Ka Nupepa Kuokoa, Volume XXXVIII, Number 40, 6 October 1899 — He mau Keiki Makamae. [ARTICLE]

He mau Keiki Makamae.

Ka maha ia o ka Makuahine, a o ka hauoli hoi ia o ka Makuakane, a oia ka makana niakamae a ke Akua i ke kanaka ma ka honua nei. He keu a ka mea nani o ka ifke ana aku i kekahi keiki kino oolea, maikai, a eleu ma na ano apau. Nani hoi ka mea kaumaha ke ike aku i ke keiki e uwe mai ana me ka aaka/ inoino na helehelena. a hauli ka ili apau. O keia ano haka o ke keiki elike me keia ae la. ua loohia oia i ka ma'i maloko o' kona opu, oia hoi ua hoopilikiaia oia e ke koe. O ka oni ino aina o ke keiki, oia ka hoailona o ka oni ana o keia ano moo, i ka paia he koe, iloko o ka opu o ke keiki. He umi manawa mailoko ae o umi manawa e hoohanaia ai ka Laau Kikapu Hoomake Moo, e loaa no he ola . O ka laau keia mal ha honua mai. a o ke keiki oia, oia no ke keiki mailoko mai o ka ouli hanau oiaio, oia auanei ka laau e ola ai ,ke kemi ma'i. Mamuli o ko ka Ilikini hoopapau loa ma na laau mailoko mai o na mea kino ulu o loko o ka honua, ua laa ia lakou ka laau e ola ai keia ano ma'i weliweli. No na keneturia lehulehu wale i hoohana ai na Ilikini i keia laau i mea e loaa ai ka ikaika ame ka makau ole iioko o ka lakou mau keiki. 0 ka mea i loaa ai ka pono i ke au naauao. 0 keia maoli iho 1 a ka mea i hanaia iloko o na makahiki he nui i kaa hope ae nei. E loaa no ia oe keia laau maikai loa maloko o na hale kuai laau iapaau no ka 25 keneta. E hoomaopopo loa nae oe e loaa ia oe ka laau oiaio loa. He mea nui ke ola makamae o ke keiki, e pono ole ai ke hana me ka hemahema, a kii hoi i na laau waiwai ole.

Ma ka auwina la Poalima o kela pule aku nei i hooleleia mai ai mailuna mai o ka moku "Ceylon" he 106 poe kao, no ka laweia ana aku i ka mokupuni o Kauai, maluna aku o ka mokuahi "Kimo Maki," no ka pomaikai o na ohana Geremania ma ia mokupuni. Ma ka nupepa-P. C. Advertiser o ka Poalima o keia pule aku nei, i ike iho ai makou he palapala i hoopukaia ma ka inoa o "T. McCants Stewart." e ahewa ana i ka hookaeia o na ili-ele-ele, aka, ma ka nupepa P. C. Advertiser mai o ka Poaono,. ua hoopuka,. mai la o "T. McCants Stewart" he palapala e hooie ana, aole nana i kakau i ka palapala i puka ai ma ka Poalima, ma ka inoa i ano like loa me kona.