Ka Nupepa Kuokoa, Volume XXXVII, Number 9, 4 March 1898 — Untitled [ARTICLE]

Ua mahalo makou i ko Mr. W. C. AehiAehi hooikaika no ka pono o na pio kalaiaina o ka makahiki 1593. Ke noho nei keia poe pio kalaiaina —ka hapanui o lakou he poe aole ma ka aoao kalai Aupuni a Mr. Aehi e ku nei —he poe aie kaa ole ika nui o kona lokomaikai. Ua ae ka Aha Kuhina e huikalaia l&kou, a eia no o Mr. Aehi ke koi nei i ka Ana Kuhina e hoihoiia na dala a ka poe o lakou i uku dala i ke Aupuni. Ke ole makou e kuh?hewa ua like no keia poe pio kalaiaina me na pio kalaiaina o ka makahiki 1889, i ke au o ke Aupuni "Moi." E loaa like ke kaulike ma na aoao apau e pono ai.

Ua olelo ae kekahi hoa Senate i kela ila aku nei, ma ka wa i hoopaapaaia ai ka Bila Opiuma, ua ikeia ka paonioni maopopo mawaena o na hoa o ka Oihana Makai ame ka Oihana Dute no nei mea he loaa opiuma. A e pono e laikiniia ka opiuma i pau ai na opu kekeue ana o keia poe luna Aupuni,

Ua lohe mai makou e hoao ana o Lunamakaainana Loebenstein o Hilo e hoololi i kela Pauku o ke Kumukanawai e pili ana i ka hoohiki kakoo Aupuni, ma ke ano e hoopau ana i na olelo e pili ana i ke Aupuui Mof. E hoomanaoia o ka makahiki 1898 keia, e koho balota Peresidena ana kakoo ma ka makahiki 1900 ae nei, ke ole e hoohuiia kakou me Amerika Huiia. Nolaila, e makaaHa loa na hoaloha o ka Repubalika o Hawaii i keia mau hana e waiho ano huaale ia mai nei, ua paa owaho i ke ko.