Ka Nupepa Kuokoa, Volume XXVIII, Number 14, 6 April 1889 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXVIII, HELU         14  HONOLULU, POAONO, APERILA 6, 1889  NA HELU A PAU, 2227

 

HOOLAHA LOIO-

            W@@@@LA

             A ME KOKUA MA K@ KANA@@

            @@ WWWW M@@@@@@ Pelapela

            @@

 

            WILDER & CO (WAILA MA.)

            @@@@@@@ p@p@ a ma na lake kukulu hale @@@@@@p@@, a me na me na peno a pau @@@@@@@

            @@ @an@ M@wahio me Papu

 

            C. IL BROWN

            A he kokkua ma ke kanawai. @@@@n Hoo@ale Palepaia no ka m@ hupuni e Oahu. @@ HANA Ma alanui Kalep@  @.

 

            A @@@ (AKON@)

            A HE KOKKUA MA KE KANAWAI  He luna Hoo@ale Palapaia. @@@@@ HANA: Ma ke Keena Lolo Kuhina . tf.

 

            WILLIAM C. ACHI.

            Me kokua ma ke kanawai imua o na @@ keia Aupuni. Mea Ana Aina a he Roroka ma na @@@  ## H@@@, Hela 15, Alanui Kaahumanu @@@ ma ke K@ena mua iho nei o Kini @@@@    2114-y

 

            GEORGE P. KAMAUOHA.

            He Lolo a he Kokua ma ke Hanawai

            A HE MEA

            ANA AINA.

             @@@@ @o ma Kohala Akau, Hawaii.

            2001 - 1 y

 

            JOHN MAHIAI KANEAKAU.

            LOLO A HE KOKUA MA KE KANAWAI

            HE MEA UNUHIOLELO MA KA OLELO

            B@RT@ANIA A ME KA OLELO HAWAII

            @@@a Hana, maluna me o ka honako o @@@@@ m@.

            1 yr.

 

            HALEKUAI BIBI HONOLULU

            (Hope o W@ M@@alles.)

            MA ULAKOHEO.

            Na Bibi manona, Hip, Puaa me Ia, na la@@@@@@@@.

            O@@ k@u@ha a na ohana a me na moku mai e hook@koke ia no me ka eleu a me ka hikiwawa.

            O @@ holoholona ola nu na moku e hiki no ke honk@koke ia.

            Pele@@@@ Heiu @@@    2185.tf

 

            E.G. HITCHCOCK

            (AIKUR HIKIKOKI)

@MO A KOKUA MA NA MEA A PAU @ P@@@ ANA MA KE KANAWAI.

E ahi ia me na Hilo Aie. me@ka'awiwi

            HILO, HAWAII.

            2114.1yr.

 

            JAMES M MONSARRAT,

            (MAUNAKEA.)

            L@@O A HE KOKUA MA KE KANAWAI

            No luna  @ooiaie Palepaia.

            E hana ia no na Palapala Kuai, Palapala Hoohmalima, a me na palapala pili kanawai e ae ma ka olelo Hawaii.  Oala po ka hoaie ma ka m@raki ma na waiwai paa.

            KEENA HANA: Hale Pohaku hou ma ka aoao ma Waikiki o ka Halewai, Alanui Kalepa.

 

            PACIFIC HARDWARE COMPANY

            Na hope o Dilinahama Ma.

            Mau Mea Kuni Lako Hao

            Alanui Papa Honolulu.

 

            UMEKE POI!

            UMEKE POI!!

            Ua loaa mai he mau Bakeke Umeke Poi o ke ano hou, i hawale ia me ke apo hao, a o ka ai e komo ana iloko o keia ano umeke, oia ka helu ekahi o ka mikomiko, aala a me ke onaona.

            E kipa mai ma kahi o

            KAKELA ME KUKE

            Alanui Moi.     2221-@m

 

            KAU LIO MAZEPA

A @ OLE @@. KA

Noeau i ke Kii'na

Kipuka-ili.

            Ke Kamahele ma na Kula Laula o Nubarasaka.

            KA HIKII IA ANA O KA WAHINE DAU LIO MAZEPA.

 

            Huli ae la o Lusiana ia Sako a pane i keia mau olelo --

            "E hapai mai i kela wahine a hikii iluna o kno lio, a_____"

            Aohe i pau pono aku kana mau olelo i ke kanaka hapa Ilikini, ua pane koke mai la ua wahine nei me na olelo ino i ke kanaka kau lio---

            "E ke kanaka hoomainoino o ka hoomauhala haahaa loa, ke hooino nei au ia oe mai lalo lilo loa ae o kuu puuwai, mai keia la aku a hiki i kuu make ana. O ka hoopai i kau ia mai maluna o makou, ua oi loa aku ia mamua o ka haawina e loaa ana i na kanaka e lawe i ka oihana o ka powa i mau makana na iakou. Ke noi hou nei au i kou oluolu, maluna o'u na hoopai a pau e kau mai ai, a e hookoe i ko laua mau ola."

            "Aohe a'u mau kukai olelo i ka wa e makaukau ai ka hoopai. He hooko wale aku no i keia manawa ma ke kau ana ia oe maluna o kou lio.  E loaa like ka ikaika o ka puupuu ia oukou a pau," wahi a Lusiana.

            Ua hoohina ia iho la ua lio nei i ka honua, a hikii ia ka wahine ma kona kua a paa loa.

            Ua wehe ae la o Lusiana i na kaula e paa ana o ka wawae o ka lio, a me hookahi oni ana a me ke kapeku, ua ku ae la ua lio keokeo nani nei ma kona mau wawae.

            O na lala laau e uuina ana i ke owili ia e ka makani kikiao ikaika, pela ka meheu mahope e ukali la l@ka lio keokeo ilalo o ke kula laula me ke kino o ka wahine ma kona kua.  He imo ana na ka maka, nalowale aku la iloko o ka punohu lepo ma ke alahele no kekahi aoao o na kuahiwi.

            O keia hahi a ka mea heluhelu e hoomaopopo iho ai, ianei kaua e ike ai i ke kau lio Mazepa, he inoa kapakapa i kapaia aku i ua wahine la a Lusiana i hookuu aku la.

 

KE KANU OLA IA ANA.

            Ma keia wahi e haalele ai kakou i ka wahine kau lio ke holo hele la no na kuahiwi, a e nana hou ae kakou i ka hopena o ka Lusiana mau hana i koe me na ohana elua.

            O Ramese Pekekona, ke paa nei no oia i ke kaula ma ke kumu o kela laau, a o Sako hoi, ua hoi ae oia a ma kona wahi.

            Huli ae la o Lusiana a haawi i kana kauoha no ka hooko i ka hoopai malu na o Pekekona.

            "O keia kou manawa e Ramese Pekekona."

            O kela mau olelo, he puupuu ikaika loa ia i loaa aku i ka mea nana i hai aku kela mau olelo.

            Ua pii aku la ke kanaka kau lio a hiki mamua o Pekekona, a mamua o kona wehe ana i na kaula a hikii ia ai oia, huli ae la is Sako a pane i keia mau olelo--

            "E Sako, ma kela wahi au e ku la, e @ oe i luakupapau nou, a kanu ola oe m@oe iho iloko olaila."

            Huli ae la ia Pekekona, a pane aku la i keia mau olelo,

            "O kou mau la hope loa o ke ola ana e Ramese Pekekona, ua hiki mai ia iloko o keia hora."

            Wehe ae la o Lusiana i ka piko o ke kaula i hoopaa ia ai o Pekekona, a i ka hemo ana, haawi hou aku la i kana kauoha hope loa.

            "E hele a komo iloko o kou luakkupapau i keia manawa e Ramese Pekekona,  a e kanu no oe ia oe iho i ka lepo a hiki i kou make ana."

            I kela wa i hemo ae ai o Pekekona mai ke kkumulaau ae a hele no kona luakupapau, a o Sako hoi, ke hoomaka nei oia e eli i kona luakupapau, a lohe ia akku la kekahi halulu wawae kapuai o no lio mai lalo mai o ke kula laula, e holo mai ana iloko o ka punohu lepo no kahi pupua hale noho kauhiwi, huli ae la ko Lusiana ma alo a nana pono i kahi o ua halulu la e hele mai nei.

 

KA HUAKAI NO NUBARASAKA

            Ma keia wahi e waiho ai kakou ia Lusiana a me kana mau pio, a e kamailio kakou no ke kaikamahine a me kona makuakane e hele aku ana no na kula laula o Nubarasaka Komohana, i kahi hoi o kona hanau mua, oia o Ramese Pekekona a Lusiana e hoopai nei e kanu ola ia iloko o ka luakkupapau me ka weliweli.

            I kela no a ke kaikamahine i halawai ai me Lusiana ma ka hale Ahahui Uniona, aole i poina iaia ka hoomaopopo ana i na helehelena o Lusiana, a oia kana i hai ai i kona makuakane, ua hiki no iaia ke koho pololei i ua kanaka la ina oia e ike hou ana.

            I ka po a Lusiana i haalele ai i ke kulanakauhale o Bosetona, ua haalele aku ke kaikamahine me kona makuakane i ke kulanakauhale i kekahi la ae no Nubarasaka.

            He kanaka o Bakele Pekekona i kamaaina i ka noh'na o na kula hanai holoholona, a he kaikamahine hoi o Ata i hoolilo i ka noho paniolo ma ka hokua o ka lio e like me ka luli ana o ka nohopaipai.

            I ka la a laua nei i haalele aku ai ia Bosetona, ua halawai aku laua me kekahi mau kanaka opio elua ma ke alahele, a ua hoomau akku lakou i ka hele ana iloko o na manao pono ole o ka makuakane.

            O Maka Bale, oia ka inoa o ke keiki akamai i ka hookani pila, a o Tine Tima, oia ke keiki haaheo ma ka hoolelele lio.

            Na kela mau haawina elua i hoomohala aku i na kukai kamailio ana o lakou ma ke alahele, a  he mau likipaupaka ana ka laua i kuko ai no ke kaili ana i na manao kupaa o ke kaikamakine.

            I ka wa a lakou i hiki mai ai i ka hale hookipa, ua pane ae la ka makuakane no ko laua hooluolu ana malaila ia po, a o na kanaka elua hoi, ua ae mai laua e huli mai ana no i ka hale hookipa i ke kakahiaka.

            I ko laua hala ana aku, ua hooholo iho la ka makuakane no ka hoomau aku i ko laua hele ana a hili i kahie moe ai ma ke kula.

            I na hora mua no o ke ahiahi, ua haalele iho laua i ka hale hookipa, a oiai laua e hookunoini malie ana ma ke alahele, ua pane ae ke kaikamahine i keia mau oleleo ---

            "He mea oiaio, e huli ana o Tine Tima ma ia kaua?"

            Aohe i puai leo mai ka makuakane a liuliu, pane maila me ka nana pono i ke kaikamahine---

            "Aole laua i ike ihea laua e huli ai? A aole no kaua e loaa ina no laua e huli ana?

            "O Maka Mabe iho ke kanaka kamaaina i keia mau kuahiwi, a ua hiki ke hookolo ia ka meheu pohihihi o na hoailona a pau," wahi hou a ke kaikamahine.

            "Ua ahona o kaua wale no ke ike i na hoailona a pau o ke alahele me kona kokua ole mai?"

            Ua hoomaopopo mai la ke kaikamahine i kela mau olelo a kona makuakane, ua huhu oia i ko lakou hele pu ana mai me kela mau kanaka opio ma ke alahele, oia ka ke kaikamahine kkupaa i ninau hou aku ai---

            "E papa, heaha na kumu o kou olelo ana plea?"

            "Aohe mau kumu nui mawaho ae o kona aloha ana ia oe."

            "E papa!---------" wahi a Ata i pane aku ai me ka manao kahaha, a pane hou mai la no ka makuakane-----

            "Ua ike au i keia la a po, ua aloha oia ia oe."

            (Aole i pau.)

 

NEDE NIKONA

KA

Puuwai Haokila a Hooko Kauoha Poina Ole;

A O KA

Holapu Hope Loa

A KA

"ALABAMA,"

KE

Ahikanana a Puhipuhiahi o ka Moana Atelanika.

 

"Elua Kupueu o ka moana,

A na O-l'a e makau nei;

O ka Alabama me ke Senedoa

I ka uhai loloa mai mahope."

 

KA NIUHI HOLAPU MOANA.

 

MOKUNA IX

HE AA PAIO

            "Ika hora 12 ea?" wahi a Nede iaia iho. "O ko Belodina hora ia e Pilipi Fale. Ina he makemake nui loa kou e halawai pu, e kali oe a hala ka manawa au i hai mai nei ma kau palapala. E hooko mua ana au i ka'u aelike me Kapena Belodina mamua, a mahope aku oe."

            Ua hookomo iho la oia i ka palapala iloko o kona pakeke, a hele aku la no ka hale o Belodina.

            "A, eia oe," wahi a Belodina i ko ia mei komo ana aku.  "Ano iho la, ua haawi ia mai nei ia'u ka lohe, aia ke moe malie ala kuu topido malalo o ka Alabama.  Ua hooko pono ko'u mau kanaka i na kauoha me ka pololei loa.  Ano, e hele kaua e hookui i ka uwea uwila me ka batari.  A i ka manawa i oleloia, he kaomi wale no ko ka manamanalima, a e puhi ia no o Kapena Semisa me kona moku iluna o na ao o ka lewa."

            Puka aku la o Belodina me ka ukali ia e Nede no ka hooko ana i keia kumuhana.

 

MOKUNA X.

PAHU'A KE KUMUHANA NUI.

            I KO Belodina puka ana aku iwaho, aole loa oia i hookaulua iho i no keehina awiwi o kona mau kapuai a hoea wale no i kela wahi papai hale kahi hoi i hoomakaukau ia ai na mea a pau e pili ana i ke topido.  A mahope ponp aku no hoi o Nede kahi i ukali aku ai iaia.

            I ko laua nei komo ana aku iloko o ua wahi hale nei, kukuni aku la ke Kapena i ke kukui a a , a huki ae la i kahi mekini uwila mai kona pakeko ae, me ka pane ana mai--

            "E nana mai paha oe i keia, na keia mea e hoike mai ia'u ua makaukau na mea a pau."

            Ua kuhi aku la kona lima i kekahi uwea e moe ana mai waho mai a komo iloko o ka hale, a pane hou mai la no--

            "Ua hoomoe aku nei ko'u mau kanaka i ke topido i manaoia ma kahi o ka hana, a hookahi wale no mea i koe, oia ka hookkui ae i keia uwea me ka batari uwila, alaila, kakali aku o ka hora waenapo.

            Hookui ae la ia i ka uwea me ka batari uwila, a ku iho la ma ka aoao o ke pakaukau me ka makaukau e kii iho me kona lima maluna o ke ki, a o ka manawa no ia o ka uwila e holo ai a loaa ke topido.

            Huki ae la o Nede i kana uwaki a nana iho la i ka manawa, he hapaha i koe kani ae ka hora 12.

            He 15 minute i koe, a lele liilii ae ka Alabama iluna o ka lewa iloko o na apana he mau tausani.

            Ke ku nei o Belodina me na maka huali a me ka nui o ka hanu, no kana mea e hana ai, a o Nede hoi, ua piha oia me na manao o ka pihoihoi i ka hopena e kau mai ana i na kino ola o ka Alabama, e hiolani ia me ka ike ole mai i keia make.

            Nana iho la o Belodina i kana uwahi a pane mai la:

            "He elima minute i koe e Nede, a ua like ia me elima hora ia'u.  He keu ka lohi o ka mee ana o ka manamana kuhikuhi hora o ka'u uwaki i keia po Ke ake nui nei au o ka hiki mai i ka manawa, a uku koke aku i ka hopena nona."

            A hala ae he manawa, pane hou ae la oia ia Nede:

            "Heaha ka puana o kau uwaki i keia manawa?"

            "O ka hora 15 ponoi keia," wahi a Nede.

            Ua pane koke ae la o Kapena Belodina--

            "Hora 12 ponoi!  I ka lewa e Kapena Semisa!"

            Ua hookuu iho la ke Kapena i ka hamere me kona ikaika a pau maluna o ke poo o ke kkui mageneti iloko o ka holowaa uwila.

            Ua lele aku o Nede ihope a nana ma ka ipukaaniani i ka ilikai, kahi hoi a ka Alabama e lana ana.

            Aole keia i ike aku i ke pahu ae o ke topido, a holo ae la ka manao kanalua ia laua.

            Ua nana pono hou mai o Belodina a pane mai la.

            "I keia manawa e lele liilii loa ai oia i ke aouli."

            Ua hiki @@a iho@a oia i kana hamaoe ma ke poo o ke kui makeneki, i hooi loa ia aku ka ikaka i ko ka wa mua i paluku ai.

            Aohe no pahu i lohe ia, a e ku malie mai ana no ka Alabama me na kukui i ke awa.

            Ua nana pono iho o Belodina i ka batari uwila a pane iho la me kona leo nui:

            "Ma o na Lani la, aole loa au e hoohoka ia.  Ua hoohiki au e hoouna aku ia Semisa me kona moku i ka lewa, a e hooko aku ana ano.  E Nede, he kiapolo ko loko nei o kuu kumuhana, a na'u no e kipaku aku iaia ke hoomau ia pela.

            He weliweli ke okalakala o Belodina i kela manawa.

            Ina paha e loaa ana ke kanaka nana i hoopahua iho la kana kumuhana, he kanalua ole ka loaa o ka hoopai weliweli loa.

            Noke iho la ua Kapena nei i ke ku'i i ke pakaukau, a he ano pupule ke nana aku.

            "Alia," wahi a Nede i pane aku ai a keakea i kana mau palukku ana iluna o ke pakaukau.

            Ua pale ia mai oia e e Kapena me ka ikaika a hopu iho la i kekahi koilipi nui.

            He hookahi puupuu o kana iliki ana iho iluna o ka batari, nahaha liilii ae la a weluwelu.

            Ua hoomaopopo Iho o Nede, ua pupule ia ke Kapena no ke ko ole ana o kona manao.

            A liuliu iki, hoi pono iho la kona manao, nana mai la ia Nede a pane mai la.

            "Aohe anei i maikai kela hana ana iho la?"

            Hoomaha iki iho la a pane hou me ka leo nui:

            "Aole kela kopiko i hoouna aku ia Semisa me ka Alabama iluna o ka lewa Aole loa e au  hou kela moku kipi i ka moana, a e haawi makana mai ana ke aupuni i moku manuwa no'u."

            Ua hoomaka ae la oia e akaaka me ka leo hanehane o ko ke kanaka ano pupule.

            Hoao iho la o Neke e hoomalielie i ke Kapena, aka, ua hoike mai oia i kona manao e puhi ia moku Alabama i ke ahi.

            Ua emi hope aku oia a ma kuono, a malaila oia e noke mai ai i ke kamailio.

            Ua hiki ole ia Nede ke hookaawale iaia mai ia wahi mai, a haalele aku la me ka piha kaumaha a me ka weliweli o kona noonoo.

            I ko Nede noonoo ana, ua kolohe ia ka uwea o ke topido, a nolaila ke kumu i pahu ole ai, a owai la ka mea nana i kelohe. Aole anei na Pillpi Fale?  A ke kali mai la oia no kona hiki aku e hooko i kana kono e hele aku a e paio pu me ia.

            "E awiwi e kuu mau wawae a loaa aka oia." wahi a Nede.

            Nana i kolohe ka mekini o ka Natila, a ano, ua hoopahua oia i kekahi hana nui i manao ia e loaa ona pomaikai i ka aoao Akau.

            Ua kakau mai nei oia e loaa aku ia'u mahope o ka halepuie, a ke kauoha nei au i na mana lani e hoapaapa iaia maliala a hiki aku au.

            "A e Pilipi Fale, ina i ike oe i ko'u ake nui e halawai pu ma oe, alaila, e kali ana  anei oe a hiki aku au?"

            E hoomaopopo iho ana ka mea heluhelu, ua ake nui o Nede e hiki aku i kahi o ka hana, a ua hookuupau oia i ka mama o kona mau kapuai; a i kona kokoke ana akku i ka halepule, ua huki ae la ia i kana pu panapana mai loko ae o kona poli.

            "Eia au e Pilipi Fale," wahi ana, a lele akku la ia mai ke kiekiena o na alapii a i kahi ana i manao ai e loaa kona enemi.

            A ku ana oia imua o kekahi mea kino kanaka, a pane mai la ua mea nei:

            "Ua lohi oe: aka, ua pahua ke kumuhana nui a Kapena Belodina: aole anei?"

            Lele mai la o Nede i hope me ka piha inaina, a ike iho la, ua oiaio kana mea i haupu mua ai, na Pilipi Fale i kolohe ka uwea o ke topido.

            "Nau kela hana, e Pilipi Fale, nau i oki ka uwea uwila--a ua hoopakele oe i ka Alabama," wahi a Nede.

            Akaaka ae la ua Fale nei a pane mai la:

            "Pela io no, na'u ia mea i hana. A ua manao anei hoi o Kapena Belodina iloko o kona manawa noonoo kanaka, a ae aku ana au e holopono kana hana? He naaupo oia ina o kona manao ia pela."

            "mamua o ka hoea ana o na kanaka ona iuka o ka aina, ua hoolilo ia e a'u ua kumuhana la a olua i mea ole."

            "A ano, aole anei ou minamina no ko umi ole ana ia'u a loihi mamua o ko hoolei ana ia'u iloko o ke kai?"

            "Ua aa mai oe e paio me a'u; eia au."

            "Ua hala ka hora umikum amalua, aka ua manao au e wawahi mua i ka Alabama."

            "Ke make ole au ia oe ma keia wahi, alaila, e ko ana no ia manao o'u.  E hoomakaukau ia oe iho e Pilipi Fale!"

            Hapai ae la o Nede i kana pu panapana me ka hikiwawe a kau aku la imua o na maka o kona enemi.

            "E make oe ano, ma o ka pu a Nede Nikona, e ke kipi," wahi a Nede.

            "Aole i keia manawa," wahi a Pilipi Fale, a me ka mama e like me ka popoki, ua lele mai la oia imua a plae ae la i ka pu a Nede.

            Iloko o keia manawa, ua puiki ae la laua, a e oni ana i o a ianei me ka ikaika a pau o kela me keia.

            "Ano, eia oe iloko o kuu poho lima," wahi a Pilipi Fale, a hapai ae la ia i kekahi pahi e paa ana ma kona lima.

            "Ke piholo ka Alabama ia oe a ke mare oe ia Ruta Fegusona, e hai mai ia'u," a ia wa i iho mai ai ka oi o ka pahi a komo akku la iloko o ko Nede kino, a hina aku la oia ilalo ma ka aoao o ka paia o ka halpule.

            Ku iho la o Pilipi Fale e nana ana i ka hopena o kana mau hana, a piha hauoli ae la kona puuwai.

            "Akahi Amerika i hala.  Ua hana au i kekahi hana nui no ka Hema i keia po.  Ua uku aku la au ia oe e Nede Nikona no kau hoolei ana ia'u iloko o ke kai.  Aloha oe no ka manawa pau loa;" a haalele iho la ia i kona hoa paio mahope, a hele aku la me na kapuai haaheo a me ka piha hauoli.

            (Aole i pau)

 

MEA HANA LOLE.

            Ua wehe ae nei o Mrs. M. B. CAMPBELL i ka oihana hana a me ka helehele ana i no lole, ma kona wahi noho ma ka helu 73 alanui Beretania, ina kekahi aoao o ka Hotele.  O na kukua ana mai na lede maka hanohano mai ka mea i makemake nui ia, a e loaa no auanai ke ku pono o ka lole e like me ka iini. 2203-1y.

 

HOOLAHA

Benson, Smith & Co.

Na Mea Laikini e kaui Kakaa

a me Ka@i Liilii aku.

Na Laau Lapaau

O NA ANO A PAU.

HELU 112 me 115. ALANUI PAPU

 

O LAUA NA AGENA NO NA

Laau Lapaau Kuluwai Liilii!

Boreicke & Schrecke, a me na

WAi Lukini OnAonA Waianuhea!

 

WAIALA MAILE

A ME KE

Onaona Lei Aloha!

            O no lako no ka Lauoho a me ka Ili, a me na mea hoonani o ka Home, e loaa no ia i na makamaka ke kipa mai ma keia hale.

            2204-tf

 

Ka Waiwai o ka Hilinai

Saseparila Ayer

 

A AYER, Laau Saseparila, kai kaulana a hilinai nu@a no ka hoomaemae koko, ma na wah a pau o ka honua, ne aneane 40 makahiki i hala ae nei, a ua lawelawe nui ia hoi iwaena o na oihana lau@au.  O keia.

 

LAAU SASAPARILA,  no loko ae ia o ke aa Sasaparila Honedura maoli; ua loaa ka mana hoomaemae ma o ke hui pu ia ana me kekahi mau aa laau e ae, a me kekahi mau mea no loko o ka honua a me ka hao.

 

HE koko inoino a nawaliwali anei kou? Ua a wili pu anei me na ano mai ikaika?  A ua hui pu anei me na wai awaawa hoopehu. Na keia.

 

LAAU e hoomaemae ia mau mea iho a pau, a maikai. O na kauka lapaau a pau o Amerika ike ke ano o ka AYER SASAPARILA,ua olelo lakou, aole he mea maikai e ae no ka hoomaemae koko ana mai pa mai i awili pu ia, aka o keia wale no. No ka

 

HOOMAEMAE ana i ke koko, a me ka hookahua pono ana i na mea a pau ma kekahi mau ano ma ii ikeia, o ka AYER SASPARILA wale no ka laau nana e hoomaemae hakalia ole mamua ae o kekahi ano laau e ae.  O ke

 

KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER.  He maalahi a he

 

MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i no ma'i, hoomomona hou ana i ke koko ino, a me ka hooi kaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana ma @ i keia laau mamua o kahi mau laau e ae,

 

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha wahahee wale ia malalo o na inoa lehulehu, aka o na hilinai a me na hoola wale no a ke ao holo okoa, maluna o ka

 

Ayer Laau Sasaparilo.

I HOOMAKAUKAUIA:

Kauka J. C. Aver & Co., Lowell, Mass.

HOLLISTER & CO

Na A ena ma ka Paeaina Hawaii.

Helu 100 . . . Alunui Papu, Honolulu

2086-tf

 

Hookapu Aina

Na Moku Manu,

Mawaho ae o Mokapu, Koolaupoko, Oahu.

            Ke papa ia aku nei na mea a pau, aole e komo akku ina Moku Manu, Mokulua, ola na moku i oleloia maluna ae, a o ka poe e malama ole ana i na kauoha a keia hoolaha, e hoomu'a ma ke Kanawai.

            J.A. CUMMINS,

            (Keoni Kampki.)

            2212-3@@