Ka Nupepa Kuokoa, Volume LXI, Number 25, 22 June 1922 — E HIMENI HOU ANA O TANDY McKENZIE. [ARTICLE]

E HIMENI HOU ANA O TANDY McKENZIE.

Mamuli o ka piha ku'i loa o ka Halekeaka Liberty ma ka auwina la 0 ka Poaono aku •la i hala i na kanaka, ua piha na noho apau a kuku kekahi poe iluna, a no ka nele 1 ka rumi. no kekahi poe hou aku e komo mai ai, ua pani okoa ia na puka a he mau haneri o na kanaka i kuku mawaho o ka halekeaka m« ka hoohokaia o ko lakou manao, no ka mea, ua nui ka makemake e lohe i ka leo o Kaohu McKenzie, ke keiki Hawaii pukani e kaulana nei i keia mau la, no ka lawa ole o na noho no ka hookomo hou ana aku i ka poo makemake e ike maka hoi a lohe hoi i ka leo o ka Hawaiian Caruso. No ka pomaikai o ka poe i lohe ole ame ka poe pu e makemake ana e lohe hou iaia, ua hoolahaia ae ma ke ākea kekahi lono e haawi hou ia ana e Tanty Mekenzie he ahamele hou ma keia auwina la Poaono iho a ke kuaiia* mai nei na tikiki no ia ahamele. Ma ka ahamele i haawiia ma ka Poaono aku la i hala o na Hawaii ka oi aku o ka nui i ikeia maloko o ka Hale Liberty a ua lilo na himeni Hawaii i meleia mai i mea ohohia a hauoli nui ia e na Hawaii, no ka u'i maoli no o ka himeniia ana mai, a ua haawiia aku na paipai ana e ke anaina, a no kekahi mau manawa ka himeni hou ana mai a Tandy McKenzie i kekahi mau himeni. He ku maoli no i ka nani ka leo ke hoolohe aku, e ku ai no i ka Hoku o ka Pakipika i mau mele ka iini ame ka hauoli i ka mea e hoolohe aku ana, kela leo mohaha a maemae no o na Hawaii, he waiwai hooilina i ili mai maluna o na Hawaii opio i keia la, he l?u i ka nahenaho ko mele ia ana mai eia, nui pu hoi ka ikaika o kona leo ma kahi kupono e hooikaikaia. Mai poina i ka hele ana ae e hoolohe ia Kaohu McKenzie no ka manawa hope! Ma ka hora eha o keia auwina la e noho ae ai ka halawai a ka papa o na lunakiai, no ka noonoo ana ika bila haawina, no keia mau mahina eono e nee aku nei.