Ka Nupepa Kuokoa, Volume XXXIV, Number 22, 1 June 1895 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

KA HUI ALAHAO ME AINA O OAHU

MANAWA HOLO.

Mai a Mahope aku o Iune 1, 1893.

NA KAA AHI

Honouliuli.

@ (column unreadable)

He $20 Makana

E haawi ia i kekahi mea a mau mea paha nana e hoike mai i kekahi ike e a hewa ia ai kekahi mea nana i haihai I ka Waea Kamailio o ka Mutual Telephone Co. ma na Koolau, Oahu.

MUTUAL TELEPHOIE CO.    2543-4

NU HOU HAWAII

A keia Poakahi iho, Iune 3, e huli hoi aku ai ka mokuahi Australia no Kapalakiko mai Honolulu aku nei.

Ma ka nohoano o ka poe a Geo McIntyre i ale aku ai i ka Poakahi aku nei,  ua ike ia ua hiki aku kona @ aie i ka $2,925.82.

Ua haalele aku ka mokukuna “Hairama Binamu” Kapena Walkup, la Kapalakiko i ka la 18 o Mei a ua holo mai no Honolulu nei.

Ua make ma Kukaiau, Hamakua, Hawaii i ka la 21 o Mei, o J.M. Horner keikikane a J.M. Horner makua, i ke 33 makahiki me 7 maluna o kona ola ana.

E malama ia ana he kau kuikuwa o ka Ala Hoakolokolo Kaapuni Apana Ekahi e hoomaka ana ma ka la 3 o Iune a e hoopau ana ma ka la 15 o la malama no.

Ua loaa mai nei i ka moku kalepa Helen Brewer ke kauoha mai kona mau ona mai e hooili kopaa oia ma Honolulu nei a hoohikihiki loa aku no Nu Ioka.

I keia la e manaoia aku nei e ku mai ana ka mokuahi City of Peking ma keia awa mai Kapalakiko @ e holo koke aku ana no I Iapana a me Honokaona.

Ua hiki aku la kahi i paa i hoomoe ia o ka hao o ke Alahao o Oahu ma ka eono mile ka mamao mai Honouliuli aku, a eia ke holo la ke kaa ahi ilaila.

O Hoku a me Kamehameha na puali kinipopo eulele ana ma ke kahua paani o keia auina la Poaono, a nawai ana la auanei o laua ka eo, no ka mea, he mau wikani ana noa elua.

Aole e holo ana ka mokuahi Waila ma ka Poalua, Iune 11, i na awa kamaaina i ke kipa ia e ia e like me kona wa holo mau, aka ma ka Poakolua ae, la 12 o Iune e niau aku ai.

E haalele ana ka mokukaua Amerika hou loa Olymphia ia Kapalakoki i ka la 10 o Iune a holo mai i Honolulu nei e pani ma kahi o Piladelapia e hoihoi ia aku ana e paho@ nohono na mekiui.

Ke lohe ia nei, eia kekahi poe pake o Honolulu nei ke malama mau halawai ohumu kipi mai nei e hookumu i kaua kipi ma Canton Kina no ka makemake ole i ka Emepera e ola nei i keia wa.

E noho ana ka aha Kuikawa o na Kahunapule i ka hora 3 auina la Poakolu aenei no ka ninaninau ana ia Rev. D.P. Biraie, a ma ka hora 7:30 o ia po e hoonoho ia ai oia i kahu no ka ekalesia o Kaukeano, maloko o ia laukini.

Ua loaa aku kekahi pulima kanaka iloko o kekahi pahu opala ma alanui Maunakea i kekahi ia aku i hala, a i huli pono ia ana aku, eia ka o ka lima o kekahi Iapana i pahu ia ai e ke giana pauda ilaio o Waianae, ua oki la e kekahi kauka Iapana a kiola hoohemahema ia pela.

Ke hoolala nei ka Hui Telepone, “Kona-Kau Telephone Telegraph Company (Limited),”  e hoonee i ka Telepone mai Kau i ahiki mai Kailua.

 

Ke lohe ia nei, e owili ana ka pea o kekahi mau Iapana lawelawe kalepa maanei a e holo ana ma Corea, a i ole ma Foamosa.  hanu no na lahui hoenea i ko lakou mau kulana kanaka.

 

Ua hiki mai nei he kahunapule Bihopa no ka ekalesia Medotito i Honolulu nei, a e haiolelo ana maloko o ka Hale o ka Hui Opiopio o na haole, o ka inoa o Bihopa Waldon.  Ua hele mai nei oia me kona ohana, e hookaulua iki ana maanei he mau hebedoma, alaila holo @ aku no Iapana a me Kina.

 

Ua noi aku na haole o Kau Hikina I ka Ilamuku e ae mai ia lakou e kukula i pualikoa @, a malalo hoi o na lawelawae a kauoha hoi a ka oihana makai.  Ua ae ia ka lakou noi, ua ku ka pualikoa he 40 lala i keia manawa, ua nui ko lakou makemake e kokua i ke aupuni e ku nei.

 

Ma ka hora 10 kakahiaka o Iune 4 aenei, maloko o ka luakini o Kaumakapili, e wehe ia ai ka halawai kanakolu kumamalua makahiki o ka Ahahui Euanelio o ka Pae Aina Hawaii.  Ua pau mai nei kekahi mau lala o keia aha i ka hiki e mai, a o ke koena aku aia ma na mokuahi o ka la apopo a me keia pule aku. 

 

O ka manao laulaha e hoonakulu la i ko ke Panalaau o Ausetaralia noonoo, oia ka hoomoe ia i ona waea moe moana mawaena o ka moana Pakipika mai Ausetaralia mai ahiki i Beritania Columebia.  Ke olelo nei ka poe maamaalea ma ka imi puka ana ma ia hana ina no e hoouna ia ana he 1,150,000 @ huaolelo maloko o keia waea iloko o ka makahiki hookahii, e hiki ana no ke hooholo pono ia ma ka malama a me ka hoohana hoololea ana.

 

E haiolelo ana o Rev. J.P. Kuia maloko o ka luanini o Kaumakapili i ke kumuhana makahiki a ka Ahahui Euanelio nui o ka Pae Aina o Hawaii, oia ka misiona kuloko.  A ke kono ia nei na poe a pau he pilikana ko lakou i na hana pono o ka malamalama, e hele nui ae lakou e lohe.  He wahi kanaenae papale kekahi mahope iho o ka pau ana o ka haiolelo.  E haawi i ka Kaisara ia Kaisara, a i ka ke Akua hoi i ke Akua.

 

Ua lou ae i ka mea eli awa o ka Repubalika i ka Poakahi aku nei o keia pule he poo iwi kanaka.  Ua loaa aku keia poo ma kahi he iwakalua kapuai ka mamao mai ke poo mai i loaa ai i kela hebedoma i hala.  Ke olelo nei kekahi poe, he mau poo iwi kanaka keia i hali ia mai e ka wai o kuahiwi, ao ka kekahi hoi he iwi poo o ka poe i hakaka maluna o na waa i ka wa kahiko loa a haule make malaila.

 

E malama la ana ka paikau hoomaama mua loa o ka puali hou loa o na kanaka Hawaii i hoala ia ai i ka po Poakahi aku nei, maloko o ka Halepaikau koa o ka Repubalika ma Haimoeipo, alanui Halealii i keia po Poakahi iho, Iune 3, hora 7 a me hapa.  Nolaila ua kono ia na lala a pau oia puali, e hiki ae ma kahi a me ka manawa, a e hoike i ko oukou mikiala ma ka eleu ana ae a pau loa.  Humeno a ku ka liki.

 

Ua hoi mai nei ma ka Australia na paahao kalaiaina John Radin, Jim Brown a me Nick Peterson i kipaku ia mai Hawaii nei aku i ko lakou @ launa ana i na hana kipi o ka malama aku nei o Ianuari i hala.  Ua noi mai lakou ma na palapala pakahi i ka Repubalika e ae ia lakou e hoi hou mai i Hawaii nei.  A mamuli o ka oluolu a me ka ae ana aku o ke aupuni, nolaila ua hoi mai nei lakou a pau.

 

Ua ku kau ka mokukaua Beritania “Royal Arthur”, a moku lawe hae o ka mahele Aumokukaua ma ka Pakipika ma ke awa o Victoria i ka la 19 o Mei, mahope iho o kona hualele ana ia Corinoto Nicaragua a hoi aku i ka akau.  Ua huki pu aku oia mahope o kona kikala i ka manuwa Beritania olulo “Hyacinth”, ua hai ka huila a he kanalima kumamakahiku na la o kona holo ana mai malalo o ka @ mai Valaparaiso mai.  I ka Royal Arthur e hoi ana ma ka moana no Victoria, aia hoi, ua make iho la kona kapena i ka la 10 o Mei, a ua kanu ia ma ke kai.  Ke hoolaha nei na nupepa anee alii e holo mai ana keia mokukaua i Hawaii nei e kokua ai i ka lakou kumuhinu.  Ke manao nei makou, ua oi aku mamua o ka makahiki a me hapa keia wanana a kalahea ana, aole nae ko iki.  E aha ana ne hoi kanaka puni wale aku no i ka epa.

Ua kii ia mai e ka make i ka la 28 o Mei aku nei i hala, a @ ia aku la o Edward F. Ward ma kona wahi i noho iho nei ma alanui Nuuanu.  He kupa Beritania oia nona makahiki he 66 a he loio kana hana.  Ua waiho iho oia he hoapili he wahine a me ke keikakane ma Honolulu nei, a he kaikamahine a me keikikane ma Nu Kilani.

Ua paina huipa lio kekahi makai kiu koloko o Honolulu nei mamuli o ka hili ia ana e kekahi wahine haole, no kekahi kumu a na aoao palupale la i hoomaopopo ai, ua hoinoina wale aku ua makai la i kona inoa ma ka hapuku olelo wale aku no.  Ua oolea maoli no keia wahine haole, a ua makaikai ia kona wikani hoopapa ikaika e kekahi anaina kanaka nui i kauo ia ae a puuluulu e nana.  Ma ka Poakahi nei, ua hoopai ia oia no ka hoeha, he $10 me ke koina.

 

Ke hoike mai nei kekahi waeaolelo mai Roma ne a Nu Ioka, na haawi aku nei ka Pope Leo XIII i ka hookohu ia Maroni, ke kalai kii pohaku kaulana loa ma Italia apuni e hana i kona halelua.  Mamuli o kela, a me ka haawi ia ana mahope koke mai nei i na Cadinela o kekahi palapala kalaiaina e pili ana i na hana o kona au o ka noho Pope ana, e manao ia nei he hooiaio maopopo ia ua halia e ke poo o ka ekalesia katolika Roma, o kona mau la i koe e newa mauleule ai, ua kakaikahi a ua helu e ia.

 

Eia ke pakaukau ia mai nei ka inoa o J.M. Vivas, ka maheleolelo Pukiki o ka Aha Kiekie, i inoa e noho iho ai i ke kulana o ka Hope Ilamuku o ke Aupuni i ka mea e noho nei malaila i keia wa.  Ke paaua nei kona mau hoaloha iaia no keia makalua, aole o ke kauka i aku a na ka oihana e imi mai.  A me he mea la no hoi paha, aole e nele aua no haole kamaaina i ka onou mai i inoa kupono no ia wahi i ka wa e hakahaka ai.  O na kanaka Hawaii hoi, aole o lakou eueu mai e hookomo i mohe na lakou no keia wahi i ka wa e nele ai.  Aole pono e kaukai aku na ka oihana wale no e maaa mai, aka e hoike ae oe i kou kupono no ka oihana.

 

Hoolewa o ke Komisina Farani.

Mahope iho o ka hora 3 o ka auina la onehinei, i malama ia ai ke anaina pule hoolewa o ke Komisina Farani maloko o ka luakini Katolika Roma.  Ua hoolala ia na mea a pau no ka hoolewa ana, eia nae ua hooholo ka poe i kuleana i kona mau iwi, aole e kaua ia ma Hawaii nei, aka e hoihoi loa i kona aina oiwi i Farani.  Nolaila, ma ka huakai a ka mokuahi Australia e huli hoi aku ai i keia Poakahi iho no Kapalakiko, e hhokau ia aku ai ke kino wailua o keia luna aupuni o ka Repubalika o Farani i make ma ka aina malihini a malalo o ma hookauwa ana no ka lahui a me ka aina.  E kaukoo ana kaua wahine aloha ma keia huakai kumakena no ke kane.

 

Ka Mokuahi Miowera Poino Pinepine.

Ua ku mai ka mokuahi Miowera i ka hora 3 auina la o ka Poakolu iho nei, he 8 na la holo mai Victoria a me Vanekoua mai, me 3 ohua kapena, he mau eke leta a me 600 mau tona ukana no keia awa.  Ma ka huakai anei aku, ua loaa oia i ka ulia ma ka loa o ka la mahope o ka naalele @ ia Honolulu nei, oia ka hai ana o kekahi pine @ enegini, a no ia kumu, ua keakahele ia kona halo ana malalo o ka pea a me ka mahu kupone haahaa.  No ia kula, ua aua oia a hala he elua la mahope iho o kona wa ku mau.  Ua naku loa aku oia no kona mau awa ma na Panalaau o Fiji a me Ausetaralia.

 

Aole o ka Apana Holookoa.

E Mr. L.H., Aloha oe:  E oluolu oe e hoike ae ma ke akea i keia poo manao maluna a me na manao hoakaka e pili ana no ia mea.  I ka nana ana i kahi i hoea mai ai o kela poo manao ae la maluna, ua puka mai no ia ma ka ike ia ana ma ka nupepa KUOKOA e I ana, “Ua kauoha aku nei ka apana o Kona Akau i laikini kuai rama.”  He apana nui ka apana o Kona Akau, ke nana ia kona mau palena mai ka akau a ka hema.  A ma ka hoolahaia ana mai nei ua komo pu ka apana holookoa ma keia kauoha Ii laikini kuai rama.  No Kona Akau au, a ke hoike aku nei me ka oiaio, aole o ka apana holookoa o Kona Akau kai noi aku nei i laikini kuai rama.  He poe haole wale no ka poe i noi aku nei e ae ia mai kela laikini, o lakou anei ka apana o Kona Akau?  No’u iho a me ka poe i kakauinoa malalo o kekahi palapala kue i kela noi, aole makou i mahalo i keia noi, ina e ae ia mai ana.  He mea maikai ole keia i ko makou noonoo ana, a oiai hoi he mea hoopilikia mai keia i ka noho ana o na kanaka Hawaii a lahui e ae paha.  He nui na ino o ka rama i hoakakaia ma na buke hoonaauao a o Solomona ke kanaka nana i hoakaka nui mai i ka ino o ka rama, a ua ike io kakou ia mea.  A pehea la ina e  ae ia mai ana keia laikini kuai rama ma keia apana o Kona Akau nei.  Aole anei e hora mai ana ka pepehikanaka malalo o ka ona?  Hoea pu mai no me ka hoomaunauna wale i na pono o ka noho ohana ana, a pilikia ka wahine a me na keika.  Ke manaoio nei au pela, ina e holopono ke nui a keia poe haole hapa wale ni, he mea oiaio ko’u e puana aku nei, ua maalo ae ka maluhia mai Kona Akau ae, a e hoea mai ana na hana keraima kue kanawai mamuli o keia laikini kuai rama.  He mea pono i na kanaka @ no a naauao o ka apana o Kona Akau, e kue loa aku i ke @ a keia poe haole.  Aole no hoi he ae o ka hapanui o na kanaka o keia apana e komo mai keia @ ino a @ mai i na home maluhia o keia apana, ka apana hoi i kaulana i @ malina, aole hoi i na mea kupikipikio e poino ai ke kino a me ka uhane.  Nolaila, ke @ nei au ma ka inoa o ka apana o Kona Akau, a ke kahea leo nui aku nei ma ke akea imua o ke 80 holookoa, me keia mau huaolelo maopopo:  “Aole o ka apana holookoa o Kona Akau kai noi aku nei i laikini kuai rama.”     Me ka mahalo,    Owau no,

D. ALAWA,    Kailua, Kona Akau, Hawaii,  Mei 27,1895.

E helu helu i keia malalo iho i lawe ia mailoko mai o ka palapala a Chas. M. Gutfield o Reedley, Fresne Co. Cal.  “Me ka hauoli au e hoike aku nei ma ko’u inu ana no hookahi la i ka CHAMBERLAIN’S Luau kune, ua hoola i ke kunu koikoi i koaa ia’u.  Ua nalelu ino loa ia ko’u poo a hiki ole ke moe i ka po.  Ke hoike-ike aku nei au i keia laau laapau ola.  O ke anu i kokoke loa e komo iloko o ke poo a mahope hoohele aku i ka puu a me na ake.  Ma o ka inu ana la i keia laau i ka wa koke e loaa ai i ke anu, e hoola koke ia i ka wa pokole a keakea ia ke komo loa ana aku iloko o na ake.  E loaa keia laau ma na Halekuai Laau Lapaau a pau, a o BENSON, SMITH & CO. na Agena ma ko Hawaii Paeaina.      tf

 

I ka haulelau o ka 1893, loaa iho la ke keikikane a Mr. T.A. McFarland, he haole kalepa ano maka hanohano o LIVE Oak, Sutter Co. Cal. i ka mai kunu koikoi loa.  Mamuli o ka ikaika loa o ka eha ma ka unauma ua loohia i ka umii a me he mea la e loaa ana i ka wela ma ke akemama.  Ua hoohainu aku kona makuakane i na olopu nunui lehulehu o ka CHAMBERLAIN’S Laau Kunu, a pela i pau ai a ola loa ke kunu.  Ke olelo nei o Mr. McFarland i na wa a pau e loaa ai kana mau keika i ka nae e haawi ana oia ka CHAMBERLAIN’s COUGH REMEDY (Laau Kunu Ola), a he ola io maoli no.  Ke manao paa nei oi he laau kunu oi loa keia ma ka makeke.  E loaa no ma na Halekuai Lapau Lapaau a pau, a o BENSON, SMITH & Co. na Agena ma ko Hawaii Paeaina.      tf

 

Aina Kope Maikai no ke Kuai

E KUAI ia aku no me ka makepono loa kela Ahupuaa o Kauleoli, S.Kona, Hawaii, he 364 eka me na hale maikai elua;  aia no he mau e ka kope e ulu ana maluna o ka aina.  E ae ia no hoi e kuai liilii aku i na poe a pau e makemake ana i mau wahi noho a mahi paha iloko o ua aina la, me ke kumukuai makepono loa.  No na mea i koe e ninau ia Wong Wa Foy ma kahi o Wing Wo Tai & Co., William J. Wright o S. Kona, Hawaii; a i ole ia.    WILLIAM C. ACHI,

Boroka o na waiwai paa.    Honolulu, Mei 29, 1895.    2648-tf

Halepai   Hawaiian   Gazette.

O keia ka Halepai Nupepa Alakai o ke Kulanakauhale o Honolulu nei.  Ua lako i na Hua Kepau o na ano a pau a ka makemake e ui ae ai.  Eia ma keia Halepai e pai ia nei ka Nupepa KUOKOA, a me Nupepa HAWAIIAN GAZETTE PACIFIC COMMERCIAL ADVERTISER CHURCH CHRONICLE a me PLANTER’S MONTHLY.  Ua hiki loa i keia Halepai ke pai aku i na pepa nunui hoolaha alanui, na buke, na bila kikoo, na bita hookaa, na palapala poliai ahaaina a me na hana e ae a pau o ka oihana pai.  Eia maloko o keia Halepai he Keena Humuhuma Buke, kahi e humu ia ai na Buke, na pepa a me aa mea a pau i pili i ka humuhumu ana i na palapala.  He oluolu ke kuka ana a he emi kupono ua auhau.

Keena Hana, Helu 318 Alanui Kalepa, Honolulu i ka Hale Iluna.    2531-tf

 

Hoolaha Hou.

AHA HOOKOLOKOLO KAAPUNI APANA Elua o ko Hawaii Paeaina.  Ma ka hana o ka waiwai o KEALOHA NAPULOU @ no Waikapu, Maui, i make kauoha ole.  Ma ke Keena imua o Hon. J. WM. Kalua.  Ma ka heluhelu a me ka waihoia ana mai o ka Palapala Nio a J.M. Napulou, e hoike ana ua make kauoha ole o Kealoha Napulou @ no Waikapu, ma Wailuku, i ka la –o-@ a e noi ana e hooholoia ka waiwai i na Hooilina.  Ua kauoha o ka POALIMA, ka la 21  o Iune.  M.H. @ ma ka hora 10 kakahiaka, oia ma manawa i kohoia no ka hoolohe ana i na noi la imua o na Lunakanawai la, ma ka hale hookolokolo ma Wailuku a ma ia manawa a ma ia wahi no e hele mai ai na mea a pau i pili e hoike mai i ke kumu, ina he @ oiaio ko lakou e ae ole ia ai ma noi la.  Kakauia ma Wailuku, ko Hawaii Paeaina Aina, Mei @ .    Na ka Aha:

G. ARMSTRONG, Kakauolelo Aha Hookolokolo Kaapuni Apana Elua    @

 

AHA HOOKOLOKOLO KAAPUNI APANA Eha o ko Hawaii Paeaina.  Me ka Aha Hooponopono Waiwai.  Ma ka hana o ka waiwai o KUPOLOLI k, o Hilo, Hawaii, i make kauoha ole.  Ma ka heluhelu a me ka waiho ana mai o ka palapala noi a @ ke kaikamahine hoahanau a Kupololi, e olelo ana o Kupololi o Hilo, Hawaii ua make kauoha ole ma Hilo, Hawaii, ma ka la o –A.D. @, me ka waiho iho he waiwai ma ko Hawaii nei Paeaina, a e noi ana e kahea keia aha i na hooilina o k waiwai o Kupololi.  Ke @ nei o ka POALUA, la 13 o IUNE, A.D. @, hora 10 a.m. o ia la, oia ka manawa e kohola nei no ka hoolohe ana i ua noi la ma ke Keena Hookolokolo o keia Aha ma ka Hale Hookolokolo ma Hilo, Hawaii a ma ia manawa a ma ia wahi no e hlele mai ai ka poe a pau i pili e hoike mai ina paha ke kumu ka lakou e ae oie ia ai ua noi la.    Kakauia ma Hilo, Mei 7, @.    Na ka Aha:    DANIEL PORTER,

Kakuolelo.    2546-3

 

MA KA AHA HOOKOLOKOLO KAAPUNI Apana Eha o ko Hawaii Paeaina.  Ma ka hooponopono Waiwai.  Ma ka hana o ke koho ana i Kahu Malama no na keiki a Kailianu w.  Ma ka heluhelu a me ka waiho ana mai o ka palapala noi a Kailianu w. o Aleamai, Hilo, Hawaii, e noi ana e hoopukaia ona mau palapala hoomana kahu malama waiwai iaia ma ke ano kahu no na keika Kahoilihala @, Kama k, Kapu k, a me Paupea w,.  Ke kauohaia nei o ka POAKOLU, ka la 26 o IUNE, 1895, hora 10 a.m. ma ka hale hookolokolo ma Hilo, oia ka manawa a me kahi i kohoia no ka hoolohe ana i ua noi la, a ma ia manawa a ma ia wahi e hele mai ai ka poe a pau i pili a e hoike mai ina ke kumu kekahi e ae ole ia ai ua noi la.  Kakauia ma Hilo, Aperila 18, 1895.    Na ka Aha:    DANIEL PORTER, Kakauolelo.    2547-3

 

 

ILOKO O KA AHA HOOKOLOKOLO KAApuni Apana Ekahi o ko Hawaii Paeaina.  MARY BURNS vs JAMES EDWIN BURNS alias JOHN JONES alias EDWARD WILSON. 

REPABALKA O HAWAII:  I ka ila muku o ko Hawaii Paeaina a i ole i kona Hope.  Ke kauohaia aku nei oe e kii aku ia James Edwin Burns alias John Jones, alias Edward Wilson, ka mea pale ma ka hihia e waiho mai i kana pane ma ke kakau iloko o na’a he iwakalua mahope o ka hookoia ana aku, e hele mai imua o ua Aha Hookolokolo Kaapuni la ma ke kau o Mei e noho ana ma Honolulu, Mokupuni o Oahu ma ka POAKAHI, la 6 o MEI, e hiki mai ana, ma ka hora 10 kakahiaka, e hoike mai i ke kumu e ae ole ia ai ke koi a Mary Burns ka mea hoopii e like me ka manao o kaua palapala noi e hoopili pu ia nei.  A e hooko aku i keia kauoha me ka hoike piha mai i kau mau hana a pau e pili ana.  Ikea e Hon. W.A. Whiting Lunakanawai Mua o ka Aha Hookolokolo Kaapuni Apana Ekahi ma Honolulu, Oahu, i keia la 11 o Aperila, 1895.

CHAS. F. PETERSON,  Kakauolelo.

Ke hooia nei au o na mea mamua ae nei oia ke kope oiaio o ka palapala @ ma ua hihia la, a ua kauoha ua Aha Hookolokolo la e hoolaha ia mea a e hoomau i ua hihia la a hiki i ke kau o Augate ae nei o keia Aha.    GEORGE LUCAS,  Kakauolelo.

Honolulu, Mei 18, 1895.    2547-6

AHA HOOKOLOKOLO KAAPUNI APANA Ekahi o ko Hawaii Paeaina.  Ma ka Aha Hooponopono Waiwai.  Ma ka hana o ka waiwai o MELE KEALAIKI o Honolulu i make.  No ka mea, ma ka la 13 o Mei, A.D. 1895, na waihoia mai i keia Aha kekahi palapala i olelo ia oia no ka palapala kauoha hope loa a Mela Kealaiki i make a me ka palapala e noi ana e hoopukaia na palapala lunahooponopono waiwai ia J. Kahahawai i waiho ia mai e ua J. Kahahawai la.  Ke kauohia nei, o ka POAKAHI, la 17 o Iune, A.D. 1895, hora 10 a.m. o ia la, ma ke Keena Hookolokolo o ua Aha la ma Aliiolani Hale, Honolulu, oia kahi a me ka manawa i kohoia no ka hoolohe ana i ua palapala kauoha la a e hoolohe ia ai na palapala noi la, a ma ia manawa a ma ia wahi e hele mai ai ka poe a pau i pili e kue i ua palapala kauoha la a me ka hoopuka ana i ka palapala lunahooponopono waiwai.  Ilanaia ma Honolulu, Mei 13, 1895.   Na ka Aha:

GEORGE LUCAS,    Kakauolelo    2546 3

 

AHA HOOKOLOKOLO KAAPUNI APANA Eha o ko Hawaii Paeaina.  Ma ka Aha Hooponopono Waiwai.  Ma ka hana o ka waiwai o KEA k. o Hilo, Hawaii, i make kauoha ole.  Ma ka heluhelu a me ka waiho ana mai o ka palapa a noi a Paaluhi k ke “cousini” o Kea k e olelo ana o Kea k. o Kuhua, Hilo, Hawaii, ua make kauoha ole ma Hilo, Hawaii ma na makahiki 1867 a 1868 paha, me ka waiho iho he waiwai ma ko Hawaii nei Paeaina, a e noi ana e kahea keia aha i ua hooilina.  Ke kanoha ia nei, o ka POALUA, la 18 o IUNE A.D. 1895, hora 10 a.m. o ia la, oia ka manawa e kohoia nei no ka hoolohe ana i na noi la ma ke Keena Hookolokolo o keia Aha ma ka Hale Hookolokolo ma Hilo, Hawaii, a ma ia manawa a ma ia wahi e hele mai ai ka poe a pau i pili e hoike mai ina paha he kumu ka lakou e ae ole ia ai ua noi la.  Kakauia ma Hilo, Mei 7, 1895.   Na ka Aha:    DANIEL PORTER,  Kakauolelo.     2546-3

 

Hoolaha Hooko Moraki a me ke Kuai.

I KULIKE ai me na hooko ana o kekahi moraki i hana ia e KAAWIHI w., a me NAHUINA HEKEKIA k. kana kane mare ia Raymond Reyes ma Okatoba 17, 1893, a i kope ia ma ke Keena Kakau Kope o ke Aupuni ma Oahu Buke 147 aoao 31 me 32.  Ke hoolahaia aku nei ka lohe i na mea a pau ke makemake nei ka mea e paa nei i ua moraki la e hooko aku no ke kumu ka uhakiia o ka aelike, oia ka hookaa ole ia o ka ukupaoee a me ke kumupaaa i ka wa e hookaa ai.  Ke hoolaha hou ia aku nei ka lohe, mahope iho o ka pau ana o na hebedoma ekolu mai keia la aku, alaila e kudala ia aku no ka waiwai i paa maloko o ua moraki la ma ka rumi kudala o J.F. Morgan, ma Honolulu, Oahu, ke hiki aku i ka POAKAHI, Iune 24, 1895.

No na mea i koe, e ninau ia.    RAYMOND REYES,

Ka mea e paa nei i ka moraki a i ole ia S.M. Kaaukai kona Loio.  O ka waiwai i paa maloko o ua moraki la oia no kela apana aina e waiho ana ma Wailau, Molokai, i hookoia no Puali a i hoakakaia ma ka Palapala Sila Nui Helu 2315 Kuleana Helu 10869.    2548-4

 

Hoolaha i ka Poe i Aie ai.

O NA mea nona na inoa malalo iho, ua hookohu pono ia mai i Lunahooko Kauoha a me Lunaponopono Waiwai me ka palapala hoo ilina i hoopiliia o P.P. Kanoa o Honolulu, Mokupuni o Oahu i make.  Nolaila, ke hoolaha ia aku nei ka lohe i na mea a pau ana i aie ai e waiho mai i ko lakou mau koi i ka waiwai o na P.P. Kanoa la, i hooiaio pono ia, ina paha ma ka moraki a ano e ae, ia Cecil Brown, ma kona keena oihana @ Alanui Kalepa Honolulu, maloko mai o na malama eono, a i ole ia e hoole mau loa ia aku no.  A o ka poe a pau i aie mai i ua waiwai la, ke kauoha ia nei lakou e hookaa koke ae i ka mea nona ka inoa malalo iho. 

KALEIPUA KANOA,   Lunahooko Kanoha.  Cecil Brown Lunahooponopono Waiwai o P.P. Kanoa i make.   Honolulu, Mei 13, 1895.    2546-4

 

Hoolaha i ka Poe i Aie ai.

UA HOOKOHU pono ia mai ka mea nona ka inoa malalo iho i lunahooponopono me ka palapala kauoha i hoopili pu la no ka waiwai o William A. Aldrich, o Piemont, Alameda County, California, i make, ke hoolaha aku nei i na poe a pau e waiho mai i ka lakou mau koi i ka waiwai o ua William A. Aldrich ia, me na hooiaio kupono, ina paha ma ka moraki a ano e ae, ia Wm. F. Allen ma kona Keena ma Alanui Kaahumanu, Honolulu, Mokupuni o Oahu, maloko mai o na malama eono mai ka la aku e hoolaha ia ai, a i ole ia e hoole mau loa ia @ no.  A o ka poe a pau i aie mai i ka waiwai o ka mea i make e hookaa koke mai i ka mea nona ka inoa malalo iho.

W.F. ALLEN, Lunahooponopono Waiwai me ka palapala kauoha i hoopili pu ia o William A. Aldrich, i make.  Honolulu, Mei 13, 1895. @

 

Hoolaha Hou.

Hoolaha a ka Lunahooponopono Waiwai.

UA hookohu pono ia mai ka mea nona ka @ malako iho i Luna hooponopono Waiwai no ka waiwai o Keone k., i make kauoha ole ma Hilo, Mokupuni o Hawaii.  Ke hoolaha aku nei i ka poe a pau he mau koina ka lakou I ua mau waiwai la, e waiho mai i ka mea eono ka @ malalo iho ma Aleamai, Hilo, Hawaii, maloko mai o na malama eono mai keia la aku a hala ia mau la e hoole mau loa ia aku no.  A o ka poe he aie ko lakou i ka mea i make, ke @ aku nei e hookaa koke mai i ka mea nona ka inoa malalo iho.    D.KAMAI,

Lunahooponopono o ka Waiwai o Keone.  @

 

Hoolaha Hooko o ka Moraki a me ke Kuai.

I KULIKE ai me na hooko ana e kekahi moraki i hana ia e GEO. E. MINER a me ANNIE MINER kana wahine o Makawao, Mokupuni o Maui, ia Henry P. Baldwin, o Haiku, o ua Mokupuni la, ma Iulai @, kopeia ma ke Keena Kakau Kope o ke Aupuni Buke @ aoao 133, @ a me 137, ke hoolahaia aku nei ka lohe i na mea a pau, ke makemake nei na Henry P. Baldwin ia e hooko aku i ua moraki la no ke kumu ka @ o ka aelike, oia ka hookaa ole ia o ke kumupaa a me ka ukupanee o ka @ a me ka aie i hoopaa ia ai e na moraki la.  Ke hoolaha hou ia uku nei ka lohe, o na waiwai i paa maloko o na moraki la, e kuai ia aku ana ma ke kudala akea ma ka hale kudala o Jas. F. Morgan, ma Honolulu, ma ka POAKAHI la 20 o Mei, A.D. 1895 ma ka hora 12 awakea.  O ka waiwai i paa maloko o ua moraki la , oia keia malalo iho:  O kela apana aina e waiho ia ma Haiku mamua ae, a I kuhikuhi pono ia na palena malalo iho:  E hoomaka ana me ke kihi hema o ka aina ma ka pahu ma ke kae luna a me akau o ke kahawai kuhoho o Haiku ma ka laina o Pumalei a me Lilikoi, a e holo ana akau 64@  hikina @ mau kaulahao e pili la me ka palena mauka o keia aina, mawaena o Pumaler a me Lilikoi a hiki i ka laau koa @ e hio ana i hoailonia X ma ka hema a me ke @ luna o ke kahawai o Kilau, ma ke kihi hikina o keia aina alaila e holo ana ilalo ma ke kae maluna o ke kahawai o Kilau a i ka pahu ma Puleihua ma ke kae maluna o ke kahawai ma ke kihi hikina akau, o keia aina, alaila hema 71d 75d komohana @ mau kaulahao e ae aku la ma Haiku e pili la ma ka palena makai o keia aina a hiki i ka pahu iloko o Kauhikoa, ma ke kae maluna a me ke kae hikina o ke kahawai kunoho ma ke komohana hema o keia aina, alaila holo aku la ma @ pali ke kahawai kuhoho e hookaawale ana i keia mai a Haliimaile mai a hiki i kahi o ka hoomaka ana nona ka ili he 674 2-10 mau eka, a oia ka aina i kuhikuhi ia iloko o ka Palapala Sila Nui Helu 59 i hoopuka ia ai ia Edward Miner.

HENRY P. BALDWIN, Mea e paa nui i ka Moraki.  Ma o kona mau loio la Carter & Kinney.  No na mea i koe e ninau ia Carter & Kinney, na loio no ka mea e paa nei i ka moraki, Helu 410 Alanui Papa, Honolulu.  Honolulu, Apr. 16, 1895.    2542-4

Ua hoopaneeia ke kuai o ka waiwai maluna ae a hiki i ka POAKAHI, IUNE 10, 1895.  2547-3

 

Hoolaha Hooko o ka Moraki a me ke Kuai.

I KULIKE ai me na olelo i hoakakaia maloko o kekahi moraki i hanaia e CHARLES E. WILLIAMS me HARRIET C. WILLIAMS ia Mrs. Emily C. Judd, ma ka la 12 o Iulai, 1890, a i kopeia ma ka buke 126 aoao 133 a 136, ke hoi keia aku nei ka manao o ka mea moraki e hooko aku i ua moraki la mamuli o ka uhakila ana o ka olelo aelike oia hoi ka uku ole ia o ke kumupaa a me ka ukupanee i ka wa e uku ai.  Ke hoike pu ia aku nei hoi, aia i ka piha ana o na pule ekolu mai keia la aku, e hoolaha kuai kudala ia aku ana ka waiwai i hoopaa ia maloko o ua moraki la ma ke heena kudala I Jas. F. Morgan, a e kuai lilo ia aku ana ma ka POAONO la 15 o IUNE, 1895, hora 12 awakea o ia la.  No na mea I @ e ninau ia.    F.M. SWANZY,

Hope no Mrs. E.C. Judd.    Hanaia ma Honolulu, Mei 13, 1895.  O ka waiwai i hoopaaia ma ua moraki ia oia no kela wahi a pau i kapaia “Greenfield” ma ka aoao akau komohana o ke alanui Liliha, nona ka ili he 2-1/8 eka, me na hale a pau maluna iho.

HOAKAKA ANA O KA WAIWAI.

 

1-Ma kahi o 5-100 o ka eka (2105 kapuai) o ka apana 3 o ka Palapala Sila Nui 1981 ia Hailama i hooliioia ia C.E. Williams, i oleloia ma o kekahi palapala hoolilo mai ia R.E. Wakeman aku o ka la 15 o Iulai, 1872, a i kopeia maloko o ka buke 35 aoao 308.

2-Ma kahi o 97-100 o ka eka mahele o apana 2 o ka Palapala Sila Nui 3030 ia H.A. Widemann a i hooliloia ia ia C.E. Williams ma ka hooko moraki a Thomas Brown o ka la 5 o Mei, 1885, a i kopeia maloko o ka buke 76 aoao 123.

3-Ma kahi o 47-100 o ka eka mahele o ka Palapala Sila Nui 4525 ia A. Sam, a i hooliloia ia C.E. Williams ma o ka palapala hoolilo a Kupihae o ka la 29 o Iulai, 1882, a i kopeia maloko o ka buke 76 aoao 210.

4-Ma kahi o 12-100 o ka eka mahele o ka Palapala Sila Nui 1303 ia W.L. Lee a i hooliloia ia C.E. Williams ma o ka palapala hoolilo a W.M. Gibson ma ke ano Peresidena o ka Papa Hoonaauao ma ka la 24 o Ianuari, 1884, a i kope ia maloko o ka buke 84 aoao 423.

5-Ma kahi o 6-100 o ka eka (2620 kp) o ka Palapala Sila Nui 4525 ia A. Sam, a i hoolilo ia C.E. Williams ma o kekahi palapala kuapo me Kananui ma ka la 20 o Feberuari 1884, a i kope ia maloko o ka buke 85 aoao 361.

6-Ma kahi o 15-100 o ka eka apana 1 a me 2 o ka Palapala Sila Nui 4535 ia Puhi, a i hoolilo ia ia C.E. Williams ma ka palapala hoolilo a Mikaela me kahi poe e iho, ma ka la 28 o Feberuari 1884, a i kopeia maloko o ka buke 83, aoao 419 a me ka palapala hoolilo a Kealoha o ka la 10 o Maraki 1884, a i kopeia maloko o ka buke 85 aoao 439.

7-Ma kahi o 50-100 o ka eka o ka Palapala Sila Nui 6781 ia Papaa, a i hooliloia ia C.E. Williams ma o ka palapala hoolilo a Kealakua o Novemaba 7, 1885, a i kopeia maloko o ka buke 94 aoao 479.      2547-3

 

Hoolaha Hooko o ka Moraki a me ke Kuai.

KE HOOLAHA ia aku nei ka lohe i na mea a pau, i kulike ai me na hooko a me ka mana o ke kuai i hookomoia iloko o kekahi moraki i hanaia e ka Dailey Bulletin Publishing Company ia C.O. Berger, Kahu, ma Sepatemaba 1, A.D. 1892, kopeia ma ke Keena Kakau Kope o ke Aupuni Buke 139 a ma na aoao 197-199, a i hoolilo ia aku e ua C.O. Berger la ia W.F. Allen, Kahu, ma ka palapala i hanaia i Dekemaba 28, 1894, kopeia ma ua Keena Kakau Kope la Buke 139 aoao 197, ke manao nei ka mea nona ka inoa malalo iho, ua Wm. F. Allen la, e hooko aku i ua moraki la no ka uhaila o ka aelike, oia ka hookaa ole ia o ke kumupaa a me ka ukupanee i ka manawa e hookaa ai.  Ke hoolaha hou ia aku nei ka lohe mahope iho o ka hala ana o na hebedoma ekolu mai ka la aku o keia hoolaha ana, alaila e kaai ia aku no ma ke kudala akea ka waiwai i paa maloko o ua moraki la ma ka hale kudala o Lewis J. Levey, ma Honolulu, Oahu, ma ka POAONO, la 15 o IUNE, A.D. 1895, hora 12 awakea o ia la.  O ka waiwai i paa maloko o ua moraki ia, oia keia:  na Nupepa “The Daily Bulletin” a me ke “Dailu Bulletin Weekly Surmary,”he no. 5 Cotrell Press No 6050, hookahi Brenner Power Press, 2 Golden Jobber Presses hookahi Card Cutting Machine, he Paper Cutter, na pokakaa, na ili pokakaa a me na mekini, a me ke balaka mabela, na pohaku, na ku, na wahi waiho hua kepau, na rula, a me na hua kepau a pau, na lako hua kepau, pepa, inika, na mea paahana, na mea haua, na mea pai a me na lako hale a me na mea e hiki ai ke hana a me na lako pai, a me na lako hale a pau, a me na mekini e ae a pau, na mea hana, na lako a me na mea paahana i pau akoakoa a pau maloko o ka Halepai i ike ia “The Daily Bulletin Plant.”    WILLIAM F. ALLEN, Kahu.

Honolulu, Mei 16, 1895.    2546-4

 

Hoolaha Hou.

Hoolaha Hooko o ka Moraki a me ke Kuai.

KE HOOLAHA IA AKU NEI KA ILOHE I na mea a pau, i kulike ai me na hooko ana o ke kuai i hookomo ia iloko o kekahi moraki i hana ia e KAAPA (@ a me KAALOKAHI @ kane ia Alexander Hutchinson, ma ka la 3 o Iune A.D. @, kope ia ma ke Keena Kakau Kope o ke Aupuni Buke 56 aoao 111 a me 112, a o aa moraki, la a me ka noia a me ka aia i paa malaila, ua hoolilo ia aku ia J.O. Carter a me J.S. Walker, na luna hooko kauoha o ka palapala kauoha a na Alexander Hutchinson la ia W.G. Irwin a me Claus @ na hoahui malaio o ka hui nona ka inoa “W. G. Irwin & Co” ma ka palapala i hana ia i Feberuari @A.D. 1881, kope la ma ke Keena Kakau Kope Buke 70 aoao. I a me ke palapala i bana ia Feberuari @ A.D. 1881, kopr ia ma na Keena Kakau Kope la Buke 70 aoao 2,3,4, a me 5 o W.O. Irwin & Co a me kekahi poe e ae i hoolilo ia aku i ua Mahiko la o Hutchinson, he Hui Hawaii i hoohui ia ma ka la 28 o Novemaha A.D. @ kope ia ma ke Keena Kakau Kope Buke @ aoao 16, 17 a me 18 a mai na Hui aku la ua hoolilo aku ka Haui.  Mahiko Hutchinson ia @ ma ka palapala i hana ia ma @, kope ia ma ke Keena Kaku Kope Buke 119 aoao 130 a me 131, a mai ua @ la i hoolilo ia aku ai i ka Hutchinson Sugar Plantation, he hui i hoohui ia malalo o na kanawai o ka mokuaina o Kaleponi Amerika Huipaia ma ka palapala i hana ia i Iune 11, @ kope ia ma ke Keena Kakau Kope Buke 113 aoao 376 a me 377, o ua hui hope ia ka poe nona na inoa malalo iho, ke manao nei e hooko aku i ka moraki no ka uhaki ia o ka aelike, oia ka hookaa ole ia o ke kumupaa a me ka ukupanee maluna o ka nota aie a me ka ale i paa maluna o ka moraki.  Ke hoolaha hou ia aku nei ka lohe, o ka waiwai i paa maloko o na moraki la e kuai ia aku ana ma ke @ akea ma ka Hale Kudala o Jas. F. Morgan ma Honolulu Mokupuni o Oahu, ma ka POAONO, la 13 o Aperila, A.D. @, hora 12 awakea o ia la.  O ka waiwai i paa maloko o na moraki la, penei ke kuhikuehi ana malalo iho:  O na pono a pau, na pomaikai a me na kuleana o ua Kaapa a me Kaalokahi la iloko o kela aina a pau o Kawala, Kau, Mokupuni o Hawaii, oia ka Apana i iloko o ka Palapala Sila Nui Kuleana @ Helu 630 ia Laweliilii a nona ka ihi he umikumamaiwa (19) mau eka.  THE HUTCHINSON SUGAR PLANTATION COMPANY.  No na mea i koe e ninau ia Carter & Kinney na lolo no ka Hutchinson Sugar Plantation Company.  Kakaula ma Honolulu, Maraki 12, 1890.  @

 

Hoolaha Hooko o ka Moraki a me ke Kuai.

KE HOOLAHA ia aku nei ka lohe, i kulike ai me na hooko ana a me na mana i hookomoia iloko o kekahi moraki i hanaia o J.W. Smithies o Naalehu, Kau, Hawaii, ia Wm. K. Castle, Kahu, o Honolulu, Oahu, ma Sepatemaba 27, 1893, kope ia ma ke Keena Kakau Kope o ke Aupuni Buke 143 aoao 231-232 a i hoolilo ia aku e ua Wm. Castle, kahu la, ia Wm. F. Allen kahu ma ka palapala i hanaia i Okatoba 18, @ kopeia ma ke keena Kakau Kope Buke 145 aoao 231, ke manao nei ka mea nona ka inoa malalo iho Wm. F. Allen e hooko aku i ua moraki la no ka uhakiia o ka aelike, oia ka hookaa ole ia o ke kumupaa a me ka ukupanee i ka wa e hoo kaa ai;  Ke hoike hou ia aku nei ka lohe, mahope iho o ka pau ana o na hebedoma ekolu mai ka la aku o keia hoolaha ana, alaila o ka waiwai i paa maloko o na moraki la, e waiho ia aku no ma ke kudala akea ma ka hale kudala o Jas. F. Morgan ma Honolulu, ma ka POAKOLU, la 12 o Iune, A.D. 1895, hora 12 awakea o ia la.  O ka waiwai i paa maloko o ua moraki la, oia keia:  O kela hookahi hapaha kuelana i mahele ole ia a ua mea la nana i moraki iloko o na aina e pili kokole la i Naalehu malalo iho:  1.  Palapala Sila Nui Helu 2116 ia Hilinai.  he 31 7-10 mau eka ka nui.  2.  Palapala Sila Nui Helu @ ia Hilinai a me Naonoaina.  He 336 mau eka, o ka hapalua o keia.  3.  Palapala Sila Nui Helu 2523 ia ilama.  He @ mau eka o keia aina hope ua hooliloia ia Hilinai ma ka palapala kuai a i kopeia ma ka Buke 54 aoao @ a o ke kuleana o ka mea nana i moraki, ua kuai ia mai e Hokai ka hooilina o ka ekahi hapaha o ua aina la ma ka palapala i kopeia ma ka Buke 141 aoao 44.      W.F. ALLEN, Kahu.

Mea i lilo mai ai ka moraki.    Honolulu, Mei 8, @

 

Hoolaha Hooko o ka Moraki a me ke Kuai.

KE HOOLAHA ia aku nei ka lohe i na mea a pau, i kulike ai me na hooko ana o ka mana kuai i hookonmoia iloko o kekahi moraki i hanaia e LAUNUI APUNA (w) a me APUNA (pake) kana kane o Kau, Hawaii, ia C. Melnecke o ua Kau la, ma Maraki 10 A.D. 1894, kopeia ma ke keena kakau kope o ke Aupuni buke 147 aoao 148 a hiki i ka 150, a o ua moraki ia, ka nota a me ka aie i hoopaaia ai ua hooliloia aku e C. Melnecke ia M. Coleman ma ka palapala i @ ma Aperila 2, A.D. 1894, kopeia ma ke Keena Kakau Kope o ke Aupuni ma ua Buke 147 la, aoao 150, a mai ua M. Coleman la i hoolilo hou ia mai ai ia C. Melnecke ma ka palapala i hana ia Iune 16, 1894, kopeia iloko o ua Keena Kakau Kope la Buke 147 aoao 149, a na C. Melnecke la ka mea nona ka inoa malalo iho, ke manao nei e hooko aku i ua moraki la no ke kumu ka uhaki ia o ka aelike, oia ka hookaa ole ia o ke kumupaa a me ka ukupanee o ka @ a me ka ale i hoopaaia ai.  Ke hoolaha hou ia aku nei ka lohe i na mea a pau, o ka waiwai i paa maloko o ua moraki la e kuai ia aku ana ma ke kudala akea ma ka hale kudala o Jas. F. Morgan ma Honolulu, Mokupuni o Oahu, ma ka POAONO la 24 o Aug., A.D. 1895 hora 12 awakea.  O ka waiwai i paa maloko o ua moraki la oia keia:  O na pono a pau, ke kuleana a me na pomaikai o na Launui Apuna (w) la iloko o ke Ahupuaa o Waiamau ma ua Kau la a oia ka waiwai i hooliloia mai i ka mea nana i moraki aku ma ka palapala kuai a Puahi (k) ma Aperila 26, 1893, kopeia ma ke Keena Kakau Kope Buke 141 aoao 317.        C. MELNECKE,

Mea e paa nei i ka Moraki,  No na mea i koe, e ninau ia Carter & Kinney, na Loio o C. Melnecke.    Honolulu, Mei 20, @

 

GOO KIM

411 Alanui Nuuanu.

MEA HOOKOMO MAI A KUAI AKU I NA Lole Europa a me Pake a me na lole o na ano a pau.  Ma na moku i ku hope mai nei ua loaa mai ia makou na waiwai lawa pono o na PAPALE WAHINE i kau ia i ka lipine a me na papale i kau ole ia i ka lipine, na LOLE KANE o na ano a pau o ke ano maikai hou loa.  E kipa mai i o’u ninau mua ai no na lole maikai a me na ano SILIKA waihooluu like ole.    2537-@

 

C.E. Williams & Sons

HELU 611      ALANUI MOI

Mauka mai o ka Pa Kuai Papa o Lu me Kuke.

Na mea kuai ma na LAKO HALE a me na MOE o na ano a pau ma na KUMUKUAI HAAHAA LOA.

Na mea HANA PAHU KUPAPAU a me IALOA.  Na Pahu Kupapau hookomoia mai iloko nei o ka aina, i oi ae ka nani mamua o na pahu kupapau hanaia maanei no ka $3.00 a pii aku iluna.  Kaa Kupapau no ka hoolimalima, a o ka oi o ka nani ma keia kulanakauhale no ka $5.00.  Na He Kupapau a me na Kia Hoomanao.      Telephone 179.    2543-tf

 

He Ai Hooulu Oi Loa

E Haawi i na keika Ai Waiu

A ME NA POE OMAIMAI

MELLIN’S FOOD

FOR INFANTS    AND INVALIDS

No ka hooulu Kamalii    Ka Hoopohala mai ao    Na Mai Ake Pau    Na Opu Ai waii ole.

a me na elemakule loaa i na Nawaliwali.   HE AI MAIKAI LOA

I ka Mea Ai.    na Pokii Hanai Lima ia    BENSON, SMITH & Co.

Na Apana wale no he Hawaii P