Ka Nupepa Kuokoa, Volume XLII, Number 23, 14 June 1907 — NA ANOAI O NUUANU. [ARTICLE]

NA ANOAI O NUUANU.

E Mr. lunahooponopono oke K uokoa, Oloha oe: —E oluolu mai i kau wahi kaawale o kou papa konane i kela mau wahi hua e kau ae la maluna. Ua hoohuiia e Aberahama Fernandez ma ka mare o Miss. Annie Akaka me D. Kaaipaha, ma ka home o ke kane ma Puunui. I ka pau ana o ia hana he wahi papaaina mama ka i paholaia mai no ka hanohano o na paa mare ma ke ahiahi Poaono, Iune 8, he maikai ka mare no na mea apau. Ua haalele mai i keia ola ana o J. Polokamu he mea ua kamaaina i na poe o ke kaona nei a ua haalele iho oia he wahine me na keiki he ewalu, he 70 a oi ka nui o kona mau makahiki a ua hoike mai ka Buke nui he mahu ke ola i pii ae a nalo iho. Kou oiaio, H. H. MAKIA.