Ka Nupepa Kuokoa, Volume LXI, Number 24, 15 June 1922 — Aole e Holo Hou Ana Noloko o ka Ahaolelo Hoikeia Ae na Lono no ka Waiho o ka Mea Hanohano Holstein i ka Ahaolelo MANAO KEKAHI POE E HOLO ANA NO OIA Lohe Pu Ia Ae Kona Lilo i Lunanui no J. H. Wise no ke Kulana Elele Lahui [ARTICLE]

Aole e Holo Hou Ana Noloko o ka Ahaolelo

Hoikeia Ae na Lono no ka Waiho o ka Mea Hanohano Holstein i ka Ahaolelo

MANAO KEKAHI POE E HOLO ANA NO OIA

Lohe Pu Ia Ae Kona Lilo i Lunanui no J. H. Wise no ke Kulana Elele Lahui

Oiai ka hakoko kalaiaina e hookokoke mau mai nei i kela ame keia la, no na hoa o ka ahaolelo kuloko, a no ka elele i ka ahaolelo lahui, he nui na mea e oiliili ae nei i keia mau la, o 'kekahi o ia mau mea, o ia no ka hoopau loa ana o ka Mea Hanohano H L* Holstein o Kohala, i ka manao e holo hou i lunahoomalu no ka hale o na lunamakaainana. No na makahiki i aneane e piha ka iwakalua, i lawe mau ae ai ka Mea Hanohano H. L. Holstein i ka noho lunahoomalu ana no ka hale 0 na lunannakaainana, a ua nanaia aku ko ano o kana rula ana i kela hale kaukanawai, ma ke ano oia ke Za o Hawaii nei, a ua mahalo nui ia hoi oia, no kona makaukau, a ike i na rula o ka hoomalu ana. Me kela manao nae> e hoopau i kona holo hou ana i hoa noloko o ka hale o na lunamakaainana, ua oili pu ae kekahi lono, no kona lilo aku i lunanui no ka hakoko kalaiaina o John H Wise, no ke kulana elele lahui i Wakinekona, ma ka aoao Bepubalika. Me kela mau houpuupu ana nae, no ka holo hou ole mai o ka Mea Hanohano Holstein, i hoa no ka hale o na lunamakaainana, ua paa ka manao o kekahi mau alakai kalaiaina, e hoololi ana no oia i kona manao, ke hookikina aku na mana 1 koho baloka o Hawaii Komohana, ! e holo hou no oia no ka ahaolelo kuloko, i keia kau, ma ke ano nae jhe senatoa, a o ka hoea mai i hookoia ana o kela manao, na keia 1 mua ia e hoiko mai.

No ka holo moho o Senatoa John H Wisc, no kc kulana elele lahui, ua maopopo loa kona alualu i kela ku* lana, ma ke koho baloka Tvao moho c hoea mai ana, no ka mea, wahi ana, o ka hoike ana mai i ke Kuokoa nei ,oiai oia e makaukau ana e holo aku do Kauai, ma 'ka Poaha aku nei i hala, ua loaa mai na hooia ana iaia mai ka Elele Baldwin mai, e noho mai la ma Wakinekona, aole oia e holo moho hou ana ma keia kau ,malalo wale no o kela kumu, i hoohoio ai oia i kon» manao e lilo i molio elele. Ma hoakaka a Senatoa Wise, 0 ke kulana senatoa no 'kana i manao ai e alualu i keia makahiki, malalo nae o na hoomaopopo ana, e holo moho elele lahui hou ana ka Elele Baldwin; aka i ka loaa maoli ana mai o kana leka, e hoole loa mai ana no kona lilo he moho ina keia kau koho baloka wae moho ae, pela oia i hooholo ai ;e alualu aku no kela kulana, elike me na mea i lioolala mua ia mawaena o laua. He mau pule ae nei i hala, ua oili okoa mai ka Mea Hanohano Norman K. Lyman iwaho, a kukala ae 1 ko akea, no koua lilo he moho e alualu ana i ke kulana elelo lahui i keia kau, nolaila he elua mau moho Repubalika i maopopo loa i keia manawa, a na nd mana koho e kaupaona mai ia laua, owai ana la o laua ka mea oi aku o ka makemakeia. Mawaho ae nae o keia mau moho ae la, lie nui no na moho e ae iwaena 0 na Hawaii, o ka aoao Repubalika e haha mai nei i ko lakou kulana ikaika, me ka hoike akea ole ae nao 1 ke akea i keia manawa, aka e ikeia aku ana no ko lakou ihau inoa ma keia mua koke iho. Iwaena hoi o na haole, o na inoa 0 Lawrence M. Judd amo Clarence H. Cooko ka i houpuupuia ae i moho elele na ka aoao Repubalika, ina nei no ka hoole paakiki loa o ka Elele Baldwin, aole e holo hou i keia kau; a i ka nana aku, o kekahi ana 1 o kela mau haole, ke ku ae ana |imua o ke kahua mokomoko, no ke alualu ana i ka lianohano o ke kulana «lele lahui, ma ka aoao Kepubalika. Ke hamau loa mai nei na Dcmokarata no ka lakou mau moho ,aka nae o ka poē i maa i ka honi mau ana i ka uwahi pauda o na "hana hakoko kalaiaina ,aole loa o lakou kanalua iki, no ke ku hou mai no o L. L. McCandless imua o ke kahua kaua, i mea paahae no kela aoao kalaiaina. Mawaho ae hoi ona, aole ana no e nele ke alualu mai o kekahi mau moho e ae iwaena o na haole I)emokarata ,elike la me Kauka Eaymond

o Maui, ame kekahi mau alakai Jko'iko'i e ac iloko o ka aoao Dcmokarata ,mamuli o na kulana ooloku e ikeia aku nei iwaena o na Deraokarata.