Ka Nupepa Kuokoa, Volume XLVI, Number 1, 1 January 1909 — HOOLEIA KA HELU HOU I NA BALOKA O KA MEIA [ARTICLE]

HOOLEIA KA HELU HOU I NA BALOKA O KA MEIA

Ma ka Poakahi nei i noho hou ai ka Aha Kiekie a hoolohe i ke noi kumu a na loio ma ka aoao o ka poe na lakou ka palapala hoōpii e noi ana i ka aha e helu houia na baloka o ka Meia o Hopolulu nei, e like me na mea i ikeia ma kela hoopii. Ua pau okoa ia kakahiaka i ka hoolohe . ana i na hoakaka kanawai a na loio o na aoao a elua, a ma ka Poalua nei i hoopuka lokahi mai ai ka Aha Kiekie ma o Lunakanawai Hartwell la, e hoole loa ana i ka helu hou ana i na baloka o na Meia. O ka ninau i lilo ai i mea paioia e na loio imua o ka Aha Kiekie ina paha o ka manao maoli o ke kanawai, o ia no ke koi ana mai i kanakolu poe kupono i ke koho baldka i hiki ai ke kakooia ka hoopii hoohalahala malalo o ke kanawai i loaa ka ike a lohe maopopo paha, no kekahi apakee i hanaia ina e hoikeia mai ana ma ka oleloike he mea ia e hooliloia ai ke koho baloka i mea ole. Mamua o ka wehe ana o ka Aha Kie kie, ua hoakaka mai ka Lunakanawai Hartwell, i ke kahua i ku ai ka hoopii no ka helu hou ana i na baloka o ka Meia, o ia hoi, ua*laweia mai ka hoopii ma ka inoa o poe ku-