Ka Nupepa Kuokoa, Volume XXVIII, Number 6, 9 February 1889 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXVIII, HELU 6.                 HONOLULU, POAONO, FEBERUARI 9, 1889.             NA HELU A PAU, 2219

 

W R. KAKELA.

LOIO A ME KOKUA MA KE KANAWAI

Ho Luna H@i@ Palapala.

tf

 

WILDER & CO. (WAILA MA.)

Ol@ kuai papa a me na lako kukuiu hule no ano a pau, a me na me no pono a puu no ka hale.

Kihi Alanui Moiwahin me Papu         tf

 

CECIL BROWN.

LOIO A HE KOKUA MA KE KANAWAI?

he Agena Hooioie Palapala no ka @io hupuni a Oahu

KEENA HANA:  Ma alanui Kalpa.

tf.

 

A ROSA. (AKONI.)

LOIO A HE KOKUA MA KE KANAWAI

Me Luna Hooialo Palapala

KEENA HANA:  Ma Ke Keena Loio Kuhina.

tf.

 

VOLNEY VAILLANCOURT ASHFORD,

AKEPOKA.

He Loio, Hoakuka, Palemak Kanawai

Kakauelelo, Lunahooponopono a me

ka hana ano i na Palapala Hoolilo.

LA WELAWE ILOKO O NA AHA A

PAU O KE AUPUNI.

E hana ia no na Palapala pili Kanawai a pua.

            Keena Hana Helu 21, Alanui Kalepa, Honolulu Hale.           (2150 1y)

 

WILLIAM C ACHI.

Loio a he kokua ma ke kanawai imua o na Aha a pau o keia Aupuni.

            He Mea Ana Aina a he Boroko ma na waiwai paa.

            Keena Hana, Helu 15, Alanui Kaahumanu Honolulu, oia ke Koena mua iho nei o Kini me Peterson.            2114.y

 

E G. HITCHCOCK.

(AIKUE HIKIKOKI).

LOIO, A KOKUA MA NA MEA A PAU E PILI ANA MA KE KANAWAI.

E ohi ia no na Bila Aie, me:ka'awiwi

            HILO, HAWAII.

                        2114.1yr.

 

GEORGE P. KAMAUOHA.

He Loio a he Kokua ma ke Kanawai.

A HE M@A

ANA AINA.

E loaa no ina Kohala Akau, Hawaii.

            2091-1y

 

JOHN MAHIAI KANEAKUA.

LOIO A HE KOKUA MA KE KANAWAI.

HE MEA UNUHIOLELO MA KA OLELO

BERITANIA A ME KA OLELO HAWAII.

A@a Hana, Maiuna ae o ka Kanako o Kihope ma

1yr.

 

HALEKUAI BIBI HONOLULU

(Hope o W.n. McCandles.)

HELU 6 ALNAUI MOIWAMINE, MAKEKE MA ULAKOHKO.

Na Ribi momona, Hipa, Puaa me ia, na lako ai ulu & co.

            O na kauoha a na ohana a me na moku mai e hooko koke ia no me ka eleu a me ka hikiwawe.

            O na holoholona ola no na moku e hiki no ke hooko koke ia.

            Telepone Helu 212      2185.tf

 

OLEO HOOLAHA.

            E ike auanei na kanaka a pau ke nana mai i keia, owau o ka mea nona ke inoa malalo ke hoike aku ne au, o ka mea a mea paha e loaa ana kuu mai Lio elua, oia hoi keia:  1 lio (k) ulaula lae kea, eha wawae keokeo, hao 1 lio (k) hakeakea, hao like me keia a he 8 kekahi hao ma ka a-i.  E hoihoi mai a loaa au me Kaalaea Mili, Koolaupoko,  a i ole, ma ka Hale Wil Raiki o Aki ma Ewn, e uku no au 1 lio he $6,000

            AKANA PAKE,

            Kaala@a Mill, Koolaupoko

Dec. 10, 1888.             2211-6t

 

Hookapu Aina

 

Na Moku Manu,

Mawaho ae o Mokapu, Koolaupoko, Oahu.

 

            Ke papa ia aku nei na mea a pau, aole e komo aku ina Moku Manu, Mokulua, oia na moku i oleloia maluna ae, a o ka poe e malama ole ana i na kauoha a keia hoolaha, e hoopu'a ma ke Kanawai.

            J. A. CUMMINS,

            (Keoni Kamaki,)

            @1@.@

 

NEDE NIKONA

 

KA

 

Puuwai Haokila a Hooko

Kauoha Poina Ole;

 

A O KA

 

Holapu Hope Loa

 

A KA

 

"ALABAMA,"

 

KE

 

Ahikanana a Puhipuhiahi

o ka Moana Atelanika.

 

"Elua Kupueu o ka Moana,

A na O-I'a e makau nei;

O ka Alabama me ke Senedoa,

I ka uhai loloa mai mahope."

 

KA NIUHI HOLAPU MOANA.

MOKUNA V.

KO NEDE LANAKILA MUA LOA.

 

            " E noho ana kela kanaka opio aole oia e hele.  Ua hoohoholo iho nei au i ko'u manao, e hoonoho iaia i malihini na'u no kekahi manawa hou aku," wahi a Semisa me knoa leo kalakala o ka haakei.

            Me na maka anapa a me ka umauma e nape ana, huli ae la o Nede me ka maloeloe a haka pono aku la kona mau onohi hulili i na maka o ke kapena kipi.

            Mahope iho o kona nana pono ana, ua pane aku la oia i keia mau huaolelo oolea,

            "Ke noi aku nei au e ae ia e hele pu me ko'u mau makamaka; aole au he luina no kekahi moku America, aka he kanaka Amerika oiaio au ma ke ano eepakeke."

            "Aohe a'u mau pane ninau ma ka moana.  E noho oe i malihini na'u, I pio na'u, ina o kou manao a makemake maoli ia."

            Neenee mai la o Ruta a kokoke ma ko Nede aoao, pane mai la me ka leo nahenahe i lohe ole ia mai e na poe e ae:

            "Ua olelo aoi e uku mai ana ia oe no kou hoopakele ana ia Papa mai kona lima koko mai.  E hookuu aku iaia e paa ia oe, aole oia e lanakila.  E hoomanao i kau' olelo paa.  Malia na keia mau hana ana e kokua ia oe.  Mai hooinaina oe iaia, aka, e noho oe me ka malie a me ka hoomaopopo i na mea a pau, a e halawai pu hou aku no kakou iloko o ka haulole ma keia mua aku."

            Na keia mau huaolelo o ka waimeli i hooluolu aku i ka hae o ko Nede puuwai, a mohala ae la o loko, a puapuai mai la na okuku o ka manaolana, aia io no he la, a e ko ana kana mea i hoohiki paa ai.

            E ukali ana oia ia ka Alabama, a hiki i kona wa e piholo aku ai iloko o ka opu o ka moana; a huli ae la ia a haawe i kona ae imua o Ruta a me kona makuakane.

            "E noho ana oia me oe ma ke ano he pio nau, a hiki i kou manawa e oluolu ai e hookuu aku iaia.  Ano, ua makaukau maua no ka lawe aku iluna o ka moku Isabela,"  wahi a Ruta i pane mai ai.

            Iloko o keia manwa, ke lawe ia ala na luina a ka Natila iluna o ka moku Sepania, a o Kapena Beiodina pu kekahi i kau aku.

            I ka pau ana o ia poe i ke kau, ua lulu lima aloha pu iho la o Ruta ma @e Nede, me ke ano piha hauoli o la@ ekolu.

            Me na manaolana hoihoi no ko lakou hui hou aku mahope, ua kau aku la laua no ko laua home hou ma ka moku Isabela.

            Aole o Nede i pii aku iluna o ka oneki e ike i ke kaawale ana o na moku, aka, ku hookahi iho la oia iloko o ua k@ena nei, me ka punia o kona noen@o no kana mau mea e hana ai, i ko ai na iini nui o kona mau ina@; oina ole.

            "ua hoka loa oe e Kapena Semisa, ke kipi nui o ka moku powa Alabama.  He pio au nau i keia manwa, aka aole nae i loaa ia oe ka waiwai o na momi e like me kau i makemake nui loa ai.

            Wehe ae la ia i kona mau aah@, a hoi aku la no kona rumi, a haule aku la iloko o ka hihio moeuhane no Ruta, no ka la e hui ai a hauoli hou ke halawai.

            I kona puoho ana ae, ua puka mai ka la a uhola i ka nani kamahao o kekahi la ae

            O ka mea mua i kono mai i ka noonoo o Nede, oia no ka pahu lole o Fegusona, a me na daimana a Semisa i makaleho nui loa ai me kona manao o ka alunu.

            "Pehea aku nei la ka lua daimana a ua o Kapena Semiea.  Ina owau ia, ua pau mua aku la ia'u i ka huli ia," wahi ana i pane ae ai me ka leo o ka hoomakeaka.

            Ia wa oia i lohe aku ai i ka nakeke ana mai o kekahi mea mawaho, hemo aku la ka ipuka a komo ana o Kapena Semisa a ku ma aoao o ko ia nei wahi e moe ana.

            "Aloha kakahiaka oe e Kapena Rafela Semisa o ka Alabama," wahi a Nede i pane aku ai me ke ano leo hoohenehene.

            He mau huaolelo piha inaina ka i pana ia mai e Semisa no kona aloha ia ana aku.

            "E ala ae iluna a pane mai i ka'u mau ninau," wahi a ka leo kalahea o ua ahikanana nei.  "Ua huli mai nei au i kela pahu.  Ua wawahi a okaoka.  Aole loa hookahi daimana i koe o loko."

            "Ha, ha, ha," me ka leo haaloulou o Nede i nana aku ai i ua kapena kipi la ia manawa, a aaki iho la na ku'i o Semisa me ka wela o ka puuwai no kona hoohoka ia ana.

            "Ua maopopo mua no kela mea ia'u a o ka'u no ia i haupu koke ae nei.  Ua oi aku ka maalea o kela kanaka aoo onoa miliona mamua ou e Kapena Semisa, a ua hoohoka maopopo ia oe i ka waiwai ole o kau huakai," wahi a Nede e hoomau nei i kana kamailio hoohenhene.

 

MOKUNA VI

KA MOOLELO A KA LUTANELA.

            I keia manawa a Nede e noke nei i ka aka, ua piha loa ia o Kapena Semisa me ka inaina, a me ke kahaha nui i owili pu ia me ka hilahila; a hoopuka ae la i ka inoa o Fegusona me ka puana pu ana me kekahi mau huaolelo o ke eino.

            "Heaha no la ko'u mea i huli ole ai i kona mau pono a pau mamua o ko'u hookuu ana aku iaia," wahi ana i pane ae ai.

            "Ina no aole e loaa ia oe ua mau daimana nei, ina oe i huli aku," wahi a Nede.

            "Alaila, ina ua huli ia e a'u kona kino," wahi hou a Kapena Semisa i pane mai ai.

            "Oia haawina like no ke loaa ana ia oe, o ka nele," wahi hou a Nede i pane aku ai.

            "Alaila, pehea kela mau daimana i pakele ai mai a'u aku?  E koa no anei oe ke hai ia'u e ke kanaka pio?"  wahi hou a Semisa me kona ano okalakala inaina.

            "He hiki ia'u i ka mea au e kapa nei he pio, mamuli o kou lima nui pakaha.  Ua hele aku kela mau daimana iluna o ka moku Sepania Isabela iloko o na kamaa buti o Kapena Belodina o ka Natila au i puhi hilahila ole i ke ahi," wahi a Nede me ke koa o kona mau hiohiona.

            E hoomanao oe e ka mea heluhelu, aia i kela manwa a Nede i hoi pu ai me Belodina maluna o ka oneki o ka Alabama, mamua iho o kona hoole ana ia Pilipi Fale iloko o ke kai, ua olelo aku o Nede ia Belodina e iho ilalo, a oia ka manawa i hookomo ia ai o ua mau daiman iloko o kona mau kamaa buti.

            Ua paa ua mau daimana ia iloko o laila a hiki i ka wa i kau ai iluna o ka moku Sepania

                        (Aole i P@.

 

Kau Lio Mazepa

 

A I OL@ IA. KA

 

Noeau i ke Kii'na

Kipuka-ili.

 

Ke Kamahele ma na Kula

Laula o Nubarasaka.

 

KE KENANA KAU LIO O NA KUAHIWI

O TESETA.

 

            Mawaena o ka poai o na ahahui lealea o ke kulanakauhale o Boseton@, ua kapaia o Cata Conarada, oia ke keiki alii kipu pololei o na hoailona a pau.  Ua kapaia hoi o Lusiana de Leona i ka inoa o ka haaheo, aohe lala laau hei ole i kana kipaka ili ma na kuahiwi uhai holoholona o Teseta.

            I ka pau ana o kela mau olelo a Lusiana de Leona i kamailio aku ai i na hoa o ka ahahui, ua emi aku la oia ihope a wehe i kona papale kaleponi eleele laulau nui, haawi mai la i kona aloha konou me ka hooko rula o ke keonimana, huli a puka aku la no waho o ka ipuka-pa, a hoi pololei aku la no ka Paka Hotele.

 

KE KAIKAMAHINE MA KA HOME.

 

            I ka wa a ke kaikamahine i hoomaopopo ai iaia iho, e ulu mai ana he haunaele nui ma keia kui ia ana iho la o kela keiki hoao e hoohaule i kona ku paa o ka ahahui e ke kananka malihini ana i ike ole ai mamua, ua holo pololei aku oia no kona home iloko o ka makau nui, a me na kapuai hoomaha ole, ua hiki aku la oia i ka hale me kona mau lima e puliki ana mamu o kona alo, ua ike mai ia kona makuakane i na helehelena ano e o kana kaikamahine, oia kana i pane mai ai--

            "E Emale, --kuu keiki--heaha kou mau ulia e haalulu nei?"

            Aole i pane koke aku ke kaikamahine no kekahi mau minute, a i ka hoi pono ana iho o kona mau noonoo, ua hai aku la i na ulia o ke ala kahi ana i hele aku ai, penei:

            "E papa.  I kuu wa i haalele iho nei ia oe, ua iho pololei aku au no kahi o lakoba me ka hoopaa i ka'u gita i wahi ola no kaua; a oisi, ua like kana mea e haawi mai ai me ka hoohoka maoli ana mai ia'u, nolaila, ua iho hou aku au no ka hale oihana o, Sineona, I kuu wa e iho ana ma ke alnui, ua maalo ae la au mawaho o ka Halehui Uniona, a ma keia wahi i komo mai a kekahi manao ano e iloko o'u, e haawi aku i mau leo mele kakaikahi me ke kokua ana o ka'u pila."

            "O!  E Emale, kuu keiki.  Heaha kau i hana ai?"  wahi a ka makuakane i pane mai ai me ka leo o ka puiwa.

            "Aole a'u mea e ae i hana ai, ke ole au e halawai me ka hilahila," wahi a Emale.

            "E hoomanao oe e kuu keiki, he lala au no kela ahahui no kekahi manawa mamua."

            "Ae, ua ike au i kela," wahi hou a ke kaikamahine i pane aku ai.  "Aka, he mau makahiki loihi loa ia i haia ae ne, a oia no hoi kou wa e noho ana iloko o ka hanohano, ka lako a me ka lawa.  I kuu wa i himeni ai malalo o ka hale, ua ohohia nui ia na hoa o ua ahahui la, a ua lulu koke ia kekahi mau dala makana, a o ka mea nana i lawe mai ia'u, ua hoao mai oia e kulai i ko'u kupaa a e hoohaumia"

            Na kela mau huaolelo i hoopuoho ae i ua kanaka la, a pane koke ae la i keia mau huaolelo--

            "Ha!  E kuu keiki!  I keia manawa, ua ilihune au, a he makilo ma kahi olelo ana, e uku ana au iaia no kana hana maemae ole a me ka hohe wale o ka haahaa loa."

            "Ua uku ia aku oia me ka hoopai," wahi a ke kaikamahine.

            "Nawai?"

            "N@ok@ @ k@mana e ka ana a@ waho o ka pa a hoo@he i kalu himeni ana, ua komo mai oia a kui i ua kanaka la o ka ahahui e aumeume ana ia@u."

            "Alaila,--no ia keonimana aku la ka'@ mau hoomaikai ana a nui.  Owai ia kamaka?"

            "Aole i maopopo ia'u no ka mea, i kau wa i ike ai i na hoa o ka ahahui e holo mai ana ilalo e kokua i kela hoa o lakoa i eha, @ua puka koke au no waho o ka pa."

            "Alaila, aole paha i hoopoino ia ke ola o kela hoopakele nui ou?"

            "Aole o'u manao pela.  I kuu wa i hiki ai ma kakhi kihi o ka pa, ua nana hou aku au ihope, aole i hoopilikia mai ua poe la o ka ahahui iaia.  Ma ko'u hoomanao, ua ike mau no au i kona mau helehelena no kekahi wa loini i hala ae nei."

            "A owai ia i kau hoomanao ana?"

            "Aole paha oe i poina i ko kakou wa e noho ana i kahi hale ma ka aoao o ka muliwai, oiai kou mau la loaa a me ka waiwai?"

            "E poina anei au i ko kakou wa i noho ana ma ua wahi hale la," wahi a ka makuakane i pane hoohalike aku ai.  "O kou onehanau ia a me kahi i make ai kou makuahine, pehea wau e hiki ai ke poina i kela mau loli ano nui, oiai ko ke kanaka wa e ola ana?"

            "Ae e Papa.  He hoomanao anoi oe i kela kanaka i komo mai ai i ka po, oiai ka makani ino a me ka ua e uhi pa ana i ke kulanakauhale nei, a olelo mai e noho iki oia ma ko kakou hale no kekahi mau minute, a oiai oia iloko o ka hale, ua hookani pila aku au me ka banejo a Tome no ua kanaka la?"

            "O ia kanaka i kipa mai ai i ko kakou hale iloko o ia po, he mau makahiki loa ia i hala ae nei a o kou wa no hoi ia he umikumamaha makahiki, a nana no i makana mai ia oe i keia gita."

            "Ae, e Papa,--oia no ua kanaka la nana i hoopakele mai nei ia'u i keia po."

            "Aole ia e kuu kaikamahine, ua kuhihewa oe," wahi a ka makuakane i pane mai ai.  "O ua kanaka opio la, aia oia ma na apana uhai holoholona o ka mokuaina o Teseta ma ka hema."

            "Eia oia iloko o Bosetona nei i keia manawa, a nana i haawi makana mai keia mau bila elua haneri dala ia'u," wahi a ke kaikamahine i hoop@kiki aku ai i kana mau kamailio ana.

            Ua hoopuiwa nui ia ka makuakane i ka haawi ana aku o ke kaikamahine i keia mau bila dala elua, oia kana i lalau mai ai me ka pane hou ana i keia mau olelo--

            "Ina pela, e hele ana au e huli iaia iloko o ke kuianakauhale i keia manawa, a e haawi aku i ko'u hoomaikai palena ole no kana hana lokomaikai a me ka hoopakele maluna o kou kino.  Aole!"  wahi hou a ua kanaka nei i pane ae ai a puana hou ae la i keia mau huaolelo--

            "Aole au e huli iaia i keia po no kikahi wa okoa aku, alaila e huli no au iaia.  Na keia mau dala auanei e lawe ia kaua a hiki i kahi o ko'u ohana, a ilaila e loaa ai ka palekana ia kaua."

            "I kahi anei o ko hoahanau Ramese Pekekona?"  I ninau aku ai ke kaikamahine.

            "Ae," wahi a ka makuakane.  "Oia kekahi o na Moi i loaa ka waiwai no ka hanai holoholona, a i keia po kaua e hoomakaukau ai i na wahi puolo, a e ke kakahiaka e haalele ai i kou onehanau nei o Bosetona no na kula laula o Nubarasaka komohana."

                        (Aole i pau.)

 

AHAHUI IMI PONO.

 

            E hoalaia ana keia "Kokua" a Lala, (Mrs. Laura Judd Dickson) i kukulu ai a i malama ia.  Nolaila, e akoakoa ae ana na lala kahiko a me ka poe a pau i manao e komo i keia hana, ma Queen Ema Hale, i kela me keia Poalua, hora 9 o ke kakahiaka, a e humuhumu anan i l@

le kupon no ka pomaikai o Queen Ema Hale.

            Miss H. S. Juss

            Miss M. E. Green        Na Komite

            E loaa ana ia Mary E. Green ma ka Hale Ema, "Kaleleonalani," i ka Poakahi a me Poaha o kela a me meia pule mai ka hora 9 kakahiaka a ka hora 4 o ke ahiahi.

 

Lutanela Roge

 

KE

 

Kiu o ke Kaikuono

O MOBILE.

 

Ke Kiu a Adimarala Faragata

            i hoouna ai e Ana a e huli i

            na Topido ma ka Papaku o

            ke Kaikuono o Mobile.

 

He Moolelo Iloko o ke Kaua

Kuloko o ka Akau me

ka Hema.

 

            I ke ahiahi elua o ka paa ana o Roge iloko o papu Mogana, ua hiki mai i ke kakahiaka o ia la o Kenela Garana o ka aoao Akau, me kona mau puali koa he elua tausani, a lawe ae la lakou i ke kulana kaua hope o papu Mogana.

            O ka mea mua a lakou i hana ai, oia ka hoomakaukau ana i kekahi papu lepo a me ke kali pu aku i ka hoouka kaua mai o Adimarala Faragata me kona mau aumeku ma kela aoao mai o ke kaikuono o Mobile

            Ua makaukau pu ua Adimarala wiw@ ole la i keia la a po, aka, ke kali aku nei oia o ka hoi mai o Roge, ke kiu ana i hoouna ai e komo iloko o papu Mogana.

            Ua haawi ae o Faragata i ke kauoha i na aumoku, e hookokoke aku lakou ma ka lihi kahakai me ka laina loihi, he kulna hoouka i ka papu i ke kakahiaka nui o ka la apopo.

            He mea hiki ke manaoia, ua loaa o Roge a ua papehi ia paha e Kenela Page ma ke ahewa o ka kiu, a oia ke kumu o Faragata i makemake loa ai e hoouka koke ia kekahi kaua me ka papu, ina ua kokoke loa kona Lutanela e kau ia maluna o ka amana li-kanaka.

            He mau hora hana nui ia no na aumoku i ua po la, a ua holo ae na manao pihoihoi ma ka puuwai o na koa.

            Hookahi mea a lakou e kali nui aku nei, o ka puka mai o ka malamalam o kekahi la ae, a he mau minute koe a hiki ae i ka hora 5, ua haawi ia aku la ke kauoha i na aumoku, ua hiki mai ka manawa no ka hoomaka ana.

            Ua hiki ia ae la he hae hoailona malua o ka moku Adimarala Hakapoka, oia ka wa a na aumoku i ki papa like aku ai i ka papu, a na ko lakou ikaika a pouli pu ae la ke kaikuono o Mobile i ka uwahi pauda.

            O ka honua paa kahi a ka papu e ku nei, ua hoonaueue ia kona kahua i ka haule pinepine aku a na poka pahu o kekahi mahope o kekahi, mawaho o ka papu, maloko o ka papu, a ma na paia o ka papu.

            O keia na lawelawe o ka eleu, a o na hana maa mau hoi o ka wa kaua, o ka pepehi aku a pepehi mai, hao aku o hao mai, noho lanakila a lawe pio ia.

            Ua pane ia mai keia e ka papu o Mogana me ka leo o ka pukuoiahai i na aumoku o Faragata, a ua hiki ke ike ia aku lakou e ku ana, ua nahaha na palekai a ua pau i ka hakihaki na kia.

            O keia ka hoouka kaua ikaika loa i ike ia ma Mobile, a o na kanaka o ke kulanakauhale, ua hoopuohoia lakou mai ka hiamoe ae, a o lakou na makaikai e nana nei i ka hoouka a na aumo ku me ka papu.

            He hora hookahi keia hoouka ana, ua ike ia aku la ka papu e hiolo ana kona mau paia paohaku i ka honua, a puehu liilii ana na koa mai ka lakou mau pukuniahi aku, a o ka lakou mau ki ana e hoololi mau ana lakou i na wa a pau, oiai na aumoku o Faragata e hono ana imua a emi ihope, ua loaa mau ia lakou ka wa kupono e ki aku ai mawaho o ka pouli uwahi.

            Ua lele pololei aku kekahi o keia mau poka a komo iloko o ka rumi paahao o roge i @o@ paa ia ai, a na ia mea i wawahi @lu aku i kona mau paia a helelei, a pakela iho la oia mai pilikia i keia poka a Faragata i ke mai ai i ka papu.

            I keia manawa i ike mai ai o Kapena Venona i ka nahaha liilii ana o ka rumi paahao, kahi o ke kiu i hoopaa ia ai a hiki i kona wa e kau ia aku ai maluna o ka amana li-kanaka, ua holo koke aku la oia e hai i keia lono ia Kenela Page, malia oaha, ua poina ia oia no ka mea e hana aku ai e ua kiu la i keia manawa.

            "E ke Kenela," wahi a Kepena Venona i pane aku ai.  "Ua komo aku nei iloko o ka rumi paahao he hookahi poka paha a nahaha liilii kona mau paia.  Aia iloko o laila ke kiu Amerika kahi i hoopaa ia ai.  Ua poina anei oe nona?"

            "Ma o na Lani la,--ae,--e ke Kapena," wahi a Kenala Page i pane mai ai mai loko mai o ka pouli uwahi pauda ma ka aoao o na pukuniahi.  "Ua olelo au, e haawi aku i uku hoopai nona na ko lakou mau poka ponoi no e pepehi iaia, aole anei pela?"

            "Manao au, ua olelo oe pela," wahi hou a Kapena Venona.

            "Ina pela, e hele pu aku oe me kekahi mahele koa a lawe mai iaia imua o'u," wahi hou a Kenela Page i pane mai ai.

            Huli ae la o Kapena Venona a kauoha aku la i kekahi mahele koa e ku ana mahope o na pukuniahi, huli like ae la lakou a pau a maki aku la no ka halepaahao ma kekahi kihi o ka papu.

            He mau minute pokole ia o ka lakou maki ana, a mamua hoi o ka hiki  ana i ka halepaahao, ua haule iho la kekahi poka pahu maluna o na koa mai na aumoku mai o Faragata, a he mau poka elua a ekolu i hala ae maluna o ko lakou mau poo, ua nahaha liilii loa ua halepaahao la a ua make hoi he hapaiua o na koa a ola mahunehune iho la o Kapena Venona mai poino i keia mau poka.

            Ua ku iho la o Venona mawaho o ka rumi paahao me kona mau koa i koe iho, a ike aku la oia ia Roge e ku mai ana ho iloko o ka rumi me ka paa o kona mau lima a me kona mau wawae i ka hao, a hoomanao ae la oia i ua wahi hoa kula nei ona i hoopunipuni ai iaia, a me ke kaili lilo loa i ka puuwai o Edita, ke kaikamahine puukani olu waipahe o Mobile.

                        (Aole i p@u)

 

PAPA! PAPA!

 

AIA MA KAHI

 

LEWERS & COOKE

 

(O LUI MA)

 

@A ke @

@ l@

 

PAPA NOUAIKI

 

O kela @ keia ano.

 

PaniPuka, na Puka Aniani, na Olepelepe

Na Pou, Na O@, Na Papa Hele, Na Papa

K@, A me na Pap@ Moe a@i loa

 

Na Pili o na Hale o na Ano a Pau

 

            A ME NA

 

WAI HOOHINUHINU NANI

 

O NA ANO A PAU LOA.

 

NA BALAKI ANO NUI WAL@.

 

A ke hai ia aku nei ka lono i na Makamaka a

pau, na makaukau keia mau Makamaka

o oukou e hoolawa aku ma

@a mea a pau e pili ana

ma ka lana oihana

 

NO KA

 

UKU KAAHAA LOA

 

E like me k@mea e nolo ana @iwaena

LAUA a me ka MEA KUAI.

 

HELE MAI E WAE NO OUKOU