Ka Nupepa Kuokoa, Volume LXI, Number 25, 22 June 1922 — He Moolelo no NA PUUWAI ELUA A I OLE Ka Hewa o ka Wahine-He Moolelo i Owiliia me na Haawina Hoopihoihoi Noonoo o ke Au o ka Manawa [ARTICLE]

He Moolelo no NA PUUWAI ELUA A I OLE Ka Hewa o ka Wahine-He Moolelo i Owiliia me na Haawina Hoopihoihoi Noonoo o ke Au o ka Manawa

"Aole e hiki ia'u ke manaoio, ua haalele maoli mai oe e Ivana ia u, no ka mea he aloha kou mailoko lilo mai o kou puuwai, aole ma ka lehelehe. Pehea ka na kanaka mea e kamailio mai ai nou, aia mau no maluna ou ko'u hilinai; a me he mea la, ina aole au e ike hou aku ana i kou helehelena, e make ana au." Xolio iho la nae ua o EU e noonoo, a oili ae la kekahi manao iloko ona, he mea maikai ole ke kau ana aku o kona mau manaolana maluna o Kapena Ivana, no ka mea, aole ana mae ae e haawi aku ai i kela kanaka maemae, o ka hoohilahila wale no. Aole nae e hiki iaia ke hoopoina ina olelo hope a l\ana i kamailio mai ai imua ona, o ka make wale no ka mea nana e hookaawale ae ia laua, me ka nana ole, i na olelo lioino a hoohilahila e kamailioia mai ana e na kanaka. Kc kahaha loa la nae kona manao, no ke kakau ole ana mai o Tvana i kekahi leka nana. Kii aku la ua o Ela i kana mau pepa kakau, a hoomaka iho la e kakau i kekahi leka na kana aloha, no ka hoike ana aku iaia, ua haalele laua i ka noho ana maloko o ka Hokele Kuini, penei iho kana leka o ke kakau ana na Ivana: "E kuu aloha poina ole: —Ua hele au e noho nei a piha i na pilihna, no ko'u lohe ole mai ia oe mai iloko o keia mau la loihi. O ka piha keia o na la he umi, o kou kaawale ana mai ia'u aku, oiai nae ua kakali aku au me ka hoomanawanui, o kou hoi mai, iloko o na hora he iwakalua-kumamaha, mahōpe iho o kela hele ana aku ou ma kau huakai. "Ke hoouna nei au i keia leka ia oe ma Kanale Hale, mamuli oka maopopo ole ia'u o kou wahi e noho nei. Ua hele aku au e ike i kou loio ma nehinei, a ua hoopiha loa ia mai au me na manao kaumaha, i kona wa i hoike mai ai, aole he mea i lohe hou ia nou, Aole he mea maopopo ia'u e hana aku ai i keia manawa e kuu aloha, no ia kumu, ke nonoi aku nei au, e hoomama ae oe i ko'u mau manao pilihua apau ma kou kakau koke ana mai ia'u, ka mea hookahi e kakali aku nei me na manao kui'o nou i ke ao ame ka po. "Ua haalele aku au me mama, a eia maua ke noho nei ma ke Kuini Hokele, he elua Ia mahope o kou haalele ana iho ia maua, a eia maua ke noho nei ma kekahi hale kupono e loaa no au ia oe, ma-kahi a'u e kakau nei ma ke kihi maluna loa o keia leka. Ua hoololi maua o mama iko maua mau inoa, mamuli o ko maua manao ana he oi loa ae ia o ka pono, iloko o keia manawa, e nanakee mai nei na kanaka ma kela inoa o Mehure. "Auhea oe e kuu ipo aloha, ua hele maoli au a piha me na manao pihoihoi e pili ana nou, o ka mea wale no nana e hoomama ae i ko'u mau noonoo, o ia kou kakau koke ana mai i leka na'u. e hoike mai ana aole oe i loaa i kekahi ma'i, a i kekahi pilikia paha ma ke kino." Ma kela ahiahi i lawe aku ai ua o Ela e hookomo i kana leka maloko oka pahu leka, ma ke kihi oke alanui. I kinohi, aia na manaolana iloko o Ela, no ka loaa koke mai iaia he pane no kana leka mai kana aloha mai, aka nae i kela ame keia la mahope mai, e hakilo mau ana oia i ke kanaka lawe leka, i kona manawa e maalo ae ai mamua o ko laua hale,' ,aohe nae he wahi leka iki, i hoounaia mai nana e kana aloha, a mai ia Keaka mai paha, a aole no hoi mai na hoa-hui mai o Keaka a oki loa aku no hoi ka loaa ana mai o kekahi mau pane, no kana hoolaha i hookomo ai maloko o kekahi nupepa o kela wahi. He elua nae la, alaila hoea mai i kona manawa e hoomaka aku ai i ke a'o ana i ke kaikamahine uuku a Kauka Mudoka, loaa mai la ka leka a ua kauka nei, i hoounaia mai ai ia Mrs. Mebure. maloko o kela leka, e kauoha mai ana ke kauka, i ka makuahine, e akahele loa ma ka makaala ana i kana kaikamahine, a ina no aole i loaa ka oluolu maikai ia Ela, ua hiki no ke hoopaneeia aku kona hele aku e a'o ia Jene, no kekahi manawa okoa. Ma ka aoao nae o Ela, ke nalu nui la oia iloko ona, i ke kumu o ke ake nui loa ana mai o Kauka Mudoka, e lilo oia i kumukula na Jene, oiai he nui ae no paha ka poe kupono a makaukau o kela wahi, i oi aku mamua ona, aole nae ona kikoo aku i kekahi o lakou, aka kauka'i aku la maluna ona Ua kauka'i aku oia e loaa mai he iwakalua a oi aku paha mau pane no kana hoolaha, aole nae he wahi pane hookahi i loaa mai iaia, no keia kumu, ua hookaumaha loa-ia aku kona noonoo. "Aole no nae i hookahahaia aku ko Ela manao no ka \oaa o\e ana mai o na pane no kana hoolaha, no ka mea he nyi a lehulehu wale o na wahine opio elike me kona ano, i hookomo aku i ka lakou mau hoolaha maloko o na nupepa, he poe hoi i oi aku k a lakou mau kalena imua o kana, eia nae, ua nele no ka loaa ana o k ekahi hana ia lakou. "E hoao no au ma na ano apau e hana aku elike me ka hiki ia'u. no ka pono o ke kaikamahine a Kauka Mudoka," i namunamu wale iho ai no ua o Ela iaia iho. "Ua nui loa kela uku i haawiia mai ia'u, no ke a'o ana i ke kaikamahine a kela kanaka. nolaila e koi a k u ana au iaia, e haawi hou mai i hana okoa ae na'u, i kupono ai kela uku. O kekahi manao o'u, o ia no ka - hele holoholo ana, ma na kauhale o keia wahi, no ka ninaninau ana. ina paha he mau haumana hou ae kekahi i ma k emake e a'oia aku, ma na haawina hoonaauao; ke loaa ka hoi he mau haumana hou, alaila ua hiki ia'u ke a'o ia la k ou ma na hora o ka P°Ma kela ahiahi ana iho, oiai no o Ela ame kona makuahine e nanea ana maloko o ka rumi hookipa, kikeke ana kekahi mea mawaho mai o ka puka, o Ema ka mea nana i hele aku e wehe i ka puka, aia hoi ke lelele wale la no k a oili iloko o Ela, malia paha o kana aloha kela mawaho, a i ole kona kaikunane paha. I k a hamama ana ae oka puka, kamailio mai la ke kanaka nana i kikeke mai mawaho i ka pane ana mai: "E hiki ana anei ia'u ke ike ia Mr. Kolakona, a i ole i kana kaikamahine paha e Ema?" "Auwe, ooe ka keia!" wahi a Ema me ka piha kahaha. "Aole e hiki ia'u ke olelo aku ia oe, ua lilo kou hoea ana mai la i mea hoohauoli mai ia'u, a i mea hookahaha mai paha, no k a mea, mai kela manawa mai au, o ka hoea ana ae no ko makou home, he o ia mau na haawina hookaumaha maluna o ma k ou, a hoea wale mai no i keia niankwa. "E hele aku oe e hoike i kou mau haku, ua makemake ka Makaikiu Liki e ike ia laua," wahi a ka malihini,, me ka a-e koke ana aku o Ema, e komo mai iloko. a ia ike ana aku o Ela i ka makaikiu, ku ae la oia mai kona noho mai, me ka hele ana mai imua, e halawai pu ai me ka makaikiu, a mahope o ko laua lululima ana, i kaa e aku ai ke kamailio ana ma ka aoao o ka Makaikiu Liki: "O oe no ka'u i makemake nui ai e ike, aole o kou makuahine." "Ina pela, e komo aku kaua maloko o kela rumi mao, wahi a Ela me ka hele hoi a pinapina'i kona hanu, me he mea la, aia ka olioli iloko ona, no ka lohe aku i kekahi nuhou maikai loa. mai ka makaikiu aku»

Ua ukali aku la ka Makaikiu Liki mahope o Ela, ahiki i ko laua hoea ana aku no kekahi wahi rumi hookipa uuku, ia wa i kauoha mai ai o Ela ia Ema, e hookuu aku iaia ame ka makaikiu wale no, o ka haalele aku la no hoi ia o Ema i kona haku opio, a hoi mai Ia noloko o ka rumi hookipa nui. "Mai hookaumahaia kou noonoo e ka lede opio," i hoomaka aku ai ka Makaikiu Liki e leamailio. "Eia au ke hana nei, malalo o ka hoolimalimaia ana e Kapena Leonada; a i wahi e hoauheeia ae ai na mea pohihihi apau, ua hoea aku la au no ka hui o Kapa& Kalima, a ma ka ninau ana aku i kekahi o na ona o kela hui, i hoikeia mai ai ia'u ko olua inoa hou, ame ko olua wahi i noho ai." Ma kela wahi o kana mau olelo, hoomaha iki iho la ka makaikiu, no ke kunu ana, a ia wa i pane koke aku ai o Ela: "He nuhou anei kekahi au i lawe mai la e hoike ia'u." "Aole, koe wale no keia, ua hoolimalimaia mai au e Kapena Leonada, no ka hookolo ana mahope o ka meheu o kou kaikunane. Ua nalowale nae o Kapena Leonada ma ke ano pohihihi loa, pela iho Ia au i hoea okoa mai la imua ou, no ka ninau ana aku; i ka manawa hea la oe i lohe hope mai ai nona. Aia a loaa o Kapena Leonada ia'u, alaila maopopo loa ke alahele pololei e hana aku ai, no kona pono, a no ka pono pu hoi o kona hoaloha." I ka lohe ana o Ela i kela mau olelo a ka makaikiu, ua hiki ole iaia ke kaohi aku i kona mau waimaka, a iaia i holoi ae ai i na waimaka e kihe'akihe'a ana ma kona mau papalina, kamailio aku la: "Aole au i ike hou, a i ole lohe paha i kekāhi mea e' pili ana no Kapena Leonada, no na pule elua ae nei i hala. Ua haalele iho oia i ka Hokele Kuini, no ka hele ana aku no Kanale Hale. e hui pu ai me Miss K*alani; a o ko'u manao, aole oia i hoea aku no ka pahu hopu o kana huakai, aka ua halawai oia me kekahi ulia ma kona alahele." "Aole au e ae aku ana no ka pololei o kena manao ou, koe wale no keia, ua lalau loa ka'u hookolo ana mahope o ke alahele pololei e loaa ai kou kaikunane. O ka mea oiaio loa, ua hoea no o Leonada no Kanale Hale, ua hui pu me Miss Kalani, a ua ike i kona haalele ana aku i kela home,, no ka huli hoi ana mai e kau maluna o ke kaaahi. O ka mea apiki nae, aole oia i hoea no ka hale hoolulu kaaahi, me he mea la, ua liamama ae ka honua a ale aku iaia, no ka mea ua nalowale honua oia, me ka maopopo ole. O ka'u nae e hoolana aku nei i kou manao, e waiho mai oe i na hana apau iloko o ko'u lima, no ka mea, ua nui ko'u makemake i ke Kapena Leonada, a e imi aku ana au, ahiki i kona loaa ana ia'u." Holoholo iho la ka Makaikiu Liki, a iaia i hoi hou mai ai, a ku ae la mamua o Ela, hoomaka mai la e kamailio hou: "O keia ae la no ke ano nui o ka'u huakai o ka hoea ana mai nei, a e hoolana i ka manao e Miss Kolakona, aole he loihi loa o kau manawa e kakali ai, e lohe no oe i kekahi nuhou hauoli. E hookuu mai oe ia'u, e hoi, ua lawa ko'u ilee ana ia oe, me ka hoopilikia ole aku i kou makuahine." "Alaila, aole anei au mea e ae e hoike mai ana ia'u?" wahi a Ela me ka makemake loa e lohe hou i kekahi mau hoakaka niai ka makaikiu aku. "Aole, aka e kakali oe iloko o elua a i ole ekolu paha la\ ia wa au e hoike mai ai i kekahi nuhou hoohauoli i ka manao," alaila haawi mai la oia i kona lima ia Ela no ke aloha ana, o kona emi hope aku la no ia no kahi o ka puka, a iloko o ka manawa pokole, aia ua makaikiu nei, ke hoi la ma ke alanui e hoea aku ai i ke kulanakauhale, me ka hele hoi o kona helehelena a kuoo, i kau a mea o ka nui o kana mau mea e noonoo ai. "Akahi a maopopo loa ia'u ka'u mea e hana aku ai. Aole loa i hala aku o Mr. Mebure no ka aina mamao, elike me na mea i manao mua ia, aka ua nalowale aku oia, me kela ano pohihihi hookahi no, elike me Kapena Leonada, a ke manao nei au, ua halawai kela mau kanaka opio me kekahi poino, a 0 ka Haku Fanadele ka mea nana i hoopoino ia laua, akahi nae a pau ko'u pohihihi, eia au ma ka meheu pololei loa e hookolo aku ai." MOKUNA XXVI. I ka hoea ana mai i ka la 10 o lune, aia o Miss Kalani ke holoholo la maloko o Kanale Hale, me ka aaki ana i kona mau ku'i oiai hoi kona mau lima e pe'a ana mahope o ke kua, a ke nana aku ma kona mau maka, ua hele a hulili, o ia no oe o kekahi wahine opulepule. Aia hoi iluna o ka moena veleveka, e ahu mokaki mai ana na lihilihi silika, me na paa kamaa aulii, a maluna hoi o kekahi pakaukau, e waiho ana na pahu, o na mikinilima silika, e hoike mai ana kela mau mea, no ka makaukau loa o ua wahine opio nei, no ka hooko aku i ka mare mawaena ona ame ka Haku Fanadale. "Aole loa he mana ma ka honua nei, nana e kaohi mai i ko'u mare ana aku me ka Haku Fanadale," i kamailio ae ai ua wahine opio nei. Aole e hiki i ka Haku Fanadale e hoolilo ia'u, 1 mea paani wale no, aole loa. O kou hooko wale mai no e Hale i ko'u makemake, o ka mea ia e ike ole ai oe i ko'u huhu, aka i maViu o\e mai oe ia'u alaila e hoowahawaha auanei au ia oe, elike me ko'u hoowahawaha i kela kaikamahine, a ke kanaka malama holoholona. ! "O, e kuu Hale, pehea no hoi oe i hana mai ai ika mea lo[koino ia'u? Aole anei ou ike mai i ka nui o ko'u aloha ia oe? I No kou pono wale no e Hale, i hana aku ai au i na mea apau, I e hoopakeleia ae ai kaua, mailoko mai o ka poino, ame ka noho I ilihune ana," alaila lalau aku la oia i kekahi leka, ana o ke [kiola ana aku, e waiho ana iluna o ka papahele, a heluhelu j hou iho la, o keia ka manao maloko o kela leka: "E kuu Bela aloha: —Ua loaa mai kau leka ia'u; a ke hoike pu aku nei hoi ia oe, i ko'u ike ana iho maloko o ka nupepa Gezate ame kekahi mau nupepa e ae, i na hoakaka e pili ana no ko kaua hoohuiia ma ka berita o ka mafe, iloko ae nei o ka lla iwakalua-kumamalima o lune. Ke hoike aku nei au ia oe i ka mea oiaio loa, aole loa he wahi pololei iki iloko o na hoakaka a na nupepa, no ka mea ua ike no oe, aole he kuleana o kekahi mea e hookomo ai maloko o na nupepa i kela hoakaka, me ko'u apono mua ole aku; a e pono oe e hele koke ae, e hoike i na keena nupepa, aole he pololei o keia mau hoike no ko'u mare i ka wahine. "Ua hoike mua aku au ia oe i ko'u manao, aole au i makaukau no ka hooko ana aku i ka mare iloko o ka mahina o lune, a o kekahi no hoi, aole e makaukau koke ana o Fanadale Hale, no ka hookipa ana aku i kona haku wahine hou, a hoea iloko 0 keia Karisimaka ae. Ina o kuu kaikuahine, ka mea nana keia hana, alaila e hoike aku oe iaia, i ko'u hele maoli a piha 1 ka huhu nona. "E huli aku ana au i ka mea oiaio mai na keena nupepa mai, no ka mea nana i law.e mai a hookomo i ka nuhou. no ko'u mare aku i ka wahine; a ke lana nei kuu manao, aole oe i komo pu mai iloko o kela hana. Ke hoike hou aku nei no au ia oe i ka mea oiaio loa, aole au i makaukau no ka mare ana iloko o keia manawa, ahiki i ke komo ana aku iloko ae ne o ke kupulau. E huli hoi aku ana au i keia po, no ke kukakuka pu ana me oe, maluna o kekahi mau kumuhana ano nui, me ka minamina no nae, i ko'u haalele iho i ke kulanakauhale nei, mamuli o keia hana pauaka." O ka pau ana ae no ia o ka leka a ka Haku Fanadale i ka heluhelu, kikeke ana no ke kauwa mawaho o ka puka, a i ka wehe ana aku o Miss Kalani i ka puka, hoike mai la ke kauwa, o keia manawa, ahiki i ke komo ana aku iloko ae nei o ke kuua hoea mai ka Haku Fanadale, a aia oia ma ka hale malalo kahi i kakali mai ai iaia. CAole i pau)