Ka Nupepa Kuokoa, Volume XLII, Number 25, 21 June 1907 — HE ELUA MA KA HANERI PA-KENETA. [ARTICLE]

HE ELUA MA KA HANERI PA-KE-NETA.

Mr. Lunahooponopono o ke Kuokoa, aloha oe a nul loa: E oluolu oe e hookomo iho i ka'u mau hoakaka ana no na haina pololei o kuu nane i puka ai ma ka Nupepa Kuokoa o ka la 13 o Mei i hala, e holo ana e like me keia: Pua 1 ame 4. He kupaianaha au no ke ao, a he mea i ano'i ia e ka ike d ka maka. Pua 3, 4, 5, he kumuola no na mea hanu ola apau, malalo iho o ka la, a maluna hoi o ka ilihonua. Pua 9, 10, he lahuikanaka keia i ke au kahiko o Hawaii nei, - a i ike nui ia hoi ma ka Mokupuni o Mawaeulalanl | i ka iliaina o Maunahina, a o ka poliI lauae hoi o Makana, Pua 3, 4, 5, 6, 7, 8, he ino aina, aia la i ka moku « Keaolewa, a i ka ua loku hoi o Ha« nalei. A Awaiaulu ia na pua he 10 0 kuu lei, alaila o ka inoa no ia o kuu home aloha e walea nei. Ma ke kilo ana i na haina i hoopukaia ma na helu o ke Kuokoa o na la 24 ame 31 o Mei mahope iho o ka hookuku ana ua ike iho wau ua hahai loa ae no kekahi poe o lakou a loaa au I Waolani ma ka pololei ana o na haina i ha'iia, a o ka haina pololei o ua nane nei a'u oia no kekahi o na haina i kuailoia mai—"AUWAIOLIMU." Ua hoike pu ae no hoi au e haawl makana i ka mea o'u e loaa ae ana I Waolani, a o ka makana oia no ka uml pooleka o elua keneta ma ka waiwaift>, aka i kuu kanana ana ua ike au aole he hookahi mea i uhai ae a ioaa au ilaila, aka ua oi aku, nolaila, hooholo iho ia au e ka'ipuu like i ka makana iwaena o ka poe i loaa ka haina pololei me na wehewehe. A mahope o ka hoonohonoho ana i ka nui o ko lakou laeoo ua loaa iho Ia ia'u ko lakou mau anuu ma ke ana o ka nui o ko lakou mau pa-keneta, a e like me ke ano o na anuu kekele pela ka makana e puunaueia ai iwaena o lakou. Helu I—L. P. P. Kakelamaluikaleo, 100 pa-keneta, 4 pooleka. Helu I.—Wailohiomaleka, 100 pa-ke-neta, 4 pooleka. Heiu 2.—Puakukui o Lanikaula, 98 pa-keneta, 1 pooleka. Helu 3.—J. K. Homeala, 97 pa-keneta, 1 pooleka. Ma ko'u aoao, ke haawi aku nei au i na hoomaikai ame ka mahalo a nui loa i ka nui o ko oukou akamai ma ka huli mea pohihihi ke hele la e puehu liilii ka lehu o kapuahl, nolaila, e oluolu e kii ae i kahi hipuu iki ma ke Keena o ka Nupepa Kuokoa a na ka lunahooponopono ia e haawi aku, a i ole oe e hiki ke hele kino e kauoha ae no lala me ka hoike pu aku i ko oukou mau wahi e hoopue mai nW. Owau iho no me ka mahalo, KAUAKUKALAHALE. Auwaiolimu (kuu home aloha), Ho» nolulu, H. 1., lune 17, 1907. ♦