Ka Nupepa Kuokoa, Volume XLIII, Number 50, 11 December 1908 — PAKELE KEKAHI KAUHALE I KE AHI. [ARTICLE]

PAKELE KEKAHI KAUHALE I KE AHI.

GETTYSBURG, Oct. 20—Mamuli 0 ka liana wiwoole a kekahi poe waliine o keia kauhale ma o ka wehe ana 1 ko lakou mau palekoki a haawi i na kanaka e kinai ana i ke ahi i pakele ai keia kauhale inai pau i ke ahi, oiai e holapu mai ana kona alelo ana ole me ka ikaika mai ka ululaau inai, i keia la. Mahope oko lakou kinai ana me ka ikaika a e aneane aku ana e pauaho ae na manaolana no ka pio, ua wehe koke ae Ia kela poe waliine i ko lakou mau palekoki a haawi akn la i na kanaka e kinai ana. Ua laweia mai he kakini pakeke wai a me ia mau mea lakou i kinai ai aohe nae he pio. Ua hiki ae malaila kekahi wahine mai ka hikina mai, he wahine oia e manao ana e oki aku i kana kano a i kona ike ana i kela pilikia, ua wehe koke oia i kona palekoki huluhuiu manoanoa a haawi aku la i na kanaka e hooikaika ana e kinai, a i ka ike ana mai o kekahi poe wahine e ae e kuku mai ana, ua wehe like ae la lakou i ko lakou mau palekoki a haawi aku la i na kanaka a me ia mau mea lakou i kinai ai a hiki i ka pio /Ina, ua hele nae a pau ke aho. Ua hpopakeleia kela kauhale, a o na hoomiaikai nui nae na haawiia aku i kela poe wahine koa i minamina ole i ko lakon mau lole, a mamuli o ia hana wiwoole a lakou i pakele ai na waiwai ame n.i ola maloko o kela kauhale, ina la paha ua lilo i puulehu.