Ka Nupepa Kuokoa, Volume LIX, Number 11, 18 March 1921 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

Na m@ahou o ka hoike kula @@@@@@ o na koolau i mala maia na Kahuku, Feb. 27, '21.

            Mr. Sol. Hanohano: Aloha nui oe:- @@@ he kolama kaawale ko ke K@okoa, e oluolu mai i keia wahi puolo a ke Koolau.

            Ma ka  born 18 a.m., Feb. 27, i ikeia ai @e anaina kanaka nui ma Kahuku nei, aole mai kinohi mai, mai kela me keia pe'a mai o ke Kalana o Oahu, Mani, ame Hawaii, ua lawelaweia na hana e ke Kahu Kula Sabati Nui, Jas. H. S. Kaleo: eia na hoakaka ana:

            Na kela Sabati i hiki mai- Kaneohe, Waik@@@, Hauula, Waialua, Waianae, Kewaiahao, Maluhia, Pohaialoha, Kalihi ame Moanaina, K. S. ohana o D. Kalapa, K.S. kuikawa mai Waialua mai; K.S o Kaumakapili, hoouna mai i kana kokua o @@; K.S o Ewa, hooonamai i kana kokua o $20; ohana o FUller, o Koolaupoko, kokua o $3; Mrs. S. K. Kamaiopili, kana kokua aloha he $5.

            O keia mau K.S. apau i hiki kino mai ma hoike mai lakou i na haawina ame na mele i hoomakaukauia i ku no hoi i ka nani ame ka hauoli no hoi, aka, aole i pau ilaila, o na kokua ma ke d@@@, he like ole ka haawi a na K.S., eia na@ i ka hoohuiia ana ae ma ke kaapalala i hoihoiia ai.

            Eia hou keia nani- iwaena o keia mau K.S. i hiki ae, aia pu he mau papa ohana kekahi, e haawi ana i na kokua me ka manao hoomanawanui, he ku no hoi i ka nani na himeni, na haawina ma na pokii a na makua, ke manao nei kou meakakau, aole he mea i @oi me ka @ele i ka hauoli.

            No ke K.S. o Kaneohe, mahiehie, haaheo no hoi i ka pehiia e ka ua Po@@@@@@: nou hoi e ke K.S. o Waikane ma e paaia mai ana na kuluwai a Ka@@, e mele ana na Koolau i ka wai; ua manao ka mea kakau aohe hoohalahala ana a ka lehulehu ia oe.

            No ke K.S o Hauula, o ia ka helu @@@hi ma ka hoomaha liilii, o ia @ae ke aheahe malie; hoomau aku i ka naau haahaa, lawe i ka manao paipai o ke @@@@@oa Kiwini, o ia hoi, mai hookelaela ka haipule iaia iho!

            No ke K.S o Waialua, aole hiki ke @@@leia kounani, kou'ahonui, kau ko ana: o ke K.S. o Waialua ka oi ma na ohana ame na kokua.

            Nou e Waianae, ua ola au i ko ualihi kaua wiwoole, he poupou, pahaahaa. Aka, i mea e ike pono ai i ke K.S. o' Waianae. o ka la 13 o Maraki iho, o hiki ae ma Waianae. Ina e loaa na hooponopono ka i ke aloha e hiki aua o Kahuku ma Waianae.

            Nou e ke K.S o Pearl City, ua loaa pono mai kau kokua; hoomaikai i na p@@hana a ke Akua; he uuku na lau mahele moloo, kme ke aloha pu, mamua o ka pipi momona i piha me ka liuhu.

            Kau kokua e ke K.S. o Kaumakapili, ua loaa pono mai. Hoomaikai nui aku i kau kokua, a na Kona aloha e hoopiha mau mai i kou waihona.

Ke K.S o Kawaiahao, ha'oha'o ka lehulehu ia oe, na kumu, ulumahiehie nohenohea, kilakila ke alakai, o na haawina pili pono, na leop mele, o ia name a na anela; hoomaikai nui ia Kawaiahao.

K.S. o Maluhia, nani maoli no ka Canoe o Koloa, ua hoala hou ia mai na uhane i hiamoe, ua kaakaa hou na mak@po, na lohe na kuli, ua ola na oopa, a ua hoolaia na lepera; kilakila ke kulaua o na haumana: makalapua ha helehele@@, o ke alakai, aohe lua elike ai, na lohe ka poe apau i ka haawina a keia papa. Heaha ka pomaikai e loaa i na lipine ke lilo keia ao iaia, a lilo aku kona uhane?

            Ke ike ae la e na haipule hookamani, mai na kahunapule hookelakela a na houhanau hoopilimeaai, heaha ka pono e hookohukohu me ke kulana haipule, ame ke aloha hoomeamea, aia nae ka @@@@ i na waiwai o keia ao, aohe wahiiloko o ke aupuni o ka lani nou.

Ke K.S. o Pohaialoha. e lawe aku i na hoomaikai a ke K.S. o Kahuku, no k@@ mau kokua i kulike me ka huina o na haumana he @@ a ka Haku, i kakooia mai hoi kau mau kokua e ke K.S. o Waianae ma ia huahelu hookahi.

Papa K.S. kuikawa mai Waialua mai na keia papa i hoike mai i na haawina kuliu o ka Palapala Hemolele, na himeni i hakuia mailoko mai o ka Halelu mo@@ I, hoomaka ma ka pauku l. ku maoli i ka nani. Owau wale no pa@@ ka mea i hoopaanaau i keia himeni Eia ke mele ana: Pomaikai wale hoi ke kanaka, I hele ole ma ke a'o a ka aia, i ku ole hoi ma ka aoao hewa, noho ole hoi maka noho haakei. Ua hewa i'o au, e kala mai oe, Hoola mai ia'u, ma ka inoa o ka Makua, Keiki ka Uhane Hemolele.

O na haumana o keia papa. he mau kulana opiopio hiehie na kulana, i ka nana aku a kou meakakau, o lakou iho la mo na opuupua rose o ka ehukai o Puaena. Mahalo nui!

            E kuu Mr. Hanohano maikai, ua hiki mai la i kahi a'u e hoike aku ai mo ke K.S. o Kalihi me Moanalua, in a he mau makana ko ia la, in a ua hooikaika au e haawi i ke K.S. o Kalihi me Moanalua aole ma ke ano he kaikoeke ke Kahu W.K. Poai no me nei, aole; aka, ma keia mau kumu kupono loa:

            @- ka hele ana mai ma ke alahele loa o 50 mile a oi, iloko o eha hora ma @@ @@@ kalaka; 2, ka lakou may haawina, ua kula mua ia a paanaau; 3, na

-----------------------------------------------------------------------------------------------------------------------------------------------

himeni, kaihalulu i ke alo o Kauwiki, nakolokolo ka paeopua; 4, maemae i ke kai ka pua o ka hala, i ka helehelena o na lele ame na keonimana; 5, hookaihi haumana he hoa no ko kakou hale kaukanawai, ka Rev. Kaumeheiwa; haaheo oe e Kalohi; 6, ke kulana ame ke kii ana o ka pana huamele a ke alakai himeni: hele malie me ka naau haahaa, o na leo mele e meleia aku ana aole ia no na kanaka, aka, ka leo ia na anela; 7, in a he haahaa iho kaupoku o kela hall, in a aole pau pouo ka loa o kona kino, ke alakai himeni, he mauiniha wale no koe o ke kani no ia @ ka puniu me ke kua oluna; 8, o ke kulana haahaa o na haumana, oi loa aku hoi ke kulana minoaka o ke kapena @ nowelo ana.

Ke ike ae la e na K. K. S. i kela kulana maikai, alualu aku me ka hooma nawanui i ke kulana o Sam Kauka eleu, oluolu, haahaa, minoaka, aloha, hauoli loa hoi in a o kakou no hoi apau!

O ke kulana o ka Makua Uhane o ke K.S o Kalihi ame Moanalua, aole lua elike ai; haahaa, oluolu, minoaka i @@ manawa apau au e hui aku ai me ia manao hookelakela ole, e hoopau mana wa wale ai no, ame na ano maikai e ae he nui, ma keia mau kumu, pela au manao ai, ua lilo ia oe ka helu ekahi.

E Mr. Lunahooponopono, o keia a@ la na @eahou e pili ana i ka hoike KS. i malamaia ma Kahuku. O na ma nao paipai pokolo mai ia A. Adams mai, ame ke Kahu o Hawili, Rev. S. L. De @ha, o ka mauao nui o kana olelo paipai, o ia hoi, mai hokelakela ke kana ka iaia iho, aka, e hoohaahaa e aloha oia ka ka jhaipule hana, ame kekahi mau olelo waiwai e ae.

            Eia ka huina ui o na K.S. i hiki mai, 8: papa kuikawa, l; make komite, 2; K.S. i hoouna mai i na kokua, 1: na @haua i hoouna mai i na kokua, 2; h@ na nui o na haumana ma ka helu pa kahi ia ana, i hoike mai i ka lakou mau haawina, 229; huina nui o na @ala i uluia, $630; koena o na meaai i kuai a, loaa mawaho, $50; huina loaa, $680.

Ke homaikai nui aku nei ke K.S. o Kahuku i na K.S. apau i hiki kino uai e komo pu i na hana hoike K.S.

Owau no me ka haahaa,

            W.H THORNTON.

Kakauolelo K.S. o Kahuku.

Kahuku, Feb 27, 1921.

----------------------------------------------------

KA HALEPULE O KAWAIAHAO

AME KA HON. J. W. KALUA

-------------------------

Kuu Solomon Hanohano, aloha no kaua:- E oluolu mai oe, in a he mea hiki, ma ka la Sabati, la 6 iho nei o keia mahina, o ka hora 10:45, i hiki aku ai kou kiu i ke kahua i hoikeia ae la, a hui iho la me kuu mea hanohano i kaulana, a e o nei ahiki i keia hanauna hou, ke ahi o Wailuku, ke paniwai o Iao; a lululima pumehana iho a me ia me ka pumehana, a i a maua i kela manawa ma ke kahua mamua o ka puka e komo aku ai iloko o ka hale pule, oiai he nui ka manawa i koe @iai ko maua mau maka e nana ana i ka na@ io ia kakahiaka, haupu ae la ke kiu nei i kela au i kaahope aku, a mea aku la au i ua mea hanohano nei:

            I kou lawe ana mai i keia manawa e waiho mai nei o ka aina, ame kela au @u no e kuu mea hanohano e poina ole nei, ia Honuakaha, ame ka hale heihei waapa o ka moi aloha, a olua no hoi e hele like ana ma neia mau alanui i poina ole i kau hoomanao ana iho; ae, @ kuu Mokumaia, he mea pololei kau i oleleo mai la, ma ka'u nana aku i kau mea i olelo mai nei, haku'i mai la ko'u puuwai, oiai ua pili aloha ia me ka moi, a he nui aku o ia mau makamaka maikai i hoi aku ma o, o ia ka'u i uhu iho la, oiai na la e huikau ana i ka uluwehi o ke kulanakauhalealii ia mau la, ua nalo aku ia mau hiohiona.

Mea mai la oia ia'u, he kupanaha maoli keia lapule, i hele mai nei hai au i ka pule i Kaumakapili, o ka mea au i ka pule i Kaumakapili, o ka mea apiki, eia ka e hui ana kaua i nei nei, o ka'u ia e nana aku nei, aohe piha @loko, aia ke pii mai la na malihini haole a mea aku la au ua pau kekahi i na hana. Kula Sabati o Kahuku pela oe i ike mai nei i kau halepule i makemake ai e hele i ka piha ole.

Oiaia nae maua e nana ana i na makamaka haole, ua nui maoli no ke ake e loh@ i ka haiolelo o kela kaikamahine Dene@naka e kaapuni nei i ka honnua; nolaila komo like aku la maua a noho iho la iloko o ka pahu i hookaawaleia no na makahanohano ua piha maoli ka haleule i na malihini ame na kamaaina, a puka mai la ke Kahu Akaiko Akana ame ka papaluna ame kela kaikamahine opio @ne kona lole kaahele kaki, oiai ke kahu e hoike mai ana i na hana maamau a hoolauna mai la oia i ka mea haiolelo, o ia no ka le@e opio ame kona ano i hele mai ai mai kona aupuni mai, me ka nui no o na kuia, na mea ana i kamailio mai ai, he ano pahemahema no ma ka olelo Beritania, oiai ua noi mua mai oia e kalaia aku oia ma ia mau hemahema.

O kekahi hana ana, he mea hoolaha nupepa ame haku moolelo, i mea e pa'i buke  ia ai ma kona aupuni; he nui aka na mea ana i hoike mai ai, he uuku kahi kino, aia nae maluna on a ke koa ame ka maka'u ole, oiai iluna oia o kekahi mau kahua kaua, a mai ke kahu mai e hoohalike ana oia elike me kana huaka'i i hele aku nei, ua like pu no elike me ka mea a ke kaikamahine opio i olelo iho nei, he nui na kuia mak ke kahi o na kulanakauhale nui o ke ao

-------------------------------------------------------------------------------------------------------------------------------------------------

nei eliche me Nu Ioka, in a no e kau  mai ia le@e, a ua piha ke kaa, e ku no oia iluna, in a he elima mile ana e holo ai, o kekahi aole he loaa he man hoa nou e kamailio,ai iluna o ke kaaahi, ua nui maoli ka pilikia aka ma kekahi mahele, ua hoonaauaoia mai oe, o ia hoi, e malama pono loa oe ia oe iho, a hoopili ae la ke kahu i kona manao kakoo i ka hana a ka le@e opio no kona hoomanawanui i keia mau inea no ka pono o kona lahui ame kona aupuni, ame ka poo o kela hui pa'i nupepa.

Ua nui maoli na mea maikai a hookuu ke anaina haipule me ka maikai, a hoi mai la au ame kuu mea hanohano maluna o kuu mokukaa, oiai maua e holo mai ana ma ke alanui Moi, mea aku la au iaia, ma kou naua aku i keia mau kihi ua poina maoli ka inoa; ae ua pololei oe.

Aia no hoi la o Kanekina, holo lio la@@ me ka ulua; Haaliliamanu houi kana, keia alanui o Aala, au no hoi e hele mai ai i kahi a ia mau hoahanau i hala aku, a i kaulana Home Bayview, o ka lokowai nohoi e lana ana e au oe a pau ke aho, hu ae la ka aka o ua mea hanohano nei, a honi ana me Kapalama, kali aku au o ka hiki mai, kula o Kaiwiula kikiipau, nana aku oe i na kae'ae'a nei o Malu i ke ao, ke ahi o Wailuku, pe pani wai o @ao, he haalo'ulo'u hoi ia la o ka aka, o ke ku no a ke kanaka u'i, he minoaka mau ke hui aku me ia ame ka'u olelo hoomakeaka, aole no i piha kou kiaha, mau no ke konekonea ou e kuu mea hanohano, a kapalulu ana ka ihu @ ua mokukaa nei o maua ma ka home o kona mau kamaaina, Mr. and Mrs. Anahu, me ke aloha lululima.

Me oe e ke kapena opio ko'u welina @au ole, kou a mau.

J.K. MOKUMAI.

-------------------------------------------------

O IA MAU NO KA KOHIKELEKELE O KA UANOE

-----------------

Hoea hou mai la na u@okulele ma @o'u halekukui nei i kela pule aku la, @ kau hoola'i iho la maluna pono, no ka haawi ana iho i ke aloha i ka have Au@erika, oiai ia e pulelo haaheo ana i ka makaui ua la apau.

O na moku aeko helu 8, 6 ame ka helu @0 ka i ukali pu mai i ka huakai @ na mokulele, no ka mokupuni o Kauai nei, a hala loa aku no Niihau, e makaikai ai: o na mokulele no hoi maluna, na moku aeko no hoi malalo, he ku @o hoi i ka naui ke nana aku, a huli hoi aku la lakou apau loa, no ko lakou wahi hoolulu ma Puuloa.

He mau kakahiaka nui hu'ihu'i ino oa keia o Koloa nei, ke hele la ke anu a komo iloko o kahila o kuu kamaa, ekolu huluhulu, o ia mau no ke anu, e ole no kahi kiheipili loaa ka mahana.

Hele makaikai hou aku la i ka halekukkui o Nawiliwili, me ka'u aliiwahine, no ma mea, aole oia i ike mua i keia wahi, a hooku'i ae la na pou ihu, o na kaikamahine o ka halekukui i kahi hookai, a pela no hoi me @alala ma, hoomaha iki iho la no hoi a kuu ka luhi, o ia kula loa o ka au ana aku.

Hoomakaukau mai la nno hoi kainaaina, i na mea e oluolu ai ma ke kino, o ia iho keia mau ono: Puaa oma ua lawaluia, pipi stew, na pulehu  i'a, na i'a maka no hoi me ka limu, me kela poi uouo kaohi puu no hoi, kope no hoi, palaoa, meaono, a pela wale aku.

Ai iho la no hoi i kka lokoomaikai o @alala ana, a nui nepunepu, me ka hoohalahala ole, ua ku palaka o Keoni Bulu, a hoonanea hou iho la no ka mmanawa, a i ke kani ana ae o ka hora 3, ua haalele aku la maua, no Makahuena ka pahu hopua.

No laila, ke haawi aku nei maua i na hoomaikai nui palena oole, ia olua e Mr.  ame Mrs. Oliver K. Kua no ka hookipa ana aku ia maua me ka maikai, a pela pu no hoi me na mea e oluolu ai ma ke kino, na ka Haku e kiaia ia kakoua me ka maikai a hui hou aku no iloko o ke apo o ke aloha.

Halawai mai la me kahileta mai kuu hoaloha maikai mai, Mr. Sam A. Amalu , o ka halekukui nani o Kilauea, puiwa hikilele ae la au oiaia he makahiki me ka hapa ko'u kaawale ana mai iaia mai, akahi no a loaa wahi leta mai.

wehe ino ae nei a nana iho la, o ke ake no e ike i kahi meahou, e hoonionila ai ka puuwai, he mea oiaio, ua ike iho la au ua lawe haaheo ae la ke kiki o ka halekukui nani o kilauea, i ka hoku, ame ka have o ia hoi ka penant o ka oihana kukui,no keia makahiki e nee nei.

wela ka hao puehu liilii ka lehu o kapuahi, pau elua i ka haukeke i ke keiki o ka halekukui o Kilauea, ke kiina iho la no ia o ka laki, ke hele la a ku i ka piko, o hoomanao ae la i keia wahi kanaenae:

Aohe no kau he hjana e Amalu, h

 

He iniinisis wela maoli no;

Ke kiina iho la no ia o ka pono,

Ke hele la a ku i kaii.

No mR. sam a. amalu, oi kekahi kanaka kahiko loa, iloko o ka oihana kukui, he 18 makahi a oi, a nana i a'o aku kekahi poe ma keia oihana e noho nei i keia manawa, he kae'ae'a, a hiapaiole makeia hana.

Na ka haku e kiai, malama ia ka kou, a hui hou aku no i ka wa pono, me ke aloha a nui.

Me ka Lunahooponono ko'u makalo nui, ame na keiki oniuhua kekpau o kou papapa'i ko'u adiue.

Owau mau no,

PETER KAMANO SR.

Makahuena Light Station.

------------------------------------------------------------------------------------------------------------------------------

KO MAKOU MAKUA ALOHA

MR. W. J. SHELDON UA HALA

------------------------------

E oluolu mai e kuu solomon, e hookomo iho i ka makou puolo waimaka o ke aloha ma kahi kaawale o ka kaua hiwahiwa.

Me ka puiwa hikilele ia ike anaiho maloko o ka nupepa, ua haalele mai ka makou mea aloha i ko makou kaikuaana e noho iho mahope nei me ka luuluu ame ke kaumaha. E kuu kaikuaana aloha, aole oe e ike hou i ka makua o kakou, a pela pu hoi me makou ka ohana; mka makua lokomaikai, he makua heahea, he iike, he ike ia makou ka ohana, a i ka poe kiekie ahiki i ka poe haahaa; aole maua e poina i kau mau hana maikai apau ia maua, a pela pu i ka maua mau keiki. He meanui hoi makou ia olua. E kuu kaikuaana aloha, eia ka e noho hookahi mai ana oe i ka aina malihini.

E kiponaiki e, ua pau ka hehi hou ana o ka makua o makou ma kou lepo; aka o na huaai a kona lima i kanu iho ai, a ulu, he kiahoomanao mau ia nona.

E ka waiulailiahi o Waimea, ua pau ko Sheldon auau hou ana ma kou kahawai, a o ka palewai i hanaia ma kou lihi kahawai, he kiahoomanao ia na ka lehulehu @ou. No kau mau hooikaika ana i ka ahaolelo i loaa ke palewai.

E ka auwai o Peekawai, ua pau ko Sheldon maalo hou ana ma kou lihi auwai. E ka lihikai o Waimea, ua pau ko oukou hoopulu hou ana i ka makou mea aloha, aole loa oia e hehi hou i ka aina ana i noho ai a kamaaina. E kuu kaikuaana aloha, ke komo aku nei maua me na keiki e auamo pu me oe i na kaumaha ame na luuluu no ka kakou mea aloha i hala aku la; aka he mea hiki ole ke paa mai, oiai o Kona makemake ke hana ia, oiai Nana no i haawi mai, a Nana no i lawe aku la. Aka, ke pule nei maua i ke Akua, Nana no e hookaawale ae i na kaumaha ame ka luuluu i kau iho maluna ou ame na moopuna, a Nana no e hoomama mai ia oe, a Nana no e kiai ia oe ame na moopuna, a pela pu ia kakou a pau, amene.

O maua kou mau pokii me na keiki,

MR. & MRS. K. ALAKAI, JR.

MR. & MRS. H. LYMAN.

----------------------------

HOOMUA NA HANA MISIONA

KAAHELE MA KA EKALESIA

O PAIA, MAUI.

----------------------

Solomon Hanohano, Aloha nui kaua: E oluolu kou ahonui e hookomo iho i na @@@ahou e nee nei i keia mau la ma kahi kaawale o kau Nupepa Kuokoa, o ia keia malalo nei penel:

Ma ka hoomaka ana o keia makahiki e nee nei, i wae ae ai ka Ekalesia o Paia i kekahi papahana hou, a kohoia na misiona kaahele like ole, no lakou na inoa malalo iho nei:

Papa misiona kaahele o ke kahu- Rev. Moses M. Kahiapo, James Kahaawinui, JDH kealoha, Mrs Annie Kahiapo.

Papa misiona kaahele o na lunakahiko-J Kukahiko, JL Faufata Jr., Ed M. Kepoo.

Papa misiona kaahele o ke Kula Sabati- Mrs Daisy Kalaaupa, Kealoha Kalaaupa, Jos A Kaholokula, Mrs Alice Kahoe, Mrs Mill.

Papa misiona kaahele o ka Ahahui C.E Sr- Mrs Kahaawinui, Mrs Rose Milikaa, Mrs. Imihia, Mrs Mileka Lanzee, Eddie Alu.

Papa misiona kaahele o ka Ahahui C E Jr- Mrs Lum Ho, Mrs Machado ame Quong Gee Lum Ho.

Ua waeia keia poe a ua hoolaa ia lakou apau no ka hana, a ko kakou Haku aloha Iesu Kristo, ke hoounaia nei keia mau misiona kaahele ma na wahi like ole, a ua ikeia ka holomua loa o na hana hoohuli uhane, na makua, na keiki i kela ame keia manawa.

Ua loaa mai ka hui mahiko mai o Paia he hookahi kaa kalaka no ka lawe ana mai i na keiki i ka halepule i kela ame keia Sabati, nona ka huina o na keiki ma kahi o kanaono ame kanahiku i kela ame keia Sabati; a eia na misiona apau ke hana nei me ka holopono loa o na mea apau.

O keia ae la na mea ano nui i hana ia.

O wau iho no me ka haahaa,

JNO. Kukahiko, Jr.

Kakauolelo Misiona Kaahele.

----------

KOEIA HE KIAIPO E KA LUINA

ME KA PAHI

---------------------

He luina hohono ka nouna o ka mokuahi Amerika Pelican ka i paa ae i ka hopuia ma ke kakahiaka Sabati nei mahope o kona koe ana me kana pahi pelu a moku ka helehelena o Lei Kahananui, he kanaka kiaipo ma ka Paka Aala, mahope o ko laua hakaka ana. No ko Kahananui moku ana i ka pahi i laweia ae ai oia no ka halema'i o na poino ulia no ke kamana ana mai o ia wahi on a i poino mauwale.

I kulike me ka hoakaka ma ka moolelo no keia kumu o ka loaa ana o ka ulia poino ia Kahananui ua komo mai ka luina, o Steven Budnik ka inoa, ma kahi a Kahananui e kiai ana, elike me ka hoakaka a na makai, a no ia ike ana o Kahananui i kela luina o ke komo ana mai me ke kuleana ole ua kipaku aku la ka oia i ka luina e hele ma kahi e, a no ka hoopaakiki loa mai o ka luina ua hahau okoa aku la ka o Kahananui iaia me kana pauku laau, o ia no nae ka manawa o ka luina o ka wehe ana ae i kana pahi a koe mai la ma ka helehelena o Kahananui, a moku ka helehelena mai kekahi aoao a ke kahi a hele mai ke kok@.

----------------------------------------------------------------------------------------------

KEENA O KA PUUKU, HONOLULU, OAHU.

Ma ka hana e hoopau ana i ka HaWAIIAN JEWELRY AND NOVELTY COMPANY, LIMITED.

OIAI, o ka HAWAIIAN JEWELRY & NOVELTY COMPANY, LMTED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawa.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi auo i loko o ka hui i oleloia, e pono e waiho mai i na ku e ana no ka aeia aku o ka palapala noi i oleloia ma loko o keia keena, mamua ae o ka hora 1`2 awakea o ka la 2 o Mei, 1921. a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

Delbert E. Metzger,

puuku, teritore o Hawaii.

Honolulu, Feberuari 18, 1921.

6440- Feb. 25; Mar 4, 11, 18, 26; Apr. 1, 8, 15, 22, 29.

-----------------------------------------------

HOOLAHA I KA POE PAA AIE.

-------------------

Ma keia ke haawi aku nei ka mea nona ka inoa malalo nei, he Kahu Waiwai i hookohu pono ia mai no ka poe paa aie ain@ ka poe paa kuleana o ka HAWAI COTTON COMAPNY, LTD. i ka hui i oleloia, e waiho mai i ka lakou mau koi iaia ma ke Alanui Moi Hema, Helu 711, a i ole ia S. Adachi, ma ke Alanui Moi Hema, Helu 33, Honolulu, T.H, maloko o na la he kanaiwa ma hope iho o ka hoopuka mua ia ana aku o keia hoolaha.

O nakoi apau i waiho ole ia mai elike meia e hoole mau ia aku no.

Manaia, Honolulu, T.H.,  Feberuari 24, 1921.

Michinei Nakamura, Kahu waiwai no ka poepaa kuleana ame ka poe paa aie o ka hawaii Cottom Company, Ltd.

6440- Feb 24, Mar 4, 11, 18, 23, 1921.

 

-----

Nupepa Kuokoa

No ma makahiki…….$2.00

No eono mahina…1.000

O na Dala âme na hoolaha apau o hoo@@a pololei mai i ka advertiser publishing company, ltd. wale no, P.O Box 208, Honolulu, T.H.217 Alanui Moi, ma ke keena o ka Nupepa Advertiser.

Entered at the Post office at Honolulu, T.H as Second Class Matter.

Charels s. crane Luna Nui