Ka Nupepa Kuokoa, Volume XLIII, Number 20, 19 May 1905 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

Kanawai Kalana o 1905 a me na Kanawai Pakui a Hoololi

KANAWAI 39.

HE KANAWAI.

[Hoomauia.]

 

            Silaia me na Sila o makou a kakauinoaia i keia la ... o ... M. H. Umi-kumamaiwa Haneri ...

            Eia na kumu o keia hoopaa ana, oiai o ka mea i hoopaaia maluna ae nei (inoa o ka Luna Oihana) ua koho ia ( a i ole ia. hookohu ia) no ka Oihana (hoike i ka Oihana) o ke Kalana (a i ole ia, Apana a inoa o ka Apana o ke Kalana) a (inoa o ke Kalana) ma ka la ... o ..., M. H. Umi-kumamaiwa Haneri...

            Ano, a no ia mea, ina ka mea i oleloia o (inoa o ka Luna Oihana) e hooko pono me ka ewaewa ole i na hana apau o kana oihana i oleloia, e like me ia i kuhikuhiia ma ke kanawai; e malama maluhia i na dala apau e komo ana ma kona malu mamuli o ka pono o kana oihana i oleloai e uku hoke aku ia i ka mea a mau mea paha i hoomanaia ma ke kanawai no ka lawe ana aku ia mau dala apau e like me na hoakaka ana a ke kanawai; a e haawi hoi oia i kona pani ma ka oihana i na dala apau i paaia eia ma ia kulana Luna Oihana; alaila, e lilo no keia hoopaa ana i mea ole a e pau loa kona mana; a i ole ia, e mau loa no ka mana piha o keia palapala.

            (INOA O KA LUNA OIHANA)      (SILA)

            (INOA O KA HOPE)            (SILA)

            (INOA O KA HOPE)            (SILA)

            Ina nae hoi o na Hope ma ia mau bona hoopaa, he poe noho a ona waiwai o ke Teritori, ina ia he poe kanaka, a aole hoi he hui i hoohuiia, a ua lawa kupono hoi na huina i hoakakaia ma ke ano haahaa e like me ia huina i hoikeia maloko nei a e hana pu mai hoi lakou i palapala hoohiki (afedevita), a e hoopili pu ia me ka palapala, ma ke ano e like me ia malalo iho nei:

TERITORI O HAWAII         )

            )SS.

KALANA O ...           )

            O ... ame ..., na mea ma ka bona hoopaa maluna ae, i hoohiki pono ia, ke hoike a ke olelo nei laua pakahi nona iho, he mea noho a ona waiwai oia maloko o ke Teritori i oleloia, a ua loaa ka waiwai e waiho ana maloko olaila; a o kona waiwai ua hiki i ka huina o .. oi a maluna aku o na hoomalu aie a kuai hoopaa ana ona.

            Kakauinoaia a hoohikiia imua o'u i keia la ... o ..., M. H. Umi-kumamaiwa Haneri ...

            (Inoa o ka Luna nana i Hooiaio i ka Hoohiki.)

 

            A e hoomaopopo hou ia, ina aole i apono ka Papa Lunakiai i ka lawa kupono o na Hope, a ina e hoole ka Mua i ka hoolako ana mai i mau Hope e ae i kupono i ke apono ia e ka Papa i oleloia, e waihoia aku no ia hana i ka Lunakanawai Kaapuni ma na Keena i loaa ka mana hookolokolo maloko o ia Kalana (o ia Lunakanawai Kaapuni, ma keia, ke haawiia nei ka mana hoolohe a e hooholo no ia hana i oleloia), a o kana olelo hooholo no ke kupono a lawa pono o ia bona hoopaa, e paa no ia ame ka hoohalahala ole ia.

            P auku 26.  He mana ko ka Papa Lunakiai, ma kona wa e ike ai, he pono e koi aku a e kau aku i na bona hoopaa hou, a i ole ia, hoomahuahua hou ae i ka huina hoopaa a oi aku mamua o ka mea i kauohaia ma ka Pauku 24, maluna no nae o ke kumu hookahi no a malalo hoi o na hoomaopopo ana hookahi no e pili ana i ka lawa pono ana o ia bona hoopaa hou, a huina hoopaa paha i hoomahuahua hou ia; aka nae, aole e oi palua aku ia huina mamua o ka huina hoopaa i kauohaia ma keia e loaa mai kekahi Luna Oihana mai e aeia.

            P auku 27.  Ma kahi o ka bona hoopaa i hoakakaia maluna ae nei e aeia no ka bona hoopaa mai kekahi hui hoopaa mai i aponoia ma kahi oia mea, a ma ia ano, aole e koi ia ka hana apono no ia mea.  Mamua o ka aeia ana o kekahi bona hoopaa mai kekahi hui hoopaa mai, e waiho ae ua hui la i oleloia he noi i ka Papa Lunakiai e aeia oia e haawi i no bona hoopaa no na Luna Oihana o ke Kalana e hoike ana hoi ia i ke Keena Poo o ua hui la ame ka huina kumupaa i ukuia mai iloko a i apono ka Papa Lunakiai i ua hui la i oleloia e hoopuka aku lakou i laikini i ua hui la, e haawi ana hoi i ua hui nei i oleloia i ka pono e hoopuka i na bona oihana a o ua laikini nei e paa ia a hiki i ka wa e hoopauia ai e ka Papa Lunakiai.

 

MOKUNA 9.

NA UKU OIHANA.

            P auku 28.   O na uku oihana o na Luna Oihana Kalana lehulehu e ukuia aku ma ka mahina mailoko ae o ka Waihona Kalana e like me ka uku e hoakakaia nei malalo iho:

            Lala o ka Papa Lunakiai...       $  600 o ka makahiki

            Lunamakai o ke Kalana o Oahu...       2100 o ka makahiki

            Lunamakai o ke Kalana o Hawaii...    2400 o ka makahiki

            Lunamakai o ke Kalana o Maui...       1800 o ka makahiki

            Lunamakai o ke Kalana o Kauai...      2100 o ka makahiki

            Kakauolelo Kalana o ke Kalana o Oahu...      1500 o ka makahiki

            Kakauolelo Kalana o ke Kalana o Hawaii...   1200 o ka makahiki

            Kakauolelo Kalana o ke Kalana o Maui...      1200 o ka makahiki

            Kakauolelo Kalana o ke Kalana o Kauai...     1200 o ka makahiki

            Lunahooia o ke Kalana o Oahu...       1800 o ka makahiki

            Lunahooia o ke Kalana o Hawaii...     2000 o ka makahiki

            Lunahooia o ke Kalana o Maui...        1500 o ka makahiki

            Lunahooia o ke Kalana o Kauai...       1500 o ka makahiki

            Lunahelu ame Lunaohi Auhau o ke Kalana o Oahu...            2700 o ka makahiki

            Lunahelu ame Lunaohi Auhau o ke Kalana o Hawaii...         2000 o ka makahiki

            Lunahelu ame Lunaohi Auhau o ke Kalana o Maui...            1800 o ka makahiki

            Lunahelu ame Lunaohi Auhau o ke Kalana o Kauai...           1800 o ka makahiki

            Loio Kalana o ke Kalana o Oahu...     2400 o ka makahiki

            Loio Kalana o ke Kalana o Hawaii...  2400 o ka makahiki

            Loio Kalana o ke Kalana o Maui...     1800 o ka makahiki

            Loio Kalana o ke Kalana o Kauai...    1800 o ka makahiki

            Puuku o ke Kalana o Oahu...  2400 o ka makahiki

            Puuku o ke Kalana o Hawaii..            2000 o ka makahiki

            Puuku o ke Kalana o Maui...   1500 o ka makahiki

            Puuku o ke Kalana o Kauai... 1500 o ka makahiki

 

            Ke Kalana o Oahu:

 

            Hope Lunamakai o ka Apana o Honolulu...   1500 o ka makahiki

            Hope Lunamakai o ka Apana o Ewa...           1200 o ka makahiki

            Hope Lunamakai o ka Apana o Waianae...     600 o ka makahiki

            Hope Lunamakai o ka Apana o Waialua...     900 o ka makahiki

            Hope Lunamakai o ka Apana o Koolauloa...  720 o ka makahiki

            Hope Lunamakai o ka Apana o Koolaupoko...720 o ka makahiki

 

            Ke Kalana o Hawaii:

 

            Hope Lunamakai o ka Apana o Hilo Hema... 1620 o ka makahiki

            Hope Lunamakai o ka Apana o Hilo Akau...  720 o ka makahiki

            Hope Lunamakai o ka Apana o Puna...          720 o ka makahiki

            Hope Lunamakai o ka Apana o Kau...            960 o ka makahiki

            Hope Lunamakai o ka Apana o Kona Hema...           960 o ka makahiki

            Hope Lunamakai o ka Apana o Kona Akau...             960 o ka makahiki

            Hope Lunamakai o ka Apana o Kohala Hema...        720 o ka makahiki

            Hope Lunamakai o ka Apana o Kohala Akau...         960 o ka makahiki

            Hope Lunamakai o ka Apana o Hamakua...   960 o ka makahiki

 

            Ke Kalana o Maui:

 

            Hope Lunamakai o ka Apana o Lahaina...      960 o ka makahiki

            Hope Lunamakai o ka Apana o Wailuku...     1200 o ka makahiki

            Hope Lunamakai o ka Apana o Hana...          960 o ka makahiki

            Hope Lunamakai o ka Apana o Makawao...   960 o ka makahiki

            Hope Lunamakai o ka Apana o Molokai...     600 o ka makahiki

 

            Ke Kalana o Kauai:

 

            Hope Lunamakai o ka Apana o Waimea...     1200 o ka makahiki

            Hope Lunamakai o ka Apana o Koloa...         900 o ka makahiki

            Hope Lunamakai o ka Apana o Lihue...         1500 o ka makahiki

            Hope Lunamakai o ka Apana o Kawaihau...  840 o ka makahiki

            Hope Lunamakai o ka Apana o Hanalei...      840 o ka makahiki

 

            Ke Kalana o Oahu:

 

            Hope Lunahelu ame Lunaohi Auhau o ka Apana o Honolulu...         1800 o ka makahiki

            Hope Lunahelu ame Lunaohi Auhau o ka Apana o Ewa...    1500 o ka makahiki

            Hope Lunahelu ame Lunaohi Auhau o ka Apana o Waialua...           900 o ka makahiki

            Hope Lunahelu ame Lunaohi Auhau o ka Apana o Koolauloa...       720 o ka makahiki

            Hope Lunahelu ame Lunaohi Auhau o ka Apana o Koolaupoko...    720 o ka makahiki

 

            Ke Kalana o Hawaii:

 

            Hope Lunahelu ame Lunaohi Auhau o ka Apana o Hilo Hema...      1800 o ka makahiki

            Hope Lunahelu ame Lunaohi Auhau o ka Apana o Hilo Akau...       720 o ka makahiki

            Hope Lunahelu ame Lunaohi Auhau o ka Apana o Puna...    1080 o ka makahiki

            Hope Lunahelu ame Lunaohi Auhau o ka Apana o Kau...     720 o ka makahiki

            Hope Lunahelu ame Lunaohi Auhau o ka Apana o Kona Hema...    720 o ka makahiki

            Hope Lunahelu ame Lunaohi Auhau o ka Apana o Kona Akau...     720 o ka makahiki

            Hope Lunahelu ame Lunaohi Auhau o ka Apana o Kohala Hema...  720 o ka makahiki

            Hope Lunahelu ame Lunaohi Auhau o ka Apana o Kohala Akau...  1080 o ka makahiki

            Hope Lunahelu ame Lunaohi Auhau o ka Apana o Hamakua...        1200 o ka makahiki

 

            Ke Kalana o Maui:

 

            Hope Lunahelu ame Lunaohi Auhau o ka Apana o Wailuku...          1200 o ka makahiki

            Hope Lunahelu ame Lunaohi Auhau o ka Apana o Lanai...   1080 o ka makahiki

            Hope Lunahelu ame Lunaohi Auhau o ka Apana o Hana...   1080 o ka makahiki

            Hope Lunahelu ame Lunaohi Auhau o ka Apana o Makawao...        1200 o ka makahiki

            Hope Lunahelu ame Lunaohi Auhau o ka Apana o Molokai...          600 o ka makahiki

 

            Ke Kalana o Kauai:

 

            Hope Lunahelu ame Lunaohi Auhau o ka Apana o Waimea...           1500 o ka makahiki

            Hope Lunahelu ame Lunaohi Auhau o ka Apana o Koloa...  1080 o ka makahiki

            Hope Lunahelu ame Lunaohi Auhau o ka Apana o Lihue...  1200 o ka makahiki

            Hope Lunahelu ame Lunaohi Auhau o ka Apana o Kawaihau...       840 o ka makahiki

            Hope Lunahelu ame Lunaohi Auhau o ka Apana o Hanalei...           720 o ka makahiki

 

MOKUNA 10.

NA KOHO BALOTA.

            P auku 29.   O na Kanawai laula ame na rula e hooponopono ana i ke koho ana i na Senatoa ame na Lunamakaainana o ke Teritori e mana no ia iloko o ke koho ana i na Luna Oihana Kalana ma na wahi i kupono ke hoohanaia, koe na mea i hoakakaia maloko nei.

            P auku 30.   O na mahele ame na wahi koho i hoonohoia a i ole e hoonohoia aku ana e na Kanawai o ke Teritori no ke koho ana i na Senatoa ame na Lunamakaainana, oia no na mahele ame na wahi koho balota no ke koho ana i na Luna Oihana Kalana, ina no nae, ma na wahi, e waiho nei malalo o na mahele ana o na mahele koho balota, o na poe koho iloko o na Apana like ole e koho ana lakou ma kahi koho hookahi, ma keia ke kauohaia nei ke Kiaaina e hoololi i na wahi koho iloko iho oia Apana i mea e loaa aku ai i ka poe koho o kekahi Apana e like iho la me ia e koho maloko o ka Apana o lakou i hoopaa ai i ko lakou mau inoa.

            P auku 31.   O na poe apau i hoopaa maoli ia ko lakou mau inoa malalo o no Kanawai o ke Teritori e pili ana i ke koho ana i na Senatoa ame na Lunamakaainana, ua kupono lakou e koho i na Luna Oihana Kalana maloko o ke Kalana i noho ai ua poe koho balota la.

            P auku 32.   Aole e hoonoho ia kekahi Papa Kuikawa Hoopaa Inoa Koho Balota no ka hoopaa ana i na inoa o ka poe koho no na Luna Oihana Kalana, aka, e hoopaa ia poe koho i ko lakou mau inoa imua o na Papa Hoopaa Inoa i hoakakaia ma na Kanawai o ke Teeritori e pili ana i ke koho ana i na Senatoa ame na Lunamakaainana.

            P auku 33.  O na palapala noi moho holo balota, e waiho ia aku no lakou i ke Kakauolelo o ke Kalana, iloko o na ia aole emi malalo o iwakalua (20) la mamua ae o ke koho balota ana; e ukali pu ana me kela ame keia palapala noi he huina o iwakalua-kumamalima (25)  Dala no na lilo koho balota, a e ukuia aku ia mau dala i ka Puuku Kalana.

            P auku 34.  O na hoike koho balota no na Luna Oihana Kalana, pau pu me na balota, papainoa ame na moolelo e pili ana i ke koho ana i na Luna Oihana Kalana, ame na kope o na olelo hoakaka e pili ana i na hopena o ua koho balota n@, e hoounaia aku no i ke Kakauolelo Kalana o ke Kalana kahi @ malamaia ai ia koho balota, a nana hoi e malama e like me ke kanawai.

            P auku 35.  I na e ike ia ana mamuli o na hoike koho balota aole Luna Oihana Kalana i kohoia mamuli o ke pa@@ a pa'i ana o na balota mawaena o elua a oi aku mau moho heia balota, e kauoha no ka Papa Lunakiai e malamaia i na koho balota kuikawa no ka hoopiha ana ia mau hakahaka, a e malamaia no hoi ia koho balota ma ke ano i kauohaia no ke koho balota nui.

            P auku 36.  Aole emi malalo o kanaono la mamua ae o kekahi koho balota nui a he kanaha hoi la mamua o kekahi koho balota kuikawa, e hoopuka aku ka Papa Lunakiai i olelo kuahaua e pili ana no na koho balota Kalana a e hoouna aku i na kope o ia mea i kela ame keia Papa Lunanana Koho Balota a puni ko lakou Kalana, a e kauia ua olelo kuahaua 'la ma ke ano i kauoha ia e ke kanawai.

            P auku 37.  O na pahu balota i kauohaia no ke koho balota ana i na Luna Oihana Kalana e hoolakoia aku no ia e ka Papa Lunakiai, a e hoailonaia ua mau pahu la, "Na Luna Oihana Kalana."

            P auku 38.  Na ke Kakauolelo Kalana e hoomakaukau i na balota e lawelaweia ai ma na koho ana i na Luna Oihana Kalana a e hoolako aku hoi ia mea i ka Papa Lunakiai aole e emi iho malalo o elua la mamua ae o ke koho ana.  O na balota i pepa omaomao, a o ko lakou kino maoli, ka hoonohonoho ana, ka helu ame ke ano o ke pa'i ana e kulike no ia me na mea i hoakakaia e ke Kanawai no na balota no na Senatoa ame na Lunamakaainana.

            P auku 39.  Ma ka wa e loaa mai ai na hoike koho balota, e hoonohonoho papa koke ke Kakauolelo Kalana ia mau mea a e hoomaopopo i ka hopena o ke koho balota ana; a e hanaia hoi ia hoonohonoho helu balota ana imua o ke alo o kekahi moho holo balota, a i ole ia, o kona agena hoi i makemake e noho kino mai.  O ka heluna o na poe i kohoia i loaa ka heluna kiekie o na balota, e kukalaia no lakou ua kohoia, a e haawi koke aku ke Kakauolelo Kalana i na poe i kohoia i na palapala hooia koho balota.  Na ke Kalana e uku i na lilo apau no ke koho balota ana i na Luna Oihana Kalana.

 

MOKUNA 11.

 

NA KUE ANA

 

            P auku 40.  O na ninau apau e pili ana i ke ku i ke kanawai o kekahi balota i hookomoia ma kekahi koho balota i malamaia malalo iho nei, e hooholo koke ia no ia a o ka manao o ka hapanui o ka Papa Lunanana Koho Balota ma kela a ma keia wahi koho, e mana a e paa no ia me ka paa no nae i ka hooponopono hou e ka Aha Kiekie o ka Teritori e like me ia e hoakakaia aku mahope ae nei.

            P auku 41.  O kekahi moho holo balota i kuleana maoli, a i ole ia o kekahi poe koho balota kupono he kanakolu o kekahi apana koho, ua hiki ia lakou e waiho ae i palapala noi i ka Aha Hookolokolo Kiekie o ka Teritori e hoakaka ana i kekahi kumu a mau kumu paha e hiki ai ke hoopauia, hoopololeiia a hoololiia ka olelo hooholo a kekahi Papa Lunanana Koho Balota.

            P auku 42.  E waihoia aku ua palapala noi la ma ke keena o ke Kakauolelo o ka Aha Hookolokolo Kiekie iloko o na la he kanakolu mahope iho o ke koho balota i manaoia ai e kue, a e waiho pu ia ae me ia he Iwakalua-kumamalima (25) Dala no na koina o ka Aha.

            P auku 43.  Na ke Kakauolelo mamuli o ia mea, e hoopuka aku i na poe i hoopiiia maloko o ua palapala noi nei i palapala kena e kauoha ana e hiki kino ae imua o ka Aha Hookolokolo Kiekie iloko o umi-kumamaha la mahope iho o na hooko ia ana.

            P auku 44.  E hooloheia ua palapala noi la e ka Aha ma kona kau e noho ana, a i ole ia, iloko o ka manawa'a i ole i ka wa hoomaha.

            P auku 45.  Ma ka la e noho ai, ua hiki no i ka Aha, ma kona noi ponoi iho, a i ole ano e ae paha, e kauoha e hoopukaia na palapala kena i kekahi kanaka a poe kanaka paha i kuleana pu ma ia hopena i loaa mamuli o ia hana.

            P auku 46.  Ma ka hoolohe ia ana, e kauoha ka Aha e kakauia ka olelo ike apau loa a e haawi i olelo hooholo, me ka hoakaka i na mea oiaio apau i maopopo a i ole kanawai.  E hiki no ia olelo hooholo ke hoonoa i ke koho balota ana maluna o na kumu o ka hiki ole ana ke loaa ka hopena pololei mamuli o ke kuhihewa, a i ole hana epa paha ma ka aoao o na Lunanana Koho Balota; a i ole ia hooholo ua loaa i kekahi moho holo balota a poe moho holo balota, he hapanui a heluna nui hoi o na balota i hookomoia a kohoia lakou.  Ina hoi o ua olelo hooholo la, ua pili ia i ke ku ole ana o ke koho balota i ke kanawai, e waihoia aku he kope i hooiaioia no ia mea i ke Kiaaina o ke Teritori a i ole ia i ka Papa Lunakiai e like me ke ano o ka hihia, a na ke Kiaaina, a i ole ia na ka Papa Lunakiai paha e kahea i koho balota hou iloko o kanaono la mahope iho o ka waihoia ana aku o ia olelo hooholo; a ina e hooholo ka Aha i ka moho a poe moho holo balota i kohoia e haawiia aku he kope o ia olelo hooholo i ke Kakauolelo o ke Teritori, a i ole ia  i ke Kakauolelo Kalana paha, e like me ke ano o ka hihia, a o ka Luna Oihana i haawiia ai ka mana ma keia Kanawai e kakauinoa iho oia ia mea a haawi aku i ka palapala hoike koho balota i ka moho holo balota a poe moho holo balota paha, a e lilo ia i mea paa maluna o ke kuleana o kekahi moho holo balota a poe moho no ka oihana.

            P auku 47.  O ka olelo hooholo o ka Aha e pili ana i kekahi ninau i pili pono iloko o ia palapala hoi ame ia hana o ia no ka hana hope loa ana no ia mea, a e paa loa maluna o no aoao apau.

            P auku 48.  He mana ko ka Aha e kauoha aku i ka hiki kino ana ae o na hoike, e hoopai i na hana hoowahawaha Aha a e hana hoi i na hana e ae apau i kupono i ka hooholo pona ana i ka hihia.

            P auku 49.  E like no na koina me na koina ma na hookolokolo ana ma na Aha Hookolokolo Kaapuni ma na Keena.

            P auku 50.  Ua hiki no i ka Aha e hana i na rula kuikawa e like me kana e ike ai he pono a pololei.

E nana ma ka aoao ehiku.