Ka Nupepa Kuokoa, Volume LXI, Number 24, 15 June 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

            KA NINAU ELELE LAHUI E HOOUNA AI NO WAKINEKONA

            (Kakauia e D. K. Kaonohilani)

            O ka papainoa o na Elele Lahui e manoia nei he kupono o ka aoao Kalaniaina Repubalika i oili ae nei; he poe maikai wale no ia, aka nae, o ka ninau nui a koikoi a kela ame keia i loaa ka mana koho baloka mai Hawaii a Niihau e lawe ai a noonoo kupono, mai keia wa aku ahiki i ka la koho mua iloko o Okatoba e hiki mai ana, mamua o kou koho ana i kou baloka ia la, me ka nana ole ia o ka ninau aoao kalaiaina, in a o kau i ike ai he Elele Repubalika; oiai, he ninau pili lahui keia:

Owai la o Lakou nei ke Kanaka Kupono?

 

            He ninau nui a koʻikoʻi keia; o ka Elele lahui kupono; aole keia la he kanaka me ka pono onou wale aku ho; oiai, aia i keia kanaka ke ola, ame ka make, ka laupai o na pono ame na pomaikai, ka nele, a me ka hune o ka lahui.

 

            Aole keia he ninau pilo ohana, a pili hoaloha e manao iho ai e koho ana au ia mea; oiai, he pili, a he hoaloha noʻu. me ka ike no, aole i kupono no ia kulana; a aole hoi no ka waiwai a hanohano a ano e ae.

 

            Aole hoi he kanaka i ike maopopo ia  aku ai no kona nana kapakahi ana iho i kahi, no kona nele a hune; a e pai ana hoi i ke kanaka waiwai a hanohano; aka, i kanaka maikai; a elike hoi na kanaka apau loa imua o ke kanaka ua kulana la.

 

            Oiai, o keia kanaka iho la ka kakou huli ai; huli iʻa, a huli pomaikai; no kekane; a no ka wahine i loaa a loaa ole ka mana koho balota; pele pu na keiki ame na moopuna ame na pua aku, a i ka hope loa o keia lahui, me ka nana ole ia o ka ninau pili ili, a he ohana hookai hoi kakou.

 

            Ma on a la, e hiki ai e loaa mai ia kakou na kakou ana mai ia Amerika mai; a mai iaia aku e lohe ai o Amerika i ko kakou mau ano ame na makemake.

 

            E ike e ia aku hoi ia mau ano maikai o ua kanaka la, ame na ano e haiia aku nei; oiai no oia i Hawaii nei, aimua hoi o ko kakou mau alo, a o oukou hoi e na mana koho baloka mai Hawaii a Niihau; aole e ui ae i ke akea a hooiaio mai i ke kupono o kahi kanaka; oiai, aole ana hana i hana ai no ka pono o ka lehulehpu; anoai, he poe kakaikahi wale iho no; a i ole, aole no, a o ia wahi maikai iki la, o ia ka mea e kulaia mai ai he maikai, i mea e hoohei ai i ka noonoo o ka lehulehu.

 

            O ke kanaka kupono mai nei kulana; @@ kanaka i ikeia kana mau hana i hana ai, no ko ka lehulehu pono a pomaikai i na wa i hala, aole o na hana i maopopo ole ka pamaikai; o ia ke ano e kulaia mai ai he kupono, uwoki ia mau ano. he kanaka elike me na ano i haiia ae nei, a e haiia aku ana:

 

            1. He makaukau hana; haku; hoololi; pakui; hooponopono, a ike maopopo i ka manao o ka huaolelo kanawai nona ponoi iho; me ke kaukai ole ua haʻi e hana, a e aʻo mai iaia i ke ano e hana ai:

 

            Oiai  @ kahi o ka hana; aole ia he wahi no ke aʻoia mai e haʻi aka, e manao mau ia, o ke kanaka e lawe ana i nei kulana, ua lawa oia me na makaukau hana ma na ano apau loa, ma ia mahele.

 

            Pela iho la i akeia ai i kanaka i makaukau ma na ano apau; a pela i lilo ai keia kulana i kulana pookela no ka elele lahui, a e loaa iaia, i ka mea e hooleiia aku ai o keia kulana keia makaukau.

 

            Pela iho la i lilo ai keia kulana ano nui; e lilo ole ai i kulani paani wale ia me ka manao ana e alualu no ka hanohano o ke kulana elele; a no ka nui o ke dala; mai haawi i na kakoo ana e ka poe i loaa ka mana koho baloka mai Hawaii a Niihau ia ano poe, o poino auanei ka lahui, ame ka waiwai o ka poe mea waiwai.

 

            2. He umauma lahalaha; he akea aia iloko o keia mahele na ano oiaio a maikai; e laa ka oluolu; akahi; huhu hoomauhala ole; aloha hoakanaka; alunu ole; a makee ole no kona pono a pomaikai wale iho no.

 

            E haawi ana i kona manawa ponoi; a me kana, elike me ka hiki me ka minamina ole no ko haʻi pono a pomaikai; he nani ia a he maikai:

           

            3. He makaala hana; e nana pono ana i kahi e pono, a e pomaikai ai o ka lahui; e pale ana i na wahi e poino ai, mai ke omo ana aku mai kana mau hana e hana ai, a me ka haʻi mau hana ame na makemake o na kauoha kanawai mai ko kakou ahaolelo kuloko aku nei.

 

            4. He kuokoa, o ia haawina pookela aku no ia; oiai, o ua kulana elele la, aia imua on a na mea apau e hei ai o ka noonoo; a e puhili ai o ka ike o ka poe ike; a i wahi e kaawale ai o ka lahui, mai keia mau poino mai; e hanauia ke kanaka e na manao kuokoa e pono ai; i liko ole ai ʻoia, i mea hoohulihuli wale ia elike me ka pipi Pake moewai.

           

            Pela i ake ia ai e lawa ke kanaka me na makaukau hana kanawai; i ole ai oia e pulapu waleia e na olohe hana kanawai e onoonou aku ai penei, a penei oe e hana aku ai, a mai manao wale iho ka elele, o na pono i hanaia e haʻi; a ina no ia mai kokakou ahaolelo kuloko aku nei, o ia kana e hookomo aku ai iloko o ka haolelo lahui me ka pupuahulu.

 

            He kuhihewa nui ia o kakou; e aku iloko o ko kakou ahaolelo kuloko, a onou pupuahuluia aku imua o ka elele lahui; a uhaoia aku iloko o ka ahalolelo nui, oiai nae, aole ia he makemake no ka lahui.

 

            Pela i ake ia ai, i kanaka ka Elele i lawa me ka makaukau hana kanawai, a me nei mau ano i haiia ae nei, a e haiia aku ana; aole hoi me ka pono onou wale aku no; oiai, o ia ka puka e ike mai ai o Amerika i ko kakou mau makemake, ame ka loea kilo aupuni.

 

            He mau wa i hala ae nei, i hanaia ai ia ano hana, a i ikeia ai he hana hemahema maoli, a i mihi ai ka poe na lakou i hana ia hemahema, a i lilo ia hemahema i mea hoopoino mai i ka lahua, in a aole i makaalaia aku.

            (Aole i pau).

 

            MAKE KA PROF. A. F. GRIFFTHS

MA KALEPONI.

            I kulike me ka hoakaka a ka lono kelekalapa uweaole o ka loaa ana ae ia Frank C. Atherton ma ka Poalua nei mai a Mrs. Griffiths mai ka Prof. A. F. Griffiths, ka presidena hoohanohano o ke Kula Nui o Kapunahou a i noho no kekahi mau makahiki aku nei i hala a i hoi aku ai hoi Kapalakiko ma kekahi manawa aku nei i hala, ua pauaho mai la oia i keia ola ana maloko o ke Kulanakauhale o Kapalakiko, no ka mea, oia ka maʻi nana i hoonawaliwali iaia no kekahi manawa i hala aku.

           

            Ma ka la 19 o Aperila i hala kona haalele ana mai ia onolulu nei me Mrs. Griffiths, mahope o kona waiho ana mai i ka hana ana i paa ai ma ke ano he presidena no ke Kula Nui o Kapunahou no na makahiki he 20, me ka manao e huli aku i ka pono o kona ola ma Kapalakiko.

 

            Ua hanauia oia ma Richville, Nu Ioka, ma ka la 16 o Sepatemaba, 1878 a iaia i moe aku la ua piha iaia na makahiki he 44. Maloko o ke kulanakauhale Richville i hoonaauao mua ia ai oia a mahope mai maloko o ke kula Kiekie o St. Lawrence kahi ana i puka pono mai me degere Bachelor of Arts. Mahope o kona puka ana mai ke Kula Nui mai o Harvard ua noho kumupoo oia no ke Kula Hui o Richville mai ka 1897-8. Oia no ke kumupoo o ke kula ahiahi Shepard Masakuseta o Cambridge, ahiki i ka 1899, a mahope iho ua hele aku oia i ke kula St. George ma Nupota, Roda Ailana, kahi ana i noho ai ahiki i ka 1902.

 

            Mai Nupota ka Prof. Griffths i holo mai ai i Honolulu nei me kana wahine i ka 1902, a ma ia makahiki no i hoonohoia aku ai oia i peresidena no ke Kula Nui o Kapunahou. Ua mareia oia me Mrs. Griffths i ka 1901 ma Worcester, Masakuseta. O Miss Helen Alsy kona inoa mamua o kona mare ana. Ua haalele mai la ka Prof. Griffths i kana mau mea aloha ma keia ao, he wahine kane-make ame ke kaikamahine e u mau aku nona, he mau makua e noho mai la ma Richville, Nu Ioka, ame elua mau hoahanau e hono mai la no ka ma Nu Ioka.

 

            E HOLO KAAPUNI HOU ANA KA MOKUAHI NO MOLOKAI.

            No kaholopono o ka huakai kaapuni ia Molokai ma ke Sabati iho nei i hooholo ai ka Hui Mokuahi holo piliaina e holo kaapuni hou ma ka la 4 o Iulai ae nei, a ma kahi o ka mokuahi Kilauea o ka mokuahi Mauna Kea ke hooholoia aku ana ma ia la mamuli o ka nui o na rumi moe o ka Mauna Kea no ka pono o na hua mamua o ko ke Kilauea.

 

            "Ua loaa mai ia makou i nei manawa kekahi mau nina lehulehu in a paha e hoolalaia ana kekahi huakai makaikai hou ia Molokai ma ka la 4 o Iulai nolaila ua noonoo makou a ua hooholo no kekahi huakai kaapuni hou ia Molokai. Ma ka olelo a ka poe apau i holo ai ma ke Sabati iho la i hala he huakai waiwai loa kela, ua ikeia na wahi apau o Molokai a o kekahi poe lehulehu i holo ai e holo hou aku ana no lakou ma ka la 4 o Iulai,," wahi a Stanley Kennedy, ka lunahoohana o ka hui mokuahi o ka hoike ana ae ma ka Poalua nei.

 

            No ka nani o na hiohiona o kela huli Koolau o Molokai o ka poe i noho mau ma Hawaii nei a i ike ole i kela aoao o Molokai ua hookahahaia ko lakou naau i ka ike ana aku i ka nani o na wahi apau, ma Hawaii nei no kekahi poe o ka hanauia ana a o ka make wale aku no koe akahi no a ike i kela huli Koolau o Molokai, aole manawa mamua i holo kaapuni ai, o ka makamua loa iho la no kela. Ua lehulehu ka poe i hele mua ae e hoopaa i ko lakou mau inoa me ka hui mokuahi i loaa ka rumi maluna o ka Mauna Kea.

 

            WAKINEKONA, Iune 9. --- O ka bila uku manuahi i hookomo koke ia aku i ke senate a e hoakaka ana maloko o ia bila ka uku ana aku i na koa o ka Puali Kiai Lahui Hawaii, na koa i hookomoia mai ai iloko o ka Puali Kiai Lahua iloko o ka manwa kaua. eia nae o ia uku no ka manawa wale no ia mawaena o ka manawa i hookomoia ae ai iloko o ia puali ame ka manawa i hoopauia ai o ke kaua, e like me ia i hoakakaia ma ka Pauku III o ke Kanawai Hoopakele Lahui.

 

KUU KAIKUAHINE ALOHA MRS. PILILUA KEKAULIKE UA HALA.

MRS. PILILUA KEKAULIKE,

            Mr. Lunahooponopono o ka Nupepa Kuokoa, Aloha oe: -- E oluolu mai kou ahonui ame kou lokomaikai, e hookipa aku ma kahi kaawale o ka oneki o ka hiwahiwa a ka lahui, i ke poomanao e kau ae la maluna.

 

            Iloko o na pule he ekolu a oi, a malalo hoi o ka lawelawe ahonui ana a na kauka, na kanaka i kauia aku o ka manaolana no ka hiki e hoopakele ae i ke ola, eia nae i ka manawa hope loa, ua hoike mai la na kauka i ka mea hoomokumokuahua i ka noonoo, ua oi aku ka ikaika ame ke kuonoono o ka maʻi iloko o kuu kaikuahine Pililua, e loaa ole ai he manaolana no ka hiki e hoopakele ae i kona ola, nonaila mahope iho oka hoike ana ae o ke kauka ia lono kaumaha, he manawa ia no ka pilihua loa, a ma ka hora 1:30 o ka auwina la Poalua, Iune 6, i haalele mai ai ka hanu hope loa i kona kino lepo, maloko o ka home o kona kaikunane John Punua, ma Honuakaha, Honolulu.

 

            Ua hanauia oia ma Waiohinu, Kau, Hawaii, i ka la 2 o Ianuari, 1869, mai ka puhaka mai o Keliiheleloa (w) ame Kawika Pipi (k), ua piha iaia he 53 makahiki, 5 mahine me 4 la o ke ola ana, a hoi aku la ka lepo, i ka lepo, a o ka uhane i ka Mea Nana i hana.

 

            Iaia i hala aku la, ua haalele iho oia mahope nei he mau hoahanau ponoi, o John Punua ame David Kaimi Pipi.

 

            Ua nui no kana mau keiki, ua lawe aku ka po, a koe 5 keiki e ola nei, a no lakou na inoa o Mrs. Keala Carter D. Kekaulike Jr., Simeon Kekaulike, Miss Mary K. Kaiawe, ame Miss Victoria K. Punua, e hoomanao mau aku nona.

 

            Ua hoonaauaoia oia ma na kula apana i na la mua o kona hoomaka ana e hele i ke kula, a mahope mai, ua komo ae oia i ke Kula o Maunaolu Maui, no kekahi mau makahiki.

 

            He oluolu, he akahai, a ake hana oia, me ka makaala mau i na hana maloko o ka home. He puuwai hamama oia ma na ano apau , aole mea paa i kona lima, e kaana ana oia i ka mea nui, ame ka mea iki.

 

            He mea nui ka ʻohana, na hoaloha ame na moopuna iaia, ua ike aku i ka poe haahaa a ka poe kiekie, ua hookipa mai oia i ka lehulehu, na lahui apau, a ua noho pu oia me ke aloha me na mea apau.

 

            Ua noho a kupa a kamaaina oia ia Moanalua, Oahu, a malaila oia kahi i noho ai iloko o na makahiki lehulehu, a haalele mai i keia ao inea. He hoahanau kahiko loa oia no ka ekalesia o Kalihi ame Moanalua.

 

            Ma ka hora 3 o ka auwinala Poakolu,, Iune 7, i malamaia ai kona anaina haipule hoolewa, maloko o ka hale kupapau o H. H. Williams, e Mr. Amos Mawae ame Mr. Sam Kauka, a pela no hoi ma ka lua, a ma ka ilina o Puuomao, Moanalua, i hoomoeia aku ai kona kino lepo.

 

            E oluolu e apo aloha mai i ka makou hoomaikai palena ole maluna o oukou ka ohana no apau, ka Ahahui Kaahumanu, Moanalua Mother's Club, na keiki elilua o Moanalua, na hoaloha ame na makamaka i haawi mai i na makana pua, a i komo pu mai me ka ohana i hooluuluuia ma ke kumakena puana, a i kaʻi pu aku hoi ma ka huakaiʻi hope loa no ka ilina.

 

            Ia olua kekahi hoomaikai e Mr. Amos Mawae ame Mr. Sam Kauka, oiai ua hiki mai olua no ka malama ana elua anaina haipule o kuu kaikuahine aloha; a maluna ae o na mea apau, ke pule nei makou i ka Haku nona ka lani ame ka honua, Nana no e kiai mai ia kakou i na wa apau o ko kakou ola honua ana.

 

            Ia oe e Mr. Lunahooponopono ame na keiki oniuhua metala o ka Nupepa Kuokua ko makou welina pau ole.

 

            O makou iho no iloko o ke kaumaha ame ka luuluu.

            MRS. KEALA CARTER,

NA MOOPUNA (4)

D. KEKAULIKE JR,

SIMEON KEKAULIKE,

MISS MARY K. KAIAWE,

MISS V. K. PUNUA,

DAVID KAIMI PIPI,

JOHN PUNUA,

Honuakaha, Honolulu, T.H.

 

KA HUAKAʻI HOOKAHAKAHA

MA KA LA O KAMEHAMEHA

            Elike me na makahiki i hala ka hoomanaoia o ka La o Kamehameha e na ahahui Hawaii apau e ku nei maloko o ke kulanakauhale ma ke kaʻihuakaʻi hookahakaha ana ma na alanui me na aahu ame na hoailona like ole, na have ame na kahili, a pela hoi me ka malama ana i ke anaina no ka hoolohe ana i na haiolelo, na himeni wae i hoomakaukauia pela no ma ka Poakahi nei maloko o ka pa alii.

 

            Mai ka Paka Aala ka huakai o ka hoomaka ana mai e kaʻi ma ke alanui Moi, a ua lehulehu na ahahui i komo pu ma ia huakaʻi; i ka hoea ana o ka huakaʻi ma kahi o ke kii. Kamehameha ua ku puni ae la lakou, a mahope o ka pau ana o na hana malaila lehulehu na ahahui i haalele mai i ka huakaʻi he hapa uuku wale no i kaʻi aku noloko o ka pa alii no ka hoolohe ana i na haiolelo ame na himeni i hoomakaukauia no ia la, a no ka hooko ana aku hoi i ka papa kuhikuhi hana. O ke Kapena Robert Parker Waipa ka ilamuku o ka la me ke kokuaia e kona mau paalalo. No ke ano o ka hoonohonohoia ana o ka huakaʻi elike ia me malalo nei:

 

            1, ka Bana Hawaii; 2, ka Hui Kamehameha; 3, ka Hui Kaahumanu; 4, ka Hui o na Oiwi Hawaii Wahine; 5, ka Hui o na Oiwi Hawaii Wahine; 5, ka Hui o na Oiwi Hawaii Kane; 6, ke Kamehameha Alumnae; 7, Lunallo Circle; 8, Ahahui Lunalilo; 9, Bana a ka Puali Hoola; 10, Hui Manawalea L.D.S.; 11, Hui Opio L.D.S.; 12, Hui Poola o na Wahine; 13, Ka Ahahui Mamaka Kaua; 14, Hui ka Hale o na Alii; 15, Ahahui o na Opio; 16, na Kula Aupuni; 17, Ahahui a na Kaikamahine o Hawaii; 18, Kawaiahao Alumnae.

 

            I ka akoakoa ana o na ahahui maloko o ke kahua o ka pa alii ua hoomakaia na hana elike me ka papa kuhikuhi hana ma ka hora 9:30, mahope iho o ka noho ana o na ahahui apau maluna o na noho i hoomakaukauia e ke komite, a ua ike ia ka holopono o na hana me ka loaa ole o kekahi mea akeakea e houlolohiia ai na hana a hala wale kekahi manawa. Mahope o ka pau ana o na hana i hoomakaukauia ma ka papa kuhikuhi hana mamua iki iho o ka hora 11 o ia kakahiaka ua kuke anaina iluna a himeni "Aloha Oe," a i ukaliia mai hoi ia himeni ana e kapaani ana mai o ka bana Hawaii i ka mele lahui "Hawaii Ponoi," me ka himeni pu o ke anaina.

 

            Mamua o ka hoolauna ana mai o ka lunahoomalu ka Lunakanawai John R. Desha i ka papa kuhikuhi hana, ua haawiia mai kekahi mele e ka Bana Hawaii me ka lakou mau meakani, alaila hoakaka mai la ka Lunahoomalu Desha i kekahi mau huaolelo pokole e pili ana i ke kumu o ka akoakoa ana aku o na ahahui ma ia wahi ma ia manawa, o ia hoi ka malama ana i na hana hoomanao no ke kanaka koʻikoʻi loa iwaena o ka lahui Hawaii oia ka Naʻu Aupuni Kamehameha.

 

            O keia malalo nei ka papa kuhikuhi o ka la:

 

            Pule, Rev. H. K. Poepoe.      

            Oli, Mrs. Naha Hakuole.

            Himeni, "Kaleleonalani."

            Himeni, "Makalapua."

            Himeni, "Hawaii Aloha."

            Haiolelo Hawaii, Rev. W. Kamau.

            Himeni, "Kamehameha."

            Haiolelo Haole, Lieut.-Comdr S. Wilder King.

            Himeni, "Kalai o Pua."

            Himeni, "Aloha Oe."

            "Hawaii Ponoi."

 

            Ka Haiolelo a Lieut-Comdr. King.

            "Ke akoakoa nei kakou maanei i keia la no ka hoomanao a haawi ana aku i na hoomaikai i ke kanaka Hawaii i koikoʻi loa, ka mea nana i hoohui i keia mau mokupuni a lilo i hookahi malalo o kana hoomalu ana, ka mei hoi nana i hana a i hoonui ae i kona may pono ahiki i ka lilo ana mahope mai i aupuni moi kumukanawai maloko o Hawaii, a i waele hoi i ke alahele no ka pahola ana ae me ka hikiwawe loa o ka pono Kristiano ame kona hoonauaoia ana apuni na mokupuni nui ewalu maloko o ko kakou paemoku.

 

            "Mamua aku o ka noho moi ana o Kamehameha aia no he mau alii lehulehu a kaulana, na kanaka kaulana i ke kaua, na kanaka akamai i ka holo moana ana, ame na alii naauao, a no kakou hoi kekahi hapa o na moolelo i ikeia maloko o na mele kahiko; aka nae, he mau kanaka kaulana wale no lakou ke hoohalikeia me ka Naʻi Aupuni kaulana O ka ikaika o ka manao ame ka makemake, ka hoomanawanui, ke kupaa a luli wale ole, o ka moi mua o Hawaii a pau i lilo ai oia i kanaka koʻikoʻi a kaulana. Aole i lilo kona hiki ole ana ke hana i kekahi mea a holopono ole, aole no hoi i lilo kona hoopuhiliia ana ma kekahi hana i mea e hoololiia ae ai kona noonoo mai ka hana nui ae ana i makemake ai e hooko aku, ahiki i ka holopono ana.

 

            "I kona manawa e hoopuhiliia ai ma kekahi ano e hoomaka hou aku ana no oia e hana i mea e lanakila ai oia maluna o na akeake nana i hookunana mai iaia no ka manawa. Me ka manaoio mau iloko on a e hoomau aku i kana hana ana elike me ka iini iloko ona no ka hiki aku i ka hopena ana i upu aku ai, oiai nae he mau makahiki lehulehu i hale ae mawaena o kekahi papahana ana i hoolala ai ame kekahi iloko o kana paani ana no ka lilo o ke aupuni iaia, a iloko o ia mau makahiki lehulehu aole oia i noho wale, aka ua hoopiha mau oia i noho wale, aka ua hoopiha mau oia i kona manawa me ka hoonoo ame ka hoolala ana i mea e holopono ai ia mea nui ana i upu ai, me kekanu pu i na meaai ma na mahinaai ame ke a'o ana i na kana e lilo i mau pukaua nona.

 

            "He oiaio, ua kokuaia mai o Kamehameha e na kuhikuhi puuone naauao, aka aole pela na kanaka ko'iko'i apau o na manawa apau. Ua pipili mai na kanaka k o'iko'i iaia a ua paa mai ke alakai nui i keia mau kanaka me ka pili o kona manao me lakou a o ko lakou iaia me ka paa o na manao lokahi.

 

            "O ke koa kahiko Kekuhaupio ame eha mau alii o Kona, na hoahanau mahoe Kamoeaimoku ame Kamanawa, ko laua hoahanau hapa Keeaumoku ame Keaweheulu, o lakou ka i hui mua mai me Kamehameha me na manao lokahi a mahope mai i huipu mai ai kekahi poe aliikanoe ame na aliiwahne. Aole mau alii Hawaii e ae ma ka moolelo o Hawaii e paa nei i nei manawa i oi aku ka hooikaika no ka hooko ana i ka makemake o Kamehameha mamua o ko ia mau alii. Hookahi wale no mawaena o ia poe i haalele mai ia Kamehameha, eia nae ua ukuia oia me kona ola ma ke kahua kaua ma ke Awawa o Nuuanu.

 

            "Ma ka oleloia o ke kuu i loaa ai ka lanakila ia Kamehameha maluna o kona mau hoapaio mamuli no ia o ka hoea ana mai o na haole me na lako kaua, a mawaena o ia mau haole o ka hoea ana mai o Keoni Iana ame Aikake Kewiki, a no ka pipili loa o ka naau o ka moi maluna o keia mau haole ma ka oleloia ua hoao o Aikake Kwiki e mauna i kona ola no ka hoopakele ana ae ia Kamehameha, me ka a'o pu aku no ka ohumu kipi e hoolalaia mai ana no ka poino o Kamehameha, a ua make i'o oia mahope mai mamuli o kona hoao ana e hoopakele i ke ola o Kamehameha.

 

            "Ua haawiia ka mahalo ia Napoliona no kana olelo ana maluna o ka have o ka pualikoa i lako me ka pu kuniahi e kau aku ai ka lanakila a ua hooikaika oia ma na ano apau e paa ia pomaikai no kona mau pualikoa.

 

            "Ua loaa no i na alii ma na mokupuni he manawa kupono e hoohana aku ai i na haole ame ka lakou mau mea kaua no ke komo pu ana mai e kaua ia Kamehameha, eia nae ua nele lakou i ka makaukau ma ke ano hou o ke kaua ana, a pela hoi me ka ohi ana mai i na kanaka kupono no ke kaua malalo o lakou. O kela lanakila ana o Kamehameha mamuli no ia o kela manao koa, kuemi hope ole no ka hookoia o kana mea nui i upu ai e rulaia na mokupuni apau e ka mea hookahi. Iloko o na la mamua aku o Kamehameha no na hanauna lehulehu i hala aku, lehulehu no na alii ko'iko'i i hoao e hoohui i na mokupuni apau, a mahope o ka loaa ana o ka lanakila wale no ia i loaa no ka manawa pokole aohe i mau, aole i hiki ke hoohui i kekahi apana me ka mokupuni holookoa. Ma na aina e ua ike kakou i ka hooikaika ana o kekahi mau alii e hoohui i kekahi aupuni, ua hoao lakou lanakila maluna o na aupuni e noho kokoke mai ana ia lakou, eia nae i ka manawa hope aole no i hookoia ia manao hoohui a noho mana ana aku hoi maluna o kekahi aupuni. I loko o na lahui liilii o ke ao he lehulehu na kanaka aloha aina oiaio he poe i hana i na hana maikai no ka pono o ka lahui mai o a o a i kupono hoi e haawiia aku a hoomakai kiekie mamua o na alakai o na aupuni nui ka poe no lakou na inoa kau mau ma na lehelehe o ka lehulehu.

 

            "Ma o kona lanakila ana maluna na alalai apau, ma o kona naauao me kona hoomanawanui me ka luli de, ma o kona kupaa me ka mahahia no kana hoomalu ana, ma o ke kaulike o kana rula ana i ke aupuni a ma ka oiaio o kana hookupaa ana i na mokupuni ana i kaua ai a lanakila, me ka mau o kona hoomalu ana, ua pono ka kakou kapa ana aku ia Kamehameha he hui a e hawaiia aku hoi ka kakou hoomaikai me ka hoomanao ana nona ma ke ano oia ke kanaka Hawaii mua loa. Ma kona make ana ua hoomau mai no ka hoomalu ana o kona uhane ame ke kiai ana i ke aupuni ana i hoohui ai me ka holopono Ahiki mai i ka manawa i noho moi ai o Kamehameha III o ka uhane o Kamehameha ka Nui, e hana ana iloko o ka poe a Kamehameha III i hookiekie ae ai, ka i kiai a i alakai i ka lahui uuku."

 

            Malalo o ka Mrs. Chas. L. Hall ame ka Mrs. K. L Andrews alakai ana na himeni.

            Ma ia po iho he aha hulahula nui ka i haawiia maloko o ka halekoa e hoomaka ana ma ka hora 8

 

KA AHAHUI EUANELIO PAEAINA O KA HOOMANA NAAUAO O HAWAII.

            E noho ana ka Ahahui Euanelio Paeaina o ka Hoomana Naauao o Hawaii, ma ka Luakini o ka Ekalesia o Kealaula o ka Malamalama, ma Koula, Honolulu, elike me ia ma ka pauku 4 o kona kumukanawai, a e hoomaka ana kona malama ana i na hana penei:

 

            Sabati Iulai 23, 1922: --- E malama ana ka Ahahui i ke Anaina Haipule Hoomaikai i ke Akua, ma o kona mau kahu la, i ke ao ame ka po, ame ka Ahaaina Berena a ka Haku, ma ke anaina o ka ao.

           

            Poakahi ahiki i ka Poaono Iulai 24,-29, 1922; noho ka Ahahui no kona halawai hana ame na hana e ae o ua Aahui la.

 

            Sabati, Iulai 30, 1922; malama ka ahahui i kona mau hana Hoike Kula Sabati ma ke ao, ame ka Ahahui o na Opio ma ka po.

 

            Poakahi, Iulai 31, 1922; e malama ana ka ahahui i ke anaina hoomanao i ke Akua no ke kanakolukumamalima (35) o na makahiki o ke ku ana o ka Luakini o ka Ekalesia o Kealaula o ka Malamalama.

 

            Nolaila ke hoikeia aku nei na Ekalesia apau o ka Hoomana Nauao o Hawaii, mai ka Mokupuni o Hawaii, ahiki aku i ka Mokupuni o Kauai, no lakou na kuleana i hoikeia ae nei maluna, i hiki ia oukou ke hoouna mai i na lala apau i Rauohaia ma ka pauku 3, o ke Kumukanawai o ka Ahahui, e haawi ana i manawa kupono no ka hoomakaukau ana, a no ka hooko ana i ka manao o ke kanawai o ka Ahahui ame ka makemake o ka Ahhui Euanelio Paeaina, a e loaa pu ana hoi i manawa no ka hoomaopopo ana i na haawina, no @ malama ana i ke ola o na lala o @ Aha.

 

            Ma ke kauoha a ka Presiden@ W. S. J. O Makekau.

                                                            R. L. KEKUEWA,

                                                                        Kakauolelo,

            Iune 13, 1922.

 

He Mau Kamailio Pokole me na Kanaka o Honolulu

 

            He mau kaukani o na palapala hoapono no ka B. B. C. mai na wahi mai apau o ke ao, aka he oi ae ka pono e hoike aku ia oukou i na inoa ame na manao hoakaka a na kanaka koikoi e noho nei maanei, he poe a oukou i ike a i halawai ai i kela ame keia la, i loaa ole ai he kanalua no ko lakou maikai ana ame ka oiaio o ka hoolana.

 

            Mrs. J. Warboye, Beach Walk, Waikiki, penei kana -- Ma ko'u manao o ka B. B. C. kekahi o na laau maikai loa no ka epu ame ke aalolo.

 

            Capt. H. Blanchard, 1038 alanui Alapai -- No kekahi mau makahiki ko'u hoopilikiaia ana me ka ma'i piha makani o ka opu -- i nei manawa ua kaawale ia ma'i mai ia'u aku.

 

            Mrs. J. Oliveira, Alanui Moi, kokoke i ka hale hoolulu kaaahi -- He laau maikai loa ka B.B.C. no ka nawaliwali inahope o ka loaa ana i ka flu.

 

            Mr. J. Borger, 1749 A, alanui Self-- He laau maikai ka B.B.C. no ka opu ame ke akepaa-- e hooulu ae ana ia ia oe.

 

            Mr. John Daly, Mokuahi Matsonia -- Na ka B.B.C. i hoi hoi hou mai i ke ola waikai ia'u, ka uawaliwali o na aa ame ka opu.

 

            Mr. Manuel De Mello, Kona, Hawaii -- He laau hoola kiekie ka B.B.C no ka ma'i o ka opu ame ka nawaliwali mai o na mea paahana o ke kino.

 

            Mr. Chas. S. Wakita, 1912 alanui Luso -- Ma ke ano he laau hooikaika i ka opu ame na mea paahana o ke kino aohe lua elike ai me ka B. B. C.

 

            Mr. W. L. Thoene, Hokele Blaisdell -- Ua pololei loa ke kapaia ana o ka B. B. C he laau Hooulu Kino i huiia. Ua hanaia ia hana me ka oiaio loa.

 

            Mrs. O R. Lover, Alanui Allen -- Ua kokua ka B.B. C i ka mea ma'i i ka manawa e nele ai ke ola i na laau e ae -- ka ma'i iloko o ka opu ame na mea paahana apau o ke kino.

 

            Mrs. Mark Ned, 1220 College Walk -- He laau maikai loa ka B. B. C no ka hooikaika ana ae i na mea paahana apau oloko o ke kino.

 

            Mr. J. K. Nakila, 631 Alanui halekauwila -- He laau maikai loa ka B. B. C no na ano ma'i iloko o ka opu.

 

            Mr. W. Legros, Alanui Gaaette -- Ke hooia aku nei au he laau maikai ka B. B. C no ka opu, na aalolo ame ka nawaliwali mai o na mea paahana apau o ke kino.

 

            Mr. David Kakalia, 71 Alanui Beretania -- He laau homaemae koko maikai oa ka B. B. C ahe laau hooikaika i na mea paahana o ke kino -- he laau maikai pu no ka rumatika.

 

            Mr. A. R Bindt, 3238 Alanui Mosarratt -- He laau maikai ka B. B. C. no ka opu ame ke akepaa.

 

            Mr. Samuel Toomey, 1545 Alanui Kamehameha IV -- O ka laau kunu B. B. C he maikai ia no ka eha o ka puu ame ke kileo.

 

            Mr. A. Williams, 934 Alanui Ekahi, Kaimuki -- He laau hoola kamahao loa ka B. B. C no ka ma'i o ka opu ame ka hooikaika pu i ka nawaliwali o na mea paahana o ke kino.

 

            Mr. Samuel Kind, Alanui Monsarratt, -- O ka B. B. C ka laau maikai loa no ka nawaliwali o na mea paahana o ke kino.

 

            Mr. Esmael Sebilla, Halekuai Bosetona -- O ka B.B.C no ka ma'i o ka opu, ke akepaa ame na aalolo, aohe lua elike ai.

 

Mr. K. Higasl, Makeke Kuai i'a -- He laau maikai loa o ka B.B. C no ka puupaa ame ka rumatika.

 

Mr. Ah Tung, Mahiko o Ewa, -- No na makahiki lehulehu ko'u loohia ana i ka ma'i, nawaliwali mai na mea paahana o ke kino, a e ole ka B. B. C. hoihoi hou ia mai ke ola maikai ia'u.

 

MR BEN BRUNS.

            Loea hoolaha ka mea iaia ka hoolaha ana i ka B. B. C., a hoikeike maloko o Honolulu

 

Mr. Chas. akana, Liliha ame moi -- o ka B. B. C ka laau maikai loa ma ke ao no na ano ma'i hoonawaliwali apau o ke kino.

 

Mr. Peter Pascal, 1103 Alanui Kama -- No kekahi manawa loihi ka hoomailo ana a ka ma'i ia'u a e ole ka laau B. B. C. loaa hou ke ola ia'u.

 

O ka B. B. C. (he Laau Hooulu Kino i Hulia), he laau hooulu a hooikaika ia i ke kino. E hookono ana ia iloko o ke kino i ke ola maikai i ke ka ikaika me ka hao, a e loaa hou ai hoi ka ikaika o ka wa opio, e hooulu ae ana ia i ka ikaika o ke kino a oi aku mamua o ka ikaika o ka ma'i maloko a mawaho o ke kino. Ina e ikaika ke kino a like me ko ka manawa ma'i ole, a hoohanaia na mea paahana o ke kino me ke kupono a hana na mea paahana apau o ke kino me ka holopono, aole e loaa ana i ka ma'i. O ia ka hana a ka laau B. B. C he hooulu ae i kou kino, hoonui aku i ka ikaika mamua o na ma'i e ili wale mai ana, a ma la ano e hookaawale loa ia aku ana na ano ma'i mai ke kino aku, o ka hua maikai e loaa ana o ia ka loaa o ke ola maikai, o ia ke kumu o ke auhee ana aku o ka ma'i hoonaluea opu, ka wali ole o ka ai iloko o ka opu, ke kapalili o ka houpo, ka rumatika, ke koko ino, ka eha o ke poo, ka nawaliwali o na aalolo ka hia-a, ahiki ole e loaa ka hiamoe, ka haoa, ka ma'i o ke akepaa, ka lepopaa, ka ma'i ma ka puupaa ame ka puumimi, no ka hoomauia o ka inu ana i ka laau B. B. C., in a he ma'i ia i hoomailo no ka manawa loihi, elike me ia i hooiaioia mai  ma na olelo hoapono a na kanaka koikoi lehulehu oloko nei o Hawaii, ka poe i hoao a i hoike mai i ka oiaio no ko lakou oia ana. Ua kualia ka B. B. C. e ka poe kuai laau apau a ma na halekuai o na mahiko. Kumukuai $1.00

 

O ka B. B. C he laau wai ia i hanaia iloko o ka omole a i oi loa ku ka maikai mamua o na huaaie i hoomakaukauia, na huaale i pau ikaika a e lepo mau ana no hoi i ka mili ia.

 

BENSON, SMITH & COMPANY, LTD.

Alanui Papa âme Hokele, Honolulu ka poe kuai laau no ka manawa.

O ka Laau Kunu B. B. C. no kela kunu mahope o ka loaa ana i ka Flu e hoopau ae ana ia i ka hoho o ka puu, -- Ke Kunu Kalea -- Ka Hano -- ka eha o ka Puu, -- ka Ha o ka leo ame na ma'i iloko o ke kania-i.

           

NEW PALAMA THEATER

Sabati Iune 18. -- Dorthy Dalton, Mildred Harris and Theodore Koaloff in the  Cecil B. De Mille super-special "Fool's Paradise" ; one reel of comedy.

 

Poakahi, Iune 19. -- Frank Mayo in "Doctor Jim"; two reels of Western, "Old Dynamite"; one reel of comedy.

 

Poalua, Iuna 20. -- Viola Dana in "The Math Breaker;" Eddie Polo in Chapter 16 of "King of the Circus"; one reel of comedy. Polo in Chapter 16 of "King of the Circus"; one reel of comedy.

 

Poaha, Iune 22. -- Clara Kimball Young in "What No Man Knows"; Chapter 9 of "Fantamas."

 

Poalima, Iuna 23. -- Jack Pickford in "The Man Who Had Everything"; Harry Sweet in "A Week Off"; Mutt and Jeff, animated Cartoons.

 

Poaono, Iune 24. -- George Walsh in "Number 17;" Art Acord in Chapter 10 of  "The White Horseman"; two reel of comedy.

Hoikeike ao: 5, 10, 20 Keneka; Po. 10, 15, 20, 30 Keneka.

 

LIBERTY THEATER

Sabati Iune 18. -- Ethel Clayton in "Her Own Money"; Century Comedy, "Tin Cans"; Pathe News Weekly.

 

Poakahi, Iune 19. -- Poalua, Poakolu, Hoikeike ao wale no, "Her Own Money", "Tins Cans". and Pathe News; aiahi, Ekolu Po ma Hawaii" e haawila ana e ka Ahahui Lunalilo 6600, A.O.F., ame kona mau ahahui lala.

 

Poaha, Iune 22. -- Poalima, Poaono Clara Kimball Young in "Charge It"; Sunshine comedy, "False Alarm"; Pothe News Weekly.

 

Ukukomo: 25, 40 Keneka; Noho i hookaawaleia, 60c.

 

EMPIRE THEATER

Sabati, Iune 18, Poakahi -- "The Branding Iron," all star cast;

Buster Keaton in "Convict 13"; Fox News Weekly

Poakolu, Iune 21, Poaha, Poalima Poaono-- William Russel in "Colorado Pluck"; Art Acord in Chapter 12 of "The White Horseman;" Fox News Weekly.

 

Ukukomo: 15, 25, 40 Keneka; Ukuia ka auhau kaua.

 

STRAND THEATER

 

Sabati, Iune 18, âme Poakahi -- Richardson Brothers and Cherie in vaudeville; Prevost in "A Parisian Scandal;" two reels of Western. "The Brand of Courage;" International News Weekly.

Poalua, Iune 20, âme Poakolu -- Richardson Brother and Cherie in vaudeville; Wanda Hawley in "The Love Charm"; Silson Sadgwick in Chapter 12 of "The Diamond Queen;"

International News Weekly.

Poaha Iune 22, Poalima Poaono -- Alice Lake in "The in the Wall;"

Chapter 12 @@@@@@@@ Mutt and Jeff animated cartoons.

Ukumoko: 15, 25, 40, Keneka; @@@@@@@@@ kaua.

 

HE IKAIKA NUI ILOKO O KELA AME KEIA KULU

O ka "RED CROWN" ka mea hoo ko aku ike kauoha a ka Enekinia o@@ no ke kahi aila kaa moto e hoohikiwaw@ koke ana i ka puka o ka mahu me k@ kailike maloko o ke carburetor, a pahu holookoa ae maloko o ka ipu mahu O kela ame keia kulu he 100% ka ikaika@

Hoopiha i kai ipu aila me ka "Red Crown," aole me kekahi ano e ae, ma ia ano aohe mea hoopilikia mai ka o@ me na hooponopono ana me ke carburetor. E loaa koke ana ia oe ka hiki wawe o ka holo ana, e loaa ana ia o@ na mile oi aku o ka maikai, me ka hauoli o ka holo ana ma kau moto.

E hoopiha ma kahi e kau ka hoailona Red Crown -- ma na halekuai aila, ma na halehana kaa, a i ole ma kahi o kekahi poe kuai aila e ae.

Board of Lubrication Engineers

(STANDARD OIL COMPANY)

(California)

Ka Gasolene Kaulana