o ka manao o keia kanawai o ia no kekahi alanui a i ole alaheleloa e hoohanaia aku ana a oi aku mamua o na hana maamau o ka hele ana o ka lehulehu a i ole e hoolawa mai ana ma ke ano he wahi hele laula e hiki ai e hele mai kekahi wahi a i kekahi wai o Honolulu.

A eia hou no hoi, o ka papa o na lunakiai i ko lakou manao ana he kupono, a e hoolawaia ana la makemake o ke kulanakauhale ame kalana mai na koi poho mai na wahi kahe, e hoomaopopo i ka hoiliili ana ame ka lawe ana aku i na wai mai na ino mai ma o ka hoonee ana aku e hana kuokoa mai na hana hou ae a i ole hana no na alanui e pili ana me na aina a i ole e hana aku ia mea ma ke ano he hapa no ia mau hana, e uku i na lilo holookoa a i ole kekahi hapa o na lilo no ia hana mailoko ae o na loaa laula, e hui ana me kekahi o na waihona o na hana hou paamau, a i ole ina e lawelaweia ana ia mea me kekahi apana hanahou a i ole alanui pili mamua o ia waiwai, elike me ka nui o ka pomaikai e loaa ana elike me ia i hoomaopopo ia no ka auhau ana aku i na hana hou laula. A ua ku i ke kanawai no ke Kulanakauhale ame Kalana o Honolulu e auamo a e uku mailoko ae o na laula, e hui ana hoi me ka waihona o na hanahou, i na mea apau a i ole o kekahi hapa paha o na lilo no ka lawe ana mai i na aina hou no ka hooakea ana ae malalo o na hoakaka a keia mokuna.”

PAUKU 3. E mana no keia Kanawai mai a mahope aku o ka la o kona aponoia ana.

Aponoia i keia la 2 o Mei, A.D. 1923.

W. R. FARRINGTON,

Kiaiana o ke Teritore o Hawaii.

KANAWAI 185.

[B. H. HELU 191.]

HE KANAWAI

E HOOMAOPOPO ANA I KE A’OIA ANA O KEKAHI POE LAWELAWE I KA HANAI ANA I NA AI KUPONO MALOKO I NA KULA AUPUNI O KE TERITORE A E HOOKAAWALE ANA I HAAWINA NO IA HANA.

E holoholoia e ka Ahaolelo o ke Teritore o Hawaii:

PAUKU 1. O ka lunanuo o ke keena hoonaauao o ka lehulehu ma keia ke hoonanaia aku nei e hookohu, me ke apono o na komisina hoonaauao o ka lehulehu, i elua mau mea lawelawe i a’oia a i lawa i ka ike no ka hoomaopopo ana i na ai kupono no na keiki maloko o na kula aupuni o ke teritore, malalo o na rula ame na kuhikuhi ana a na komisina hoonaauao o ka lehulehu e hana mai mai kekahi manawa a i kekahi manawa. O ka uku oia mea lawelawe aole e oi aku mamua o hookahi haneri me kanahikukumamalima dala ($175.00) o ka mahina hookahi.

PAUKU 2. Eia ma keia ke hookaawaleia nei mailoko ae o na loaa laula o ke Teritore i ka huina o umi tausani ewalu haneri dala ($10,800.00) no na uku,kaahele ame na hoolilo e ae o ia mau mea lawelawe a’o i na kupono no na keiki, a e hooliloia maluna o na kikoo dala i hoopukaia e ka lunahooia maluna o na kikoo aie i aponoia e ka lunanui o ke keena hoonaauaao o ka lehulehu, no ka manawa mai Iulai 1, 1923, ahiki i Iune 30, 1930.

PAUKU 3. E mana no keia Kanawai i Iulai 1, 1923. Aponoia i keia la 2 o Mei, A. D. 1923.

W. R. FARRINGTON,

Kiaaina o ke Teritore o Hawaii.

KANAWAI 186.

[B. H. HELU 141.]

E HOOLOLI ANA O KE KANAWAI 231 O NA KANAWAI O KE KAU 0 1921, E HOOKAAWALE ANA I HAAWINA NO KA HOOLAWA ANA IKA WAI I NA HOME HOOKUONOONO O LUALUALEI, APANA O WAIANAE, MOKUPUNI O OAHU.

E Hooholoia e ka Ahaolelo o ke Teritore o Hawaii:

PAUKU 1. O ka Pauku 2 o ke Kanawai 231 o na Kanawai o ke Kau o 1921, eia ma keia ke hoololiia nei i heluhelu ai ponei:

“Pauku 2. O ke dala I hookaawaleia ma keia e hooliloia aku no e ka lunanui o na hana hou iaia ka hoomalu ana o ka hookomo ana ia mau paipuwai ame ke kukulu ana ia mau pahuwaiame na lua hookio wai. O na dala I oleloia ua hiki e hoohanaia aku I mea e loaa ai ka wai a I ole e imi ai I wai maluna o na aina aku I ke Kulanakauhale ame Kalana o Honolulu e imi I wai a e hookomo I na paipuwai, na pahu ame na lua hookio a I ole e onaona I oleloia.”

PAUKU 2. E mana keia Kanawai I kona aponoi aana. Aponoia i keia la 2 o Mei, A. D. 1923.

W.R. FARRINGTON,

Kiaaina o ke Teritore o Hawaii.

KANAWAI 187.

[B. H. HELU 145.]

HE KANAWAI

E HOOLOLI ANA I KA PAUKU 1246 O NA KANAWAI I HOOPONOPONO HOUIA O HAWAII, 1915, ELIKE ME IA I HOOLOLIA E KE KANAWAI 222 O NA KANAWAI O KE KAU O 1917, KANAWAI 24 O NA KANAWAI O KE KAU KUIKAWA O 1920 AME KANAWAI 73 O NA KANAWAI O 1921, E PILI ANA I KA AUHAU.

E Hooholoia e ka Ahaolelo o ke Teritore o Hawaii:

PAUKU 1. O ka Pauku 1246 o na Kanawai I Hooponopono Houia o Hawaii, 1915, elike me ia I hoololiia e ke Kanawai 222 o na Kanawai o ke Kau o 1917, Kanawai 24 o na Kanawai o ke Kau Kuikawa o 1920 ame Kanawai 73 o na Kanawai o ke Kau o 1921, eia ma keia ke hoololiia nei ma o ka paku’i ana aku ia pauku I keia mau poohou malalo iho nei:

“O na waiwai apau, i huiia paa ame lewa, e noho onaia ana a e hoohana pololeia ana e ka Papa Ahahui Euanelio Hawaii a e ku ana ma kona keenapoo, i ikeia o ka Hale Hoomanao, ma ke Alanui Moi, Honolulu, e hookuuia no mai kona uku auhau ana, aka nae, o keia hookuu laula ana aole e pili ana i kekahi hapa o ka waiwai I hoohanaia no ka loaa, i kaawale aku a i huipu ole mai na hana laula a ia ahahui.”

“O na waiwai apau e noho onaia ana e ka Ahahui Ekolu o na Franciscan, e ku la ma ke Alanui Liliha, Honolulu, e hoohanaia nei no na hana halema’i e hookuuia no mai ka uku auhau ana, aka nae, o ka waiwai i oleloia aole e hoohanaia no kekahi hana e ae mawaho o ka hana halema’i, a e ike houia no hoi e pau no wale no e hoohanaia ana keia waiwai no ia hana wale no ia hana wale no ia manawa.

PAUKU 2. E mana no keia Kanawai i kona aponoia ana.

Aponoia i keia la 2 o Mei, A. D. 1923.

W. R. FARRINGTON
Kiaaina o ke Teritore o Hawaii.

KANAWAI 188.

[B. H. HELU 193.]

HE KANAWAI

E HOOLOLI ANA I KA PAUKU 4199 O NA KANAWAI I HOOPONOPONO HOUIA O HAWAII, 1915, E PILI ANA I KA POE AEA HAUKAE, KA POE KU-E KANAWAI.

E Hooholoia e ka Ahaolelo o ke Teritore o Hawaii:

PAUKU 1. O ka Pauku 4199 o na Kanawai i Hooponopono Houia o Hawaii, 1915, eia ma keia ke hoololiia nei i heluhelu ai penei:

“Pauku 4199. Weheweheia; hoopai. O kela ame keia mea i loaa ke kino ola maikai e hana a i ikeia aole ana hana e loaa ai kona ola a i ole e imi ole ana i hana nana, a i ole e hana ana i ka manawa e haawiia aku ai ka hana; a i ole o kela ame keia mea e makilo ana a e nonoi mau ana a i ole e hoohana ana i kekahi keiki liilii e hana pela, a i ole o na poe apau e hele ana mai kekahi wahi a i kekahi wahi me ka loaa ole o ka oihana i ku i ke kanawai; a i ole, o ka poe apau e ikeia ana he poe aihue mai na eke ae o ka poe ma ke alanui, aihue, wawahihale, a i ole poe hoopunipuni i mea e loaa ai ke dala, ina paha ma kona ae ponoi ana mai i kona hewa, a i ole ma o kona ahewaia ana no kekahi o ia mau hewa, a i loaa ole a i ole i loaa ke ola ma o kekahi hana ae ia e ke kanawai i ka loaa ana aku e hele wale ana ma kekahi wahi pili i na uwapo ku moku, hale kaaahi, hale banako, keena kuai o na waiwai like ole, wahi hoolealea, wahi pahupahu, rumi kuai kudala, halekuai, wahi hana a i ole alanui i piha me na kanaka, kaa a i ole otomobile, a i ole ma kekahi wahi o na halawai a ka lehulehu a i ole ka poe i akoakoa mai; ai ole o ka poe hana ole, a i ole kuu wale, a i ole molowa, a i ole e hoohui ana me ka poe i ikeia he poe aihue, a i ole he mea hana ino a i ole hana i na hana pono ole ma ka olelo a i ole ma ka lawelawe ana, o na poe apau e lawelawe ana i ka hana hoopiopio ana ua loaa ka mana e pule a make kekahi mea a i ole e hoopunipuni ana ua hiki e hoike mai i na mea e hiki mai ana no kekahi mea no ke dala a i ole no kekahi uku e ae; o kela ame keia mea e loaa ana iaia me ka ae ole ia aku e ke kanawai (o ka hooia o ia kumu e loaa no maluna o kona kino) i kekahi ki hoopunipuni a i ole e hiki ai e hemo na hale like ole a i ole o kekahi mea paahana no ka wawahi hale ana; a i ole o ka poe apau e loaa aku ana i ka po me na kumu kupono ole (o ka hooia e loaa aku no maluna o kona kino) maloko a i ole maluna o kekahi hale noho a i ole hale e ae a i ole o kekahi pa hale i hoopaaia, a i ole maluna o kekahi moku, a i ole o ka poe apau e hele wale ana ma na alanui i na hora aumoe a i ole kupono ole o ka po, me ka loaa ole o kekahi kumu ma ke kanawai; a i ole o ka poe apua e moe ana iloko o kekahi hale waiho o na mea pili holoholona, hale mawaho, moku, a i ole o kekahi wahi aole he wahi hoolimalima ia no ka noho ana o ke kanaka, me ka ae ole mai o ka ona a i olemea paha i kuleana ia wahi; a i ole o ka poe apau e noho ana a ma na wahi pili i na hana hookamakama, a i ole o kekahi mea e haawi aku ana iaia iho a i ole e paa ana iaia iho ua hiki a i ole make akea ua hiki e loaa ke ola, ma o ka hoike ana e loaa ana ka waiwai i kekahi mea ma o ka heluheluia ana o ka poholima a i ole ma kekahi ano e ae paha, a i ole o ka poe maamau i ka noho hookamakama, a i ole o ka mea maamau i ka ona lama, a i ole, o ka poe apau i lilo i mea weliweli a i ole kupono ole mamuli o ka lilo ana i mea hoohaunaele, hoohaunaele i ka maluhia, e hele wale ana me na pu a i ole mea make, e olelo ana i na olelo hooweliweli a i ole me na olelo kupono ole a i ole ma na ano e ae mea aeahaukae a e hoopaiia ma kekahi hoopa’i dala aole i emi iho malalo o umi dala ($10.00) a i ole e oi aku mamua o elima haneri dala ($500.00) a i ole ma ka hoopaahao ma ka hana ikaika aole e oi aku mamua o hookahi makahiki, a i maloko nei i ka manao ana o ka aha.

PAUKU 2. E mana keia Kanawai i kona aponoia ana.

Aponoia i keia la 2 o Mei, A. D. 1923.

W. R. FARRINGTON

Kiaaina o ke Teritore o Hawaii.

KANAWAI 189.

[B. H. HELU 238.]

HE KANAWAI

E PAPA ANA I KE KOMO KU-E ANA AKU I KE KANAWAI E HOOPILIKIA WALE IKA PONO O KEKAHI MEA E HANA ANA A I OLE E KOMO WALE AKU MALUNA A E LAWELAWE I KEKAHI HANA KU-E KANAWAI, A E PAPA ANA I KE KU-E WALE ANA AKU I NA PONO O KEKAHI MEA, HUI A I OLE AHAHUI I HOOHUIIA E LAWELAWE ANA I KEKAHI HANA KU I KE KANAWAI, A I OLE OIHANA, A E HOOMAOPOPO ANA I HOOPA’I NO KE KU-E ANA IA MEA.

E Hooholoia e ka Ahaolelo o ke Teritore o Hawaii:

PAUKU 1. Ka manawa ku-e i ke kanawai ke kukulu i na kanaka. E lilo no i mea ku-e kanawai no kekahi mea a i ole mau mea paha, ma ka hookahi a i ole e ohumu like ana, e papa, a i ole e hoao ana e papa, me kekahi mea okoa aku iaia e hana ana a i ole e lawelawe ana i kona pono ma ke kanawai, a i ole kuleana e komo aku maluna a i ole hahai i kekahi hana ku i ke kanawai ana e makemake ana e lawelawe mamuli o ka hana ana i kekahi o keia mau mea malalo nei, o ia hoi, e olelo i na olelo ino, hoohilahila, pono ole, lapuwale, hoonaukiuki, pelapela a i ole hoohakaka ia mea a i ole i kekahi o na lala o kona ohana pili, a i ole ma kona alo a i ole wahi e hiki e loheia aku, no ka manao ana e hookikina a i ole a’o aku, a i ole hoao ana e koi aku a i ole e hookikina, ia mea e haalele i kana hana, a i ole e hoopau i ka imi ana a i ole no ke komo ana aku e lawelawe i kana hana me ka maalahi; a i ole ma o ka hookikina ana ma kana kamailio ma kekahi ano ia mea a i ole na lala o kona ohana pili e ku-e iaia a i ole i ko lakou makemake, no ia mea; a i ole e hahai a i ole e papa ia mea iaia ma kona alahele i a i ole mai kana hana mai, i a i ole mai kona home mai a i ole wahi noho, a i mai kekahi wahi mai, no ia mea , a e ku-e ana i ka makemake oia mea; a i ole e pai i ke kii oia mea me kona ae ole mai; a i ole e hoomakaukau ana, hooweliweli, koi, kupale a i ole i kekahi mea e ae, ia mea, no ia mau kumu; a i ole e hoeha a i ole lawelawe limanui ana ia mea, no ia kumu; a i ole e noho ana ma ia wahi, e kukulu ana i poe e nana i ka hana a kekahi poe a i ole e hele ana ma na wahi hana a i ole o na wahi noho oia mea, a i ole ma kekahi alanui, alaliilii, alaloa, a i ole ma kekahi wahi e ae ilaila e hana ana ia mea, a i ole ma kekahi wahi e kokoke mai ana, no ia kumu, me ke ku-e i ka manao oia mea.

PAUKU 2. Ka manawa ku-e i ke kanawai ka houluulu ana ma na wahi hana. E lilo no i mea ku-e i ke kanawai no kekahi mea a i ole mau mea, pakahi i ole e ohumu ana no ka noho wale ana, lele aku, kaihele ana, a i ole kukulu ana i kekahi poe ma na wahi hana a i ole wahi lawelawe o kekahi mea, hui a i ole ahahui i hoohuiia e lawelawe ana ma kekahi oihana ku i ke kanawai, a i ole ma kekahi alanui, alaliilii, alaloa a i ole wahi e ae, e pili ana i kahi a ia mea, hui a i ole ahahui i hoohuiia e lawelawe ana i ka hana ku i ke kanawai, ma kana hana a i ole lakou paha; oihana a i ole hana, no ke kumu e koi aku a i ole e hookikina, a i ole e hoao e koi aku a i ole e hookikina i kekahi poe e aku aole e kuai mai a i ole e kuai aku, hoolilo, hana no, a i ole e hana ana i kana oihana me ia mea, hui a i ole ahahui i hoohuiia, ma ia hana ana pela e hoopoino ana i ka oihana a i ole hana a ia mea, hui a i ole alhahui i hoohuiia, hoopilikia, a i ole hoopoho ia mea, hui a i ole ahahui i hoohuii a ma ia bana ana pela ua koi wale aku me ke ku-e i ko lakou makemake, a i ole hoomakaukauia, hooweliweliia e hana i kekahi mea, a i ole e akeakea ana ia mea mai ka hooko ana aku i kana ema i makemake ai, ana a i ole a lakou i makemake ai e hooko aku ma na bana ku’i ke kanawai.

PAUKU 3. O kekahi mea e ku-e ana i kekahi o na hoakaka a keia Kanawai e ku no i ka hewa mikamina, a i ke ahewaia ana no ia mea, e hoopa’ia ma kekahi hoopa’i dala aole e oi aku mamua o ka hookahi tausani dala ($1,000.00) a i ole ma o ka hoopaahao aole e oi aku mamua o hookahi makahiki, a i ole o na hoopai no a elua.

PAUKU 4. E mana no keia Kanawai i kona aponoia ana.

Aponoia i keia la 2 o Mei, A. D. 1923.

W. R. FARRINGTON

Kiaaina o ke Teritore o Hawaii.

KANAWAI 190.

[B. H. HELU 351.]

HE KANAWAI

E HOOLOLI ANA I KA PAUKU 1248 O NA KANAWAI O HOOPONOPONO HOUIA O HAWAII, 1915, ELIKE ME IA I HOOLOLIIA AI E KE KANAWAI 226 O NA KANAWAI O KE KAU O 115, E PILI ANA I KA HOOKUULA O NA ALAHAO MAI KA AUHAU AE.

E Hooholoia e ka Ahaolelo o ke Teritore o Hawaii:

PAUKU 1. O ka Pauku 1248 o na Kanawai i Hooponopono Houia, 1915, elike me ia i hoololiia ai e ke Kanawai 226 o na Kanawai o ke Kau o 115, ma keia ke hoololiia nei i heluhelu ai penei:

‘(Pauku 1248. Na alahao. No ka manawa o umi-kumamalima makahiki mai a mahope aku o ka la ekahi o Ianuari, 1908, o na auhau apau paa ame lewa, o kekahi mea, hui a i ole ahahui i hoohuiia e lawelawe wale ana no i ka oihana lawe e hookuuia aole e uku auhau mai na waiwai apau teritore ame kalana; aka naeo ia alahaoaole e emi iho malalo o elima mile neepapa ka loihi a e lawa pono kona hoopololei ana ame kona kulana a e aponoia e ka lunanui o na hana hou; a e hoakaka hou ia no hoi, ina o ia alahao i kukuluia pela iloko o na makahiki elima i oleloia mai Ianuari 1, 1908, aka aole e emi iho malalo o iwakalua-kumamalima mile neepapa ka loihi a e lawa kona kulana holo ame kona ano a e aponoia ana e ka lunanui o na hana hou i oleloia, e mau aku keia hookuuia aole e uku i ka auhau waiwai no ka manawa o iwakalua makahiki mai ka la ekahi o Ianuari, 1908, i oleloia.”

PAUKU 2. E mana no keia Kanawai i kona aponoia ana. Aponoia i keia la 2 o Mei, A.D. 1923.

W. R. FARRINGTON,

Kiaaina o ke Teritore o Hawaii.

KANAWAI 191.

[B.H. HELU @81.]

HE KANAWAI

E HOOPAU ANA I KA PILIKIA O SILVA COSTA AYRES.

E Hooholoia e ka Ahaolelo o ke Teritore o Hawaii:

PAUKU 1. O ka huina o elima haneri dala ($500.00) keia ke hookaawaleia nei mailoko ae o na loaa laula o ke teritore no ka uku ana aku ia Silva Costa Ayres no ka uku ana aku iaia no kona poho ma ka apana home hookuonoono 34, Lawai, Kauai, i lawe wale ia a i ku-e hoi i na hooponopono a ke aupuni ma ia mea, i laweia mai iaia mai.

PAUKU 2. E mana no keia Kanawai i kona aponoia ana.

Aponoia i keia la 2 o Mei, A.D. 1923.

W.R. FARRINGTON

Kiaaina o ke Teritore o Hawaii.

KANAWAI 192.

[B. H. HELU 385.]

HE KANAWAI

E HOOLOLI ANA I KA PAUKU 2337 O NA KANAWAI I HOOPONOPONO HOUIA O HAWAII, 1915, ELIKE ME IA I HOOLOLIA E KE KANAWAI 105 O NA KANAWAI O KE KAU O 115 A I HOOLOLI HOUIA E KE KANAWAI 40 O NA KANAWAI O KE KAU O 1921, E PILI ANA I KA LAWELAWEIA ANA O NA HIHIA KIVILA ILOKO O NA AHA APANA.

E Hooholoia e ka Ahaolelo o ke Teritore o Hawaii:

PAUKU 1. O ka Pauku 2337 o na Kanawai i Hooponopono Houia o Hawaii, 1915, elike me ia i hoololiia e ke Kanawai 105 o na Kanawai o ke Kau o 1915, a i hoololi houia e ke Kanawai 40 o na Kanawai o ke Kau o 1921, eia ma keia ke hoololi houia nei i heluhelu ai penei:

“Pauku 2337. Hoopii kumu. O ka hoopii kumu maloko o na hihia kivila apau i hookamaia imua o kekahi aha apana o ia no i palapala kii, palapala e koi ana e hoihoiia mai, i palapala hoomalu, a e kakauinoaia e ka lunakanawai o ia aha, a i ole e kekahi kakauolelo i hookohu pono ia o ia aha, a e paa no kekahi hoolaha i ka mea pale ina oia e hiki ole mai ana i ka manawa a ma kahi o ka hookolokolo i hoikeia maloko o ka palapala, e hooholoia no ka olelo hooholo e ku-e ana iaia maluna o na ike i hoopiia mai. O na palapala hoopii kumu apana e hoihoiia mai no aole e emi iho malalo o hookahi la a aole e oi aku mamua o eono la mai ka la aku i hoopukaia ai, koe a maloko o ka aha apana o Honolulu maloko o ke Kulanakauhale ame Kalana o Honolulu, malaila o na hoopii kumu apau e hoihoiia mai iloko o ka Poakahi mua mahope iho o ka la i hookoia aku ai; a ina o ia Poakahi he la kulaia, alaila i ka la e hiki mai ana. O ia mau palapala hoopii kumu apau i hoopukaia mailoko ae o ka aha apana o Honolulu aole i hookoia iloko o kanakolu la mahope mai o ka la o ka hoopukala ana e hoihoiia mai i ka aha apana i oleloia, a aole e haawi houia aku he hooloihi ana o ka manawa e aeia.”

PAUKU 2. E mana no keia Kanawai mai a mahope aku o ka la o kona aponoia ana.

Aponoia i keia la 2 o Mei, A.D. 1923.

W. R. FARRINGTON,

Kiaaina o ke Teritore o Hawaii.

KANAWAI 193.

[B. H. HELU 388.]

HE KANAWAI

E HOOMANA ANA I KA PAPA O NA LUNAKIAI E HOIHOI I KEKAHI HAPA O KA HAAWINA I HANAIA NO KA SUA O WAIKIKI NO KA PAKU’I ANA AKU I PONO SUA NO KA APANA O NUUANU.

E Hooholoia e ka Ahaolelo o ke Teritore o Hawaii:

PAUKU 1. O ka papa o na lunakiai o ke Kulanakauhale ame Kalana o Honolulu ma keia ke hoomanaia aku nei e hoihoi mai kela hapa mai o ka haawina i hanaia e ia no ke kukulu ame hana ana, hoomoe ana ame ka malama ana o kekahi pono sua o Waikiki aole e oi aku mamua o hookahi haneri tausani dala ($100,000.00) a e hookaawaleia mea no ka hana hou ana ame ka hooloihi ana i na pono sua maloko o ka apana o Nuuanu.

PAUKU 2. O ka papa o na lunakiai i oleloia ma keia ke kuhikuhiia aku nei (ina lakou e hana ana i ka haawina i hoomanaia maloko o ka Pauku 1) e hookaawale ae o ka waihona o na hana

(E Nana Ka Aoao Eono)