Ka Nupepa Kuokoa, Volume XXXI, Number 48, 26 November 1892 — KA UWEAOLELO PAKIPIKA. [ARTICLE]

KA UWEAOLELO PAKIPIKA.

Aole i haalele loa ia ke kumuhana no ka hoomoe ana i uweaoleio moana ma ka moana Pakipika, a ina aole e moe mai ana ka waea mai Kapalakiko mai a i Asia nia ke ala aku o Honolulu nei, alaila o halulu e mai ana ka waea a na poe waiwai o Beritania mai Beritania Columebia mai ahiki i na Panalaau o ka Hema, me ke kipa pu ana ma Honolulu nei. Nolaila ma na hoolala hoomoe w r aea moana ana a elua, aole no e ole ke kipa ia o Honolulu nei. O ko kakou ku ana i kiko waena ma ka moana Pakipika, oia ka mea nana i hooi ae i ko kakou kulana kipa io ia mai e keia mea nui a ko kekahi pea e ae o ke ao e hauoli nei, a i hoonele ia mai hoi ia Hawaii. Nolaila, e hiki mai ana no he wa aole e loihi loa a ike pu kakou i na mea e hana ia ana ma kekahi wahi e aku iloko o ka imo ana a ka maka.