Ka Nupepa Kuokoa, Volume XXXI, Number 48, 26 November 1892 — Ka Mokuahi Mariposa. [ARTICLE]

Ka Mokuahi Mariposa.

Ika aneane ana e kupololei ka la i ke poo o ke Sabati aku nei i hala, ua ku mai la ma Honolulu nei ka mokuahi Mariposa mai Kapalakiko mai, me 19 mau ohuna kapena, 18 mau ohua oneki, na eke leta u me 300 mau tona ukana paha no Honoiulu nei.

Piha pono ka uapo mokuahi i ke anaina nui o na lahui iike ole i kauo ia e akoakoa no ke ake e lohe i ka moho Pere§idena i puka o Amerika Huipuia. Aka emoole no nae, ua wa koke ia mai la, ua puka o Kalivalana i Peresidena, oia ka moho a na Demoearata.

Ua apa loa he elua la ka loihi o keia ku ana mai a ka mokuahi mahope o kona manawa ku mau, a o ko kumu, o ka mokuahi Anraria nana 1 lawe mai na eke ieta Beritania e hoouna loa ia ai i na Panalaau o ka Hema, ua lohi loa a hala he kanakolu komamaona mau hora mahope iho o kona manawa mau ku ae la i Nu loka. Nolaila i panee loa ai ka haalele ana o ka Mariposa ia Kapalakiko a i ka hora 2 a me hapa aulna la o Novemaba 13.