Ka Nupepa Kuokoa, Volume XLIII, Number 21, 26 May 1905 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

                         

                                                     Kanawai Kalana o 1905 a me na Kanawai Pakui a Hoololi.

                                                                                   KANAWAI 39.

                                                                                   PE KANAWAI.

                                                                                       (Hoomauia.)

                                                                                       MOKUNA 20.

                                                       HOPE LUNAHELU AME LUNAOHI AUHAU.

   PAUKU 89. E loaa no i kela ame keia Hope Lunahelu ame Lunaohi Auhau maloko o kona apana pakahi, na mana e hookauia aku ai maluna ona ma ke kanawai e pili ana i ka aukau a ka Ahaolelo hoi o ka Teritori o Hawaii e hooholo ai mahope aku.

 

                                                                                      MOKUNA 21.

                                                                                      LOIO KALANA.

    PAUKU 90. O ka Loio Kalana oia ka mea lawelawe i na hoopii ma ka aoao o ka lehulehu ma ke Kalana kahi ona i kohoia ai, a oia a o kona Hope ke :

   1. Lawelawe ma na Aha Hookolokolo Kaapuni, iloko a no ke Kalana i oleloia, a e lawelawe ma ka aoao o ka lehulehu i na hoopii apau no na hana hewa kue i na kanawai o ka Teritori o Hawaii, ame na kanawai o ka Papa Lunakiai o ke Kalana.

   2. Ma kela ame keia hihia e loaa ai na hoololiia ana i kahi e hookolokoloia ai ma na hihia apau, a i ole hookolokolo ana paha i komo kuleanaia hoi e kekahi Kalana, ina no ia he hihia kivila a karaima paha, he hana na ka Loio Kalana o ke Kalana kahi hoi o ia hihia hewa i lawelaweia ai, a i ole ia, he kuleana ko ke Kalana no ia hana a hookolokolo paha e hiki aku ka Loio o ke Kalana a e hoopii a i ole ia pale ia hihia iloko o kela ame keia Kalana kahi i hoololi a hooneeia ai o ia hihia; o na lilo o ia hookolokolo ana e ukuia e ke Kalana kahi oia hihia i ala mai ai.

   3. E hoomaka i na hoopii, a i ole ia, e kauoha i ka Lunamakai a mau Hope paha e hana pela imua o na Lunakanawai Apana no ka hopu ana i ka poe i hoopiiia a i hoohuoi kumu kupono ia paha no ka hewa kue i ka lehulehu, i ka wa e loaa ai iaia he hoike ana ua hanaia kekahi o ia mau hewa; a no ia hana e lawe ae oia ma ke ano nui i ka hookolokolo ana i na hihia karaima imua o ka Aha HookolokoloApana ma ka hiki kino ana ae i ole ia na Lunamakai, Hope Lunamakai a i ole e kekahi luna aupuni hoopii, ana hoi e hookohu ae ai; e hele aku no imua o na Lunakanawai Apana ina ua hopuia kekahi mea; a e hele aku imua o ke Kiure Nui a e ao aku ma na mea pili kanawai i na wa apau e waihoia aku ai o na hihia imua o lakou no ko lakou noonoo ana; aka hoi, aole kekahi mea maloko nei e keakea i ka waiho ana a i ole lawelaweia paha na hookolokolo ana e kekahi loio e ae imua o na Lunakanawai. Apana mlalo o ke kuhikuhi ana a ka Loio Kalana.

  4. E kakau i na palapala hoopii (indictments) apau, e pale maloko o ke Kalana ma na hihia apau e kue ana i ke Kalana, ma kahi i hoopiiia a e hoopii no na bona apau i lilo wale maloko o na Aha Kakau, ame na hihia hoopii no na aie apau na uku hoopai, na hoopai, ame na koi e ae i lilo wale no ke Teritori, a i ole ia, i ke Kalana paha.

   5. E haawi i na palapala hooia no ke dala a waiwai paha i loaa iaia mamuli o kana oihana, a e waiho i na kope palua o ia mea me ka Puuku.

   6. Ma ka Poakahi mua o kela ame keia mahina, e waiho oia me ka Lunahooia i hoike huahelu i hooiaioia ma kona hoohiki, no na dala apau i loaa iaia mamuli o kana oihana iloko o ka mahina i hala mua, i ka wa e loaa mai ai o ka palapala hooia o ka Lunahooia maluna oia mea e hookaa oia ia mau dala i ka Puuku Kalana.

   PAUKU 91. Ina e hoole a hoohemahema ka Loio Kalana i ka hana i na helu a uku aku i na dala apau i loaa iaia mamuli o ka mana o kana oihana, e kau aku no ke koikoi maluna ona no ia hoole a hoohemahema ana a maluna hoi o kona bona oihana, a e lawe mai ka Puuku Kalana i hoopii e kue ana iaia no ka loaa mai ma ka inoa o ke Kalana, a i loaa pu mai hoi, mawaho ae o ia huina e loaa mai ana,  he kanalima (50) pa-keneta ma ia mea ma ke ano he poho. Aole i makemakeia ke kauoha a ka Papa Lunakiai no ka lawe ana mai ia hoopii. O na lilo kupono o ka Puuku, e komo pu ana me ka uku loio, e lilo ia i auhau i ke Kalana.

   PAUKU 92. E haawi aku no ia i ka wa e makemakeia ai, me ka auhau ole, i kona manao ma ke kakau ana, i na Luna Aupuni o ke Kalana ma na mea apau i pili i na hana o ka lakou oihana pakahi.

   PAUKU 93. O ka Loio Kalana oia no ko ka Papa Lunakiai mea kuhikuhi ma ke kanawai. E hele oia i ka lakou mau halawai ana i ka wa e makemakeia  ai, a e hoakaka a e  kue aku i na hoopii ame na koi apau e kue ana i ke Kalana i kona hoomaopopo ana he kupono ole a he kue hoi i ke kanawai.

   PAUKU 94. Aole ka Loio Kalana, koe ma kona oihana ponoi, e waiho i kekahi hoopii aie, kumu paha a koi paha no kekahi haawina paha e kue ana i ke Kalana.

   PAUKU 95. O kela ame keia Loio Kalana i kona manawa e kohoia ai e lilo ia i hope no ka Loio Aupuni o ka Teritori, a e hoike aku i kela ame keia manawa i ka Loio Aupuni e like me ia e kauoha ia aku ai oia.

   PAUKU 96 Aole kekahi mea iloko o keia Kanawai e kue ana i ka hookaokoa ana o ka Papa Lunakiai o kekahi Kalana no ka hoopaa a hoohana ana i loio okoa, ina ma ko lakou manao, oia hana ana he mea ia i makemakeia a i ole kupono e hanaia, aole hoi e akeakea i ka Loio Aupuni a i kekahi hoi o kona mau hope mai ka hele ana ae a ma ka aoao hoi o ka Teritori ma na hihia apau i komohia na pono a mau kuleana paha o ka Teritori.

 

                                                                                      MOKUNA 22

                                                                                     PUUKU KALANA.

   PAUKU 97. Na ka Puuku Kalana e:

   1. Lawe mai i na dala apau o ke Kalana ame na dala e ae apau i kauohaia ma ke kanawai no ka uku ana iaia, e ,malama maluhia hoi ia mea a e hookaawale a e uku aku, me ka hana ana i kana hoike no ia mea e like me ke kuhikuhi a ke kanawai a e lawelawe hoi i na hana i kauohaia e ke kanawai:

   2. E hoopaa a e malama i hookahi o na palapala hooia a ka Lunahooia e haawi aku ai iaia i na wa e hoahuaia ai ke dala ma ka waihona;

   3. E malama i hoomanao no na huina loaa mai a no na hoolilo apau oia mau dala maloko o na buke i hoolakoia no ia hana a malaila hoi e hookomoia ai ka huina, ka manawa e, a mai a i ole ma ia wai la a no ke kumu hea la i haawiia ai na dala, ame na uku ana;

   4. E malama i kana mau buke i hiki ai ke hoomaopopoia na haawina kaawale o kela ame keia dala i loaa aku a i ukuia hoi, a i hiki pu hoi ke hoomaopopoia na haawina kaokoa, a e hoikeia hoi na loaa apau ame na lilo maloko o kekahi hoike piha kupono.

 

                                                              NUPEPA KUOKOA, POALIMA, MEI  26, 1905.

   5. Aole hookomo ma kana buke i kekahi huina loaa i ka makahiki e nee ana no ke Kalana no ka makahiki i hala, a hiki i ka wa mahope iho o kana hooponopono makahiki ana no ka makahiki i hala me ka Lunahooia Kalana.

   6. E hoolilo aku i na dala o ke Kalana maluna wale no o na kikoo dala Kalana i hoopakaia e ka Lunahooia Kalana, koe nae, na hooponopono ana me ka Teritori.

   7. E hoolilo i na dala ma ka waihona maluna o ia mau kikoo dala i ka wa wale no i hoopukaia ai malalo o na kauoha a ka Papa Lunakiai a i ole ia ma ke kauoha a ka Aha Hookolokolo Kaapuni, a kauoha e ae paha i hoomaopopoia ma ka kanawai.

   PAUKU 98. Aole loa oia e lawe aku iloko o ka waihona i kekahi dala ke ole e ukaliia e ka palapala hooia a ka Lunahooia i hoakakaia ma ka Pauku Kanahiku-kumamahiku (77) o keia Kanawai.

   PAUKU 99. I ka wa e ukuia aku ai kekahi dala i ka Puuku Kalana ma o na palapala hooia la a ka Lunahooia, e  like me ia i hoakakaia ma ka pauku maluna ae, e hoiohoi aku ka Puuku i hookahi o na palapala hooia i ka Lunahooia me kona kuni maluna iho. E hoopaa koke ka Lunahooia i ka Puuku me ia huina a e haawi aku hoi i ka mea nana i uku mai i palapala hookaa no ia mea.

   PAUKU 100. I ka wa e waihoia mai ai o kekahi kikoo dala i ka Puuku no ka uku ana, ina he dala ma ka waihona no ia haawina, e uku no oia ia mea a e kakau hoi  a i ole kuni paha ma ke alo "Ukuia," ka la i ukuia ai, a e kakau i kona inoa malaila.

   PAUKU 101. I ka wa e haawiia aku ai o kekahi kikoo dala i ka Puuku no ka uku ana a ua uku ole ia iho la no ka nele-i ke dala, e hoopaa mua ka Puuku ia mea iloko o ka buke i malamaia no ia hana, a e kakau no oia maluna o ia palapala, "Aole i Ukuia no ka Nele i ke Dala," me ka la i haawiia aku ai a kakau i kona inoa malaila, a e hoihoi aku i ke kikoo dala i oleloia i ka mea nana i waiho mai ia mea. A mai ia manawa aku a hiki i ka ukuia ana o ia kikoo dala e loaa no ka elima (5) pa-keneta uku-panee i ka makahiki, a e ukuia aku mahope e like me ka hoopaaia ana mailoko ae o ka waihona i kaki pono ia.

   PAUKU 102. Ina aia he mau dala mahuahua kupono ma ka waihona no ka uku i na kikoo dala i uku-paneeia e hoopuka aku no ka Puuku maloko o kekahi nupepa i paiiia maloko o ke Kalana no hookahi pule i hoolaha, a ina hoi aole nupepa i paiia malaila, alaila, ma ke kau ana i mau hoolaha i kakauia ma ka puka komo o ka Hale Hookolokolo no ka manawa i kulike me ia mamua ae nei, e hoike ana ua makaukau oia e uku ia mau kikoo dala. Elima la mahope o ka puka mua ana o ia hoolaha a kauia ana paha, e pau no ka ohi uku-panee ana oia mau kikoo dala.

   PAUKU 103. I ka hoolaha ana i na kikoo dala malalo o na hoakaka ana a keia pauku maluna ae iloko o kekahi nupepa, aole ka Puuku e hoolaha piha i ke ano o na kikoo, aka, e hoike wale no o na kikoo dala Kalana i hoikeia na helu a i waihoia mai mamua o kekahi ua kupono no ka uku ana aku.

   PAUKU 104. Ina hoi aole e waihoia mai ia mau kikoo dala no ka uku ana iloko o kanaono (60) la mai ka manawa i hoolaha mua ia ai, e like me ia i hoakakaia maluna ae, e hiki no ke hookaawaleia ka haawina i hookaawaleia no ia uku ana e ka Puuku no ka uku ana i na kikoo dala e kali ana e like me ko lakou helu i hoopaaia ai. E hiki no i ka Papa Lunakiai ma ke noi ana a waiho ana aku hoi i na kikoo dala i kakaukua ia, i hoolaha mua ia hoi, a i waiho ole ia mai hoi maloko o kanaono (60) la e like me ia i olelo mua ia ke hooholo a kauoha i ka Puuku e ukuia lakou mailoko ae o kekahi dala o ka waihona i hookaawale ole ia no kekahi haawina.

   PAUKU 105. I ka wa a ka Puuku e uku ai i kekahi kikoo dala i uku-paneeia e hoike oia maluna oia kikoo dala i ka huina o ka uku-panee i ukuia maluna ona, a e hoopaa hoi ma kana buke i ka huina o ia uku-panee, kaawale ae mai ke kumupaa mai.

   PAUKU106. E hooponopono ka Puuku i kana mau hoike  ohi, malama a hoolilo dala ana o ka lehulehu me ka Lunahooia ma ka Poakahi mua o kela ame keia mahina. I hiki ai ke hoomaopopoia ia hooponopono ana e hana oia i papa hoike ma ka hoohiki ana, no ka huina dala i loaa mua mai iaia mamua oia hooponopono  ana kahi i loaa mai ai o ia mea, ka huina o na uku ana a hoolilo ana paha, ame ka mea i hooliloia aku ai, ame ka huina e paa ana ma ka waihona. A ma ia hooponopono ana ana e waiho aku oia i na kikoo dala apau i ukuia e ia a e lawe  mai i ka palapala hooia a ka Lunahooia no ia mea. E hana no hoi i mau hoike hooponopono piha me ka Lunahooia i kela ame keia makahiki ma ka Poakahi mua o Ianuari imua o na Lunakiai.

   PAUKU 107. E hana ka Puuku i hoike papa piha ma na halawai mau apau o ka Papa Lunakiai o ke Kalana, o na dala i loaa iaia me na hoolilo ana o ia mea, ame na aie apau i aieia a mai ke Kalana aku, me na hana e ae apau o kona keena, i hiki ai ke hoomaopopo pono ia na loaa apau e komo mai ana i ka waihona ame na hoolilo apau, pela hoi me na aie i aieia a mai ke Kalana aku.

   PAUKU 108. Ina kekahi Puuku Kalana e hoohemahema a hoole paha i ka hooponopono a hoike ana e like me na kauoha ana a na Pauku Hookahi Haneri me Eono (106) ame Hookahi Haneri me Ehiku (107) o keia Kanawai, e auhauia no oia a e uku i ke Kalana i ka huina o Hookahi Haneri (100) Dala no kela ame keia hoohemahema ana a hoole ana paha, a e hoomaka no ka Papa Lunakiai i na hoopii ana no ka ohi ana mai ia mau dala, e like me ia i hoakakaia e ke kanawai.

   PAUKU 109. E malama ka Puuku Kalana i na dala apau o ke Teritori i loaa aku iaia, a o kekahi Kalana okoa aku paha, ma kona waihona ponoi a hiki i ka hooneeia ana aku e like me ke kuhikuhi a ke kanawai; aole e haawi aku ma ka hoaie, a i ole ia ma kekahi ano e ae paha e hoolilo a i ole e ae ana i kekahi mea e hoohanaia aku ma ka hoaie, a i ole ia ma kekahi ano e ae paha e hoolilo a i ole e ae ana i kekahi mea e hoohana ia mau dala, koe nae ma ka hoakaka a kae kanawai; aka, aole he mau olelo ma keia pauku e keakea ana iaia, me ka apono ana o ka Papa, mai ka hookomo kuikawa ana no ka malama maluhia ana i na dala o ka lehulehu, aka e lilo no ia i kumu e ili ai o ke koikoi o ia maluhia maluna o kona bona oihana.

 

                                                                          MOKUNA 23.

                                                                   NA HOAKAKA LAULA.

   PAUKU 110. O na Luna Oihana Aupuni pakahi apau o ke Kalana, koe nae na lala o ka Papa Lunakiai, na Lunamakai ame na Lunaauhau ame Lunaohi Auhau, me ke apono ana o ka Papa Lunakiai e hookohu aku i hope no ka lawelawe ame ka hooko ana a i ole e kokua i ka hoohana ana i na hana o kona oihana; a ma ke apono ana hoi e hookaawale aku ia mea. Oia mau hookohu ana e hanaia ma ke kakau a e waiho ia aku iloko o ke Keena Oihana o ke Kakauolelo Kalana. E loaa no i kela ame keia hope ka mana like e like me kona mua, a i ka manawa e koiia ai e ke kanawai a e hoohanaia hoi e ka Luna Oihana, a ua ku no i ke kanawai ina e hoohanaia ana e ka hope i koko ponoia.

   PAUKU 110a. E hiki no i kekahi Luna Oihana Kalana, me ke apono ana a ka Papa Lunakiai, e  hoohana aku i na kakauolelo ame na kokua e like me ke kupono no ke kokua ana iaia i na hana o kona keena, a na hiki no iaia me ka loaa ole aku o ke apono ana, e hoopau aku ia mea.

   PAUKU 111. Ma kela ame keia wahi i loaa ai ka inoa Oihana o kekahi Luna Oihana mua i hoohanaia ma keia Kanawai, ua komo pu no na Hope.

   PAUKU 112. O na kanawai apau ame na hapa kanawai a oia mau mea ua ku-e paha me kekahi o na olelo o keia Kanawai, ma keia ke hoopau loa ia nei.

  PAUKU 113. Ke poo pokole o keia Kanawai, oia hoi, " KE KANAWAI KALANA."

  PAUKU 114. E mana keia Kanawai mai a mahope aku o ko@@ aponoia ana.

 

   Ma keia ke hoike nei maua o keia Bila maluna 'e, mahope @ ka noonooia ana o ka vito a ke Kiaaina, a ma ke koho ana i laweia o na ae ame na hoole, ua aponoia e ka elua-hapakolu @ na koho apau o na hoa i kohoia o ka Hale o na Lunamakaaina na o ka Teritori o Hawaii, ma keia la 13 o Aperila, M.H., 1905.

                                                   ERIC A. KNUDEN.

                                       Lunahoomalu, Hale o na Lunamakaainana

                                                   D. KALAUOKALANI, JR.

                                          Kakauolelo, Hale o na Lunamakaainana

 

   Ma keia ke hoike nei maua o keia Bila maluna 'e, mahope @ ka noonooia ana o ka vito a ke Kiaaina, a ma ke koho ana @ laweia o na ae ame na hoole, ua aponoia e ka elua-hapakolu o na koho apau o na hoa i kohoia o ka Senate o ka Teritori o Hawaii, ma keia la 14 o Aperila,M.H., 1905.

                                               D. PAUL R. ISENBERG.

                                                    Peresidena o ka Senate

                                                WILLIAM SAVIDGE.

                                                     Kakauolelo o ka Senate

 

                                                  KANAWAI 54.

                                                  HE KANAWAI

E HOOLOLI ANA I KE KANAWAI 39 O NA KANAWAI AHAOLELO O 1905, I KAPAIA "HE KANAWAI E KUKULU ANA I NA KALAN@ MALOKO O KA TERITORI O HAWAII AME KA HOOMAOPOPO A@A IA AUPUNI."

 

    E Hooholoia e ka Ahaolelo o ka Teritori o Hawaii:

   PAUKU 1. O ke Kanawai 39 o na Kanawai Ahaolelo o 1905 makeia ke hoololiia nei:

   Ma ka hoopau ana mailoko ae o ka Pauku 12 i na huaolelo "i Lunahelu ame Lunaohi Auhau."

   Ma ka hoopau ana mailoko ae o ka Pauku 13, na lalani 3 ame 4, i na huaolelo apau loa mahope aku o na huaolelo "i Hope Lunamakai;"

   Ma ka hoopau ana mailoko ae o ka Pauku 16, lalani 2, i na huaolelo "na Hope lunahelu ame Lunaohi Auhau;"

   Ma ka hoopau ana ae i kela mau hapa apau o ka Pauku 24 oia mea e pili pono ana i na bona o na lunahelu ame lunaohi auhau, a i na bona hoi o na hope lunahelu ame lunaohi auhau;

   Ma ka hoopau ana i kela mau hapa apau o ka Pauku 28 oia mea e pili ana i na ukuhana o na lunahelu ame lunaohi auhau, ame na hope lunahelu ame lunaohi auhau;

   Ma ka hoopau ana i na Mokuna 19 ame 20 apau loa o ua Kanawai la i oleloia, o ua mau mokuna la e pili ana no ia i na hana a na lunahelu ame lunaohi auhau ame na hope lunahelu ame lunaohi auhau;

   PAUKU 2. O ka Pauku 27 o ua Kanawai la i oleloia ma keia ke hoololiia nei i loaa ai ka heluhelu ana e like me keia malalo iho nei:

   "Pauku 27. Ma kahi o ka bona hoopaa i hoakakaia maluna ae nei, o ka bona o kekahi hui hoopaa mai i hoomanaia malalo o na kanawai o na Mokuaina Huiia o Amerika e lilo mai i hui hoopaa maluna o na bona o na luna oihana Aupuni a e lawelawe nei i na hana maloko o ke Teritori o Hawaii i ku i ke kanawai, malalo o na kanawai o na Mokuaina Huiia o Amerika ame ka Teritori o Hawaii, e hiki no ke aeia, a ma ia ano aole e koiia ka hana apono no ia mea."

   PAUKU 3. O ka Pauku 39 o ua Kanawai la i oleloia ma keia ke hoololiia nei ma ka hookomo ana ma ka hapa hope o ka manao hope o ia mea, i na huaolelo " e komo pu me na ukuhana o na lunanana koho balota, ma kahi hoi o ke koho ana no na luna oihana kalana wale no, koe na lilo o ke Koho Balota Kuikawa o 1905."

   PAUKU 4. O ka Pauku 60 o ua Kanawai la i  oleloia ma keia ke hoololiia nei ma ka hookomo ana mahope iho o ka huaolelo "kalana," iloko o ka lalani 4 o ua pauku la i oleloia i na huaolelo: "koe na hoa o ka Papa Lunakiai;"

   A ke hoololi hou ia nei, ma ka hookomo ana ma ka pau ana o ka pauku i oleloia i keia hopuna manao malalo iho nei:

   A ke hoomaopopo hou ia nei, ua hiki no ke hookolokoloia na hoa o kela ame keia Papa Lunakiai no kekahi o na kumu i hoakakaia iloko o keia mokuna, a ma ke ano hoi i kulike aku me ko kela i hoomaopopoia no ka hookolokolo ana o na luna oihana kalana, imua o ka Aha Hookolokolo Kiekie o ka Teritori, a e loaa no ka maua, ina ua aponoia na kumuhoopii i oleloia ma ia hihia, e hookaawale aku i na luna kalana i oleloia mai ka oihana aku."

   PAUKU 5. O ka Pauku 61 o ua Kanawai la i oleloia ma keia ke hoololiia nei ma ka hoopau ana mai ka hoomaka ana o ua pauku la i oleloia apau, a hiki a e komo pu ana ka huaolelo "kalana" ma ka lalani 2 oia mea, a e hookomo ana ma kahi o na huaolelo i hoopauia, e like me keia malalo iho nei: "o na hakahaka e loaa ae ana ma kekahi o na oihana kalaua," i loaa ai ka heluhelu ana i ua pauku la i oleloia e like me keia malalo iho nei:

   "Pauku 61.O na hakahaka e loaa ae ana ma kekahi o na oihana kalana e hoopihaia no ma ka hookohu ana a ka Papa Lunakiai, koe nae ina o ua hakahaka la aia iloko o ka Papa Lunakiai, a ma ia ano, o ia hakahaka e hoopihaia ma ka hookohu ana a ke Kiaaina no ke koena aku o ka manawa i pau ole o ia luna kalana."

   PAUKU 6. O ka Pauku 62 o ua Kanawai la i oleloia ma keia ke hoololiia nei ma ka hoopau ana i ka mahele 6 apau loa o ua pauku nei i oleloia e heluheluia ana hoi e like me keia malalo iho nei:

   "6. E hooponopono ma o ka olelo kauoha la i ka lawe ana, hoahu ana ame ka lawlaweia o na mea pa-hu ame aila aa, a e kau i hoopai no ka uhakiia ana oia mau olelo kauoha."

   A ke hoomaopopo hou ia nei, ma ka hoolilo ana ae i ka mahele 7 oia mea i mahele 6.

    PAUKU 7. E mana no keia Kanawai mai a mahope aku @ kona la e aponoia ai.

   Aponoia keia la 25 o Aperil, M.H., 1905.  

                                                                G.R.CARTER.

                                                    Kiaaina o ka Teritori o Hawaii.

                                    E nana ma ka aoao ewalu.