Ka Nupepa Kuokoa, Volume LXI, Number 51, 21 December 1922 — Page 4

NUPEPA KUOKOA HONOLULU. T. H, POAHA, DEKEMABA 21, 1922

EHA


	KE KALAIWAA ANA AME KO- NA ANO. (Kakauia e Z. P. K. Kawaikaumaii- kamakaokaopua.) (Hoomauia mai.) O ke ana ana i ke kiekie e ka waa; mawaenakonu o ke kuaiako mua, ame ke kuaiako hope. Ma ka kikoolima ke ana ana; ina ekolu kikoo a hapa, aole e olelo ana ka poe kahiko, ekolu kikoo ame ka hapa, aka, eia ka lakou olelo, ekolu poho. Pohihihi ka poe aole i lohe i keia olelo. A ina paha ekolu kikoo ka aoao, aole oe e lohe ana, e olelo mai ana, ekolu kikoo ka aoao. O ka lakou ekolu ka aoao. Eia keia ano e pili ana i ka waa, ina i ke kuahiwi. O ka hope o ka waa iuka o ke kuahiwi, ua kapaia he makuu. Ahiki i kahakai loli ae la a kapaia aku la he moamoa. A omua hoi o ka waa, ua kapaia he ihu, a he eku. O na aoao o ka waa e iho aua ilalo a pi'o ae, ua kapaia aku he pa'ihua. Eia keia ano e pili ana i kekahi ano waa i ka wa kahiko; o ia hoi na waa loloa, aole kiekie loa na aoao a i hanaia hoi ia mau waa ke mau waa heihei, a kukulu pea; aa kapaia aku ia mau waa, he waa Kialoa kona inoa. Aole he loaa o ia ano waa i keia wa, a no keia waa ka olelo ana, o ka holo a ka waa Kialoa, aole pa-ki kai ma ke ama. No ka huki ana i ka waa i kaha- kai e kapili ai; i ka pau ana o na waa i ka huli ilalo ka waha, alaila, e hoi ana i kahakai, no ka hoo- makaukau ana i na mea e pono ai ka waa ke huki. O ke kaula ka mea nui, he kaula nunui, a loihi, i mea e nui ai na kanaka ke huki. A ma- kaukau ke kaula, a akaka no hoi ka la e huki ai i kahakai nei, alaila, lawai'a i i'a a nui, kahu ka ai a ani, alaila, ha'i aku i na kanaka i ka la e huki ai ka waa. Ina a kakahiaka oe huki, he poe kanaka okoa ka poe na lakou e lawe ka ai, ka i'a, i kahi o ka punawai e kokoke ana i kahi o ka waa e kauo mai ai. Alaila hoomaha; he ai okoa no keia, a he ai okoa no ke hiki i kahakai. I ka hiki ana o ka poe kanaka kano waa i kahi o ka waa , e hele mua ana e uu maile na mea apau, a akoakoa na mea apau i kahi o ka waa, alaila, o na pale waa ka nea nui. Aia i keia mau kanaka ka pono o ka waa, ame ka poino. O keia mau kanaka, elike laua me ka manu ka mama, aole i poe lolo. O keia hana, ua waiho mua oe i kou ola i ka hale a hele kino wale no kela i kanahele. O ke ano o ke kauo ana, ame ke kahea ana; e kaheaia ana ma na aina ma ka akau ame ka hema. Elike me Kohala ma ka akau, ame Kau ma ka hema; a o Kona mawaena. A i ke kahea ana o keia mau kanaka e kahea ana i Kohala, i Kau. Aole kahea i ka akau, a ka hema. I ka hoapaa ana o ke kaula huki i ka makuu o ka waa, aia ma. kela kaala i hoopaaia ai i ka makuu, he kaula kekahi i hoopaaia; a ua ka- paia ka inoa o ia kaula, he kauia kailiili; a e paa ana ke kanaka o ka makuu i keia kaula he kaula nana e huki ai i ka akau ame ka hema o ka waa. I ka hoomaka ana e kauo i ka waa, ina he pa'i, eia ke kahea ana. Hoolana. E hapai ae oe i ka ihu o ka waa iluna, a e kaomi ana ke kanaka omua ilalo i ka hope o ka waa i ole e haule ino ilalo omua. A ina no he pali ia, aole oe e hookuu, no ka mea, aia ia pe ka holo o ka waa, ame ka paa. Ina he uhakee i Kohala, e kahea ana oe, i Kau kai keia kaualako- ia. ana o ka waa, ua lilo ka ihu o ka waa, he ka; a o ia kau kahea mau, aole e paa ka waha o ke kana- ka omua. E kahea mau ana oia i na mana- wa apau. I Kau ke ka, i Kohala ke ka, hoolana. He puuhanau, o ia ka hoopiina pali, mokua ke kaula. O ke ano o kela e hoomalo i ke kaula aole hoalu. Ina alu, o ka paa iho la no ia; ame ka hana nui e huki liilii ai, ahiki i ka hiki ana o ka waa. O ka mea e kahea mau ai kela kanaka omua, mahope eha ke kana- ka ohope i na uhakee, e ka-ia ia ana a he laki ke eha, a i pono no hoi ke kanaka omua i ke kanaka ohope. (Aole i pau.) LETA MAI KA AINA E MAI. Madrid, Spain, Nov. 16, 1922; Mr. Dick Kekona Diamond, kuu papa aloha; Aloha kaua a nui loa: — Ua halawai mai au me Kau leka o ka la 7 o Sept. a ua ike iho no hoi me na manao piha i ke aloha. Eia ka mea e hai aku ia oe e kuu papa aloha, eia makou i Madrid nei i keia manawa, e hana nei iloko o kekahi hale nani loa, o Madrid. He hale hou loa keia, akahi no a paa i ka hanaia. Na na keiki o Hawaii, i hoau mua loa i hoohemo i na pani puka apau o keia hale nani loa o Madrid nei. O ka inoa o keia hale o Palaee de Glace, ma ka inoa Paniolo, Pa- lacio de Hielo. Ke kaulana nei o Hawaii i Europa nei, a peia aku ana no apuni ke ao nei. Na ka	Haku Hemolele e alakai a kiai ma kaala pu no hoi ia kakou apau loa ahiki i ko kakou hui kino ana. Ke mahalo aku nei au ia oe e ko'u papa a nui loa, no kou hui pu ana a launa pu me ko'u ohana ponoi Eia kekahi, ua paani iho nei ma kou imua o ke alii ame ka moiwahi ne o Sepania nei. He nui hoi ka hauoli o na alii i ko laua ike ana i na keiki Hawaii ma ko laua aupu- ni. Eia hou kekahi, he maikai no ko'u ola kino a pela pu me ko'u mau hoa Hawaii, e nai nei i keia aina i ma nao mua ole ia, e ike ana au ame ko'u mau hoa i keia wahi. Ua lawa paha kaua maanei, ke haawi aku nei au i ko'u aloha a nui loa ia oe e kuu papa, ame ka ohana o kaua, ame ka oihana ma kai o Honolulu kekahi. Owau no me ka haahaa, JOSEPH K. NAHALE, KUU KANE ALOHA JOSEPH HO- LI, UA HALA. Mr. Lunahooponopono o ka Nupe- pa Kuokoa, Solomon Hanohano; alo ha oe: — E ae oluolu mai kou loko maikai, no'u kekahi wahi rumi o kau nupepa no ka'u wahi puolo luuluu, ina nae he wahi kaawale kekahi, a nau hoi ia e ahai aku i ka lono kaumaha ma na kihi eha o ka aina, mai ka puka ana a ka la i Kumukahi, a ka welona a ka la i Lehua, i ike mai hoi na kini ma- kamaka ame na hoaloha o kuu kane aloha. Luuluu wale! Ua haalele mai kuu mea aloha ia'u me na lei a maua, e noho makua ole, a e auwe mau aku nona. Ma ka la 6 o Dec. o keia maka- hiki, hora 6 p. m., i upoi iho ai kona mau lihilihi no ka wa mau loa, a waiho iho la i ke "kino wailua, na'u e paiauma aku, ma keia kapa o ka muliwai eleele. Luuluu wale! Ua hanauia kuu kane aloha ma Papa, 8. Kona, Hawaii, mai ka pu- haka mai o Kapule (w) ame Holi (k), ua piha hoi iaia na makahiki he 64, a haalele wale mai la oia. Ua mare mua no oia i ka wahine, a mai ia laua mai na keiki lehu- lehu, ua lawe aku ka make, a koe mai hookahi. Mare hou me a'u loaa ekolu keiki elua keikikane, hoo- kahi kaikamahine, ua like me eha keiki a kona puhaka ponoi e ola nei. He kane malama wahine oia, a he mea nui no hoi au iaia, pela no me kana poe keiki. He puuwai hamama, he lokomaikai, he heahea, he ike i ka poe kiekie a ka poe haahaa, he inoa kona ua kamaaina i na mea apau. Aloha no ka ma- kua. E Hoopuloa e, kahi hoi a kuu kane e hele ai i ka lawai'a, aole kou mau hunahunakai e hoopulu hou ana i kona mau papalina lahilahi. Luuluu wale! Aloha wale keia mau wahi e waiho mai nei, kahi hoi a kuu kane e hele ai i ka hana, aole oia e maaloalo hou aku ana malaila, a no ka mea, ua huna mai Ia i na maka ia'u. E Hookena e, a hoea loa aku i Kealakekua, a kiei aku hoi ia Kai- lua, aloha wale oukou, aole kuu Joseph Holi e hehi hou i ko oukou mau umauma lahalaha, no ka wa mau loa. Luuluu wale! E ka Maunaloa e, ka hale lana i ke kai, ka mea hoi nana i hiihele aku kuu papa, ahiki i Kauakukala- hale, aole oia e holoholo hou aku ana i kou oneki, a nau no hoi i hoi- hoi hou mai ahiki i ka aina hanau, a moe iho la no na kau a kau. He mau moopuna lehulehu kana e noho mai la, aia i Maui, a aia no hoi i Honolulu, aole nae lakou i ike i ka hanu hope o ko lakou kuku. I ka hele iho la no i ka hana, a hookau no kahi ma'i ka i no hoi kahi pilikia, a lohe mai, eia ka, e haalele mai ana. Ke hoomanao ae, auwe ka mea ehaeha o ka naau, aka ua hoike maopopo mai no Kana olelo, o ke kanaka i hanauia e ka wahine, ua hapa kona mau la, ua piha hoi i na popilikia. Ke haawi aku nei au i ka mahalo a nui Ioa ia oe e Mr. Kaanana, no kou hana wale ana i ka pahu o kuu mea aloha. Ke haawi pu aku nei au i na mahalo i ka poe i ku kiai pu mai me a'u i ka wa e kau ana kuu kane, pela pu me oo e Mrs. Elizabeth K. Vida, ke haawi aku nei au i ka'u mahalo kiekie ana ia oe no kau makana lei i lu iho maluna o ke kino wailua o kuu kane aloha. Nana no i haawi mai, a Nana no i lawe aku la, e hoomaikai ia ka inoa o Iehova, he malu ma ka ho- nua nei, he aloha i kanaka. Me na keiki o ka papapa'i ka'u welina hope. Ke hooki nei au i keia episetole me ka luuluu o ka naau. Owau iho no ka wahine i hoo- neleia i ka mea aloha. MRS. LUCY J. HOLI, Me na keiki. DUBLIN Dec. 19,— Eha mau kanaka hana ma na kaaahi ame ekolu mau limahana i kiia a make i keia la. Ua hoahewaia lakou e make no ka hana ana a nahaha kekahi kaaahi maloko o ke kalana Kildare. O ka 19 iho la ia o ka huina o ka poe i hookoia aku ka hoopa'i make maloko o hookahi mahina a oi iki aku.

KUU PUA MELIA UA MAE.

Hookuuia na hana hoike Kula Sabati ame C. E., me ka himeni ame ka pule.

Mahope o ka pau ana o ka paina luau, ua noho ka halawai hana, no ka noonoo ana i ke kumuhana a ke Kula Sabati o Keanae, a ua hooholo lokahi ia o Hon. J . W. Kawaakoa ke Kahu Kula Sabati nui, mai Wananalua ahiki i Kaupo, a i kapaia hoi ma ka inoa na Kula Sabati o ka "Ua Apuakea", a o Mr. Plunkett, oia ke Kahu Kula Sabati nui mai Nahiku ahiki aku i Wahinepee, a i kapaia hoi ma ka inoa, "Na Kula Sabati o Kawaikau".

DAVID PHILIP,

Hope kakauolelo o ke Kula Sabati

o Wananalua, Hana, Dec. 12, 1922.

NA ONO HUIKAU O KA UANOE
O KOLOA.

Ma ka home noho nani uluwehiwehi, o Mr. ame Mrs. Henry Blake, ma ka po o ka la 2 o keia mahina,

i haawi ae ai ka Ahahui Kameha-
meha; Mahele o Kaumualii, o ka
apana o Koloa, he wahi paina luau
hoomanao, no ka piha ana he 20
makahiki, o ka noho mare ana o
Mr. ame Mrs. Henry Blake, ko
lakou Kuauhau iloko o ka ahahui;
a lunahooia hoi o ke Kalana o Kauai.

Ua akoakoa ae kekahi mau lala o keia ahahui malaila, no ka paina pu ana me na mea no laua ka la, ame ka haawi pu aua i na hoomaikai he nui, ua malamaia keia wahi papaaina uuku, iloko o ke aheahe malie, ua ai no hoi a lawa a hoi aku la kela, ame keia no ko lakou mau hoino iho; me na manao hauoli.

Ma ka la 7, ma ka hall o Koloa, ua malamaia ka paina luau na ka elele a ka lahui, ame kona mau hoahele, ua ai no hoi a pololi, and eat heavy, i na ono i hoomakaukauia; malaila pu ae na puukani o ka Waiulailiahi o Waimea, kahi i hoonanea ai i ke anaina ma kela po, malalo o ko lakou alakai Mrs. Jim Cook, he nui ka nani, ame ka u'i, o na leo i meleia mai.

Mahope o ka paina ana, ua lilo ia Mr. Ioela Kiakahi, ka wehe mua ana i ka haiolelo, malalo o ka noho lunahoomalu ana, a Mr. J. S. Chandler, a mahope iho o kona pau ana,

o ia ka manawa i ku mai ai ka
elele a ka lahui a haiolelo, ua mele
mua ia mai kona mele mamua o
kona haiolelo ana, e na puukani o
Waimea.

He oluolu a waipahe kana olelo, ame kona mau manao, oiai oia e haalele koke iho ana no, ia Koloa ma ia po, ua hoopokoleia kana haiolelo ana, a ma ka hapalua hora 7, ua hala aku la oia no Kapaa, me ka pau ole o na manao ohohia, o ko Koloa poe no ka elele, oiai he uuku loa ka manawa, a mamua o kona haalele ana mai, i na makaainana o Koloa, ua lululima pakahi oia ia lakou na kane, na wahine, ame na keiki, me ke aloha pumehana.

I kona hala ana aku, ua huli hoi aku la kela ame keia, no ko lakou mau home iho, a pela no hoi i huli hoi koke aku ai, na u'i kaulana o ka Waiulailiahi, me ka pau ole o

ko makou ohohia no lakou, nui ka
mahalo i keia mau u'i, no ka eleu

a mikimiki no hoi, oiai ua lilo ia
lakou ka hikimua o ka hookipa ana
mai i ka elele, maloko o ka hall
o Koloa; oiai ua poloke ke au o ke

ki o na keiki o Mahaulepu, no ka
hoonuu loa i na i'o nenue momona
o Pahukikala.

Ke haawi nei keia makapeni, i ka mahalo a nui loa, i na puukani o Waimea, amo ko lakou alakai, Mrs. Jim Cook, a hui hou aku no, iloko o ka malu o ko kakou Haku.

Ma ka la 9, ua haawi ne o Mrs. Margarett Kealoha, he paina hoomanao piha makahiki no kana bebe Peter liilii, he nui na ono i hooma-kaukauia ma keia wahi paina e na lima oolea o keia old lede, o ia keia; poi uouo, ame poi palaoa, i'a maka, puaa kaluakele, laulau, moa me ka laiki loloa, opihi, wana, loli

KA MAKOU MEA ALOHA, MRS.

MARY PIERCE HALEMANO

UA HALA.

HOIKE HUI O NA KULA SABATI
O MAUI HIKINA.

Ma ke kahea, a ke Kahu Kula Sabati Nui, Hon. J. W. Kawaakoa, i kona mau Kula Sabati ma ka Nupepa Kuokoa, e hoike ana he hoike hui nui ko na Kula Sabati mai Wahinepee ma Koolau, ahiki i Kaupo, ma ka la 3 o Dekemaba, 1922, ma ka Luakini o Wananalua, Hana, a ma ka mauawa i hoikeia, ua hiki kino mai na haumana Kula Sabati ame C. E., o kela ame keia Kula Sabati, a ua hoolaukanaka ia ka luakini o Wananalua ia mau la no na hana Hoike Kula Sabati ame C . E., Ma ka po o ka la 2, he wehe ahamele ka na Kula Sabati o ia po, ma ke kakela hou Community House e ku nei, iloko o ka pa luakini o Wananalua, ua pihaku'i ka hale i ka poe i hele mai, a ua nui ka mahaloia o na himeni o ia po mai na Kula Sabati mai.

Ma ke Sabati ae la 3, hora 9 a . m., ua hoomaka na hana hoike o ia la, malalo o ke alakai ana a Hon. J . W. Kawaakoa, Kahu Kula Sabati Nui.

Mamua o ka hoonee ana o na hana hoike, ua hoolauna mai ke Kahu Kula Sabati Nui i ka mea Hanohano Hon. J . W. Kalua, ka peresidena, nui o na Mokupuni Huiia o Maui, Molokai, ame Lanai, imua o na Kula Sabati ame kana lede, a mahope o ka hoolauna ano, na kukala mai ke. Kahu Kula Sabati, o kela ame keia Kula Sabati e hoike ai, a e hoike pu ia no me kona C. E., mahope iho o ka pau ana o ka Hoike Kula Sabati, pela i na Kula Sabati apau.

Ua hoomaka na hana hoike mai ke Kula Sabati o Keanae, paanaau na haawina, maikai na himeni, ka nui o na haumana he 24; Kula Sabati o Nahiku, paanaau na haawina, maikai na himeni na haumana he 14; Kula Sabati o Wananalua, maikai na himeni, paanaau na haawina, ka huina haumana he 42; Kula Sabati o Kaupo, maikai na himeni, paanaau no hoi na haawina na haumana, 16.

Hoolaha mai ke Kahu Kula Sabati Hon. J. W. Kawaakoa, he lulu dala ka hana o keia wa, a na kela amo keia alakai o kela ame keia Kula Sabati e lawe mai i ka lakou.

I ka pau ana o na hana lulu, ua hoomaka hou ka hoike ma ke Kula Sabati o Wahinepee, maikai na himeni, paanaau ua haawina, na haumana he 3; Kula Sabati o Kipahulu, maikai na himeni, paanaau na haawina, na haumana he 8.

O ka huina nui o na kaumana i hiki mai i na hana hoike he 108, a i

o na makaikai he 35, a ua hiki iho
la i ka pau ana o na hana hoike
Kula Sabati.

Ua kukala mai ke Kahu Kula Sabati, o keia manawa no na manao paipai, ua hoolauna mai oia i ka mea Hanohano Hon. J . W. Kalua, ka peresidena nui o na Kula Sabati huiia o Maui, Molokai, ame Lanai,

Ua haawi mai oia i kona aloha i na Kula Sabati ame ke anaina i akoakoa mai ua hoike mai oia i kona hoomaikai a mahalo nui i na hana hoike o keia la, he nui na manao hoonaauao i haawiia mai i na Kula Sabati, a e hoomau aku hoi a oi aku mamua o keia, ua mahalo na Kula Sabati ame ke anaina i na manao ku i ka naauao no na hana maikai.

Mahope iho o na olelo paipai, ua hoike hou mai ka mea Hanohano J . W. Kalua, he palapala hoopii ka ke Kula Sabati o Keanae i loaa mai ia'u o ia hoi, e koho hou ia

i Kahu Kula Sabati no Maui Hiki-
na nei, ma kahi o ke Kahu Kula Sa-

bati mua, a oiai i kekahi manawa
aole hiki kino aku o ke Kahu Kula
Sabati i na hoike Kula Sabati o
Keanae, nolaila ua noonoo au he
mea pono e mahele i elua Kahu
Kula Sabati o Maui Hikina nei,
ina nae e ae mai oukou na Kula Sa-
bati mai Wahinepee ahiki i Kaupo,
a e laweia mai ia kumuhana i ka
wa e noho ai ka halawai hana ma-
hope. o ka aina awakea, a oiai he
paina luau kekahi i hoomakaukauia.

He mau olelo paipai pokole mai ke Kahu Kula Sabati p Maui Hikina, oia hoi e haawi mai ana oia i ka hoomaikai i na Kula Sabati apau i hiki mai ame keia manao mahele i elua Kahu Kula Sabati.

He mau manao paipai a hoeueu mai ke Komite C. E., D. K. Wailehua, e pili ana i na C. E., o na Kula Sabati, o Maui Hikina nei.

Na dala i loaa ma ka po wehe ahamele i malamaia ai, he $101.05, na dala loaa o ka Hoike Kula Sabati $89.90.

MRS. PUA MELIA KAILIKINI,

Luuluu Hanalei i ka ua nui,
Kaumaha i ka noe o Alakai.

O ka hele a kuu Pua Melia,
Naue pu no me ka anoi.

Mr. Sol. Hanohano, Lunahooponopono o ka Nupepa, e aloha nui kaua: —E ae oluolu mai no'u kokahi wahi kaawale o ka Nupepa Kuokoa, ka ahailono nana e uwila aku apuni na moku, i ike mai ai na kini o kuu mea aloha, Mrs. Pua Amelia Kainapau, ua nalo na maka ua pau ka ike hou ana i kona mau hiona nohea ame ka lohe hou ana i kona leo. Hele hookahi i ke ala kipapa a ka waimaka.

Ua haalele mai kuu Pua aloha ia'u ame ka ohana i ka hora 10 a oi o ka po Poaono, Dec. 2, 1922. He hookahi pule wale uo o kona kaa ana i ka ma'i, a o kona naue aku la no ia ma ke ala ulili a Kane no ka wa mau loa. O ka hele a kuu wahine aloha naue pu me ka waimaka.

Ua hanauia oia ma Hanalei, i Iulai 3, 1897, mai ka puhaka mai

o Malia kona makuahine, a o Da-
naiela Kamaka kona luaui makua-
kane, a iaia i moe aku la, ua piha
iaia na makahiki he 25, he 4 mahina
me 29 la.

I Aperila 4, 1920, hoohuiia iho la
maua iloko o -ka berita maemae o
ka mare e Rev. I. K. Kaauwai. Ua
piha no hoi ia maua na makahiki
2 me na mahina 7 me 28 la; a ua
nohoia no hoi e maua keia mau ma-
kahiki me ka oluolu maikai, a na
ka make i hookoia mai la i ke kaula
kaakolu o ke aloha mawaena o maua
auwe kuu wahine hele loa e!

E ka Ualoku o Hanalei, ua pau ka hookilihune hou ana o kou mau hunawai ma ko Pua mau hiona. E ke one pua rose o Mahamoku e, ua pau kona naue hou ana ma kou mau aekai.

E Luia Hale e, aole o Puamelia e hiolani hou ana ma kou mau keena

i puia e ke onaona. Ua hala, ua
nalo i ka polikua a Kane, auwe
no hoi kuu minamina pau ole i kuu
wahine e!

Ke haawi aku nei nu i ka'u mau hoomaikai nui i ka Hui Aloha o na Wahine, no ka lakou makana aloha, a pela me na makamaka ame ua hoaloha i akoakoa mai, e kaana pu me a'u ame ka ohana no ka hoomanao kumakena pu ana no kuu Pua aloha.

Me ka mahalo a nui i ka Lunahooponopono i ka hooko ana mui i keia kanaenae a ke aloha, a pela me na keiki o ka papapa'i.

Na'u ame ka ohana iloko o ka luuluu, me ke aloha.

KAINAPAU KAILIKINI,

Hanalei, Kauai, Dec. 8, 1922.

MRS. MARY PIERCE HALEMANO

Mr. Solomon Hanohano; Lunahooponopono o ka Nupepa Kuokoa; Aloha a nui:—E oluolu mai oe no makou kekahi rumi kaawale o ka hiwahiwa a ka lahui, ka Nupepa Kuokoa, no ke poomanao e kau ae ! la maluna a nau hoi ia e uwila aku ! a laha ma na kihi eha o ka paeaina, i ike mai ai na kini makamaka, ohana, a hoaloha, o ko makou mama aloha, e noho ana mai ka pukaana a ka la i Kumukahi a ka welona a ka la i Lehua.

Ua hala o Mrs. Mary Pierce Halemano, ma ko ala polikua a Kane me Kanaloa, ua imi aku la i ke ala a kana (pilikua) kane, J . W. K. Halemano, ko makou papa hoi i hala muu aku. Auwe ko makou minamina i ko makou mama e!

Ua hanauia oia mai ka puhaka mai o John B. Pierce kona papa, ame Kainamoku (w) kona mama, ma Wananalua, Hana, Maui, T. H., i ka la 24 o ka malama o Mei, M. H., 1850, a haalele mai la i keia ola ana i ka la 6 o Dekemaba 1922.

Ua piha iaia na makahiki he kanahiku-kumamalua, ame na la keu o kona hanu ana i na ea mauleule o keia ola honua ana. Auwe ko makou luuluu no ko makou mama heleloa e!

He makuahine aloha nui ia makou na keiki ame na moopuna, e hoomanao ana ia makou pakahi mai kahi mea uuku a nui, a e kaana like ana no hoi i kona aloha i na hoaloha apau.

He makuahine iloko o na hana a ka Haku, aole e lilo kona mau oma'ima'i ana apau i mea e kaomi mai ai ia makou mai ka hele ana i na hana a ka Haku. Auwe ko makou aloha i ko makou mama iloko o na hana apau a ka Haku e!

He makuahine iloko o na hana hooulu i ka holomua o ka noho aua o ka aina a e hooluhi ana iaia no ka pono holookoa o ka lehulehu.

He makuahine heahea, a hookipa. E hookipa ana mai ke kiekie a ka haahaa a e ike aua hoi mai ka haahaa a ke kiekie.

E Punahoa i ke alo o Kauiki, kahi a ko makou mea aloha i holoholo ai, na pau ka hoopulu hou ana o kou hunakai iaia; E Pukoo e i ka loko kaulana o Kupeke, kahi a ko makou mea aloha i hanaiia ai, ua pau kona hehihehi hou ana i kou mau kua loko; E Kamaole e, i ka Ua Ukiu, ua pau kou ike hou ana iaia, ua pau hoi ka hoopulu hou ana

o ka Ua Ukiu i kona ili; E Kawai-
kau o Keanae e, kahi a ko makou
mama i noho ai a kulaiwi, ua pau
ka hoopulu hou ana a kou hunawai

i kona mau papalina, ua hala, ua
hala i ke ala hoi hou ole mai.

Ua haalele pu mai hoi ia makou na keiki eha (4) e ola nei, me na moopuna he nui a lehulehu, e u aku hoi nona ma keia aoao o ka muliwai. Me ka luuluu wale e!

E hoomaikaiia na Lani Naua no
i haawi mai a Nana no i lawe aku.
Me oe e Mr. Lunahooponopono ame
na keiki oniuhua o kou keena pa'i
ko makou mahalo nui.
O makou iho no me ka luuluu,
ME. & MRS. N. PAHIA,
MR. & MRS. L. KUIKAHI,
MISS ANNIE K HALEMANO,
MR. & MRS. J. N. HALEMANO,
MR. & MRS. JAMES K. HUEU,
ME. & MRS. WM. KALAMA,

maka, loli maloo, hee maka, hee maloo, uala mo'a uala maloo, waimomona, meaono, ua ai a kena, ua luu a pololi; ke kalokalo ae nei keia makapeni, e hooloihi i na la o ke kamaiki a kau i ka puaaneane.

Me ka Lunahooponopono ka mahalo nui, ame na keiki oniu hua kepau o kou papapa'i ko'u welina pauole.

Owau no a mau,

PETER KAMANO, SR.

Uanoe o Koloa.