Ka Nupepa Kuokoa, Volume LIV, Number 30, 28 July 1916 — POHO WALE KA MANAOLANA NO KA LOAA O NA KOA. [ARTICLE]

POHO WALE KA MANAOLANA NO KA LOAA O NA KOA.

| O na manaolana apau no ka hoopakele ana mai i na ola o na koa elima i i nalowale ai a i haalele aku ai hoi 1 i ke awa ma Waialua maluna o ka waapa ma ke kakahiaka Poaono aku nei i hala no ka hoi mai no Puuloa, ua poho wale, a o na hooikaika ana e loaa ko lakou mau kino, a i ole kekahi moali ike 'paha e pili ana ia lakou, ua lilo i hana hua ole, mahope o ka hoi aua mai o na moku i hoounaia ai e huli me ka nele. Ma ke awakea o ka Poaha aku nei i hala ,i huli hoi mai ai na moku elua i hoounaia ai e huli me ka waiwai ole. 0 na koa i hoounaia ai maluna o na kaa motokaikala e hele e nana ma na knpakai, ua hoi mai ka lakou me ka loaa ole o kekahi ike e pili ana i na kino make, ina no ke kahuli nei o ka waapa a ikeia ae paha ko lakou mau kino iuka o na kapakai, a pela me ka waapa, he oki loa ka mea i ikeia o kekahi mau hiohiona o ia ano. Ma kekahi manao wale ia ua kahuli ka waapa a ua pau kela poe koa i ka make, a ua pau ko lakou mau kino i Ua amuia e na pihi manamana o ka moana, ina o ko lakou hopena iho la ia, o keia paha ke kumu o ka loaa ole ana o ko lakou mau kino, o ka mea Uilu nae, pehea hoi, i ike oleia ai ke-kahi-mea e pili ana i ka waapa ina ua iuka o ka aina o nnhaha? Ei nae, ma ka manao o ua aiiikoa me he mea la ua piholo no ka waapa mamuli o ke kaumaha o ka enekini niahu e kau ana iluna ona, a pela me na materia o ka hanaia ana o ia waapa. O ka manao i aneane e maopopo loa 1 keia manawa oia keia, ua piholo ka waapa i ka hohonu, ua poiia e ka nalu a piha i ke kai, a o na koa e kau ana iluna ona ua make pu me ka waapa, ua piholo loa ka waapa i ka hohonu, a o na kino o na koa ua pau i na mano. E hoomauia ana no ka ka paa o na inoa o kela poe koa maluna o ka papa inoa o na koa a hala na la hfc umi, a mahope akū o ia manawa, ina no ka maopopo ole loa o kekahi mea e pili ana no lakou, ia manawa e holoiia ai ko lakou mau inoa mai ka puali enekinia aku.