Ka Nupepa Kuokoa, Volume LXI, Number 24, 15 June 1922 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

I ka hala ana eiwa la mahope iho o ka hoi ana aku o Sa Wiliama i Enelani, loaa mai la iaia ka Sa Wiliama kelekalapa mua loa, e hoike mai ana i kona pae ana aku i Enelani me ka palekana, a mai ke kulanakauhale o Livapulu mai ia kelekalapa ana o ka hoouna ana mai, a ua kelekalapa koke aku la no hoi oia e hoike aku ana no kona palekana ma na ano apau, a e hoike pu aku ana mai hooka*amaha mai i kona noonoo nona. Ua maopopo iaia ma kekahi mokuahi ae e loaa mai ana iaia he leka mai ia Sa Wiliama mai, a mahope aku o ia manawa e loaa mau mai ana iaia ka leka ma kela ame keia mokuahi r ku mai ana he mau la kakaikahi wale no ke kawa, aka nae, he manaolana poho wale no keia ona, elike me ia i ikeia ma ia hope mai. I ka hoea ana aku o ke Sa Wiliama i kona home ma ka Hitadele Ilale, loaa aku la no iaia kona makuahine e ola mai ana, ua hele a nawaliwali, a o ka huaolelo mua loa i hoikeia mai iaia, he pomaikai kona pohala hou mai, nolaila ua haawi nui oia i kona manawa ame kona noonoo maluna o ka makuahine, me ka hooikaika ma na ano apau i mea nona e ola mai ai. Oke dala iaia ia manawa ua like me ka wai ke kahe niai kona lima aku, no na hoolilo laau keia ame na uku o na kauka. Ua pii liilii mau ae Ia ka maikai o ka makuahine ahiki i kona ola ana, a me ia ano lakou o ka noho ana me ka hauoli a hala eha pule, a i kekahi la, loaa aku la iaia kekahi lono ma ke kelekalapa uweaole e hoike aku ana no ka hoohuaia ana mai i keia ao o kekahi kaikamahine nui puipui, u'i no hoi o ka helehelena, a he mau maka hoi kona i like loa me kona. a he hiohiona ma na ano apau i like loa me ko ka makuahine. I ka loaa ana o keia kelekalapa ia Sa Wiliama Hita hoomaikai ae la oia i ke Akua no ka hoopuka ana mai i keia ao i kekahi hua ohaha mai na puhaka mai o Vekinia kana wahine, a ia manawa hookahi nae au hoehaehaia kona naau no kona kaawale ana mai kana wahine mai iloko o kona manawa pilikia, a eia nae, mamuli o kona ike ana ua puka maikai mai i keia ao malamalama kana kaikamahine me ke ola maikai ua hoopihaia kona naau i ka hauoli ma kekahi ano. Ua pane aku oia no ke kelekalapa a ka wahine e haawi aku ana i kona aloha ame kana hoomaikai nui, a he manawa pokole ma ia hope iho ua loaa aku la ia Vekinia kekahi leka e hoike aku ana e kapaia ka inoa o ke kamaiki o Veki Mei, o ka hapa hope o ka inoa no kekahi kaikuahine ia a Sa Wiliama i aloha nui ai, a i make ai hoi he mau makahiki lehulehu mamua aku. I ka loaa ana aku o kēla leka, a mahope hoi o ka heluhelu ana iho o Vekinia, alaila kapa iho la oia i ka inoa o ke kamaiki <> \'cki, kekahi hapa o kona inoa, ame Mei, ka inoa o ke kaikuahine o Sa Wiliama. MOKUNA XI.

Mahope mai o ia mau.la aneane e hiki ole ia Sa Wiliama ke hoomalu iaia iho a e hoomanawanui hoi me ka uumi i kona makemake e hoi hou i Amerika, kahi a kana mau mea aloha e noho aku ana kakali o kona hoi mai. Ua hele kona makemake a nui e ake no e hii aku iluna o kona u-ha i kana kamaiki, a e apo hou mai hoi no hookahi manawa i kana wahine aloha i kona umauma, ka wahine hoi ana i oi aku ai ke aloha i nei manawa mamua o na manawa e aku i hala. Eia nae, iloko o ka nui o ia uluku mau ona e hoi hou aku i Amen'ka, kahi o kana mau mea aloha e noho mai ana, oia mau no ka nawaliwali o kona makuahine; oia mau kona kalilolilo a mawaena oia o ke ola ame ka make ia manawa, nolaila he mea pono iaia ke hoomanawanui, ina no ka loli ae i ka maikai he mea holo wale ia aku no o Amerika, a ina no ka haule aku 0 ka pau ana no hoi ia o ka mea nana e kaohi iho iaia. O keia ma'i o ka makuahine he 1010 hapa, hookahi aoao hiki ole ke oni, a o kahi i laki ai aole i hoopoinoia kona 1010, a ua lilo ka hoi ana aku o ke keiki i mea hoomama loa ae i ka noonoo o ka makuahine ma'i. Eia nae, ma ka hoomaopopo aku a Sa Wiliama he manawa wale no nona e haalele mai ai i keia ola ana, a no ia kulana nawaliwali loa ua papa loa ke Kauka Habati Ranadela aole e walaau a hoonakekeia oloko o ka hale, aole e hanaia kekahi mea e lele ai ka hauli o ka mea ma'i. No keia pilikia i hoopaa mau ia ai ke Sa Wiliama ma ka Hitadela i na manawa apau oiai nae ua hele oia a uiha me ka hooulukuia o kona noonoo i ka hapanui o ka manawa; aia oia mawaena o na mea aloha elua, a he elua hoi ana mau haawe aloha e haawe mau ai, ke aloha o ka makua, a ke aloha hoi o ka wahine e kauloloa mau mai la ka noonoo o kona hoi aku e kii ia laua. Iloko o keia manawa ana e kakali ana o ke ola ae o ka Makuahine aole wahi huaolelo hookahi i kamailioia -mawaena ona ame ka makuahine no ka mea e pili ana i kona mare ana. No kona ike i ka makemake ole o kona makuahine no ia mare ana ona, a no kona hopohopo no o lilo kona kamailio aku ia mea iaia i mea hoanoe aku i kona noonoo, no ia kumu hooholo iho la oia aole e kamailio iki aku i kekahi mea no ia mare ana ona, aka, e waiho malie aku no na. ka makuahine e noonoo ia mea nona iho i ka manawa ana e haupu ae ai no ia mea, aka nae, ua haohao oia no ka ninau ole mai o ka makuahine iaia no ka wahine opio ana o ka mare ana, ka wahine hoi a ka ohana 1 manao ai e hoihoi pu aku ana oia me ia i ka manawa e hoi aku ai i Enelani. Ma kela hoi ana aku a Sa Wiliama a hui me ke kaikuahine oia ka mea hoihoi aku, no ke kaikuahine nae, noho mai la ola i ka uahoa, me he mea la he kanaka e loa oa iaia, ke ike iho la no nae o Sa Wiliama nona iho i ke kumu, no ka mea aole oia i poina i na olelo oolea a ku i ke konakona a ke kaikuahine i kakau aku ai iaia ma ka leka, me ka hiki ole iaia ke huikala mai iaia no hoohoka ana aku i na manaolana apau a ke kaikuahine i kau mai ai maluna ona, no ka mea, aia wale no maluna o ke kaikunane kona kauka'i ana mai i kona mau pono apau o ke ola ana, kekahi, he wahine okoa ka ke kaikuahine o ka manao ana nana, eia nae, ua mare e aku la oia i lta wahine ana i makemake a i aloha ai he whine nae a ka ohana i ku-e loa ai. tlike me ka makuahine, ua hoole pu ke kaikuahine i ka ike ana i ka wahine ana i mare ai, me ka hoole pu i ka ninau a kamailio ana mai i kekahi mea e pili ana i kana wahine, oiai nae, ua hookahaha nui ia aku oia no ka hoi pu ole ana aku o Vekinia me ia, ua nui ka makemakeia iloko ona e maopopo iaia ke kumu o ko ke kaikunane hoi hookahi ana aku aole hoi ka wahine me ia, koe nae kona ninau mai, i mea e pau ae ai ia haohao iloko ona. La lilo keia ano hoopoipoi a hoihoi ole mai o ke kaikuahine, a pela hoi me kona ano hoonuhanuha a hoomamao mau mai iala aku i mea no ke Sa Wiliama e inaina ai nona, a i ka hala ana o kekahi mau la mahope iho o kona hoi ana aku, a hala no hoi na la o ke kupilikii loa, hooholo iho la oia nona iho,

he mea pono e ikeia mai kana wahine oia ka mea kuleana ia home, a he mana nui hoi kona maluna o na ohua e ae apau o ia ka hale, a he mea pono i kona ohana e ike mai i kana wahine oia ka hakuwahine o ia home. No ia manao ona, he mau la i hala ma ia hope mai, huki aku la oia i ka Lede Hinatona, ke kaikuahine, a iloko o ka rumi waiho buke, a mahope o ka hoonoho ana iho iaia maluna o ka noho me ka hoike mau aku i kona ano oluolu ma na ano apau, i aku la. "E Miriama, aole oe i haawi iki mai ia'u i ka hanohano ma o ka ninau ana mai i kekahi mea e pili ana no ka Lede Hita ahiki i nei manawa, heaha la ke kumu ?" Kunou mai la ka Lede Linetona me ka hoihoi ole, alaila aea pono ae la kona poo iluna a nana mai la me he mea la e ninau mai ana, aohe nae he pane mai, pii ae la ko Sa Wiliama ula me ka piha loa i ka huhu a i aku la: "M-e ka maopopo loa ua piha loa oe i ka huhu ia'u no kuu mare ana i kela Wahine, a ua manao mau no hoi oe e lilo ia mare ana o'u iaia i mea nau e hoouluhua mau mai ai ia'u, no ia kumu he mea pono ia kaua e maopopo kekahi i ka manao 0 kekahi i keia manawa. "E kauoha aku ana au, a ke manao mau nei no hoi au i kuu manawa e hoihoi mai ai i kuu wahine i keia hale, e hookipaia mai oia me na hoohanohano ana a pau i kupono e haawiia aku 1 ka hakuwahine o ka Hitadela nei ma nei mua aku, elike me ka hanohano i haawiia aku i ka hakuwahine mua o ka Hitadela i ka manawa i hala." Kulou hou iho la ke poo o ka Lede Linetona ilalo, aole nae oia i hoao e owaka ae kona mau lehelehe no ka pane ana mai i hookahi huaolelo, aka nae, ma kona mau papalina a ma kona mau maka ke ike mau la o Sa Wiliama i ka naholo o ka ula. I "He wahine oia i kupono e lilo i hakuwahine no ka Hitadela nei ma na ano apau," wahi a ke kaikunane o ka pane ana aku," o ke kulana a-'u i haawi aku ai iaia ua like no ia me ke kulana i 1 oaa aku i kekahi o na wahine hanohano a kiekie loa maloko o Ladana nei. Eia kekahi mau kii ona me a'u i nei manawa, a malia e makemake ana paha oe e ike ia mau kii." Alaila wehe ae la oia i kekahi mau kii ekolu o Vekinia, he mau kii i paiia ma na kulana like ole, a waiho aku la imua o ka Lede Linetona, a mahope o kona hooki ana iho i kana kamailio ana, hina aku la oia ihope o ka noho, a nana aku la i ke kaikunane pehea ana la kona helehelena i kona wa e ike iho ai i ka helehelena o Vekinia.

Hopu mai la ka Lede Linetona me ka lawe pakahi ana ae i na kii, a ke ike aku la ke kaikunane i ka loli o kona helehelena i kela ame keia manawa ana e nana iho ana, he helehelena hoowahawaha i kana nana aku, a i kekahi manawa e pupuku ae ana ka lae o ka Lede Linetona.

"Owai oia a owai kona makuakane?" i ninau mai ai ka Lede Linetona mahope o ka hala ana o kekahi manawa o kona nana ana iho i na kii ekolu e paa ana iloko o kona mau lima. "He kaikamahine oia na kekahi o na keonimana o Kaleponi," wahi a Sa Wiliama o ka pane ana aku me ke ano hookoikoi o kona leo, a ma ke ano hoi e hooia aku ana aole oia he wahine opio haahaa, elike me ka ke kaikuahine i koho wale ai, aka, he wahine opio i a'oia ma na kulana kiekie apau o keia ola ana. "He keonimana no Kaleponi!" i pane mai ai ke kaikuahine, me ke ano hoowahawaha. "Alaila ma ke ano o kau kamailio ana mai la nona me he mea la e olelo okoa mai ana no oe he keonimana oia i like kona kulana me kou." "Oia maoli no ko'u manao, i lohe mai oe," me kahi minoaka ma kona mau papalina. "Ua like ko Mr. Abota kulana me ko'u ma na ano apau, koe paha keia, aole paha he koko alii iloko ona, aka, he kulana koikoi a hanohano nae kona i like loa me kekahi ona kaukaualii o Pelekane nei. Aole oia wale, aka, he kanaka naauao oia a ua noho hoi ma na kulana kiekie 0 ke aupuni i kona mau la, ma na ano e lilo ai oia i keonimana ua ike aku au ia mau ano apau maluna ona, a no kana kaikamahine hoi aole i emi iho kona naauao i ko'u, a ma ka u'i aole 1 loaa aku i kekahi o na wahine opio o Pelekane nei. "Nui keia mau olelo pai a Sa Wiliama no Vkinia, aka, he pai oiaio no.

"Pehea oe i aa ai e Wile e kamailio mai elike me ia au o ke kamailio ana mai la, me ko ike no he nui a lehulehu na kaikamahine u'i loa ma Pelekane nei, aole ka u'i wale, aka, ka naauao, ame kiekie oko lakou kulana ma ka hanau ana a ma ka waiwai," wa,hi a ke kaikuahine o ka pane ana mai me ke okalakala. "Oia ka hoi kau e hoohalike mai ia wahi kaikamahine kuaaina me kekahi o na wahine opio u'i o ka Hitadela nei!"

Nee ae Ia o Sa Wiliama i ka akaaka a nui ka leo no nei mau olelo hoohaahaa a kona kaikuahine i kana mea aloha, a no kona eha i nei mau olelo a ke kaikuahine alaila i aku la: "Ea, o kou pai a malama i ka hanohano o o kou ohana ke mahalo aku nei au ia oe no ia mea, e Miriama, aka nae, ke manao nei au ina no kou holo nei i Amrika, he hana hoi au e manao nei he mea pono no ia'u ke hookuu aku ia oe e holo makaikai ia aupuni no kekahi manawa e hiki mai ana, e oi aku ana kou naauao mamua o nei manawa au e kamailio mai nei. O kou mau manao ma ka ma e pili ana ika noho ana ame ke ano o na kanaka ma Amenka, a pela hoi me na mea apau au e ike aku ana ma kela repubalika nui o ke ao, e ike ana oe nou iho i ka like ole loa o na mea au e ike aku ana me kau e koho wale nei no i nei manawa. Pehea kou manao i kou wa i ike iho la i ka helhelena o ka mea a'u i aloha ai, ka hakuwahine hoi o ka Hitadela nei ma nei mua aku." "O, he maikai ka helehelena" wahi a ka Lede Linetona," aka, elike ana anei ka maikai o kana mau hana me ka maikai 0 kona helehelena? ,, Aohe ona makemake maoli e haawi mai 1 ka mahalo oiai ua piha oloko ona i ka hoowahawaha, aka nae, no ka hoomama ana mai i ka noonoo o Sa Wiliama pela wale no oia i pane mai ai elike me ia. "A pehea i kau nana iho he wahi ano maikai ole anei kekahi ma kona helehelena e hoike ae ana i ka mea maikai ole maloko o kona naau?" "A-o-le," wale o ka pane hookanalua a ke kaikuahine. "A pehea, aole anei he wahi ano au i ike iho la ma kona mau ano apau?" "Aole no oia i nele loa ia mau ano elike me ka hiki ia'u ke koho iho ma kona helehelena ma keia mau kii a'u e ike nei," i pane mai ai ke kaikuahine me ka hooia mai ia mau mea ana 0 ke kamailio ana mai ia. "A eia nae aole i lilo ia mau ano maikai ona au o ka ike ana iho la i mea e pai a e mahalo aku ai iaia; aole oe i ike i kekahi helehelena elike me kena maweana o na ohana alii o Pelekane nei, a e hoike pu aku au ia oe ua like ka maemae o kona naau me ka maemae o kona helehelena," wahi a Sa Wiliama o ka pane ana aku iaia i hopu aku ai i kekahi kii a nana pono iho la me kona naau ma kona mau n&ka. "Ha! Ke ike aku nei au ua haaheo loa oe i ko wahine Amerika, ua hele ko aloha ame ko makemake a nui iaia, no ke aha no la hoi kou mea o ka hoihoi pu ole ana mai iaia 1 Enelani nei?" 1 ninau mai ai ka Lede Linetona, me ka leo e hoike okoa mai ana no i kona konakona, a ia manawa hookahi ua makemake loa iho la oia ia manawa e nanahu i kona alelo a moku no kona kumkaia ana iaia iho ma o kona hoike ana ae i kona manao pihoihoi no ka wahine ana i makemake ole ai. Ua pii ae la ka ula ma na papalina o Sa Wiliama ia manawa. Ua maopopo iaia aole i loaa iki ka manao maikai iloko o ke kaikuahine mai kona manawa o ka ike ana iho i ke kii o Vekinia, ua like no me ko ka manawa mamua aku. Oka haakei o ke kaikuahine no ke ano o kona hanauia ana mai he koko alii iloko ona ua lilo ia i mea hoihoi ole loa nana no ka mare ana o kona kaikunane i kekahi wahine haahaa loa e hiki ole ai iaia ke huikala aku i ke kaikunane, (Aole i pau)