Ka Nupepa Kuokoa, Volume XL, Number 25, 20 June 1902 — Kakau Pokole ma Sana Lui. KEKAHI MAU HANA E AE E PILI ANA I KE KULA. [ARTICLE]

Kakau Pokole ma Sana Lui.

KEKAHI MAU HANA E AE E PILI ANA I KE KULA.

He ewalu mau haumana o ka papa kiekie o ke Kula o Sana Lui i puka pono ma ka haawina kakau pokole. O lakou na haumana i mahalo nui ia e ko lakou kumukula Bro. Thomas, no ka hoolohe mai no ke kumu i loaa ai ka lanakila ia iakou apau. Ua loaa mai ko lakou mau palapala hoomaikai (dipiomas) mai ka mea nana i imi mua ia mea.

O Sana Lui kekahi o na kula naauao ma ke kulanakauhale o Honolulu nei. E hoomaha ana ke kula ma ka la 28 o keia mahina a e hoomaka ana na hana hoike i ka hora 9 a. m. a hiki aku i' ka hora 12. Ma ke ahiahi iho e malamaia ai kekahi mau lealea o na ano like ole e like no me kela mau makahiki i hala a oi ae paha kekah'. mau hana maikai.

Na inoa o na keikl i loaa ka palapala hoomaikai oia no o Harold A. O. Giles, ka mea hoi i lawe ka hanohano o ka papa kiekie; Otto Heine, George J. Wond, Edward Ayau, Henry P. o'Sullivan, William John Hall, Joseph Cullen ame Vasco Osoris. Oia ka uku o na keiki i hoomanawanui i ka naauao. E pono no na keiki oia kula e hauoli pu ae 1 keia makana maikai. A he manawa no e loaa ai ia ike i kela ame keia a aole wale no i na keiki oia kula, aka o kekahi mau kula e ae no hoi kekahi. O kekahi mea maikai loa keia e aoia i kela ame keia opio e makemake ana ia mea he naauao.