Ka Nupepa Kuokoa, Volume XXXVI, Number 38, 17 September 1897 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA  SABATI.

HAAWINA  XIII.--SEPATEMABA 26.

Hoike Hapaha

  PAUKU GULA. Mat. 5:16. Pela oukou e hoakaka aku ai i ko oukou malamalama imua o na kanaka i ike mai ai lakou i ka oukou hana maikai ana. a i hoonani aku ai lakou i ko oukou Makua i ka lani.

  O ke kumuhana o na haawina o keia hapaha oia no ka hoomahuahua ana o ka ekalesia malalo o ka mana o ka Uhane Hemolele. E hiki i ke kahukula ke hoike aku i keia ma ka papa eleele. E kaha i ke kii o ka manu nunu maluna loa. E kaha i kekahi kumulaau me na lala 12: a mamua o ka ninaninau ana i na haawina pakahi, e kakau i ke kumumanao o ua haawina la maluna o kekahi lala. E pono no hoi ke kaha i wahi palapala aina a hoike aku i ka lalani o ko Paulo kaahele ana i kela wahi keia wahi.

  Heaha na kumuhana, na pauku gula, na manao nui o kela a me keia haawina pakahi?

  1. A pau ka aha kuka ma Ierusalema, ihea ko Paulo hele ana'ku. Heaha kona manao ana i noi aku ai ia Berenaba e hooholo pu? Heaha ka mea a laua i hoopaapaa ai? Owai ko Paulo hoahele? Heaha ko Paulo hihio ma Teroa  2. Mahea ka mua o ka hai euanelio ana ma Europa? Owai ka mua i hoohuliia i ka manaolo? Heaha kekahi hana mana ma Pilipi? Heaha ka pilikia o Paulo ma no keia hana? Heaha ko lakou hana ma ka halepaahao? Heaha ka mea kupaianaha i ke kulu aumoe? Owai ka mea i hoohuliia i ka manaoio? 3. Ihea ko Paulo hele ana mai Pilipi aku? Heaha ka hana a ka poe ludaio ma Tesalonike? Heaha ka olelo mahalo i ko Berea? 4. Ihea ko Paulo hele ana mai Berea aku? Heaha ka mea ana i kahaha ai ma Atenai? Imua owai kona haiolelo ana? Pehea ko lakou hana ana'ku iaia? 5. Ihea kona hele ana mai Atenai aku? Me wai kona noho ana malaila? Pehea i loaa ai iaia kona oia kino? Ia wai ka mua o kona hai euanelio ana? A hoole na Iudaio iaia, heaha kona hana? Pehea ko ka Haku hooikaika ana iaia? Ehia mau mahina kona noho ana ma Korineto? 6. Heaha kona mau leta i kakau ai? Heaha ke kumuhana ma ka apana o kona leta mua ma ko kakou haawina eono? Heaha kona olelo paipai i ko Tesalonike? Heaha ka manao lalau o kekahi poe malaila? Pehea, e hoi hou mai ana anei o Iesu? I ka wa hea? 7. Heaha ka hana a kakou e hana ai no ka pono o hai? E pono anei ke manao ole i ka nawaliwali o ka manaoio o hai ma ka hooko ana i ko kakou makemake? Heaha ko kakou hana kupono e pili ana i na waiona? 8. Heaha na kulana maikai ekolu? Heaha ka oi? No keaha ia Heaha na ano pili okoa o ka manaolo, ka manaolana, ke aloha? 9. Heaha ke kumu o ka haunaele ma Epeso? Pehea i pau ai? Heaha ke kulana o Epeso i keia wa? 10. Heaha ke kumu no ka lua o ko Paulo kakau leta ana i ko Korineto? Pehea e pono ai ia kakou ke haawi manawalea? Heaha kou rula e pili ana i na haawina i kakau ai i kona wa i noho hou ai ma manawaiea? 11. Heaha ka leta a Paulo Korineto? Heaha ke kumuhana o ka haawina 11? Heaha ke ano pili o na hana maikai i ka manaoio? 12. Mahea kahi a Paulo i haiolelo aku ai i na luna ekalesia o Epeso? Heaha kona iini kumau? Heaha kona hana i kaena aku ai?

 

NA HUNA KULU WAI HU'I O

KOHALA HEMA, HAWAII.

 

Kuu Kilohana ka Nupepa Kuokoa.--

            Aloha oe:--

Hopuia no ka Howeliweli.

  Ma ka pule i hala, ua hopuia o Mr. Punikala (ka mole ia o ka hewa) no ka howeliweli ana i kana kaikamahine ponoi. Hope Maikai Nui Z. Paakiki ma ka aoao o ke Aupuni. Thos. Chillingworth no ka aoao hoopilia. a ua hooholu ka Lunakanawai S. H. Mahuka e hookuu i ka mea i hoopilia.

Poe Kepana Piliwaiwai.

  He eono ka nui o ka Kepaai i hopuia e ka Hope Makai Nui Z. Paakiki no ka piliwaiwai, ua kopilia elua a ua laki ma ka apuna ke puka ana eha Kepani. He hana ino kela a pelapela e hoomano nei kahi poe. O ka makua o ka piliwaiwai iloko o keia apana, ola, no kela Pake i make ai i kahi Pake, oia hoi o Anama, i houla ai i ka pahi e Iana (Pake). Ua haia ia me kana kumu ino. Eia hoi kela poe Kepani. E mahaloia ka nui makaala o ka Hope Makai Nui o kela apana.

  O ka ioio no o keia poe i puka ae la, a hoopaiia no hoi kekahi, oia no ka mea nana i pale kela hihia mua.

Ke Komite a ka Aha i ka Ekalesia o

Kohala Hema.

  Ua hiki mai ka makua kahiko ma ka hana a ka Haku i o makou nei, Rev. S. C. Luhiau, no ka malama ana i ka Ahaaina a ka Haku, a ola mau no kona ano keonimana a ano eleu hoku opio. O ke 72 keia o kona mau makehiki

    Ua malamala ke anaina pule me ekolu Luna Ekalesia, a me eiwa mau hoahanau. O ka huina, he umi-kuma-malua. Hui me na poe pokii, ua like me iwakalua-kumamawalu. Lulu dala no ke ola o ke Komite, $7.30. He aina panoa keia, aka, he pa-ki wahi wai no nae, oiai ke Kai Hawanawana e nehe malie ana i ka aeone.

Elemakule Kahiko.

  Eia ke oia nei kekahi elemakule kahiko loa. oia o B. Kealo, ma "Ka makani kololio o Puako, o 99 keia o kona mau makahiki. Aole e hiki ke ku iluna, he nee ilalo ka hiki ke hele, a pela no e mahiai ai. O ke ola ia a ke Akua, ua hele a ua kolo.

  He ma'u wahi mea hou ia o kuaaina nei.       Kou oiaio,

               THOS. S. K. NAKANELUA.

  Kawaihae, Hawaii, Sept. 7, 1897.

 

HE HUKIHUKI KAULA

 

  Mawaena o na keiki o Laie ame na keiki o Kahuku ma ka Poaono iho nei, Sept. 11, hora 6 a oi iki aku, a mamua ae o keia manawa oiai na keiki hukihuki o Laie i haalele iho ai i ke kahua hoomoana ma ku home o ka peresidena nui oia hui ma ka hora 2 p. m. i kamoe ai ka huakai no ka hikina akau, e hoopunila ana e ka Mahele 2, Mahele 3 a me ka Mahele 4, a mawaho ae o keia mau mahele hukihuki na makahiki i alakaila keia huakai kanaka nui e ka mana o na laia 7 o ke Komite e malama ana i ka maluhia. A ua kau maluna iho o keia huakai helewawae ka eehia ame ke aloha. No ke lawe pu ana o keia hui me ka makaukau i huki ia e na paa lio elua, a ma ka hiki ana o keia huakai helewawae ma ka mahiko o Kahuku ua noho pohai ia keia huakai e ka mana nui o na Komite 7, o ka huina maluna o hookahi haneri keia huakai. E noho ana na luna nui o keia hui me ka makaukau a me ke kapena o ma keiki huki 7 ame na Mahele huki 3 no ka manawa hope loa maluna o ke kahua kaua mokomoko no ka manawa e hiki mai ana 1 ka 5 1/2, he mau paio hahana mawaena o na lunahoohana i kahi aoao ame kekahi aoao, ua loheia na huaolelo awaawa mai ka waha mai o ke kapena o kela aoao i hiki aku i ke kekele 1 o ke kumukanawai o ke au naaupo, a o ka huaolelo nui mai na kane a na wahine he hana kahuna! he hana kahuna !! aole makou e ae e huku aia a hoohiki mai iluna o ka Baibala, alaila, huki. Eia ka mea kupalanaha he poe iloko o ke kulanakauhale o Kokomo ame Gomora e noho ana i ka huikau a na lakou e lawe ae i kela mana o ka Buke Hemolele o ka olelo a ke Akua i ko lakou mau lima i paumaele i ka haumia a hoohiki mai i na Lunakahiko iloko o ka euanelio o ka pono. Alaila he kaua  hahana e ae i ikeia ma na hukihuki kiekie o ke kulanakauhale o Honolulu elike me kela poe i ike ole i na rula i hoonaauaola. O na rula i hanaia e i hoonaauaola. O na rula i hanaia e ka mana o na komite o Laie e hoohui aku me na komite o kela aoao. Ua hooleia na rula a lakou i kuka pu ai, aole laua i kakau mai i ko laua mau inoa, a mahope o ka manawa hope loa ua olelo mai laua ua paa ia mau rula, a ua manao ka hupo o ka hemo he paa ia a o ka paa he hemo ia. Nolaila, e na makamana mai Hawaii a hiki aku i Kauai o Manokalanipo, mai hoohalike elike me keia poe o ke au naaupo. O ka luna hoohana nui o ka mahiko ua kii aku e hele e huki aole i aeia aku a hele okoa mai ka haku o ka mahiko imua o ke kapena, ina aole oukou e hiki, alaila, ua lilo ka pili ia Laie. Aia na keiki o Laie ke noho makaukau mai ia maluna o ka papa hukihuki no ke kauo hope loa ana i ke kaula maluna o ka papa a huli hoi aku, oiai ke hele aku la i na minute o ka molehulehu. Malalo oia huaolelo a ka haku e kaa ka lanakila ia Laie ola ka manawa i ikeia aku ai o na keiki e kii ae ana i ko lakou papa. Ma ka lulu ana ua lilo ka aoao hikina ia Laie o lakou ma ke komohana akau. Ua hoohuiia na papa, na kohoia na lunakanawai ekolu, hookahi no Laie, 2 no Kahuku, a ua makaukau na kapena ame na keiki huki o na aoao elua, a na G. W. Lunakanawai o ka la i hoakaka ae ka manawa 1, 2, 3, oia ka huki ana o na aoao elua. Ua hoomaloia ke kaula, a oia ke manawa i ikeia aku ai ka ula ohelohelo o ko lakou mau papalina me he mea la e hoike mai ana i ka ikaika huki o na elona kakauha o ko lakou mau lima maluna o ke kaula malina. Ua nukee ae la ke kaula ia Laie, a no ka lua o ka manawa ua hoopuka ae ka lunakanawai 1, 2, 3, a hemo ae la ka umii ia sekona no elua iniha ma Laie, aia hoi na keiki o Laie i ka eheu o na manu ke uhene la me na pila me na leo like ole pakahi, a ua ku i ka eehia ame ka hauoli na mea i hanaia. Aia ka mana i na kapena. Ua hoopuka ae ke kapena o na keiki o Kahuku me ka leo o ke kaena ame ka hookiekie penei: E huki o Laie ekolu hora aole hookahi iniha e nee aku. Ua hoomau na keiki o Kahuku i ka huki ana a moe okoa, i noho malie wale ia mai no e na keiki o Laie. Ua haawi aku ke kapena o Laie i keia huaolelo paaa, a ua manao ke kapena o keia aoao e aa ana me ka moe ana maluna o ke kaula malina. Aia ka hemahema e kau ana maluna o ka hupo oia huaolelo i ka manawa pokole aia he hapa kapuai ma Laie ia manawa. Ua loheia aku ka leo o ka lehulehu e i ana ua lilo ia Laie he hapa kapuai ia minute no ka ina o ka manawa. Aia na kapena e holoholo ana me ka lulu ana i na hoopipili maluna o ko lakou mau lima ame ke kawele ana; no ka lua o ka manawa ua lilo hou i na keiki o Laie he kapuai me ka hapa , a ia wa i loheia aku ai ka leo o ka lunakanawai penei: Ua pau, ua kaa ka lanakila ma Laie, Ua hiki ole ke hoomaopopo i na leo ikuwa o ka lehulehu i oi aku maluna o 500 me ka olelo ana ua eo la Laie. Ua hoi aku kela ame keia me ka hauoli ame ke kaumaha nohoi. Mahalo nui i ka keiki o Laie.

                    HAWE.

  (O na olelo pukalaki o ke ano huki kaula, ma keia manao, he maikai ole no; aka, ma ka io ae no nae ka hoonuu.)

 

KA MEA HUNA POHIHIHI

 

Um@hiia e Hooulunakiekie no "Ke Kilohano

Poekela o ka Lahui Hawaii"

 

MOKUNA XXVI

Ka Hale a ke Aloha ole--ka Po Mahina

Walohia--Ka Hainaka i ka Welelau

Makani--Ke Aloha ua

Hiki mai.

  Na keia mea i hoopuiwa ino ae i kona noonoo a lele maoli hoi kona hauli, a no ia mau mea ua hoomaluleia iho ia kona kino a nawaliwali.

No kekahi mau minute kona noho ana me ka haalulu, a mahope iho ua akakuu iki mai la kona pioo ame ka maka'u, a oia kona wa i ku ae ai iluna, a hele aku ia ma ka puka aniani e huli pono ana i ke kukulu a ka moanakai e moe apiiapii ana iloko o kona mau milo holu kupaianaha ame ke kamahao.

  Wehe aku ia hoi ia i na pani laau o waho o ka puka aniani, uu ae la i na puka aniani iluna, a ia wa i nana aku ai oia ma na kaola laau hoopaa o ua puka makani la, a ike aku la oia i ke konane o ka mahina. He oiaio, he po kalae kela, a e pa mai ana ia wa he aheahe lau makani huihui mai ka moana kai mai. Lohe maopopo aku la ia i ka nu o ke kai i ke kumu o ka pali.

  Alaila, hoohuli ae la ia i kana nana ana i ka hale kakela o "Maka o ka Aeto." Ike aku la ia i ka lamalama maikai mai o ko laila mau kukui; ike pu aku la nohoi ia he wahi malamalama kukui ulaula e a ana ma kekahi wahi hale puo'a ma ka lae kahakai, a hoomaopopo iho la ia he hale ipukukui ia no ka hoike hoailona ana no ke awa e pae mai ai kekahi mea holo moana ma ia po. Ia wa haupu wale ae la no ia, malia no ka Haku opio paha o ua hale kakela la keia kukui hoailona i ho-aia ae la ma ia wa. Aia paha ua haku opio la maluna o na ale apiipii o ka moana kai kahi i "hee pue wai ai" me kona moku kakelekele, elike me ka mea maa mau i na 'lii hanau o Pelekane.

  Nolaila, hoohuli hou ae la ia i kana nana ana i ka moanakai "hulei lua" e waiho mai ana imua ona, e hooka-alo ana hoi i na kiei ana a kona mau onohi maka maluna o na ohuku ale, ala hoi ike koliuliu aku la ia i kekahi wahi kiko keokeo e nee ana iluna o ka papalina uliuli o ka moanakai lipolipo. O kona wa ia i hialaai loa aku ai i ka nana ana i ua wahi kiko keokeo nei a e like hoi me ka loihi o kona hoomau ana i ka nana ana'ku maluna oia mea, pela ka pii mahuahua ana mai o ka moakaka o ua mea kino keokeo nei ana e nana aku ana, a ike maopopo aku la hoi ia, aole ia he mea e ae, aka, he wahi moku kiakahi no ia.

  I keia wa lohe ae la ia i ke kana ana mai o ka uwati o loko o ka hale ona i hoopaahaoia ai, helu aku la ia a pau pono na kani he 9, hoomanao iho la ia, o ka hora 9 o ka ia o ka po.

  Hoomau aku la nohoi ia i ka nana ana i ka waapa "hookalakupua" o ka po mahina, aia hoi, ike aku la ia, i kona kaalo pono ana ae ma ke kukulu pololei mai ka hale ake ana e noho ana he pio. Aole i liuliu, ike aku la ia i ka hoohuli ana mai o ua wahi moku la a holo pololei mai la me ka kakulu e ku pono ana i ka hale ana e noho ana me ka ehaeha. Lele ae la ka hauoli nui iloko o kona houpo me ka oni pu ana ae hoi o ke pihoihoi aumeume o ka manaolana oho iloko ona, aole paha auanei e loaa he hoopakele ana nona mai ka Haku opio mai o ka Hale Kakela o Maka-o-ka-Aeto. I kela wa i puana ae ai ia me ka ilihia o kona noonoo:

  "E kuu Akua! E kuu Akua! Ka Puuhonua o ka poe pilikia ame ka ehaeha, mai haalele mai Oe ia'u!"

  Ke kokoke loa mai la ua waapa nei, ma ka aekai o ka pali kahakai e ku ana kona hale e noho ana, a ia wa oia i unuhi ae ai i kona hainaka a owiliwili aku la mawaho o ka puka aniani me ke pihoihoi nui.

  Oloio mai la ka waapa me ka awiwi nui, a ke ike maopopo aku ia ia i na helehelena o ka Haku opio Rosevena, a no ia mea ua paila loa ia ae la ke pihoihoi o kona noonoo.

  Manao ae la ia e kahea aku iaia, aka, me he mea la e kaomiia iho ana ia e ka leo, "mai walaau nui ae oe o makani auanei;" nolaila, hamau iho la ia a hoomau aku la no i ka peahi ana me kona hainaka, aka, aole nae he wahi mea a ike mai o ua haku opio nei o ka Hale Kakela o ka Maka-o-ka-Aeto.

  Hooho ae la nohoi o Alamira: "Ae--ae! Oia ae no keia! Kuu hoopakela! Ka mea hoi nana au i hoopakele mai loko mai o ka poino a ka wiliau a ka waikahi! O ka haku opio Rosevena ae no keia! Ae--o kuu aloha ae no keia!"

  Mahope iho o ka puana ana ae o ua Ui Opio nei o Tereveliana Hale, ike aku la ia i ka wehe ana ae o ka haku opio Rosevena i kona papale a hamo ae la hoi kekahi ilima ona i kona poo, me he mea la e palepale pono ana oia i na maawe lauoho e pukalaki ana i ke ahe lau makani o ka moana.

  Alaila, olelo wale iho la no o Alamira ioiko o kona noonoo iho, me ka ikiiki no nae o kona uhane:

  "Ina nohoi oia e nana mai ana ia nei, ina no la hoi paha ua ike mai oia i ko'u peahi aku; aka, heaha la kana mea e noonoo nui nei i keia wa, i hoauwana hele ia ai hoi oia i ka moana i ka po elike me keia." E hoona ana anei oia iaia iho? A heaha hoi ke kumu o kona ikiiki i konoia ai oia e imi i mea e pau ai ia haawina kamahao e hoomailoia ai ka noonoo o ke kanaka? No'u anei? Auwe! Ua kuhihewa paha au?"

  Alaila. kowelowelo hou aku la ia i kona hainaka me ka awiwi nui. Aka, aole no nae ua Haku Rosevena la i nana mai.

  Aka, aia nae kona waapa ke kokoke loa mai la i ka lae kahakai e ku ana ko ia nei hale i noho pio ai. I kela wa hoi i komo mai ai kekahi manao iloko ona, ua oi loa aku paha ka pono nona e hookuu aku i kona hainaka. a na na welelau makani kehau ia e lawe aku a hoohaule iho paha ma kahi kokoke i ka waapa o ke aloha ana e lana ana i ka opu o ke kai.

  Nolaila, me keia manao. ua kiola aku la oia (Alamira) i ua hainaka nei ona. a lele koheoheo aku la ia ma na eheu o ka makani aheaahe e malanai ana ia wa ma na pali kahakai.

  Ua laweia aku la ua hainaka ia e ke ahe makani, me ke kamahao nohoi. a haule pono iho la mamua o kahi a ka waapa e hooiho mai ana, a me ka hikilele ike mai la ka Haku opio Rosevena ia mea, a oiai na pili kokoke mai la kona waapa ma kahi o ua wahi hainaka la e lana ana a e hilia ae ana e ka opu o ka moanakai uli, kai lipopo; nolaila, ua laiau koke mai la ia i ua hainaka ia, me ka olelo ana iho:

  "E ka manu o ke ao (lark), heaha keia nuhou hoopahaohao au i hoouna mai nei imua o'u i keia po, oiai hoi ko'u noonoo e hoehaehaia ana nona--ae--nona, ka mea nona ka oiwi i like ka nani me ko Venusa, ke akua wahine o ke aloha, a o ka oiwi hoi nona ka helehelena i aahuia e ka nani malamalama elike me ke konane aiai o keia mahina? He elele anei oe e hoomaalili ae ai i ka ikiiki o kuu puuwai? Aole paha?"

  Ma keia mau kanaenae hoohuoi ana iloko ona, nana iho la ia i ka hainaka i loaa aku ai iaia, ame ka puiwa alawa mai ia kona maka iluna, i kahi e ku ana ka hale i hoopaaia ai ka mea nona ua elele ahai olelo pahaohao nei.

  I keia wa hoi i hookuu aku ai o Alamira i ka loa o kona lima a pau pono i waho, me ka noke ana'ku i ka peahi me ka ikaika. A ua ike mai la ua Haku Rosevena nei. Kaulona pololei loa mai la kona mau maka ma kahi a Amamira e noke aku ana i ka peahi. Alaila, lalau ae la o Alamira i na laau kaola i hoopaaia ai ma ka puka aniani a hoonaueue ae la e hoike aku ana ia, ua hoopaaia oia iloko oia wahi.

  Ia wa hili hou iho la ua haku opio la a nana i ka hainaka. Ike iho ia, he hainaka ia aole e loaa i na poe noho kahakai, ke ole nae lakou'he poe maka hanohano a ohana kaukaualii paha. Nana ae la ia ma na kihi o ua hainaka la, a me ka puiwa nui, ike iho la ia i ka inoa "Alamira" ma kekahi kihi.

  Me ka piha hauoli nui, hahao iho la ia i ua hainaka iloko o ka pakeke o kona palule huluhulu, haawi aku la i ke kunou ana a kona poo ia Alamira, me ka peahi ana'ku o kona lima me ka piha pihoihoi nohoi, e hoike aku ana nae ia ma ia hana ana, ua ike oia i na mea apau a e hele aku ana oia e hoopakele i ke aloha iloko o na wiliau o ka ehaeha. Nolaila, me ka eleu nui. huli ae la oia a hooponopno ae la i ka pe'a o kahi moku, e motio pono ana hoi no ke awa e hoea aku ai konba alahele no kahi i hoopaaia ai kana aloha.

  Oiai hoi ka waapa o ua Haku opio nei e kamoe aku ana e pae i ka aina, aia hoi o Alamira ke hauoli la i ka olioli nui, a ke olelo la oia iaia iho penei:

  "Ae--e kuu Akua! He oiai, ua lohe io mai no Oe i ka'u leo pule ia Oe! Ei ae kuu aloha ke hele mai nei. Ua ike oia ma ka inoa e paa la ma ka hainaka i loaa aku la iaia, owau no ka wahine opio ana i hoopakele ai i keia kakahiaka; nolaila, ke hele hou mai nei ola e hoopakele ia'u! Nolaila, e kuu Akua, e hoawiwi mai oe iaia i ole ai e hala ka wa kupono e lilo ai ia i mea nana e hai aku ka lohe i o'u mau makua aloha ame o'u mau pokii kaikunane, eia o Adelo ma ke alahele o ka hoopilikia aku ia lakou."

  A keia pule ae, inu hou oe i ko wai anu huihui i ka poli. Sure!

            (Aole i pau.)

 

  "Ua hoi mai ka'u keiki mai ke kula mai i kekahi la me kona lima i hele a mokumoku inoino a e kahe ana ke koho, me ka uwe ana hoi i ka eha." wahi a Mr. E. J. Schali, e noho nei me Meyer Bros. Drug Co., St. Louis, Mo. "Ua hoomaemae iho la au i na palapu, a hamo aku la hoi i ka Laau Ola a Kamalena. Ua pau ae la ka eha. A iloko o ka wa pokole loa ua oia ae la me ka linalina ole. No na eha palapu. na ma-ui, pehu ame ka rumatika, aole au i ike i kekahi laau elike me keia. Manao au he laau kupono loa keia no ka home. E kuaiia ana e na poe kuai laau apau. O Benson, Smith & Co., na Agena no ko Hawaii pae Aina.

 

HOOLAHA HALAWAI.

 

Mamuli o kekahi kumu. ua hoopanee ia ka manawa e hoomaka ai ka Halawai o ka Ahahui Euanelio o ka Mokupuni o Oahu nei, a ma ka Poakolu Elua o Okatoba, 1897 (aole ma ka Poakolu Mua).

  Ke paiapaiia nei na hoa oia Aha e makaala i ko lakou Halawai.

                       E. S. TIMOTEO.

                          Lunahoomaiu.

 

  Ma ka auina la Poalua nei, ma ka wa i hana ai kekahi poe hana piuia ma kekahi o na auwaha hali wai o loko o ka Halewai ae nei, ua loaa iho la i kekahi o lakou maloko o ua auwaha la he $20 ma ke gula, he mau komo lima hoi ka kekahi a he mau lako mea gula e ae nohoi ka kekahi. He laki paha kela? Sure.

 

Hoolaha Loio

 

W. R. KAKELA.

Loio a he Kokua ma ke Kanawai

HE LUNA HOOIAIO PALAAPLA.

2370

 

LYLE A. DICKEY.

Loio a he Kokua ma ke

Kanawai

Alanui Kaahumanu. Helu 14.    Tel.682.

  Iloko o ke Keena o ka Loio Kuhina mamua, a he Loio Hoopii ma ka Aha Apana o Honolulu

 

  E hookoia na hana pili kanawai apau mai na Mokupuni mai.

  O A. F. Tavares, Kakauolelo, Maheleolelo a Notere no ka Lehulehu.   1yr.

 

Hoolaha Kumau.

 

Theo. P. Severin

(KAPOLEMA MA).

He Mea Pa'i Kii Hooleleaka.

 

  E hana ana oia i na kii nani loa ma Honolulu nei no ka uku haahaa loa. E paiia ana na Kii Ahaaina, Mare, Hoolewa, na Hale Noho, a pela aku.

  E hoonuiia ae ana na kii mai na kii liilii mai.

  Alanui Nuuanu, ma keia aoao aku o ke Alanui Pauahi. Aia iluna.

2664-12ms

 

Papa!  Papa!

+  +  Aia ma kahi o +  +

LEWERS & COOKE

(Lui Ma.)

Ma ke Kahua Hema o na Alanui

Papu me Moi.

 

E LOAA NO NA  +   +

     Papa Nouaiki

O kela a me keia ano.

 

Na Pani Puka....                      ----

Na Puka Aniani...                    ----

Na Olepelepe.....                     ----

Na Pou.............                       ----

            ----       Na O'a...........

            ----       Na Papa Hele....

            ----       Na Papa Ku......

            ----       Na Papa Moe.....

    *   Na Pili Hale

    *   O na Ano apau.

A me na   +   +

Wai  Hoohinuhinu Nani

O Na Ano Apau.

 

Na Palaki o na A@ ho Nui Wale.

 

  Ke haiia aku nei oukou e na makamaka a pau, ua makaukau keia mau makamaka o oukou e hoolawa aku ma @ mea a pau e pali ana ma ka laua Oihana no ka

Uku Haahaa Loa

@ hike me ka mea e holo ana mawaena e

Laua a me ka Moa Kuai.

 

E Nalo Mai o Wae no Oak@a Iha.

 

Hoolaha Kumau.

 

Ka Ayer Laau

Hoomaemae Koko.

SARSAPARILLA.

 

  E hoomaemae oe i kou koko me ka Ayer Laau Hoomaemae Koko (Sarsaparilla). o keia ka laau pahu'a ole o kona ikaika hoola. Kupono maoli kela laau no ka ma'i Alaala, ma'i Hehe. Puha, ma'i Aai. ma'i Kuapuhi. ma'i Puupuu oolohu, ma'i Kane pohaka, ame na ma'i no apau e ulu mai ana mailoko mai o ke koko ino. He kupono loa nohoi keia LAAU HOOMAEMAE KOKO A AYER no ka ma'i nalulu (catarrh). rumatika ame ka rumatika pehu.

  Ma ke ano he laau hooikaika kino ia, aohe ona lua. E kokua ana ia i na mea paahana o ka opu ma ka hoowali ana i ka ai, hooikaika i ka hana ana a ke ake-paa nawaliwali. hooikaika hoi i na aa-lolo a hooikaika pu hoi i ke kino i hele a nawaliwali mamuli o ka luhi ame ka hoomailo ana a ka ma'i Ua ike na kauka lapaau ma na wahi apu. he Laau maikai loa keia Laau Hoomaemae Koko a Ayer. He laau keia i loaa no loko mai o ka pa'ipa'i ame ke kawili a hoohuihui naauao ia ana o na laau hoomaemae koko a hooikaika kino ikaika loa. Aohe laau hoomaemae koko elike me keia, a i makemake nui ia nohoi elike me keia.

Ka Ayer

          Sarsaparilla

Hoomakaukauia e

DR. J. C. AYER & CO.,

Lowell, Mass., U.. S. A.

 

Oia ka Ma'i Awa- +

   awahia o ka Opu i na

            Huaale a Ayer

 

No Keaha

            I HOOKAWELWELE

            LOA AKU AI

            OE I KELA

ANU, KUNU

AME

PUU EHA?

 

  Ua kaulana loa ka LAAU KUNU A AYER (Ayer's Cherry Pectoral) iloko o na makahiki he aneane 60, ma ka hoola ana ina Ma'i o ka Puu ame ke Akemama, ke Anu, ke Kunu, ka Ma'i La Grippe, ame ka Ma'i Mala o ka pale Akemama. He ono keia laau ma ka inu ana, a he oiaio ke ola.

AYER'S CHERRY PECTORAL

 

Na Medala Gula mai na Hoikeike Nui o ke Ae

 

Mai lawe i na Laau Emi i Hoohalikeia me keia

Hollister  Drug  Co.  Lt.

Na Agena ma ka Paeaina Hawaii.

 

Kakela

ME      Kuke.

Ka Halekuai Nui

----: O NA :----

Waiwai Like Ole

+   +   O na Mea   +   +

HANA KAMANA A PAU

Na Lako Pili Hao Kukulu Hale,

    Na Kepa hele,

        Na Lei Iho,

            Na Kaulahao Ilio,

                  Na Pahi,

                      Na Upa,

                          Na Kope Hulu,

                              Na Pulupulu.

Na Palau Lio

Na

Mea Mahiai,

Na Au Ho,   Na Au Koi,

Na kua bipi,  Na lei bipi,  Na kalahao bipi,

Na uwea pa, Na kaa palala,

Na mea p@ula, Na

Ipuhao.

Makau  ME  Aho Lawaia

Na Iliwai..........           Na Pakeke.....

Na Kula............           Na Pakeke Hao...

Na Hulu Pena...           Na Kapu Hao.....

Na Pulumi.........          Na Pauda..........

Na Pena me Aila.        Na Kukaepele....

Na Kopa..........            Na Uwiki, a me..

Na Aila Mahu....         Na Ipukukui.....

Mikini Humuhumu Kaulana a

Wilcox & Gibbs

Hookahi Lopi,

KA REMINGTON, Elua Lopi.

  A me na ukana he nui wale o kela a me keia ano.

Kakela me Kuke.