Ka Nupepa Kuokoa, Volume XLIII, Number 20, 19 May 1905 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, POALIMA, MEI 19, 1905.

me na koa o Kalanikupule i makaukau e pale aku i kona lele ana ma@a a malaila i malamaia ae  ai he kaua mawaena o na aoao a i elua a hiki i ko Kalanipulue hoea ana aku mai Waikiki aku, a  maluna a he kukakuka ana mawaena o laua a hoopau iho la i ke kaua ana.

Mahope mai i holo aku ai o Kaeo a hiki i Waialua, malaila aku na Waianae, ma kana huakai hoi  no Kauai.  Aka iaia e hoomaha ana ma Waianae na laweia aku ka loha iaia i ke ala ana ae o ka  o@ iwaena o kona mau koa e kiloi iaia iloko o ke kai ma kana @ no Kauai.  "He oi aku ka pono e  make iloko o ke kahua@ " wahi a Kaeo i puana ae ai, a haawi koke aku la oia i ke kauo@ mau koa e hapai i na waa no ka aina maloo a hoomakaukau @ la oia e hoonee kaua ku-e ia Kalanikupule.  Ma keia na @ la na manao like ole iwaena o kona mau koa, a hui mai la @ Waialua ame ko Waianae poe a kakoo i ko Kaeo aoao.  Ma @ ana mawaena o keioa mau alii, ua kaa mau aku ka lanakila @ Kaeo aoao, a @na aole na kokua ana a na ilikea ma ka aoao @nikupule ina no paha na hanie o Oahu malalo o Kaeo.

Ma ke kaua i malamaia ai ma Punahawele, ua auhee keia poe @ me na kanaka Hawaii ma ko Kalanikupule aoao:  aka ma ke @ malamaia ma Kalanao ua lanakila ae la o Kalanikupule, a @ o Kaeo a pepehiia a make, mahope no nae o kona kaua ana @ ikaika ma kona aoao.

Mahope o keia lanakila ana a hoi mai na koa mai ke kaua mai, @ ae he mau pu aloha no ka hanohano o ka poe i hele i ke kona e Kapena Baraunu, a e like me ka Kalanikupule i hoopaa aku @ e uku aku ana oia ia Baraunu me eha haneri puaa no kana mau hana kokua ma kona aoao ma ke kaua me Kaeo, pela no i hoohoia ae ai, a ua lele mai na sela o ko Baraunu moku i ka aina a malaila lakou i pepehi ai a kapi ai i na puaa i loaa aku.

Ma ka la 1 o Ianuari, 1705 ua hoouna aku o Kapena Baraunu ia Mr. Lamport me kekahi poe sela no Kaihikapu ma Moanalua ae nei e kii i paakai, a ma ia hana ana ua pii aku o Kaomohomoho iluna o ka moku a pepehi iho la ia Kapena Baraunu ame kona mau hoa.  Ia manawa hookahi no hoi ua hoopuniia ae la o Mr. Lamport ame kona mau hoa ma Moanalua a hoehaia lakou me ka menemene ole, aole no nae lakou i pepehiia a make, a hoihoiia mai la lakou no Hoonolulu.

Mamuli o keia ua ulu ae la ko Kalanikupule manao ua lawe kona ikaika e kaua aku ai ia Kamehameha, oiai ua lilo mai la na moku ame ko lakou mau lakokaua iaia mamuli o ka make ana o Kapena Baraunu ame kona mau hoa kapena, nolaila ua hoomakaukau koke iho la oia me kona mau koa e holo no Hawaii.  Ma keia ua a'o ia aku o Kalanikupule e Kamohomoho e holo aku no oia maluna o kona mau waa; eia nae na paakiki ko Kalanikupule manao o na koa wale no ke holo ma na waa a oia ame kekahi mau hoa ke holo maluna o na moku i lilo mai iaia.

Malalo o na kauoha a Kalanikupule ua hoohanaia na illikea no ka hoomakaukau ana i na moku no ka huakai, a i ka wa e ku ana na moku mawaho ae o Waikiki no ka makaukau ana e holo a aia  hoi ke alii ame kona mau hoa maluna o lakou, i ka po ua ala ae la na ilikea a kaua ku-e i na kanaka Hawaii a hoopaaia o Kalanikupule ame kana wahine iluna o ka moku, a pepehiia a kiolaia iloko o ke @ai kona mau hoa.  Mahope o ka lanakila ana o na ilikea ua huki ae la lakou i na pea a holo aku la.

MOKUNA VII.

(KAU POO MUA.)

IKEIA KO KAMEHAMEHA POOKELA.

Ua hoomau aku keia mau moku i ka holo ana no ka hema, a i ke ao ana ae ua hookauia aku o Kalanikupule, kana wahine ame kekahi poe aialo ona maluna o kekahi waa i kolo pu ia aku me lakou, a hookuuia aku la laua e hoi no ka aina.  Holo loa aku la keia mau moku no Hawaii, a malaila i waihoia aku ai he ekolu mau wahine i laweia ma ia huakai, a hoike pu ia aku la no hoi ka lono ia Kamehameha no ka Kalanikupule mau hana.  Mahope o ka hoopiha ana o na mau moku la i na mea ai, ua holo loa aku la lakou no Kina.

Mahope o ka hui ana ae o Kamehameha ame kona ahakuka ua hooholoia iho la e na'i i ka Mokupuni o Oahu.  Me ka hoohakalia ole, ua kauoha aku la oia e hoouna mai kela ame keia alii o Hawaii i mau koa, a houluulu ae la oia i kekahi pualikoa nui i ike ole ia mamua aku.  I keia manawa aia he umi-kumamaono poe ilikea iloko o kona pualikoa, a ua kaa aku malolo o na malama ana a Iana, Kewiki ame Petero Anekona na pukuniahi a Kamehameha.  Ua hoikeia maloko o ka moolelo na hiki aku i ka 16,000 ka nui o na koa o Kamehameha ma keia na'i ia Oahu.

Iloko o ka mahina o Feberuari, 1795, ua holo mai la oia me kona mau mokukaua ame na auwaa a lele ma Lahaina, a kaua malaila a hiki i ka haule ana o Maui.  O koolaukane ka mea iaia ke alukai ana i ko Maui poe, a i kona ike ana i ka pilikia o kona aoao ua mahuka mai la oia no Oahu.

Mai Lahaina holo ae la o Kamehameha no Molokai, a ua oleloia i ka wa i ku lalani ai na waa o Kamehameha mawaho ae o Kaunakakai ua like me eha mile i paa ia lakou.

Mamua aku o ko Kamehameha holo ana mai e na'i i na moku o ke komohana, aia hoi ua ala mai he mau like ole mawaena o na alii o Kona me Kaiana, a oiai aole oia i kiiia mai i ka malamaia ana o ke komohana, aia hoi ua ala mai he mau like ole mawaena o na alii o Kona me Kaiana, a oiai aole oia i kiia mai i ka malamaia ana o ka ahakuka ma Kaunakakai ua manao iho la oia ua hiki ka manawa nona e hoopoinoia ai a e make ai, nolaila i ka manawa i holo mai ai na waa ame na mokukaua o Kamehameha no Oahu nei, ua hookaawale ae la oia ame kona kaikaina, Nahioloa, ame ko laua mau kanaka mai ia Kamehameha aku a holo ae lakou a pae ae la ma Koolau, Oahu, hele mai la ma ka aina a hui ae la me ko Kalanikupule poe.

Ua holo mai la o Kamehameha ame kona mau auwaa a pae ae ma Waialae, a mahope o ka hooponopono ana i kona pualikoa no kekahi mau la ua pii aku la oia no ke awawa o Nuuanu, kahi hoi a Kalinikupule i kukulu ae ai i kona pualikoa.  Ua halawai aku la oia me ka enemi ma Laimi ame Puiwa, a malaila i paa mai ai ko Oahu poe me ka ikaika a hiki i ka manawa i make ai o Kaiana mamuli o kona ku ana i ka poka pukuniahi, alaila auhee aku la lakou no ka pali me ka hahaiia aku e na koa o Kamehameha.  O keia ke kaua i kaulana i ka lele ana o ko Oahu poe i ka pali o Nuuanu a pau i ka make, a o kekahi poe ua holo aku lakou e pee ma na kuahiwi.

No kekahi mau mahina, mahope o ke auhee ana, ua pee aku o Kalanikupule ma ke awawa o Waipio, a malaila oia i paa ai i ka hoopuia, a laweia mai oia a hiki i Moanalua, a malaila kahi i mohaiia aku ai kona kinomake imua o ke akua Kukailimoku.  O kona kaikama hoi, oia o Koalaukane, ua holo mahuka aku oia no Kauai.

Ma ka hoomaopopo ana o ka poe i imi i ko Hawii nei moolelo, ua malamaia keia kana o ka Pali o Nuuanu i ka hapa hope o ka mahina o Aperila, 1795, a o keia lanakila ana hoi o Kamehameha oia ka pii ana ae ma ke anuu pookela loa o ka noho moi ana no ka Paemoku o Hawii, a o keia hoi ko Hawaii nei komo mua ana ma ke alahele aupuni moi malalo o hookahi alii.

(Aole i pau.)

NA WARENA

---OPIO---

ILOKO O KA ENAENA O KA

LUKUWALE.

He Moolelo o ka Lukuwale Ana ia o na Pele-

kane ma Inia.

MOKUNA IV.

PIULA A WAIHO MA'I MA KE ALA.

"Aole he pilikia o na kaikamahine," wahi a Dike i pane aku ai me ka olioli nui i ka lohe hou ana i  ka leo o ka makuakane, "a o nede hoi, aia oia mawahe koke nei no no ke ku kiai ana ma ke ano  he koa.  Ano, he manawa keia k kaawale aku ai mai keia wahi aku e papa, a e hoala aku i na  hoaloha a hookahi ko kakou holo ana.  A i ka manawa e mamao aku ai he umi ia- mai keia  wahi mahope pono aku nei e loaa ai ka maha a malele aku hoi mai ke ano po na keia poe kipi."

Ia manawa koke no ua ala ae la ka makuakane mahope o ka mokumoku ana o na kaula a  mahope o ka hoala ana i na hoaloha a kaawale no hoi na kupee a na Inia i hauhoa ai, a mahope  o ka haawi aloha ana ia Dike mai na hoaloha mai, a pau no hi na kamaa o lakou i ka wehewehe  ua nihihele malie aku la lakou apau iwaho, a emoole ua nalo aku la iloko o ka pouli mamao loa  aku hoi mai ke kahua hoomoana o na Inia.

Eia nae ua ano puiwa ae no ke kiai Inia, a no ia mea ua hele mai ia oia e hoomaopopo ia Nede e  ku kiai ana me ka manao o kona hoa kiai no ia  a i ka maopopo ana he nakeke manu wale no ia  ua hoi hou aku la oia i kona kahua mau o ke kiai ana me ka loaa ole o kekahi hoohuoi.

A hala ka hapaha hora paha o ke ku kiai ana o Nede, no ka malama pono ana i kona hoa kiai,  oiai malia o manao wale ae no oia e nana iloko o ka halelole, alaila ua makaukau o Nede e  ke'ake'a aku, eia nae aole he haawina o ia ano i hoomahuiia e ke kiai.

Mahope loa iho o ka hala ana o ka hapaha hora, ua hooholo iho la o Nede ua mamao loa aku  kona poe, a hakalia no a hala ke kiai maoli o ka halelole paahao ma kahi aoao ua nihi malie aku  la no hoi oia a aole no hoi i u iho ua malele aku la oia mai ke kahua hoomoana aku me ka  pilikia ole me ka loaa ole o na hoohuoi.

Mahope iho o ka hui ana o ka makuakane me na keiki oia ka hoea ana aku o Nede ua  hoohakalia ole iho la ka lakou hooponopono ana no ko lakou mau lako, oia hoi, o ka hoolako  ana aku i ka makaakane ame na hoapio ona me na lako kaua i lawe pu ia mai ai e na opio a  Dike hoi i lawe mai ai mai na koa eono e hiamoe ana iloko o ka Halelole nui, a mahope o ka  lawa like ana o lakou apau--o ka makuakane ame na Kapena Danaloupe ame Mena ame laua  iho no hoi ua hoomaka aku la ka lakou holo malie ana me ka hoomaha ole no kekahi mau  manawa a hiki i ko lakou hoomaopopo ana ua mamao loa mai na enemi aku a ke hookokoke aku nei hoi i Miruta alaila hoomaka iho la ka hele hooauau mahope iki nae o ka hoomaha ana.

MOKUNA V.

HAHANA KE KAUA ME NA SIPOE.

"Pehea ka mamao mai ne'i aku a hiki i Deli?" wahi a na keiki i ninau aku ai i ka makuakane.

"Aole e oi aku maluna o ke kanakolu mile."

"A ua lohe anei oe i ke kulana o na Pelekane i keia mau manawa i hala iho la ma kahi paha o ka pule ae nei?"

"Ma na mea i loheia mai na Sipoe mai," wahi a Mekia Warena; "aia ke komo mau nei na koa Inia  hou ma na kahua apau o ka aina a ke olelo kaena nei lakou e pau ana na haole apau i ka  hookukeia mai ka aina aku.  Eia nae, aia no ko kakou mau pualikoa i Miruta kahi i hoomoana ai, a aia he poe Pelekane ke houluulu la i Umabala eia nae he poe kakaikahi wale no lakou."

"Manao anei oe e hiki mai ana na kokua no kakou mai ka aina makuakane mai?"

"Aole he ikeia aku o na hoailona o ia ano i keia manawa.  Ua waha-a ikaika ae na Sipoe ua pau  loa na kahua hoomoana o na Pelekane i ka hoohioloia a koe na kahua o Agana, Alahaba, "A he  manawa wale no koe o ko lakou hiolo no ia, a o Kanapoa ame Lukanao eia ke piha mau nei me na koa Inia."

"Ua pau anei na haole apau i ka pepehiia?"

"Ke kaumaha nei wau i ka hoike ae i ka make io o lakou, ma na wahi no nae aohe pualikoa  Pelekane e hiki ai ke hoopakele ia lakou, eia nae, aole kakou e lohe piha ana ia mau mea no  kekahi manawa loihi.  Eia nae, he akahi ae nei no pule i hala a oi iki mai ka wa o ka hoomaka  ana o keia lukuwale."

"Eia nae, ke noonoo iho me ha la he manawa loihi loa ka nee ana o keia hana weliweli a na  kamaaina maluna o kakou," wahi a Nede i pane aku ai, "a aole anei ou manao e hoomau aku i  ka kakou huakai no ka hiki koke ana i ka pahuhopu.  Ua hiki no ia maua ke hoomau aku me ka  hoohikiwawe eia nae ua ano maluhiluhi maoli no ma keia wa o ka hele ana mai nei."

"O, aole, aole e Nede.  O ka'u wale no i makemake nui ai." wahi o Mekia Warena," e kaawale koke  aku a mamao loa aku mai kahi hoomoana o ka poe Sipoy a makou i pahemo mai ai, a'u e  manao nei i ka la-apopo e hiki ai kakou i ka muliwai, a ilaila e pee ai no ka hoomaha ana a po  ka la.  Ua manao wau aole e huli mai ana na Sipoe ia kakou no ka mea ua makemake loa lakou  e hoea koke i Deli i ka manawa kupono me ka hookakalia ole.  Nolaila e hoomaha iki no kakau  maanei a oiai he paa loa keia wahi i ka hihipe'a o ka laau ua hiki kakou ke ho-a ahi me ka pilikia  ole."

I ka manawa koke no ua hele aku la lakou apau--o Mekia Warena, na Warena Opio a elua, na  Kapena Danalope ame Mena e ohi laalaau i wahie e ho-a ahi ai, alaila houluulu ae la ka Mekia i  la'ola'o liilii no ka ho-a ana, a e mea iho ana oia e ninini i ka pauda maluna o ua la'ola'o wahie  la oia ka wa o Dike i pane aku  ai, aia me ia ka makaahi, oiai he ho-a ahi no laua aole nae i ka  po.

"A ua pono e Dike," wahi a ka makuakane, "aia a a lea ae ke ahi e pumehana pono ai kakou, no  ka mea ua pulu maoli no kakou i ke kehau o keia wahi, alaila e hoolohe aku ai makou i ko olua  moolelo o ka pakele ana mai na hoopoino wale ana o na Sipoe."

Alaila hoomaka aku la o Nede ame Dike i ka hahai ana i ko laua moolelo ame ko na kaikuahine  pu, e hoike ana kekahi a e hoike aku ana no hoi kekahi i ka wa e hoomaha iki iho kekahi a i na  manawa apau o na opio e hoike manao ana ua kau aku na hiohiona like ole maluna o na  pio--ma kekahi mau wahi, ka pii ino ae o ka inaina, a ma kekahi mau wahi e hu ae ana ke  aloha, kahi hoi o na kapena i manao ai e hoi hou laua i hope no ka hui pu ana me na wahine  opio i haawi aku ai laua i ko laua kokua hoopakele ana ia laua, a mamuli o ka hooikaika o Mekia  Warena i ke kupono ole o ka hana aku pela, pela i hooko ole ia ai.

"Aia! ke kani mai la ka pahu a ua poe kipi nei," wahi a Mekia Warena i hooho ae ai, "he hoike ana  mai hoi iaia kakou aia lakou ma ko lakou ala e nee la no Deli a he maikai hoi ia ma ko kakou  aoao."

Ua lohe io aku no lakou i ke kani ana mai o ka pahu he lohe koliuliu loa no nae oiai ua mamao  loa lakou mailaila mai aka no ka la'iku loa o ka ululaau ua loaa iki ia lakou ka lohe ana no ia  mea.

"Ua maikai ko lakou mamao loa aku mai ia kakou aku nei," wahi hou a Warena makua, "a ke  hoeu ae no hoi kakou no ka hele ana oia no ko kakou mamao loa ana aku mai keia poe kipi  mai a ke hala ka hora hookahi, alaila e pau ai ke kanalua ma ko kakou aoao."

Aka, alia kakou e nee a lohe aku maua i ko oukou moolele," wahi a Dike i pane aku ai, "a no ka  mea aole i lohe ia aku nei ka oukou."

"He mea maopopo," wahi a Warena Makua i hoomaka ai i ko lakou moolelo, "o ko makou wahi i  hookahua ai he wahi no ia no ka make, me ka maopopo ole nae o ka wa hea la e hiki mai ai, eia  nae, ua makaukau no na koa apau e paio aku no ka hopena."  O na koa mea wahine ua  hoomakaukauia ko lakou mau kulana hoopakele a @ ka poe mare ole ua maopopo ko lakou  hoike manao e paio aku no ka hoopakele ana i na wahine ame na keiki, me ka hookoe ole iho i  ko lakou, eia nae, no makou iho--owau ame na Kapena Danalope me Mena ua paa ko makou  manao e hoopakele i na mea apau ma ka paio ana aku a hiki i ka wa e hiolo ai a pau makou i ka  puhee alaila e hoao ai makou e hoopakele iho ia makou ma ka holo pololei a@a i kahi o Kapena  Danalope."

"Ame ka maopopo oie ia makou ua hiki io mai la ua poe Sipoe nei a o ka hoomaka iho la no ia  o ke kaua, eia nae, ma ko'u wahi e ku ana mamua o ka hoomaka ana o ka uluao'a na ike mua  aku la wau i na Sipoe aole i makaukau nolaila ua holo aku wau i o lakou me ka hui pu ana mai o  Danalope ame Mena, a ua lilo ia i mea hoopuiwa nui i na Sipoe oiai aole lakou i makaukau no  ka nee ana imua, a ma ia hana ana na puhee aku ua poe la a loaa iho la he kaawale ai mai ka  enemi mai a hoomaka iho la makou e holo mahope iho o ke kaua ikaika ana a hiki wale i ka hiki  ole ke ku aku oiai he nui maoli na Inia."

"A i ka'u holo ana no kahi o Danalope ua uhai pu mai la o Danalope ame Mena ia'u a hookahi  ko makou holo pu ana a hiki wale ilaila a loaa aku la ke kaa e ku makaukau ana i paa mau ka lio  a i ke kau ana no o ka hoomaka aku la no ia e holo me ka mama nui oiai na poka pu-raifela  ame pu-panapana e oloio ana me ko makou ku ole, a ua loaa mua no ia ike ia makou i ko  makou ku ole i ka pola oiai he poe ike ole na Inia i ke ki pololei oi loa aku ka puhili i ka manawa  o ka po e like me ia manawa a makou e holo ana."

"A i ko makou mamao loa ana mai ka hapanui mai oiai no nae na poka e oloio ana ua loaa mai  la wau i ka poka a waiho lolo iho la wau me ka eha nui, aka, ua paa ka manao e nee aku imua,  eia nae, i ka hala ana o kekahi manawa o ka hooikaika ana ua hoomaopopo iho la makou i ka  emi mai o ka holo ana o ka lio, a aole no hoi i liuliu o ka huli ana o Kapena Danalope i ke kumu,  ua loaa aku la ua ku ka lio i ka pu, he hookahi poka ma ka a-i a he hookahi ma ka opu, a pau  loa ae la ko makou manaolana no ka hoomau ana i ka huakai imua, nolaila ua haalele koke iho  la makou i ke kaa me ke kauoha pu ana aku i ke kiakaa e hoomau aku no i ka holo ana e like  me ka hiki i ka lio ke huki i ke kaa a hiki i kona manawa e pio ai alaila ua hapaiia aku la wau e  kuu mau hoaloha nei no kekahi opu-nahelehele."

"Heaha kou mea i au'a ole i ke kiakaa e hele pu me oukou?" wahi a Dike i ninau aku ai ia  Danalope me ka uhane i piha i ka eehia no ka moolelo o kona makuakane i alo ai i ka poino.  "I  ko'u manao he paahana maikai loa oia no ke alahele a e waiwai nui ai kana mau kokua ma ke  ala?"

"Aole au i hana pela," wahi a Danalope.  "Ua manao wau o ka hookuu ana iaia e holo maluna o  ke kaa a make aku ka lio i kahi e aku laila he mea hoopuhili ia i na Sipoe no ka huli ana ia  makou, a pakele hoi makou mai ka lakou lukuwale ana.  Aka o ka mea i kau nui loa ia e 'au oia  no ka waiho eha loa o Mekia Warena a no ka maopopo ole ia maua kahi o ka poino ua ano  pioloke ae la ko maua noonoo, aka mahope iho o ka hooikaika ana ua hiki aku la makou iloko  o kekahi wahi hale ano nahaha."

A o ka mea oi loa aku o ka olioli," wahi a Mekia Warren i hoomau aku ai i ka wahewehe moolelo  ana;" oia no ka lohe ana i ko oukou pakele mai ka lukuwale mua ana i hiki aku i ko kakou home.   Mahope iho o ka hooponopono ana o na kapena ia'u a waiho iho la ia'u iloko o ua wahi hale  nei, na hele aku la laua nei i kauhale no ka imi pono ana ina ua kau aku ka poino maluna o  oukou a i ole ua palekana paha a he ekolu no hoi hora a oi paha ko'u kali ana mamua o ko laua  nei hoi hou ana mai, me ka nuhou maikai nae, e hoike mai ana ua pakele oukou apau a o ka  maha no hoi ia o ko'u noonoo kaumaha mau no oukou."

"Ua loaa ia laua nei ka ike maopopo i ko oukou pakele, ma ka ike ana i ka puulehu o ka home o  kakou, aka aole i ikeia na kino make, a i ole puhiia paha i ke ahi, a oiai ua maopopo ia laua nei  kahi o oukou e pee mua ai ma ka manawa e holo ai i pakele, ua hoomanawanui loa aku la laua  nei a komo iloko o ka laau a oukou i pee ai, a ma ka hookolo akahele ana ua loaa aku la he  haina-ka pakeke no Rose, a lana ae la ko laua nei manao no ko oukou pakele io a ma ka  hoomau ana ua loaa aku la he ewalu mau maka kapuai wawae e waiho ana a maopopo loa ae la  ko oukou pakele a i ka hoea ana mai o laua nei a maopopo like ae la na meahou olioli nei, aia  hoi he hookahi, ko makou olioli like ana, eia nae, aia au iloko o ke kulana nui o ka eha a aneane  aku i kahi o ka poino."

"Elua la o ko makou hoomanawanui ana iloko o ia wahi pupupuhale ua hooholo like ae la  makou e noi aku i kekahi o na kamaaina o ia wahi e kokua mai ia makou ma na mea ai, a ua  apo ohaohaia mai no hoi makou a laweia aku la wau ilaila a kaa malalo o ka malama ana o na  kamaaina me ka hoopaa ana mai i ka olelo e huna ia makou mai ka ikeia mai e na enemi.  Aka  mahope iho o ka hala ana o elua la hou, ua paapio ae la makou me ka maopopo ole nawai la i  hoike ia makou, a hiki wale i keia manawa aole i hiki ke hoike oiaio ae, eia nae, na manao wale  ae no makou na na kamaaina no."

"Alaila ua hooholo koke ae la na enemi, aole e lawe i ko makou ola i ka manawa koke no, aka e  lawe ia makou no Deli a ilaila e kau ai ka make maluna o makou, a ua lilo hoi ia i haawina  hookaumaha loa ia makou, a oia ia a olua e ike mai la a e ole ka olua hoopakela ia makou ina  paha aole makou e pahemo koke mai ka lakou umi@ ikaika ana, aka ua hoonohono malu ae no  makou e hoao e holo malu i keia po, aka ua hiki e mai ka hoopakele i ka wa kupono a hui like  kakou--ka makua me na keiki, alaila he mea pono ia kakou e nee i keia manawa."

Mahope iho o ko lakou liuliu ana aia hoi lakou apau ma ke ala a hala kekahi mau hora o ka  hooikaika ana, e a'e ana i ka muliwai a hala kekahi mau mile ua maopopo lea iho la ia lakou aia  wale no he mau mile, o ko lakou hiki no ia i ka pahupohu oia hoi o Miruta, a no ia mea i loaa ae  ai e hoomaha iki a kuu iho la no hoi ka upu ino o ka noonoo.

Aka, i ka hookuu iki ana iho ua ala mai la no na noonoo, i ke kokoke loa o lakou i ka puuhonua,  kahi a lakou e lilo hou ai i poe koa aole hoi i poe paialewa wale ia, alaila uluku nui ae la ka  noonoo e hoomau aku me ke kai hou ole a o ko lakou hele aku la no ia, a emoole na hala ae la  kekahi mau mile a maopopo loa ae la ko lakou ano lihi launa aku i ka pahuhope, a ma ia  hoomau ana na lohe aku la lakou i ka haukawewe ana o na wawae lio i kahi e loa nae, aka a hala  kekahi manawa ua maopopo loa ia lakou ua ikeia lakou oiai e holo mai ana kekahi pualikoa  kaulio e kuu pau mai ana he mamao nae mai ia lakou aku.

(Aole i pau.)