Ka Nupepa Kuokoa, Volume LXI, Number 25, 22 June 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NINAU ELELE LAHUI E HOOUNA AI NO WAKINEKOA

 

            5.         He kanaka, ua ikeia aku kana mau hana i hana mai ai no kakou, i na wa i hala, i pomaikai ai kakou, oiai, o ia iho la ke po'iwai hoomaemae mua loa, e ikeia ai ke kupono o ke kanaka no ke kulana, a o ka hoike mua loa no ke kanaka kupono, a i kulike ai me ka olelo: Ma ka hua e ikeia ai ke ano o ka laau, a ma ka hana hoi i hanaia, ai e ke kanaka, e maopopo ai kona ano oiaio a kupono.

            6.         He kanaka i homaopopo i na ano a na eheu o ka manawa, e kaikai mai ana; i ka hana pono e hana ai o poino; a e pomaikai ai o ka lahui; a o ke kanaka me nei mau ano la; oia ke kana kupono e hoouna ai kakou i nei Kau i Elele lahui na Hawaii nei i Amerika.

            Pela iho la e uwaloia aku nei ka poe i loaa na mana koho baloka mai Hawaii a Niihau; o ua kane ame na wahine, e ku iho a e noonoo pono me ke akahele i ke kanaka kupono i elele lahui na Hawaii nei i nei Kau i Wakinekona, i pomaikai ai oe ame ko kou hale; i oia niau loa ai o Hawaii lahui, a i noho mau loa ai ka hanohano ma ko kakou nei aina.

            Awihi aku la au ma ka hoike a ka Hoku o Hawaii o Mei 11 nei, a ike lihi aku la au i ka hoopake'oia ana ae o ka inoa o kuu hoahanau J. H. Wise, oia ka elele ohohiaia ma na wahi a ka Lunahooponopono i hele iho nei.

            Anoai pela io; he ohohia paha ia i ka poe i lohe na J. H. Wise ka Bila Hoopulapula, a i maopopo ole nae i na okupe o ua bila la, a i ku a bila hoi i pahonohonoia.

            I oni nae hoi nei mahele i ka nonenone o ua lunahooponopono la i ka mea nana i ku e i ua Bila Hoopulapula la; a o ka Hon. Norman K. Lyman hoi. Pehea la nae ka noonoo o ia pohai in a e maopopo aku ana iloko o ia ohohia nui, na ano oiaio elike me kau e Mr. Lunahooponopono o ke Kuokoa ame ka'u i hoakaka aku ai; aole ia pomaikai hoopulapula no kela ame keia; aka, na ka mea dala ia i makaukau mua.

            Aole hoi no ka poe i man i ka noho hanohano ana iluna o na noho hooluli ma na lanai; aole hoi no na lima lahilahi i maa i ka paa ana i na huila hooni o na kaa otomobile; aole hoi he pono noi aku a ae wale ia mai; aka, aia i ka mea e alaia m@ ana e ke Komisina; a e noho hoomanawanui aku i na alakai ame na inea no ka manawa i maopopo ole:

            He mea oiaio, o kuu hoahanau J. H. Wise io ka mea nana i hookomo ae ua bila la i ka hale oluna o ko kakou ahaolelo kuloko nei; me ka hemahema nui; a o ka Hon. Norman K. Lyman ka mea nana ka hapanui o na hooponopono ana i ku a bila Hoopulapula ai; me ka pau pono ole o na hemahema a hooholo pupuahuluia no; a no ia kapuluia ana o ua bila la e ku nei pela, i kue ai ka Hon Norman K. Lyman; me ka manao mau o ka mea hanohano Lyman, e lilo ke kanawai Home Hawaii i Kanawai hoopilikia ole i ka poe noho i ua mau aina la; a ka poe nae na lakou i apono ua kanawai la, e mihi nei kahi o ia poe, ia apono ana o lakou me ka pupuahulu; elike la me ka mihi o ka poe na lakou i ku e ia makemake mua o ua Hon. Norman K. Lyman la, e hoihoi i ka Halewili o Waiakea ma Hawaii i ke aupuni i loaa kahi e wili ai o ke ko a ka poe lawe aina hookuonoono me ka hooplikia ole ia.

            Elike la me ka pilikia o ua oe la o Waiakea, e ikeia aku nei, a in a i hooloheia ka Lyman mau a'o; in a nole e lilo ia poe Hawaii i mea paani lealeaia e na pilikia e ike maopopo ia aku nei i nei mau la. a lakou e hoomanawanui mai nei.

            Pela iho la no i ku e ai o Lyman a i ua kanwai Home Hawaii la a J. H. Wise; oiai, ua ike o Lyman aole ia he kanawai no ka pono o ka poe nele; a o ka papa haahaa hoi o ka lahui, oiai, ua ike o Lyman, o ia ka papa oi aku o ka pono ma keia ninau aina e haawiia no kakou ia ana, i nana ole ia aku nae e keia kanawai:

            Oiai; aia no he mau hemahema a Lyman i ike ai, aole i paa pono i ka hooponoponoia o ua Kanawai la e ku nei; a o Lyman ka i ike; aole o J. H. Wise; a eia kekahi o ia mau hemahema; a he nui aku koe aole i pau pono; a ua lilo nae keia i kanawai i nei wa.

            Ma ka bila i hookomoia mai ai e J. H. Wise; ua hooneleia ke Kanlana o Hawaii i ka aina hoopulapula; a i ka manawa i kelekalapa ia mai ai ia Lyman e ko Hawaii poe, i aina o ia ano no lakou; au ae la ua mea hanohano la o Hawaii he aina kupono no ka makemake o kona mau haku na lakou oia i hoohanohano ia Waiakea-kai; Keaukaha ame Waimanu; he eleu, mikimiki, makaala, a makaukau ia o Lyman; a pela iho la i loaa ai ko Hawaii mau aina hoopulapula.

            Ua makemake pu o Lyman e komo o Kekaha ma Waimea, Kauai, No ko Kauai poe, ame Waimanalo no ko Oahu poe; ua ku eia e ka Lunahoomalu Holstein o ka hale olalo, pela i haule ai.

            He hana hewa anei ia a ka Hon. Noman K. Lyman i hana ai, no keia Teritore, ia ano mikimiki; makaala a eleu hana e Mr. Lunahooponopono o ka Hoku o Hawaii.

            Aole nae o ka Hon. N. K. Lyman wale ka i kue i nei hemahema o J. H. Wise i ka hana kanawai, aka, o ka hale holookoa olalo, i alakaiia e ko lakou noonoo maikai.

            He ewalu põe na lakou i pahonohono i ua bila la, a na ka hale i apono; a eia ka poe i ku e nei bila a i hooponopono no ka hemahema; ka Hon. Norman K. Lyman, J. H. Lyman ame Muller o Hawaii; ka Hon. Hoopale o Kauai, ka Hon. Goodness o Maui, ka Hon. Jesses Uluihi, Jarrett ame Cooke o Oahu.

            Mai eia poe mai he 3 mau hooponopono, mai ka Hon. Hoopale mai; he 2 mai ka Hon. J. H. Lyman ai; 2 mai ka Hon. Goodness mai; pakahi i na hoa e ae; a he 20 mai ka Hon. Norman K. Lyman mai; he 18 i aponoia e ka hale o nei mau hooponopono a Lyman; a ua aponoia keia mau hooponopono e ka hale, o nei hemahema o ke Senatoa J. H. Wise, a pela i kaa ai o ka Hon. Norman K. Lyman ka eleu; mikini; makaala; ame ka makaukau i ka hooponopono ana i nei bila hoopulapula i ku a bila hoopulapula ai, a pela iho la i kaa ai ia Lyman ka helu kiekie ma ke kupono i Elele Lahui iwaena o ka poe e houpuupuia mai nei no ke kulana elele lahui i nei kau:

            I ka Hoomaikeike ana ae; aole ka Hon. Norman K. Lyman i kue i nei bila no ka manao lili, huahua, ku e i ka Senatoa J. H. Wise, aka, he hemahema maoli, a o ua hemahema la; he kuleana koi kupono ko ka lahui no ia hemahema hana kanawai o ke Senatoa.

            Nolaila, a i makemake kakou e na Hawaii e hoike imua o ke ao holookoa i ko na Hawaii loea hana kanawai a kilo aupuni ma ka ninau kalaiaina; alaila, aole o ka mea hemahema i ka hana kanawai ka kakou e hookau aku ai i ke kulana elele lahui, aka, o ka Hon. Norman K. Lyman o lakou nei; o ka mea i lawa me ka makaukau hana kanawai; ka mea i maopopo i ka manao o ka huaolelo Kanawai; oiai, aia i loko o ka huaolelo ano ole i manaoia e ka mea maopopo kanawai ole, e lilo ai ia i huaolelo e hoopilikia ai i ka lahui; a e lilo ai ia kanawai ino i maikai, a o ka maikai i ino:

            Pela i akeia ai ka elele i mea ma kakau hana kanawai, aka, o oukou nae e ka lehulehu ke kuleana ma keia ninau, na oukou e kaupaona nei mau Hawaii a elua; aia imua o oukou ka mea hemahema ame makaukau hana kanawai:

            O ke kulana Elele, aole ia he kulana kahunapule e kupono ai ia J. H. Wise; aka he kanawai ke alahele o ka Elele lahui, a i kanaka makaukau i ka hana kanawai, elike me ia i haiia ae nei ke kanaka kupono, a o ua kanaka la iwaena o nei poe o ka Hon. Norman K. Lyman no ia.

            O ka nana ana a Mr. Lunahooponopono o ka Hoku o Hawaii, no ka hiki ae o ka Hon. Norman K. Lyman i Molokai ma ke kono a ke Kakauolelo a ke Komisina, o na Home Hawaii, he hana hiki ia Lyman ke alo ae, elike me ka hiki ole i ka pahikaua kila a ka Emepera Napoliona ke puka ma kekahi aoao o ka papaahao.

            Nolaila, o kona hiki ae i Molokai ma ia kono, he hoike ana aku ia ano, ke pulama mau nei no oia i ka hanohano ana e paa nei he lunahoomalu no ke komite o na aina aupuni no ka hale o ko kakou ahaolelo kuloko.

            O ka hoomau ana i na nana ana he hooia e hoi ae ana ke mau nei no ia ano nonohua, e pono ai e hoopau e Mr. Lunahooponopono o ka Hoku o Hawaii, a e hoihoi mai a iloko o ka lokahi, a e kukulu iho iluna o keia ninau e na Hawaii. "Owai la ke kanaka Hawaii kupono i Elele lahui na Hawaii nei i nei kau"

            O keia ka ninau nana e hoomalule, a hoolokahi i ka ninau aoao kalaiaina, a ma keia ninau e pono ai e holoiia ka ninau aoao kalaiaina Demokrata ma Hawaii nei in a o Lyman la ka Elele lahui.

(Aole i pau).

 

KE ANO O KE KALAIAINA

 

(Kakauia e Z. P. K. Kawaikaumaiikamakaokaopua.)

(Hoomauia mai.)

 

            Pela no ka mea aina pono i ke olona. Pono e hooikaika loa oia ma ke olona, a e kuai aku, na ka mea olona ole. Pela no hoi ka mea aina uala ame ka mea aina ko, ame ka mea aina pulupulu. O ia hoi ke kumu o ke kuai ana me ko na aina e. Okoa ka mea ulu maikai ma Amerika Huipuia, o koa na mea ulu ma Palani, okoa na mea ulu ma Hawaii nei. Nolaila, pono i na kanaka Hawaii ma nei e hoiikaika ma na mea ulu maikai maanei a e kuai me ko Amerika, ame ko Palani.

            Pono no hoi ko Amerika ke hooikaika ma na mea ulu pono maila, a e kuai me ko palani, ame ko Hawaii nei. Pono no hoi i ko Palani ke hooikaika ma na mea ulu pono malaila, a e kuai me ko Hawaii nei, ame ko Amerika. Eia ka mea e maopopo ai.

            Ma kekahi aoao o Amerika Huipuia, aohe ulu ke ko. Ulu nae ke kahi uwala ono malaila, a in a e puhiia ka wai o kela uwala e lilo no ia i ko. Aole nae i nui ka wai iloko o ia uwala, a nolaila, aole loaa nui ke ko. Ina hooikaika nui ke kanaka a pau ka makahiki ma ia hana, loaa paha iaia ekolu haneri paona ko, a o na dala iloko olaila, he kanakolu dala.

            Ina hooikaika oia ma ke kanu hua palaoa, e loaa paha iaia i hookahi kanaha pahu palaoa. O ke dala iloko o ia mau pahu, eha haneri. Ma Hawaii nei, in a hooikaika ke kanaka ma ke kanu ko, loaa paha iaia eha tona i ka makahiki hookahi. Iloko o ia mau tona, eha haneri dala. Aka in a hooikaika oia ma ke kanu hua palaoa, pomaikai oia, ke loaa ekolu pahu, a iloko o ia mau pahu, he kauakolu wale no dala.

            Nolaila, ua maopopo ka mea e pono ai kela kanaka o Amerika, ame kela kanaka o Hawaii nei. Pono i ke kanaka o Amerika e hooki i kona kanu ana i ka uwala, i mea ko, a e hooikaika i ke kanu hua palaoa.

            5.         Pakukui. He makalua nunui keia. Eiwa kapuai kona ana puni, a emi mai paha, elike no me ka makemake o ka mea e hana ana; a o ka hohonu o ka makalua, aia i ka poaeae a iwilei. O ke ano o ka hana ana, e hoopihaia me ka lau o ke kukui a piha ka lua i eliia ai; alaila uhi i ka lepo a paa, alaila kanu pu eha lala kukui iloko o ka lua, ilalo ka lau ao ke au iluna.

            O keia mau lalakukui i hanaia ai pela, na lakou e hoike mai i ka pulu ame ka palahu o na lau kukui iloko o ka lua, ma kou uhuki ana ae i kekahi lala. Ina i huki ae oe aole i palahe, waiho no pela ahiki i kou kii hou ana e uhuki. A in a ua pula a palahe, alaila, kanu ka huli. O ka huli maa ia'u i ke kanuia o ka Apowale; hookahi no huli a i ole elua no. Aole oi aku na huli e kanu ai.

            A i ka ulu ana mai o ka huli o keia ano makalua i kinohi, e ike aku ana oe i ka ulu ae, elike me ka ulu ana o na pohuli maia liilii au i kanu ai. A i kona ulu ana, aole loa elike me na kihapai kalo ame na lo'i ka ulu ana, he oi pakela aku keia.

            I ka wa e pii ai ka ana (i'o) o ka makua, ame keiki, alaila kulakula'i mai oe i keiki me ka hehihehi ana i ka wawae, i kuhela ae ka oha mai ka makua mai. Aole o keia wale na oha, alaila pau, e pii hou mai ana no keiki mai ka makua (kalo mai), aole o kana mai ka i'o.

            He okioki pauku, alaila mo'a ke manao nei au aole loa e hiki i na polopeka o na aina e, e hoonunui i ka lakou kalo elike me ka poe kahiko o Hawaii nei. A pela no me ka uala, he laau hoonunui uwala no kekahi a ka poe kahiko, a ua ike au a hana i kekahi mau pu'epu'e uwala, ma ke a'oa'o ana a ko'u kupunakane. Aia no a hoolohe i ke a'o, a hana ka lima, alaila ike.

            ua hiki mai la kakou i ka hope o ka makalua pakukui. Aole no o na lau laau e ae, o ka lau kukui wale no. O ka hana ana i na mala Eki (o ia hoi la'i). O keia ano mala i ka wa kahiko, he ki wale no mai kela aoao o keia aoao mai uka a kai. O keia ano mala au e hana ai, he helu ekahi keia o ka nani ame ka maikai. Okioki oe i ke ki, a o ka lau waiho iho no i kahi o ka makalua' a o ke au ki okioki oe a houluulu i kahi hookahi; alaila, kanu oe a paa, hoi oe i kahaki, hele oe i kau wahi i makemake ai, aole na hele e ulu ae, oiai, ua manoanoa ka lau lai'i. A o ka nahelehele e ulu ae ana he pualele.

            A in a o ka ulaula ame ka palakea kau mau huli e kanu ai, ahiki i ko laua i'o ana, e ike ana oe e ka mea mahiai i kou hauoli ke huhuki ae, aole oe e ike i kona umiumi, o ia ku olohelohe wale iho no me ka i'o.

            No ka mall ma'u, he like no ka hana ana me ko ka mala ki, a he nui iki hoi ko ia nei hana; a ua like no na kanu ana.

            No ka hana ana i na lo'i, in a aole i hana mua ai. Eha o'u makahiki i a'o ai i ka hana lo'i kalo ma Lahainaluna. Ina e makemakeia ana kekahi wahi o ka aina maloo i lo'i, e nana mua ia kahi o ka wai e hiki pono ana i keia lo'i e hanaia ana. No ka mea, o ka wai ka mea nui; in a aole e hiki pono ka wai, he makehewa ka hana ana. Oiai, o ka holo pono o ke komo ana a ka wai ka mea nui. O ka hana ana, in a he lo'i he iwakalua ana ka loa, a umi anana paha ka laula, alaila, me na kopala no makou e hana ai, a he mau wahi kipikua kakaikahi no. A o ka lepo no e kokoke ana i na kuauna kopala aku no iluna olaila, me ka hana maikai ana i na kuauna me ka paa, ame ka manoanoa kupono.

            I ka paelik ana me na kopala, mai kai aku nei a uka, a mai kela aoao a keia aoao, aohe wahi o ka lo'i i koe, a ke nana aku oe he ano iliwai maoli no a kou mau maka ke nana iho. Alaila, kiiia aku la ka wai e hookuu mai, a i ke komo ana o ka wai, i nana iho ko hana aohe wahi like iki; ua hohonu loa kauwahi, a ahua loa iluna kauwahi; alaila kiola hou ka lepo ma kahi hohonu.

            Ina ua ikeia ua iliwai like, alaila, hookomo ka wai iloko o ka lo'i, alaila kii makou i na bipi kauo kaa o ke kula, hookomo iloko o ka lo'i hou i hanaia ai, a na na bipi e hehi i ka lepo, iuka, ikai, i'o a ianei; a in a i nui loa ko makou hauoli elike me ka bipi, hoonui hou ae la makou i ka wai i mea e paani ai makou.

            Ua poinaia i ka meakakau kekahi mau mea e pili ana i ka aina maloo; o ia hoi e pili ana i na kihapai. O na kihapai nunui loihi a laula, ua kapaia aku ia, he koele, a he one koele. No ka nunui o keia ano kihapai i hanaia e ka poe kahiko.

            Ma na hupuaa o na Kona nei, aole loa i nele kekahi ahupuaa i ke kihapai koele.

            2.         Poepoe, no kona poepoe no kona mea i kapaia ai e ka poe kahiko.

            3.         Ililoa, he loihi wiwi keia ano kihapai, a kapa ka poe kahiko, he ililoa.

            4.         Ka-aoao. O keia ano kihapai, aia ma ka laula kona loihi; kapaia ka-aoao.

            5.         Kipohopoho, keia ano kihapai, he a-a ma kauwahi, a he lepo ma kauwahi, a kapaia e ka poe kahiko

            6.         Ke-a, he ano like no key ano he kipohopoho.

kihapai me ke ka-aoao, a o ko ia ne pani ana hoi mawaena o na kihapa nunui mauka a makai, a ma o maanei. Ke ano o ke kihapai ana e ka mahiaia a ka poe kahiko, maiuka mai ahiki i kahakai.

            1, Amaumau; 2, Eki; 3, Pahee; 4, Apaa; 5, Aone; 6, Palakei; 7, Koolau; 8, Lokoulu; 9, Kula; 10, Kupinai; pili i ke lena o ka uhale, pan ka mahiai ana o ka poe kahiko.

            O ke kuhikuhi keia a kuu kupunakane ia'u i ke ano inoa o kela ame keia kihapai; ame ke ano o ka hoomaka ana o kela wahi, keia wahi i kapa pono ia aku ai ko lakou mau inoa, elike me maluna ae.

            Okeia mau inoa i kapaia aku ai e ka poe kahiko, ua kapa aku lakou i ka inoa pakahi o kela mea keia mea me ka huikau ole, i loaa ole i keia au hou e nee nei, no ka mea, mamua aku o kauhale ua kapa wale ia no na inoa ahiki i ke kai popolohua a Kane.

            Ua hoakaka aku au i ke ano o ka hana ana i ka lo'i hou. E hoohu ana i na bipi i loko o ka wai, iuka a i kai, i o a ianei. Pela iho la e hana ai i na la apau; aia oka pau a ua ikeia ua wahi ka lepo o ka lo'i i ka hehi mau ia e ka bipi, lio, a hoki paha. E paa mau no ka wai me ia ahiki i ka wa e makemakeia ai e kanu, alaila hookahe ka wai, e kupono ana i ka puepue e kanu ai ka huli.

            O ka puepue ana he hana like; aole hana pipipi, he ekolu kapuai ke kaawale o kekahi puepue i kekahi. Ua like loa no ka puepue lo'i o ka aina wai me ko ka aina maloo; he hana like ka puepue me ka hookekee ole; o ia ka lawe ana i ka rula mahiai; pela no ko ka aina maloo, he hana like no na makalua e paeli ni; aole hookekee; koe wale no ka loaa o ka pohaku.

            Ua like loa no ke kana ana o ka lo'i elike no me ko ka aina maloo ka elua huli no, a ka ekolu. I ka wa e kanu ai e hookahe ka wai a malalo iho o ka huli e kanuia ana. Aole e hoopiha i ka wai a nalo wale ke kohina o ka huli. E makaala loa i ka wa e kanu ai i ka huli, ame ka hookahe kupono i ka wai, i ole e nalowale mau kapuepue i ka wai.

            A ulu na lau elua a ekolu o ka huli, a ua like loa no ka hana ana o ka lo'i me ko ka aina maloo, e makaala loa i na nahelehele oilo ae, a e ulu ae ana. Ina aole oe e ma kaala, aole loa e ulu ana.

(Aole i pau)

 

            Ua loaa mai nei na lono mai Molokai mai, ua hooikaikaia ka paumaia ana o kela waimapuna ma Kalamaula, a hiki aku i ka 2,800,000 galani wai o ka la hookahi, a ua mau no ka ikaika o ka pii ana ae o ka wai, ame ka mau pu no hoi o kona manalo. He mau lono hoohauoli keia, no ka mea, in a e hiki ana e loaa ka wai a nui kupono, e hiki ana e weheia kekahi mau aina maluna aku o Palaau ame Hoolehua. No ka mea, he nui ua eka aina lepo momona maluna aku, o ka pilikia o ka nele i ka wai, a in a e loaa nui ana keia wai, ua hil@ no e paumaia aku maluna o kekahi maueka aina ma keia mau aina, a me keia wai e hiki ana e kanuia @ mea like ole he nui. Ua nui @ ko ke Akua ahenui o ka paa ana i keia mau wai, ahiki i ka loaa ana o keia mau aina na kanaha Hawaii. Nou mau kou hoomaikai nui loa ia ana.

 

E hoahu me ka Banako Holomua!

 

O ka

 

The Liberty Bank of Honolulu,

LIMITED.

 

He Banako ia @lawa pono me na loina haua holomua o keia au nee mua.

 

Ka Makaukau, ke Kamaaina ma ka Hana, ka Hilinaiia Ana, ka Nui o na Loaa e Komo Nei, ame ka Lawelaweia o na Hana mea ka Makaukau Maoli.

 

E Hoahu i Kau Mau Wahi Hunehune Liilii, a e Nana Aku o na La Ua.

 

E nee aku ana makou o ko makou kahua hou ana ike kihi o na Alanui Mauna kea ame Moi ma ka mahina o Iulai e hoea mai ana I keia wa eia no makou ke lawelawe nei i ka makou mau hana ma ko makou keena kuikawa, ma ke alanui Moi, @ o na Alanui Maunakea ame Kamika, he hookahi kuea me ka hapa ma ka Makeke Kuai I'a mai.

 

E HOAHU MAI ME MAKOU

 

The Liberty Bank of Honolulu,

LIMITED.

KUMUWAIWAI $200,000.00

 

O ka Poe i holopono ma ka Hoahu Ana Akahele ka Lakou Hoahu Ana

 

He nui ka poe i hoomaka e hoahu, a ua haule pahu nae me ka nee ole aku miua. O ko lakou hoomaka ana e Hoahu Liilii, aole ia he mea nana e hoolilo ia lakou i poe holomua ma ia hana. He hoomaka mua wale ana no ia.

            He alahele maikai nae ia a lakou i hoomaka ai, aka, o kekahi mea ano nui loa, o ia no ka hoomau ana me ka pauaho ole ma ia alahele o ka hoomakaulii, me ka hoahu mau ana i kekahi hunahuna liilii no ka hoomahuahua ana ae i ka huina mua i hoahuia.

            O ka papa kuhikuhi hoahu holomua loa i ka makou hoomaopopo ana i loko o keia manawa lohi, a makou i lawelawe ai i keia hana, o ia no ka hooholo ana i ka huina mua i hoahuia.

            O ka papa kuhikuhi hoanu holomua loa i ka makou hoomaopopo ana iloko o keia manawa loihi, a makou i lawelawe ai i keia hana, o ia no ka hooholo ana i ka nui o ka mea e hoahu ai i ka pule a mahina paha. Alaila, hoomau i ka hoahu ana ma ia huina.  He ano paakiki no i kinohi, aka, he hiki wale no nae oiai kela manao hoomakaulii e pii mahuahua ae ana i kela ame keia wa.

            Aole anei o hiki ia makou ke hoikeike aku ia oe i ke alahele e lilo ai oe i mea hoahu holomua.

            He 4% ukupanee a makou e uku nei no na hoa hu liilii apau o ka makahiki. Hauoli loa makou i ka lawe ana mai i kau mau hoa hu ana, in a no he uuku ia.

 

Chinese-American Bank

KIHI O NA ALANUI MOI AME NUUANU.

P. O BOX 2000.         Honolulu, Hawaii.     Kelepona 6119.

 

NA HANA HOIKEIKE A KA

 

AMERICAN LEGION

 

IULAI 1, 3, 4

 

Ma ka Paka Aloha Amusement ma na Alanui Kalakaua ame John Ena

 

He Mau Hana Hoikeike o ke Ano Hou Loa, a o ka Makamua Loa o ka Hoea Ana mai i Hawaii Nei

 

            Na hana hoopahaohao o na Aina Hikina. He mau mea hoopohihihi noonoo.

            Na Kaaahi holo lealea. He mau mea e hoohauoliia ai na kamaiki.

            Ke kaa holo poniuniu. O keia ke kaa holo poniuniu nui hookahi e ikeia ana ma Hawaii nei.

            Na hana hoike hanakeaka. He mau mea hoakaaka.

 

Mai Poina i ka La ame Kahi e Weheia Ana o Keia

Hoikeike

Lawe Mai i na Kamaiki

 

E Hoopakele i ka Hoololi Ana ma na Wahi Piina

 

            Lehulehu na kaa otomobile i n@ele ka hiki e haawii ka ikaika hoonee ame ka mamaholo elike me ia i manaoia, ua nele ka hoomama i ka holo ana ma na wahi piina, mamuli o ka lawa ma kai ole o ka enekini i ka aila e hooma-u ana i ka enekini.

            O ka manao nui o ka hooma-u ana i ka enekini me ka aila, o ia no ka hoem@ ana mai i ka pupu o ka holo ana o ka enekini. Ma ka hana e pili ana i keia he mea pono e hoomanaoia he@ mea hoopupu ka aila maku maloko o ka enekini i ka holopono o ka hana ana a ka enekini. Elike me ka oi aku o ke kaumaha o ka aila pela no ka pupu o ka oni ana o ka mikini maloko, o ka mea wale no e pau ai ia pilikia o ia ka honui ana akau i ka mana hoonee.

            O ka alia maikai loa no ke kaa otomobile o ia ka aila lahilahi loa e hookaawale mau ia ai na walu mawaho, a ia manawa like e haawi ana ia iaia iho i kahi hana hoopupu liilii loa e akea @ea ai i ka mana hoomee o ka enekini e @ ai ihope, a i ole i na huila e hoonee ai imua.

            O ia ano aila in a he ano "aila" maemae a kupaa-e haawi ana ia i ka hoomau maikai loa, @ e haawi ana i ka hoomui ana ae i ka mana hoonee kiekie loa, ka mama holo ame ka hiki o ke ana mile o ko gasoline a ke kaa e holo ia.

            O ka Akila Zerolene ka i kupono no keia mau kula ha.

            MA-U MAU--KUPAA--MAEMAE

            O ke Z@rolene he "ma-u mau," no ia kumu i pipi@ mau ai mawaho o ka enekini oiai e haawi ana i loko iho on a i kekahi hoopupu liilii loa ana i ka mana hoonoo o ka enekini.

            He mana kupaa mau kona, a i Hilo ai hoi ia i mea pale@ aku i ka wela o ka enekini, a he maemae pu ia.

            Ina e haihai oe mahope o na hoakaka ana a ka palapala kuhikuhi Zerolene no ka aila hooma-u enekini pololei loa, e hoonui ae ana oe i ka maona hoonee, a i ke ana kiekie loa, ka mamaholo o ke kaa ame ke ana mile o ke gasoline a ke kaa e holo ai.

 

Emi ka Anai Ana me ka Hoemi i ka Poino

Oi ka Ikaika âme ka Mamaholo

Ma o ka Aila Pololei

 

O NA HAWAII

 

            i makemake i ka pemaikai o ke Kanawai Hoopulapula o Molokai, e Hoolako

            ia lakou iho no ka holomua ma ka loaa ana ia lakou o na Lako Mahiai me Hanai Holoholona ma keia hui kamaaina.

            Ke malama nei makou i na Lakou Hana Maikai Loa, pela hou me ke PENA SHERWIN - WILLIAMS, ka mikini Umi Waiu De LEVAL ame na lako pili i ka home o na ano apau.

            Maloko o ko makou Keena o na Lako Paani e loaa no he ahua o na pu liilii ame na raifela makai.

 

 

E. O. Hall & Son, Ltd.